PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବରିଷ୍ଠ ଆଇପିଏସ୍‌ ସ୍ତରରେ ଅଦଳବଦଳ – ଯଶବନ୍ତ ଜେଠୱା ହେଲେ ନୂଆ ଭିଜିଲାନ୍ସ ନିର୍ଦ୍ଦେଶକ , ଅରୁଣ ବୋଥ୍ରା ପରିବହନ କମିଶନର
  • ||
  • ସରିଲା ଜମ୍ମୁ-କଶ୍ମୀର ପ୍ରସଙ୍ଗରେ ଗୁରୁତ୍ତ୍ୱପୂର୍ଣ୍ଣ ବୈଠକ , ପ୍ରଧାନମନ୍ତ୍ରୀ ମୋଦିଙ୍କ ଅଧ୍ୟକ୍ଷତାରେ ଚାଲିଥିଲା ବୈଠକ , ଉପସ୍ଥିତ ଥିଲେ ଜମ୍ମୁ-କଶ୍ମୀରର ୧୪ ନେତା
  • ||
  • ଭୁବନେଶ୍ବର: ଓମ୍‌ଫେଡ ଚାଷୀଙ୍କ ପାଇଁ ମୁଖ୍ୟମନ୍ତ୍ରୀଙ୍କ କୋଭିଡ ସହାୟତା, ଉପକୃତ ହେବେ ୧ ଲକ୍ଷ ୨୦ ହଜାର ଦୁଗ୍ଧ ଚାଷୀ
  • ||
  • କଟକ: ନକଲି ମେଡ଼ିସିନ ଜବତ ଘଟଣା, କଟକ ଜିଲ୍ଲା ଜଜ୍‌ଙ୍କ ଅଦାଲତରେ ହାଜର ହେଲା ମୁଖ୍ୟ ଅଭିଯୁକ୍ତ ଶିବ ପ୍ରସାଦ ଜେନା
  • ||
  • ପୁରୀ: ଗଜାନନ ବେଶରେ ଦର୍ଶନ ଦେଉଛନ୍ତି ଚତୁର୍ଦ୍ଧାମୂର୍ତ୍ତି, ଟିଭି ପରଦା ଦର୍ଶନ କରୁଛନ୍ତି ଭକ୍ତ
  • ||
  • ଖୋର୍ଦ୍ଧା: ଟାଙ୍ଗୀ ଟୋଲ ଗେଟ୍ ନିକଟରୁ ୧୦ ଲକ୍ଷ ଟଙ୍କାର ଗଞ୍ଜେଇ ଜବତ କଲା ଫ୍ଲାଇଙ୍ଗ ସ୍କ୍ବାର୍ଡ, ଚାଲାଣ କାରୀ ଗିରଫ
  • ||
  • ମାଲକାନଗିରି: ଜୟପୁର ୩୨୬ ନମ୍ୱର ଜାତୀୟ ରାଜପଥ ପାଙ୍ଗାମ ପୋଲ ତଳକୁ ଖସିପିଡ଼ିଲା କାର,୫ ଆହତ,୨ ଗୁରୁତର
  • ||
  • କଟକ: ଶୁକ୍ରବାର ସନ୍ଧ୍ୟା ୬ଟା ପରେ ପ୍ରକାଶ ପାଇବ ଚଳିତ ବର୍ଷର ମାଟ୍ରିକ୍ ରେଜଲ୍ଟ, ୨ଟି ୱେବସାଇଟରେ ଉପଲବ୍ଧ ହେବ ଫଳ
  • ||
  • ବାରିପଦା : ଦ୍ୱିତୀୟ ଶ୍ରୀକ୍ଷେତ୍ର ବାରିପଦାରେ ପବିତ୍ର ଦେବସ୍ନାନ ପୂର୍ଣ୍ଣିମା ନୀତି ଅନୁଷ୍ଠିତ, ୧୦୮ ଗରା ସୁବାସିତ ଜଳରେ ସ୍ନାନ କଲେ ଚତୁର୍ଦ୍ଧା ମୂର୍ତ୍ତି
