PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମାଲକାନଗିରି ଜିଲ୍ଲାପାଳଙ୍କ ନାମରେ ଟେଣ୍ଡର ଫିକସିଙ୍ଗ ଓ ଗ୍ରାନାଇଟ ପଥର ଖଣିଲିଜରେ ଦୁର୍ନୀତିର ଅଭିଯୋଗ ଆଣିଲେ ପୁର୍ବତନ ସାଂସଦ ତଥା ପିସିସି କାର୍ଯ୍ୟକାରୀ ସଭାପତି ପ୍ରଦୀପ ମାଝୀ
  • ||
  • କଟକ: ଦୁଷ୍କର୍ମ ମାମଲ, ୧୪ ବର୍ଷ ପରେ ଆଜୀବନ କାରାଦଣ୍ଡ ଆସାମୀ ନିର୍ଦୋଷରେ ଖଲାସ
  • ||
  • ବଲାଙ୍ଗୀର: ମୂଲ୍ୟବାନ ଖଇର ଗଣ୍ଡି ଓ ଗାଡି ଜବତ କଲା ବନ ବିଭାଗ, ଡ୍ରାଇଭର ଫେରାର
  • ||
  • କୋରାପୁଟ: ବାଇକ୍ ଚୋର ଗ୍ୟାଙ୍ଗକୁ ଧରିବା ସଫଳ ହେଲା କୋରାପୁଟ ଟାଉନ ଥାନା ପୋଲିସ, ୧୫ ବାଇକ୍‌ ଉଦ୍ଧାର, ୩ ଚୋର ଗିରଫ
  • ||
  • ଜଗତସିଂହପୁର: ଅଲିପିଙ୍ଗଳ ବାଲିଘାଟରେ ପୁଣି ଚଢ଼ଉ କଲେ ତହସିଲଦାର , ୭ରୁ ଅଧିକ ହାଇଓ୍ବା ଜବତ, ମାଲିକ ମହଲରୁ ତେଜୁଛି ଅସନ୍ତୋଷ
  • ||
  • ଭୁବନେଶ୍ୱର : ଓଡ଼ିଶାରେ ଚିନ୍ତା ବଢ଼ାଉଛି ମୃତ୍ୟୁ ସଂଖ୍ୟା, ୨୪ ଘଣ୍ଟାରେ ଆଉ ୩୮ ଜଣଙ୍କ ଜୀବନ ନେଲା କରୋନା
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟାରେ ଚିହ୍ନଟ ହେଲେ ୨୯୫୭ କରୋନା ପଜିଟିଭ୍
  • ||
  • ପୁରୀ : ସ୍ନାନ ପୂର୍ଣ୍ଣିମା ପାଇଁ ପୁରୀରେ ୧୪୪ ଧାରା, ୨୩ ତାରିଖ ରାତି ୧୦ଟାରୁ ୨୫ ତାରିଖ ଭୋର ୨ଟା ଯାଏଁ କଟକଣା
  • ||
  • ପୁରୀ : ଏବର୍ଷ ୩ ଦିନ ନବଯୌବନ ଦର୍ଶନ, ଆଜି ଶ୍ରୀମନ୍ଦିରରେ ଦଇତାପତି ସେବାୟତଙ୍କ ପ୍ରବେଶ, ୨୩ରେ ସେନାପଟା ଲାଗି ନୀତି
  • ||
  • ଭୁବନେଶ୍ୱର : ଓଡ଼ିଶାର ୭ ଜିଲ୍ଲାରେ ନିଅଣ୍ଟିଆ ବର୍ଷା, ଆଜି ୧୨ ଜିଲ୍ଲାରେ ଘଡ଼ଘଡ଼ି ସହ ବର୍ଷା ସମ୍ଭାବନା, ୟେଲୋ ୱାର୍ଣ୍ଣିଂ ଜାରି
  • ||

ରଦ୍ଦ ହେବନି ଡେଥ୍ ଓ୍ବାରେଣ୍ଟ, ଆସନ୍ତାକାଲି ସକାଳେ ଫାଶୀ ପାଇବେ ନିର୍ଭୟା ଦୋଷୀ

ନୂଆଦିଲ୍ଲୀ,୨।୩: ନିର୍ଭୟା ଗଣଦୁଷ୍କର୍ମ ଓ ହତ୍ୟା ମାମଲାର ଦୋଷୀ ପଓ୍ବନ କୁମାରକୁ ସୁପ୍ରିମକୋର୍ଟଙ୍କ ନିକଟରୁ ଆଜି ଲାଗିଛି ବଡ ଝଟକା। ସୁପ୍ରିମକୋର୍ଟ ପଓ୍ବନ କୁମାରର କ୍ୟୁରେଟିଭ ପିଟିସନକୁ ଖାରଜ କରିଦେଇଛନ୍ତି। ସୁପ୍ରିମକୋର୍ଟଙ୍କ ରାୟ ପରେ ଦୋଷୀ ଅକ୍ଷୟ ଓ ପଓ୍ବନ ପକ୍ଷରୁ କରାଯାଇଥିବା ଆବେଦନକୁ ପଟିୟାଲା ହାଉସକୋର୍ଟ ଖାରଜ କରିଦେଇଛନ୍ତି। ଯାହାଫଳରେ ଆସନ୍ତାକାଲି ନିର୍ଭୟା ଦୋଷୀଙ୍କୁ ଫାଶୀ ମିଳିବାର ବାଟ୍ ଏକପ୍ରକାର ପରିଷ୍କାର ହୋଇଛି।

