PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୌଦ୍ଧ ପୋଲିସ ପକ୍ଷରୁ ଖଜୁରୀପଡା ଛକ ନିକଟରୁ ପିକପ ଭ୍ୟାନ ସହ ଚାରି କୁଣ୍ଟାଲ ଗଞ୍ଜେଇ ଜବତ ୨ ଗିରଫ
  • ||
  • ଭୁବନେଶ୍ଵର : ଛୋଟ ଛୁଆଙ୍କୁ କୋଭିଡ୍ ସଂକ୍ରମଣ ଆଶଙ୍କା କମ୍, ଛୋଟ ପିଲାଙ୍କ ମଧ୍ୟରେ ରହିଛି ୫୦ରୁ ୬୦ % ଆଣ୍ଟିବଡି – ନିରୋଜ ମିଶ୍ର
  • ||
  • ସୁନ୍ଦରଗଡ଼: ୧୫ ଗ୍ରାମର ବ୍ରାଉନସୁଗାର ଜବତ, ୫ ଗିରଫ
  • ||
  • ବାଲେଶ୍ୱର: ବାଲେଶ୍ୱର ମୁଖ୍ୟ ଚିକିତ୍ସାଳୟରେ ଆରମ୍ଭ ହେଲା ହାଇଦରର ପୋଷ୍ଟମର୍ଟମ, ମାଜିଷ୍ଟେ୍ରଟ୍‌ଙ୍କ ଉପସ୍ଥିତିରେ ​ପୋଷ୍ଟମର୍ଟମ କରିବେ​‌ ୩ ଜଣିଆ ଡାକ୍ତରୀ ଟିମ୍
  • ||
  • ରଙ୍ଗେଇଲୁଣ୍ଡା: ହଳଦିଆପଦର ନିକଟରେ ଟ୍ରାକ୍ଟର ସହ ଅଟୋ ଦୁର୍ଘଟଣା, ୩ ମହିଳା ମତ୍ସ୍ୟଜୀବୀ ଗୁରୁତର
  • ||
  • ସୋର: ହାଇଦର୍ ଏନ୍‌କାଉଣ୍ଟର ସ୍ଥଳରୁ ୨ଟି ଗୁଳି ଜବତ କଲା ପୋଲିସ ଓ ସାଇଣ୍ଟିଫିକ୍‌ ଟିମ୍‌
  • ||
  • ଭୁବନେଶ୍ୱର: ଓଡ଼ିଶାରେ ଆଉ ୬୭ଜଣଙ୍କ ଜୀବନ ନେଲା କରୋନା, ସାଢ଼େ ୫ ହଜାର ଟପିଲା ମୃତ୍ୟୁସଂଖ୍ୟା
  • ||
  • ଭୁବନେଶ୍ୱର: ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଭୁବନେଶ୍ୱର : ରାଜଧାନୀରେ କାୟା ମେଲାଉଛି ଡେଙ୍ଗୁ, ୧୨ ଦିନରେ ଆକ୍ରାନ୍ତଙ୍କ ସଂଖ୍ୟା ୨୫୦ ପାର୍
  • ||
  • ପାରଳାଖେମୁଣ୍ଡି : ଏସିଏଫ୍‌ ସୌମ୍ୟରଞ୍ଜନ ଡେଥ୍ ମିଷ୍ଟ୍ରି, ବଲାଙ୍ଗୀରରେ ପାରଳା ପୁଲିସର ୫ଜଣିଆ ଟିମ୍‌, ବିଦ୍ୟାଙ୍କ ପାର୍ଟି ସହ ସୌମ୍ୟ ମୃତ୍ୟୁର ଲିଙ୍କ୍‌ ଖୋଜିବ
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଜଳେଶ୍ଵର : ମନ୍ଦାର ଫୁଲ ଗଛ କଟାକୁ ନେଇ ଶଳାକୁ ଭିଣୋଇର ସଙ୍ଘବଦ୍ଧ ଆକ୍ରମଣ, ସଜ୍ଞାହୀନ ଅବସ୍ଥାରେ ନଦୀ କୂଳରୁ ଉଦ୍ଧାର
  • ||
  • ଭୁବନେଶ୍ୱର : ୨୮ରେ ପୁଣି ଏକ ଲଘୁଚାପ, ୨୭ରୁ ବଢ଼ିବ ବର୍ଷା
  • ||

ମାତା-ପିତାଙ୍କ ସମ୍ପତ୍ତି ଉପରେ ଝିଅଙ୍କର ବି ସମ୍ପୂର୍ଣ୍ଣ ଅଧିକାର ରହିବ – ସୁପ୍ରିମ୍‌କୋର୍ଟଙ୍କ ଐତିହାସିକ ନିଷ୍ପତ୍ତି

economictimes

ନୂଆଦିଲ୍ଲୀ – ସୁପ୍ରିମ୍‌କୋର୍ଟଙ୍କ ପୁଣି ଏକ ଐତିହାସିକ ନିଷ୍ପତ୍ତି । ମଙ୍ଗଳବାର ଦିନ ଦେଶର ସର୍ବୋଚ୍ଚ କୋର୍ଟ ଏହି ନିଷ୍ପତ୍ତି ଶୁଣାଇଛନ୍ତି କି ଝିଅମାନଙ୍କୁ ହିନ୍ଦୁ ଉତ୍ତରାଧିକାର ଅଧିନିୟମରେ ୨୦୦୫ର ସଂଶୋଧନ ଅନୁସାରେ ପୈତୃକ ସମ୍ପତି ଉପରେ ସଂପୂର୍ଣ୍ଣ ଅଧିକାର ରହିବ । ପୁଅଙ୍କ ସହ ସେମାନେ ବି ସମ୍ପତ୍ତିର ଭାଗ ନେଇପାରିବେ ।