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟାରେ ଚିହ୍ନଟ ହେଲେ ୩୬୫୦ କରୋନା ପଜିଟିଭ୍
  • ||
  • ପୁରୀ : ଏଥର ବି ସ୍ନାନପୂର୍ଣ୍ଣିମାରେ ଛେରା ପହଁରା କରିବେ ନାହିଁ ଗଜପତି ମହାରାଜ, ନୀତି ସମ୍ପାଦନ କରିବେ ମୁଦିରସ୍ତ
  • ||
  • ପୁରୀ : ଆଜି ଶ୍ରୀଜିଉଙ୍କ ସ୍ନାନଯାତ୍ରା, ୧୦୮ ଗରା ସୁବାସିତ ଜଳରେ ସ୍ନାନ କରିବେ ଚତୁର୍ଦ୍ଧାମୂର୍ତ୍ତି, ଟିଭି ପରଦାରେ ଅପୂର୍ବ ଗଜାନନ ବେଶ ଦର୍ଶନ କରିବେ ଭକ୍ତ
  • ||
  • ଭୁବନେଶ୍ୱର : ଆଜି ୧୦ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା, ୨୭ ଯାଏଁ ନିୟମିତ ବର୍ଷିପାରେ
  • ||

ଦରମା ସରକାରଙ୍କର, କାମ ଘରୋଇ ସଂସ୍ଥାର: ସରକାରୀ ଡାକ୍ତରଙ୍କୁ ନେଇ ଚାଲିଛି ‘ସହାୟ’ରେ ଡାୟାଲିସିସ୍‌

ଭୁବନେଶ୍ୱର,୨୧ ।୧(ବ୍ୟୁରୋ): ସର୍ତ୍ତ ଅନୁସାରେ ‘ସହାୟ’ ଯୋଜନାରେ ଯେଉଁ ଡାୟଲିସିସ୍‌ ହେଉଛି । ତା’ର ପରିଚାଳନା ଦାୟିତ୍ୱ ‘ସ୍ପନ୍ଦନ ହେଲଥ୍‌ କେୟାର’ କରିବା କଥା । ମାନବ ସମ୍ବଳଠୁ ଆରମ୍ଭ କରି ସବୁ ଖର୍ଚ୍ଚ ଘରୋଇ ସଂସ୍ଥା କରିବ ବୋଲି ବୁଝାମଣାପତ୍ରରେ ମଧ୍ୟ ସ୍ୱାକ୍ଷର କରିଛି । ହେଲେ ସବୁ ସର୍ତ୍ତକୁ ଖିଲାପ କରି ସଂସ୍ଥା ଆବଶ୍ୟକ ମାନବ ସମ୍ବଳ ନିଯୁକ୍ତି ଦେଇନି । ଯେଉଁ ଜଣେ ଡାକ୍ତରଙ୍କ ନାମ ଫଳକ ସେଣ୍ଟର ସାମ୍ନାରେ ମରାଯାଇଛି । ସେ ଡାକ୍ତର ଦିନେ ଆସିଲେ, ପାଞ୍ଚଦିନ ଆସୁନାହାନ୍ତି । ଏପଟେ ସଂସ୍ଥା ହସ୍ପିଟାଲର ୨ ଜଣ ଡାକ୍ତରଙ୍କୁ ନେଇ ଡାୟାଲିସିସ୍‌ କରୁଛନ୍ତି । ଆଉ ଏଥିରେ ସହଯୋଗୀ ପାଲଟିଛନ୍ତି ହସ୍ପିଟାଲ କର୍ତ୍ତୃପକ୍ଷ । ଏମିତି ବେଆଇନ୍‌ କାମ ବର୍ଷେ ହେଲା ଚାଲିଛି ।
