ନୂଆଦିଲ୍ଲୀ ୨୬/୧: ଦିଲ୍ଲୀ ବିଧାନସଭା ନିର୍ବାଚନୀରେ ୩ ପ୍ରମୁଖ ଦଳ ଆପ୍, କଂଗ୍ରେସ ଏବଂ ବିଜେପିରୁ ମୋଟ ୧୬୪ ଜଣ କୋଟିପତି ପ୍ରାର୍ଥୀ ନିର୍ବାଚନୀ ମୈଦାନକୁ ଓହ୍ଲାଇଛନ୍ତି । ୨୦୧୫ରେ ଏହି ସଂଖ୍ୟା ୧୪୩ ଥିଲା । ଏଭଳି ପ୍ରାର୍ଥୀମାନଙ୍କ ମଧ୍ୟରୁ ୧୩ ଜଣଙ୍କ ସମ୍ପତ୍ତିର ମୂଲ୍ୟ ୫୦ କୋଟିରୁ ଊଦ୍ଧ୍ୱର୍ ରହିଛି । ଆପ୍ ପ୍ରାର୍ଥୀ ଧରମପାଲ ଲାକ୍ରା ୨୯୨ କୋଟି ଟଙ୍କାର ସମ୍ପତ୍ତି ସହ ସବୁଠାରୁ ଧନୀ ପ୍ରାର୍ଥୀ ଭାବେ ବିବେଚିତ ହୋଇଛନ୍ତି । ଆପ୍ର ଅନ୍ୟ ୩ ପ୍ରାର୍ଥୀ ପ୍ରମିଳା ଟୋକାସ, ରାମ ସିଂହ ଏବଂ ରାଜ କୁମାର ଆନନ୍ଦ ଯଥାକ୍ରମେ ୮୦.୮ କୋଟି, ୮୦ କୋଟି ଏବଂ ୭୬ କୋଟି ଟଙ୍କାର ସମ୍ପତ୍ତି ସହ ଏହି ତାଲିକାର ଦ୍ୱିତୀୟ, ତୃତୀୟ ଏବଂ ଚତୁର୍ଥ ସ୍ଥାନ ହାସଲ କରିଛନ୍ତି ।
{"id":84178,"width":689,"height":386,"sizeSlug":"large"}ନିର୍ବାଚନ ଲଢ଼ୁଥିବା କ୍ଷମତାସୀନ ବିଧାୟକଙ୍କ ମଧ୍ୟରେ ଟୋକାସ ସବୁଠାରୁ ଧନୀ ପ୍ରାର୍ଥୀ । କଂଗ୍ରେସ ପ୍ରାର୍ଥୀ ପ୍ରିୟଙ୍କା ସିଂହ ୭୦ କୋଟି ସମ୍ପତ୍ତି ସହ ତାଲିକାର ପଞ୍ଚମ ସ୍ଥାନରେ ରହିଛନ୍ତି । ଅନ୍ୟପକ୍ଷରେ ବିଜେପି ପ୍ରାର୍ଥୀ ବ୍ରହ୍ମ ସିଂହ ତନୱାରସ, ଅନିଲ ଗୋୟଲ ଏବଂ ସତ ପ୍ରକାଶ ରାଣାତାଲିକାର ଷଷ୍ଠ, ସପ୍ତମ ଏବଂ ଅଷ୍ଠମ ସ୍ଥାନରେ ଅଛନ୍ତି । ସେମାନଙ୍କ ପାଖେ ଯଥାକ୍ରମେ ୬୬.୩ କୋଟି, ୬୪.୧ କୋଟି ଏବଂ ୫୭.୪ କୋଟି ଟଙ୍କାର ସମ୍ପତ୍ତି ରହିଛି ।