ଉଲ୍ଲେଖନୀୟ ଯେ,  ହିନ୍ଦୁ ଉତ୍ତରାଧିକାର ( ସଂଶୋଧନ) ଅଧିନିୟମ ୨୦୦୫ଲାଗୁ ହେବା ପୂର୍ବରୁ ଯଦି ବାପାଙ୍କର ମୃତ୍ୟୁ ହୋଇଥାଏ,ତେବେ ମଧ୍ୟ ମାତା-ପିତାଙ୍କ ସମ୍ପତ୍ତି ଉପରେ ଝିଅଙ୍କର ଅଧିକାର ଅଛି । ଏଥିରୁ ତାଙ୍କୁ କେହି ବଞ୍ଚିତ କରିପାରିବେ ନାହିଁ । ଜଷ୍ଟିସ୍‌ ଅରୁଣ ମିଶ୍ରଙ୍କ  ଅଧ୍ୟକ୍ଷତାରେ ସର୍ବୋଚ୍ଚ କୋର୍ଟଙ୍କ  ୩ ଜଣିଆ ବିଚାରପତିଙ୍କ ବେଞ୍ଚ ଏହି ନିଷ୍ପତ୍ତି ଶୁଣାଇଛନ୍ତି ।

ସୂଚନା ଯେ, ୧୯୮୫ରେ ଯେବେ  ଏନ୍‌ଟି ରାମାରାଓ  ଆନ୍ଧ୍ର ପ୍ରଦେଶର ମୁଖ୍ୟମନ୍ତ୍ରୀ ଥିଲେ , ସେହି ସମୟରେ ସେ ପୈତୃକ ସମ୍ପତ୍ତି ଉପରେ  ଝିଅଙ୍କୁ  ସମାନ ଅଂଶୀଦାରର ଆଇନ୍‌ ପାସ୍‌ କରିଥିଲେ । ଏହାର ଠିକ୍‌ ୨୦ ବର୍ଷ ପରେ  ସଂସଦ ୨୦୦୫ରେ ପୁରା ଦେଶପାଇଁ ପୈତୃକ ସମ୍ପତ୍ତିରେ ପୁଅଙ୍କ ସହ ଝିଅମାନଙ୍କର ସମାନ ଭାଗ ରହିବାର ଆଇନ୍‌ ପାସ୍‌ କରିଥିଲେ । ଏହି ମାମଲା ଭଉଣୀ –ଭାଇ ମଧ୍ୟରେ  ସମ୍ପତ୍ତି ଭାଗବାଣ୍ଟର ଥିଲା ।

ସୁପ୍ରିମ୍‌କୋର୍ଟରେ ଭଉଣୀଙ୍କର ଗୁହାରୀ ଥିଲା ଯେ , ଭାଇମାନେ ନିଜର ଭଉଣୀକୁ ଏହା କହି ସମ୍ପତ୍ତିକୁ ସମାନ ଭାଗ କରିବାକୁ ମନା କରିଦେଇ ଥିଲେ କି  ପିତାଙ୍କ ମୃତ୍ୟୁ ୨୦୦୫ରେ ୯ ଡିସେମ୍ୱର ପୂର୍ବରୁ ହୋଇଥିଲା । ଏଣୁ ସଂଶୋଧନ ଏହି ମାମଲାରେ ଲାଗୁ ହେବ ନାହିଁ । 

ସୁପ୍ରିମ୍‌କୋର୍ଟ ନିଜର ନିଷ୍ପତ୍ତି ଜରିଆରେ  ଏହା ସ୍ପଷ୍ଟ କରିଛନ୍ତି କି ୯ ଡିସେମ୍ୱର ୨୦୦୫ପୂର୍ବରୁ ଯଦି କାହାର ପିତାଙ୍କର ମୃତ୍ୟୁ ହୋଇଯାଇଥିବ , ତେବେ ବି  ଝିଅମାନେ  ସଂପତ୍ତିରେ ପୁଅଙ୍କ ସହ ସମାନ ଅଧିକାର ପାଇବେ।

ଏହି ନିଷ୍ପତ୍ତିକୁ ଘୋଷଣା କରି , ଜଷ୍ଟିସ୍‌  ମିଶ୍ର  ଝିଅ ଓ ପୁଅଙ୍କୁ ସମାନ ଅଧିକାର ପ୍ରଦାନ କରିବା ଉପରେ ମହତ୍ତ୍ୱ ଦେଇଛନ୍ତି । ପିତା ଜୀବିତ ଥାଆନ୍ତୁ ବା ନଥାନ୍ତୁ , ହେଲେ ପୁଅ ଭଳି ଝିଅର ମଧ୍ୟ ପୈତୃକ ସମ୍ପତ୍ତିରେ ସମାନ ଅଧିକାର ରହିବ ।   

ସମ୍ବନ୍ଧିତ ଖବର