ମାଲିକର ବ୍ୟବହାରରେ ଅସନ୍ତୁଷ୍ଟ ଥିଲା ଚାକର,ଏବେ ଫ୍ରିଜରେ ପୁରାଇ ଅପହରଣ କରି ନେଇଗଲା

ନୂଆଦିଲ୍ଲୀ, ୨।୯: ଦିଲ୍ଲୀ ସବୁଠାରୁ ଭିଆଇପି ଏରିଆ ଗ୍ରେଟର କୈଳାଶ ଅଞ୍ଚଳରେ ଏଭଳି ଏକ ଘଟଣା ଘଟିଛି, ଯାହାକି ସମସ୍ତଙ୍କୁ ଆଶ୍ଚର୍ଯ୍ୟ କରିଛଇ। ଜଣେ ଚାକର ଫିଲ୍ମ ଷ୍ଟାଇଲରେ ନିଜର ମାଲିକଙ୍କୁ ଅପହରଣ କରିଛି। ଯାହାକୁ ନେଇ ଏବେ ଚାରିଆଡେ ଯୋରଦାର ଚର୍ଚ୍ଚା ହେଉଛି। ଚାକର ନିଜର ମାଲିକଙ୍କୁ ବେହୋଶ କରି ଫ୍ରିଜରେ ରଖି ଅପହରଣ କରିଥିଲା। ଘରେ କାମ କରୁଥିବା ଚାକର ଯେ, ଏଭଳି ହାଇପ୍ରୋଫାଇଲ ଅପହରଣ କରିବ ତାହା କେହି ଭାବି ପାରିନଥିଲେ।

୯୧ ବର୍ଷୀୟ କୃଷ୍ଣ ଖୋସଲାଙ୍କୁ ତାଙ୍କ ଚାକର ଗତକାଲି ସକାଳେ ଅପହରଣ କରିନେଇଥିଲ। ଅପହରଣ ପରେ ଚାକରର ତଲାସୀ ଆରମ୍ଭ କରାଯାଇଥିଲା। ଗତ ଦେଢ ବର୍ଷ ଧରି ଚାକର ଜଣକ କୃଷ୍ଣ ଖୋସଲାଙ୍କ ଘରେ କାମ କରୁଥିଲେ। ତେବେ ମାଲିକଙ୍କର  ବ୍ୟବହାରରେ ଚାକର ଅସନ୍ତୁଷ୍ଟ ଥିଲା। ତେଣୁ ଶନିବାର ସନ୍ଧ୍ୟାରେ  ଟେମ୍ବୋ ନେଇ ନିଜର ୫ ଜଣ ସାଥୀଙ୍କ ସହିତ ୯୧ ବର୍ଷୀୟ କୃଷ୍ଣ ଖୋସଲାଙ୍କ ଘରକୁ ଆସିଥିଲା। ଏହି ସମୟରେ କୃଷ୍ଣଙ୍କ ସହିତ ତାଙ୍କ ପତ୍ନୀ ଥିଲେ। ତେବେ ଚାକର ଜଣକ ନିଜ ମାଲିକାଣିକୁ ବେହୋଶ କରି ମାଲିକକୁ ଫ୍ରିଜରେ ପକାଇ ବେହୋଶ କରି ନେଇଯାଇଥିଲା। ଅଭିଯୁକ୍ତ ଚାକରର ନାମ କିଷନ, ଯିଏକି ବିହାରର ବୋଲି ଜଣାପଡିଛି। ପୋଲିସ ଅଭିଯୁକ୍ତଗୁ ଗିରଫ କରିବା ପାଇଁ ବହୁ ଟିମ୍ ଗଠନ କରିଛି। ତେବେ ଏପର୍ଯ୍ୟନ୍ତ ବୃଦ୍ଧଙ୍କର କୌଣସି ଖୋଜଖବର ମିଳିନାହିଁ।

   ସମ୍ବନ୍ଧିତ ଖବର


ଆଇପିଏଲ ବେଟିଂ ଚାଲିଥିବାବେଳେ ପୋଲିସର ଚଢାଉ

ହତ୍ୟା କରି ଫେରାର ହୋଇଥିବା ଶେଷଦେବ ଗିରଫ

ପୁଲିସ କବ୍‌ଜାରେ ଗିଲ୍‌ଟି କାଳୁ

ଅନ୍‌ଲାଇନ୍‌ରେ ଆସିଥିବା ମୋବାଇଲ୍‌ ଫୋନ୍‌କୁ ବିକିଦେଲା ଡେଲିଭରୀ ବୟ, ଗ୍ରାହକଙ୍କୁ କହିଲା କ୍ୟାନସଲ୍‌ ହୋଇଛି ଅର୍ଡର

ଜାଲି ଚେକ୍‌ ଦେଇ ଦମ୍ପତିଙ୍କ ସ୍ମାର୍ଟ ଚୋରି: ସ୍ତ୍ରୀ ଗିରଫ, ସ୍ବାମୀ ଫେରାର

ଲଭ-ସେକ୍ସ-ଧୋକା, ଯୁବତୀଙ୍କ ଗର୍ଭପାତ କରାଇବା ପରେ ଏବେ ଭିଡିଓ ଭାଇରାଲ୍‌ ଧମକ ଦେଉଛି ଲମ୍ପଟ ଯୁବକ…