ଏହା ଭିତରେ ଦୋଷୀ ପଓ୍ବନର ଓକିଲ ଏପି ସିଂ ପୁଣିଥରେ ପଟିୟାଲା ହାଉସକୋର୍ଟ ପହଁଞ୍ଚି ଯାଇଛନ୍ତି ଓ ତାଙ୍କର କହିବା ଅନୁସା​‌ରେ ଡେଥ୍ ଓ୍ବାରେଣ୍ଟ ଉପରେ ରୋକ୍ ଲଗାଯିବା ଦରକାର। କାରଣ ପଓ୍ବନ ରାଷ୍ଟ୍ରପତିଙ୍କ ନିକଟରେ ରାଜକ୍ଷମା ଆବେଦନ କରିଛି, ଯାହାକି ଏବେ ବିଚାରଧୀନ ରହିଛି। ଏହି ମାମଲାରେ ମଧ୍ୟାହ୍ନ ୨ଟା ବେଳେ ଶୁଣାଣୀ ହେବ। ଯଦିଓ ନିର୍ଭୟାଙ୍କ ମା’ଙ୍କର କହିବା ଅନୁସାରେ ଗତକାଲି ଦୋଷୀଙ୍କୁ ଫାଶୀ ହେବ।

ପଓ୍ବନ କୁମାର ଏକମାତ୍ର ଦୋଷୀ, ଯାହା ପାଖରେ କିଛି ଆଇନଗତ ବିକଳ୍ପ ରହିଥିଲା। ଏଥିରେ କ୍ୟୁରେଟିଭ ପିଟିସନକୁ ସୁପ୍ରିମକୋର୍ଟ ଆଜି ଖାରଜ କରିଦେଇଛନ୍ତି। ଏବେ କେବଳ ରାଜକ୍ଷମା ଆବେଦନର ବାଟ ରହିଛି। ପଓ୍ବନର ଓକିଲ ଏପି ସିଂ ପଟିୟାଲା ହାଉସକୋର୍ଟରେ କହିଛନ୍ତି, ଆମେ ରାଷ୍ଟ୍ରପତିଙ୍କ ନିକଟରେ ରାଜକ୍ଷମା ଆବେଦନ ଦାଖଲ କରିଛୁ।

ଦୋଷୀ ପଓ୍ବନର କ୍ୟୁରେଟିଭ ପିଟିସନ୍  ଉପରେ ସୋମବାର   ଜଷ୍ଟିସ୍ ଏନ୍. ଭି ରମନ୍ନାଙ୍କ ନେତୃତ୍ବରେ ଜଷ୍ଟିସ୍ ଅରୁଣ ମିଶ୍ର, ଜଷ୍ଠିସ୍ ନରିମନ୍, ଜଷ୍ଟିସନ୍ ଭାନୁମତି ଓ ଜଷ୍ଟିସ୍ ଅଶୋକ ଭୂଷଣଙ୍କ ଖଣ୍ଡପୀଠ ଶୁଣାଣି କରିଥିଲେ। ଖଣ୍ଡପୀଠ ପଓ୍ବନର ଆବେଦନକୁ ଖାରଜ କରିଦେଇଛନ୍ତି। ଏହା ପୂର୍ବରୁ ସୁପ୍ରିମକୋର୍ଟ ନିର୍ଭୟାଙ୍କ ୩ ଦୋଷୀ ଅକ୍ଷୟ, ବିନୟ ଓ ମୁକେଶର କ୍ୟୁରେଟିଭ ପିଟିଶନ୍ ଖାରଜ କରିସାରିଛନ୍ତି।

ଶୁଣାଣି ପୂର୍ବରୁ ନିର୍ଭୟାଙ୍କ ମା’ ଆଶାଦେବୀ କହିଥିଲେ, ମୁଁ ୭ ବର୍ଷ ୩ ମାସ ହେବ ସଂଘର୍ଷ କରୁଛି। ସେମାନେ କହୁଛନ୍ତି, ଆମକୁ କ୍ଷମା କରିଦିଅ। କେହି କହୁଛି ମୋର ସ୍ତ୍ରୀ ଓ ପିଲାଙ୍କ ଭୁଲ କ’ଣ। ମୁଁ କହୁଛି ମୋର ଝିଅର ଭୁଲ କ’ଣ ଥିଲା? ଉଲ୍ଲେଖନୀୟ ଯେ,ନିର୍ଭୟା ଦୋଷୀଙ୍କୁ ଫାଶୀରେ ଚଢାଇବା ପାଇଁ ୩ ଥର ଡେଥ୍ ଓ୍ବାରେଣ୍ଟଜାରି କରାଯାଇଛି।  ତୃତୀୟ ଡେଥ୍ ଓ୍ବାରେଣ୍ଟ ଅନୁସାରେ, ନିର୍ଭୟାଙ୍କ ୪ ଦୋଷୀଙ୍କୁ ୩ ମାର୍ଚ୍ଚ ବା ଆସନ୍ତାକାଲି ସକାଳ ୬ଟା ବେଳେ ଫାଶୀ ଦିଆଯିବ।

ସମ୍ବନ୍ଧିତ ଖବର