ପୂର୍ବରୁ କ୍ୟାପିଟାଲ ହସ୍ପିଟାଲରେ ଡାୟାଲିସିସ୍‌ ହେଉଥିଲା । ସରକାର ମେସିନ୍‌ କିଣିଥିଲେ ଆଉ ଡାକ୍ତରଙ୍କୁ ବି ନିୟୋଜିତ କରିଥିଲେ । ହେଲେ ଗତବର୍ଷଠୁ ସରକାର ‘ସହାୟ’ ନାମରେ ଯୋଜନା ଆରମ୍ଭ କରି ସବୁ ଜିଲ୍ଲା ହସ୍ପିଟାଲରେ ଡାୟାଲିସିସ୍‌ ସୁବିଧା ଯୋଗାଇ ଦେଉଛନ୍ତି । ପିପିପି (ସରକାରୀ ଘରୋଇ ଭାଗିଦାରିତା) ରେ ଯୋଜନା ଏବେ କାର୍ଯ୍ୟକାରୀ ହେଉଛି । ବୁଝାମଣା ଅନୁସାରେ ସରକାର ମେସନ୍‌ କିଣି ଦେଇଥିବା ବେଳେ ବାକି ସବୁ ପରିଚଳନା ଘରୋଇ ସଂସ୍ଥା ହିଁ କରିବା କଥା । ସର୍ତ୍ତ ଅନୁସାରେ ସରକାର କ୍ୟାପିଟାଲ ହସ୍ପିଟାଲ ପାଇଁ ୮ ଟି ମେସିନ୍‌ କିଣି ଦେଲେ । ବାକି ମାନବ ସମ୍ବଳ ଯୋଗାଇବା ଦାୟିତ୍ୱ ହେଉଛି ସ୍ପନ୍ଦନ ହେଲଥ୍‌ କେୟାରର । ହେଲେ ସ୍ପନ୍ଦନ ହେଲଥ୍‌ କେୟାର ମାତ୍ର ଜଣେ ଡାକ୍ତରଙ୍କୁ ନିଯୁକ୍ତି ଦେଇଛି । କେବଳ ଜଣେ ଡାକ୍ତର ହିଁ ଏ ସବୁ ୮ ଟି ଯାକ ମେସିନ୍‌ ଚଲାଇବେ ଆଉ ଡାୟାଲିସିସ୍‌ କରିବେ । ଜଣେ ଲୋକ ଏତେ ସେଣ୍ଟରରେ ରହିବା ସମ୍ଭବ ନୁହେଁ । ତେଣୁ ସଂପୃକ୍ତ ଡାକ୍ତର ପାଳି କରି କ୍ୟାପିଟାଲ ହସ୍ପିଟାଲକୁ ଆସୁଥିବାର ନଜରକୁ ଆସୁଛି ।
ଏ ପଟେ କ୍ୟାପିଟାଲର ଡାକ୍ତର ପ୍ରତାପ କୁମାର ଦାସ ସବୁଦିନ ଡାୟାଲିସିସ୍‌ ୟୁନିଟ୍‌ରେ ବସୁଛନ୍ତି । ଡାକ୍ତର ଦାସ ମେଡିସିନ୍‌ ବିଭାଗ ସ୍ପେସିଆଲିଷ୍ଟ ସହ ନେଫ୍ରୋଲୋଜିର ସ୍ୱତନ୍ତ୍ର ତାଲିମ ନେଇଛନ୍ତି । ତାଙ୍କର ନିଯୁକ୍ତି ହସ୍ପିଟାଲର ଆଇସିୟୁ ପାଇଁ ହୋଇଛି । ତେବେ ହସ୍ପିଟାଲ ନିର୍ଦ୍ଦେଶକ ତାଙ୍କୁ ମେଡିସିନ୍‌ ଓପିଡିରେ ଡ୍ୟୁଟି କରିବାକୁ ନିର୍ଦ୍ଦେଶ ଦେଇଛନ୍ତି । ହେଲେ ଡାକ୍ତର ଦାସ ମେଡିସିନ୍‌ ୱାର୍ଡକୁ ନଯାଇ ଏବେ ଡାୟାଲିସିସ୍‌ ୟୁନିଟ୍‌ରେ ଡ୍ୟୁଟି କରୁଛନ୍ତି । ସରକାରୀ ଡ୍ୟୁଟି କରି ଘରୋଇ ସଂସ୍ଥାର ଦାୟିତ୍ୱରେ ଥିବା କାମକୁ କରୁଛନ୍ତି ଡା.