PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ: ଜ୍ଞାନବ୍ୟାପୀ ମସଜିଦ୍‌ ବିବାଦ। ୩୦ରେ ଦୁଇ ପକ୍ଷଙ୍କୁ ମିଳିପାରେ ସର୍ଭେ ଭିଡିଓ। ଜ୍ଞାନବ୍ୟାପୀ ସର୍ଭେ ଭିଡିଓକୁ ନେଇ ଜିଲ୍ଲା କୋର୍ଟଙ୍କ ନିର୍ଦ୍ଦେଶ। ଆସନ୍ତା ୩୦ରୋ ଦୁଇ ପକ୍ଷଙ୍କୁ ମିଳିପାରେ ଭିଡିଓ।
  • ||
  • କଟକ : ଅନୁଭବ ଓ ବର୍ଷାଙ୍କୁ ହାଇକୋର୍ଟଙ୍କ କଡ଼ା ତାଗିଦ୍, ସୋସିଆଲ ମିଡିଆରେ ପରସ୍ପରକୁ ଆକ୍ଷେପ ନ କରିବାକୁ ନିର୍ଦ୍ଦେଶ
  • ||
  • ସୋର: ରାସ୍ତାରେ ହଟହଟା ହେଲେ ଖଇରା ବିଦ୍ୟୁତ୍ ବିଭାଗ ଏସଡିଓ, ଅସ୍ଥାୟୀ ମିଟର ରିଡର କର୍ମଚାରୀଙ୍କ ବହିଷ୍କାର ଆଶଙ୍କାରେ ଆକ୍ରୋଶର ଶିକାର…
  • ||
  • ଭୁବନେଶ୍ବର: ଟିଚିଂ ହସ୍ପିଟାଲ ଭାବେ ଘୋଷଣା ହେଲା କ୍ୟାପିଟାଲ ହସ୍ପିଟାଲ, ଆଗାମୀ ୫୦ ବର୍ଷକୁ ଦୃଷ୍ଟିରେ ରଖି ରାଜ୍ୟ ସରକାରଙ୍କ ମାଷ୍ଟର ପ୍ଲାନ୍, ୨୮୫ କୋଟି ଅନୁମୋଦନ…
  • ||
  • ଭୁବନେଶ୍ୱର: ପେଟ୍ରୋଲିୟମ ଡିଲର୍ସ ଆସୋସିଏସନର ପକ୍ଷରୁ ଦୁଇ ଦିନିଆ ଧର୍ମଘଟ, ସନ୍ଧ୍ୟା ୬ରୁ ସକାଳ ୬ ବନ୍ଦ ରହିବ ସମସ୍ତ ପେଟ୍ରୋଲ ଟାଙ୍କି
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ଆକ୍ଟିଭ କେସ୍, ୨୪ ଘଣ୍ଟା ମଧ୍ୟରେ ବାହାରିଲେ ୦୯ ଜଣ କରୋନା ପଜିଟିଭ
  • ||
  • ଭୁବନେଶ୍ୱର: ‘କୋକୋ’ ଆପ୍‌ରେ ଋଣ ଠକେଇ ମାମଲା : ଦିଲ୍ଲୀରୁ ଧରାପଡି଼ଲା ମୁଖ୍ୟ କାର୍ପଟଦାର ରାମ, ୧୦୫୮ ଭର୍ଚୁଆଲ୍‌ ବ୍ୟାଙ୍କ ଆକାଉଣ୍ଟ ଫ୍ରିଜ୍
  • ||
  • ଚିଲିକା : ଯାତ୍ରୀବାହୀ ଡଙ୍ଗାର ଭାଙ୍ଗିଲା ମେସିନ୍ ସ୍ଲାବ, ଚିଲିକା ମଝିରେ ଅଟକିଲେ ୪୦ରୁ ଅଧିକ ଯାତ୍ରୀ
  • ||
  • କଟକ: ଅନୁଭବ-ବର୍ଷା ବିବାହ ବିବାଦ: “ବର୍ଷା ନିଜେ ଚଲାଉଛନ୍ତି ଫ୍ୟାନ୍‌ କ୍ଲବ୍‌ ପେଜ୍‌’
