ନୂଆଦିଲ୍ଲୀ,୨୭/୦୪: ଆଇପିଏଲ୍ ୨୦୨୪ର ୪୩ ତମ ମ୍ୟାଚ୍ରେ ଦିଲ୍ଲୀ କ୍ୟାପିଟାଲ୍ସ ମୁମ୍ବାଇ ଇଣ୍ଡିଆନ୍ସକୁ ପରାଜିତ କରିଛି। ଜିତିବା ପାଇଁ ମୁମ୍ବାଇ ଇଣ୍ଡିଆନ୍ସ ଆଗରେ ୨୫୮ ରନ୍ ଲକ୍ଷ୍ୟ ଥିଲା, କିନ୍ତୁ ହାର୍ଦ୍ଦିକ ପାଣ୍ଡ୍ୟାଙ୍କ ଦଳ ୨୦ ଓଭରରେ ୯ ୱିକେଟ୍ ହରାଇ ମାତ୍ର ୨୪୭ ରନ୍ ସ୍କୋର କରିପାରିଛି। ଏହିପରି ଭାବେ ଋଷଭ ପନ୍ତଙ୍କ ଅଧିନାୟକତ୍ବରେ ଦିଲ୍ଲୀ କ୍ୟାପିଟାଲ୍ସ ୧୦ ରନ୍ରେ ଜିତିଥିଲା। ଏହି ବିଜୟ ପରେ ଦିଲ୍ଲୀ କ୍ୟାପିଟାଲ୍ସ ୧୦ ଟି ମ୍ୟାଚ୍ରେ ୧୦ ପଏଣ୍ଟ ପାଇଛି। ସେପଟେ ମୁମ୍ବାଇ ଇଣ୍ଡିଆନ୍ସ ୯ ଟି ମ୍ୟାଚରେ ମାତ୍ର ୬ ପଏଣ୍ଟ ପାଇଛି। ଏହି ପରାଜୟ ପରେ ମୁମ୍ବାଇ ଇଣ୍ଡିଆନ୍ସର ପ୍ଲେ ଅଫ୍ ଆଶାକୁ ଏକ ବଡ଼ ଝଟ୍କା ଲାଗିଛି।
ମୁମ୍ବାଇ ଇଣ୍ଡିଆନ୍ସ ପାଇଁ ତିଲକ ବର୍ମା ୩୨ ବଲ୍ରେ ସର୍ବାଧିକ ୬୩ ରନ ସ୍କୋର କରିଥିଲେ। ସେ ତାଙ୍କ ଇନିଂସରେ ୪ ଚୌକା ଓ ୪ଟି ଛକା ମାରିଥିଲେ। ହାର୍ଦ୍ଦିକ ପାଣ୍ଡ୍ୟା ୨୪ ବଲରେ ୪୬ ରନ୍ର ଏକ ଭଲ ଇନିଂସ ଖେଳିଥିଲେ। ମୁମ୍ବାଇ ଇଣ୍ଡିଆନ୍ସର ଅଧିନାୟକ ତାଙ୍କ ଇନିଂସରେ ୪ ଚୌକା ଓ ୩ ଛକା ଯୋଡ଼ିଥିଲେ। ଏହା ବ୍ୟତୀତ ଟିମ ଡେଭିଡ ୧୭ ଟି ବଲରେ ୩୭ ରନ୍ ସଂଗ୍ରହ କରି ୨ ଚୌକା ଓ ୩ ଛକା ସହାୟତାରେ କରିଥିଲେ। ୧୪ ଟି ବଲରେ ୨୦ ରନ୍ ସ୍କୋର କରିବା ପରେ ଇଶାନ କିଶନ ପାଭିଲିୟନକୁ ଫେରିଥିଲେ। ରୋହିତ ଶର୍ମା ୮ ବଲରେ ୮ ରନ୍ ସ୍କୋର କରିଥିଲେ। ୧୩ ବଲରେ ୨୬ ରନ୍ ସ୍କୋର କରିବା ପରେ ସୂର୍ଯ୍ୟକୁମାର ଯାଦବ ଖାଲିଲ ଅହମ୍ମଦଙ୍କ ଶିକାର ହୋଇ ପାଭିଲିୟନ ଫେରିଥିଲେ।