ମଧ୍ୟାହ୍ନ ଭୋଜନ ଭିତରୁ ବାହାରିଲା ମଲା ମୂଷା, ୯ ଛାତ୍ର ଅସୁସ୍ଥ

ମୁଜଫରନଗର,୩।୧୨: ଉତ୍ତର ପ୍ରଦେଶର ମୁଜଫରନଗରରେ ଥିବା ଏକ ଇଣ୍ଟର କଲେଜରେ ମଙ୍ଗଳବାର ମଧ୍ୟାହ୍ନରେ ପ୍ରଥମ ଶ୍ରେଣୀର ଛାତ୍ର-ଛାତ୍ରୀଙ୍କୁ ଦିଆଯାଇଥିବା ମିଡ୍-ଡେ ମିଲରୁ ମିଳିଛି ମଲା ମୂଷା। ଏହାପରେ ଛାତ୍ରଛାତ୍ରୀଙ୍କ ସ୍ବାସ୍ଥ୍ୟବସ୍ଥା ଖରାପ ହୋଇଯାଇଥିଲା। ସେମାନଙ୍କୁ ତୁରନ୍ତ ନିକଟସ୍ଥ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା। ଚିକିତ୍ସକଙ୍କ କହିବା ଅନୁସାରେ, ପିଲାଙ୍କ ସ୍ବାସ୍ଥ୍ୟବସ୍ଥା ଏବେ ଠିକ୍ ଅଛି।

ମିଳିଥିବା ସୂଚନା ଅନୁସାରେ, ଇଣ୍ଟର କଲେଜ୍ ପଚେଡାରେ ୬ଷ୍ଠ ଶ୍ରେଣୀର ଛାତ୍ରଙ୍କୁ ଦିଆଯାଇଥିବା ମିଡ୍-ଡେ ମିଲ ଭିତରୁ ମଲା ମୂଷା ବାହାରିଥିଲା। ମଙ୍ଗଳବାର ମଧ୍ୟାହ୍ନରେ ମିଡ୍ ଡେ ମିଲ୍ ବାଣ୍ଟୁଥିବା ସଂସ୍ଥା ଯୁବ କଲ୍ୟାଣ ସେବା ସମିତି ପକ୍ଷରୁ ମିଡ୍ ଡେ ମିଲରେ ଭାତ-ଡାଲି ପଠାଯାଉଥିଲା।

ମିଡ୍ –ଡେ ମିଲର ଡାଲି ଭିତରେ ମୃତ ମୂଷା ଦେଖି ପିଲାମାନେ ଭୟଭୀତ ହୋଇପଡିଥିଲେ। ଯେତେବେଳେ ଏହି ମଲା ମୂଷା ଦେଖିବାକୁ ମିଳିଥିଲା ସେତେବେଳ ପର୍ଯ୍ୟନ୍ତ ୯ ଜଣ ପିଲା ଓ ଜଣେ ଶିକ୍ଷକ ମିଡ୍-ଡେ ମିଲ୍ ଖାଇସାରିଥିଲେ। ଅନ୍ୟପକ୍ଷେ ଖାଦ୍ୟ ଔଷଧ ପ୍ରଶାସନ ବିଭାଗ ଘଟଣାସ୍ଥଳରେ ଯାଇ ମିଡ୍ –ଡେ ମିଲକୁ ଜବତ କରିବାର ନମୁନା ନେଇଛି। ସମସ୍ତ ୯ଜଣ ପିଲା ଓ ଶିକ୍ଷକଙ୍କୁ ଜିଲ୍ଲା ଚିକିତ୍ସାଳୟକୁ ପଠାଇ ଔଷଧ ଓ ଇଞ୍ଜେକସନ୍ ଲଗାଇ ଘରକୁ ପଠାଇ ଦିଆଯାଇଛି। ଏସଡିଏମ ସଦର ନୀଜର ମଲିକ ଏହି ସମ୍ପୂର୍ଣ୍ଣ ମାମଲାର ତଦନ୍ତ ନିର୍ଦେଶ ଦେଇଛନ୍ତି।

   ସମ୍ବନ୍ଧିତ ଖବର


ବିଶ୍ୱ ବିଦ୍ୟାଳୟ ଓ ମହାବିଦ୍ୟାଳୟମାନଙ୍କୁ ଫାଇନାଲ୍‌ ପରୀକ୍ଷା କରିବା ପାଇଁ କେନ୍ଦ୍ର ଗୃହ ମନ୍ତ୍ରାଳୟ ଦେଲେ ଅନୁମତି

ସ୍ତ୍ରୀ ରାଜନୀତିରେ , ପୁଅ ଇଂଲଣ୍ଡରେ ପଢୁଛନ୍ତି MBBS: ୮ଜଣ ପୁଲିସଙ୍କୁ ମାରି ବାପା ଫେରାର୍

କରୋନା ପଜିଟିଭ ଜଣାପଡିବା ପରେ ହସ୍ପିଟାଲର ଚତୁର୍ଥ ମହଲାରୁ ଡେଇଁ ଆତ୍ମହତ୍ୟା କଲେ ସାମ୍ବାଦିକ

Mylan ଭାରତରେ ଲଞ୍ଚ କଲା କୋଭିଡ୍-୧୯ର ଔଷଧ, ଜାଣନ୍ତୁ କେତେ ରହିଛି ଏହାର ଦାମ୍

ସୁଶାନ୍ତଙ୍କ ମୃତ୍ୟୁର ସିବିଆଇ ତଦନ୍ତ ନେଇ ପ୍ରଧାନମନ୍ତ୍ରୀ ମୋଦିଙ୍କୁ ନିବେଦନ, ଟୁଇଟରରେ ଟ୍ରେଣ୍ଡ କଲା #PMModiCBIForSSR

ସୁଶାନ୍ତ ସିଂ ମାମଲା : ବାନ୍ଦ୍ରା ପୋଲିସ ଷ୍ଟେସନରେ ସଞ୍ଜୟ ଲୀଲା ଭନ୍‌ସାଲୀ, ଚାଲିଛି ପଚରାଉଚରା