ଦାସ ।
ଆଉ ଜଣେ ଡାକ୍ତର ବି ବି ରାଉତରାୟ କ୍ୟାପିଟାଲ ହସ୍ପିଟାଲ ଶିଶୁ ବିଭାଗ ପାଇଁ ଡେପୁଟେସନ୍‌ରେ ଆସିଛନ୍ତି । ନେଫ୍ରୋଲୋଜିର ସ୍ୱତନ୍ତ୍ର ତାଲିମ ନେଇଥିବାରୁ ସେ ମଧ୍ୟ ଡାୟାଲିସିସ୍‌ ୟୁନିଟ୍‌ରେ ବସୁଛନ୍ତି ।
ଏଠି ପ୍ରଶ୍ନ ଉଠୁଛି । ଏ ଡାକ୍ତର ଦୁଇଜଣ ଯାକ ସରକାରଙ୍କ ଠାରୁ ଟଙ୍କା ପାଉଥିବା ବେଳେ କେଉଁ ସ୍ୱାର୍ଥରେ ‘ସ୍ପନ୍ଦନ’ ପାଇଁ କାମ କରୁଛନ୍ତି । ସରକାର ଗୋଟିଏ ପଟେ ଡାକ୍ତରଙ୍କୁ ଦରମା ଦେଉଥିବା ବେଳେ ପୁଣି (ପରିଚାଳନା)ମାନବ ସମ୍ବଳ ପାଇଁ ଟଙ୍କା ଗଣୁଛନ୍ତି । ଏ ସବୁ ବେଆଇନ୍‌ କାମକୁ ବର୍ଷେ ହେଲା ହସ୍ପିଟାଲ କର୍ତ୍ତୃପକ୍ଷଙ୍କ ସମର୍ଥନ ରହିଛି । କେଉଁ ସ୍ୱାର୍ଥରେ ଦୁଇ ଡାକ୍ତରଙ୍କୁ ସହାୟ ପରିଚାଳନାରେ ଥିବା ‘ସହାୟ’ ସେଣ୍ଟରରେ କାମ କରିବାକୁ ଅନୁମତି ଦିଆଯାଇଛି । ଏହାକୁ ନେଇ ଏବେ ପ୍ରଶ୍ନବାଚୀ ସୃଷ୍ଟି ହୋଇଛି ।
ଏ ନେଇ ହସ୍ପିଟାଲ ଅଧୀକ୍ଷକ ଅଧୀକ୍ଷକ ଡାକ୍ତର ଅଶୋକ ପଟ୍ଟନାୟକ କୁହନ୍ତି, ‘ସହାୟ’ରେ ହସ୍ପିଟାଲର ଦୁଇ ଜଣ ଡାକ୍ତର ମୁତୟନ ହେଉଥିବା ମୋ ନଜରକୁ ଆସିଛି । ଆମର ମାନବ ସମ୍ବଳ ନଷ୍ଟ ହେଉଛି । ଡାକ୍ତର ଅଭାବ ରହୁଥିବା ବେଳେ ‘ସହାୟ’ରେ ଡାକ୍ତର ନିଯୁକ୍ତିର କୌଣସି ଆବଶ୍ୟକତା ନାହିଁ । ଖୁବ୍‌ଶୀଘ୍ର ସଂସ୍ଥାର ମ୍ୟାନେଜରଙ୍କୁ ଡାକି ଏ ନେଇ ଆଲୋଚନା କରାଯିବ ବୋଲି ଶ୍ରୀ ପଟ୍ଟନାୟକ କହିଛନ୍ତି ।

ସମ୍ବନ୍ଧିତ ଖବର