  • ||
  • ଭୁବନେଶ୍ୱର: ଆସିବ ସ୍ୱଚ୍ଛତା, ଲୋକଙ୍କୁ ମିଳିବ ସୁବିଧା: ଆଜିଠୁ ଅନ୍‌ଲାଇନ୍‌ରେ ହୋଲ୍ଡିଂ ଟ୍ୟାକ୍ସ ଆଦାୟ କରିବ ବିଏମ୍‌ସି
  • ||
  • ସୁନ୍ଦରଗଡ : ଓସିଏଲ୍‌ ଆଇରନ କାରଖାନାରୁ ଲୁହା ଚୋରି କରୁଥିଲା ଚୋର, ଛାତରୁ ପଡି ଚାଲିଗଲା ଜୀବନ
  • ||
  • ଭୁବନେଶ୍ୱର: ଟ୍ରାଫିକ୍‌ ଯନ୍ତ୍ରଣାରୁ ମିିଳିବ ମୁକ୍ତି: ଜୟଦେବ ବିହାରରୁ ନନ୍ଦନକାନନ ମଧ୍ୟରେ ନିର୍ମାଣ ହେବ ସବୁଠାରୁ ଦୀର୍ଘତମ ଫ୍ଲାଏଓଭର
  • ||

ମିଳିଲାନି ଚାରି କାନ୍ଧ: ଠେଲା ରିକ୍ସାରେ ଗଲା ବାଳକର ଶବ

ମୁନିଗୁଡ଼ା,୨/୨: ଶବ ବୋହିବା ଲାଗି ମିଳିଲାନି ଚାରି କାନ୍ଧ । ଗରିବ ପରିବାର ବୋଲି ପାଖକୁ କେହି ଆସିଲେନି । ଶେଷରେ ଜଣେ ବାଳକ ମୃତ ଦେହ ଠେଲା ରିକ୍ସାରେ ବୁହା ହୋଇ ଶ୍ମଶାନକୁ ଗଲା । ଏଭଳି ଅଭାବନୀୟ ଓ ଦୁଃଖଦ ଘଟଣା ଦେଖିବାକୁ ମିଳିଛି ରାୟଗଡ଼ା ଜିଲ୍ଲା ମୁନିଗୁଡା ବ୍ଲକ ସଦର ମହାକୁମାରେ । ପୁଅକୁ ହରାଇ ଦୁଃଖରେ ଭାଙ୍ଗି ପଡ଼ିଛନ୍ତି ମାଆ । ଶକୁନ୍ତଳା ମହାରଣା । ମୃତ ବାଳକ ନାଁ ପିଂଟୁ(୧୨) । ମୁନିଗୁଡ଼ା ସହରରେ ଶକୁନ୍ତଳା ୧୨ ବର୍ଷର ପୁଅ ପିଂଟୁ ଓ ୬ ବର୍ଷର ଝିଅକୁ ନେଇ ରୁହନ୍ତି । ୬ବର୍ଷ ତଳେ ସ୍ୱାମୀ କୁମ୍ଭ ମହାରଣାଙ୍କର ମୃତ୍ୟୁ ଘଟଣା ଘଟିବା ପରେ ସେ ଅସହାୟ ହୋଇପଡ଼ିଛନ୍ତି । ଅଭାବ ଅନଟନରେ ଦୁଇ ପିଲାଙ୍କ ପେଟକୁ ଦାନା ଏକ ପ୍ରକାର ଅସମ୍ଭବ ହୋଇ ପଡ଼ିଥିଲା ଶକୁନ୍ତଳାଙ୍କ ପାଇଁ । ସ୍ଥାନୀୟ ଲୋକଙ୍କ କହିବାନୁଯାୟୀ, କିଛି ବର୍ଷ ତଳେ କୁମ୍ଭ ଓ ତାଙ୍କ ପରିବାର ଏଠାକୁ ଆସିଥିଲେ । ମୁନିଗୁଡ଼ା ସହରର ବିିଭିନ୍ନ ମନ୍ଦିର ବାରଣ୍ଡାରେ ସେମାନେ ଆଶ୍ରୟ ନିଅନ୍ତି । ମନ୍ଦିର ପରିସର ସଫା କରନ୍ତି । ଯିଏ ଯାହା ଦେଲା ସେତିକିରେ ଚଳନ୍ତି । ଏବେ କିଛି ବର୍ଷ ହେଲା ଶକୁନ୍ତଳା ସ୍ଥାନୀୟ ଜଗନ୍ନାଥ ମନ୍ଦିର ବାରଣ୍ଡାରେ ରହୁଥିଲେ । ମନ୍ଦିର ଓ ଏହାର ଆଖପାଖ ସଫାସୁତୁରା କରି ଗୁଜୁରାଣ ମେଂଟାଉଥିଲେ । କିଛି ବର୍ଷ ହେଲା ପୁଅ ପିଂଟୁ ବାତ ରୋଗରେ ଆକ୍ରାନ୍ତ ହୋଇ ହୋଇ ଚିକିତ୍ସିତ ହେଉଥିଲେ । ପିଂଟୁର ଚିକିତ୍ସା ପାଇଁ ଜିଲ୍ଲାପାଳଙ୍କ ଅଭିଯୋଗ ପ୍ରକୋଷ୍ଠରେ ତାଙ୍କ ମା ବାରମ୍ବାର ଗୁହାରି କରିଥିଲେ । କିନ୍ତ ପ୍ରଶାସନ ପକ୍ଷରୁ କୋ÷ଣସି ସହାୟତା ଯୋଗାଇ ଦିଆଯାଇନଥିଲା । ଆଜି ସକାଳେ ହଠ।।ତ୍ ପିଂଟୁର ମୃତ୍ୟୁ ହୋଇଥିଲା । ପରିବାରରେ କେହି ପୁରୁଷ ଲୋକ ନ ଥିବାରୁ ଶବ ବୋହିଲା ଲାଗି ମିଳିଲାନି ଚାରି କାନ୍ଧ । ଅସହାୟ ଶକୁନ୍ତଳା ଶେଷର ନିରୂପାୟ ହୋଇ ପୁଅର ଶବକୁ ଶ୍ମଶାନ ନେବା ଲାଗି ଏକ ଠେଲା ରିକ୍ସାକୁ ଡ଼କାଇଥିଲା । ଠେଲା ରିକ୍ସାରେ ପିଂଟୁର ଶବକୁ ବୋହି ଶ୍ମଶାନକୁ ନେଉଥିଲେ । ସ୍ଥାନୀୟ କିଛି ଲୋକ ଦେଖଇ ତାଙ୍କୁ ଅସହାୟ କରି ଠେଲାଗାଡ଼ି ବୋହି ନେଇଥିଲେ । ସେଠାରେ ଗାତ ଖୋଳି ପୋତି ଦିଆଯାଇଥିଲା । ଏକମାତ୍ର ପୁଅକୁ ହରାଇ ଶକୁନ୍ତଳା ଦୁଃଖରେ ଭାଙ୍ଗି ପଡ଼ିଛନ୍ତି । ପାଗଳିଙ୍କ ପରି ମାଟି ଅଣ୍ଡାଳି ପକାଉଥିଲେ । ପୁଅକୁ ହରାଇବା ଦୁଃଖଠାରୁ ଶବକୁ କାନ୍ଧ ନ ମିଳିବା ଘଟଣା ତାଙ୍କୁ ବେଶି ବାଧିଛି । ଠେଲା ରିକ୍ସାରେ ଶବ ବୁହାଯିବା ଘଟଣାକୁ ନେଇ ଅଂଚଳବାସୀ ପ୍ରଶାସନିକ କାର୍ଯ୍ୟକୁ ନିନ୍ଦା କରିଛନ୍ତି ।
ବିଡ଼ିଓ ଦିଲ୍ଲୀପ କୁମାର ବେହେରା କହିଛନ୍ତି, ଏ ସମ୍ପର୍କରେ ତାଙ୍କ ପାଖରେ କୋ÷ଣସି ଖବର ନାହିଁ । ଏଭଳି ଦୁଃଖଦ ଘଟଣାକୁ ନେଇ ସେ କ୍ଷୋଭ ପ୍ରକାଶ କରିବା ସହ ପଂଚାୟତ ତରଫରୁ ହରିଶ୍ଚନ୍ଦ୍ର ଯୋଜନାରେ ଟଙ୍କା ପ୍ରଦାନ କରାଯିବା ସହ ଅନ୍ୟାନ୍ୟ ସରକାରୀ ସହାୟତା ଯୋଗାଇ ଦିଆଯିବ ବୋଲି ସେ କହିଛନ୍ତି ।