PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶଦ୍ରୋହୀ ୟାସିନ ମଲିକକୁ ଆଜୀବନ ଜେଲ, ଆତଙ୍କବାଦୀଙ୍କୁ ପାଣ୍ଠି ଯୋଗାଇବା ମାମଲାରେ କୋର୍ଟ ଶୁଣାଇଲେ ଦଣ୍ଡାଦେଶ
  • ||
  • ସମ୍ୱଲପୁର : ଭବାନୀପାଲି ଠାରେ ମର୍ମନ୍ତୁଦ ସଡ଼କ ଦୁର୍ଘଟଣା , ଟ୍ରକ୍ ଧକ୍କାରେ ୩ ବାଇକ୍ ଆରୋହୀଙ୍କ ମୃତ୍ୟୁ , ମୃତକଙ୍କ ପରିଚୟ ମିଳନାହିଁ
  • ||
  • କଳିଙ୍ଗା ଘାଟିରେ ଟୁରିଷ୍ଟ ବସ୍ ଦୁର୍ଘଟଣାରେ ୬ ମୃତ୍ୟୁ ଘଟଣା, ଏଣିକି କଳିଙ୍ଗା ଘାଟି ଦେଇ ଯାଇପାରିବ ନାହିଁ ଟୁରିଷ୍ଟ ବସ୍ , ରାଜ୍ୟ ପରିବହନ ମନ୍ତ୍ରୀ ପଦ୍ମନାଭ ବେହେରାଙ୍କ ସୂଚନା
  • ||
  • ଝାରସୁଗୁଡ଼ା : ଝାରସୁଗୁଡ଼ାରୁ ପ୍ରାୟ ୧୭ ଗ୍ରାମ୍‌ର ବ୍ରାଉନସୁଗର ଜବତ, ୩ ଗିରଫ
  • ||
  • ଜଳେଶ୍ଵର : ପାର୍କିଂ କରୁଥିବା ବେଳେ ଚଢିଗଲା ଟ୍ରକ୍, ହେଲ୍‌ପର୍ ମୃତ
  • ||
  • କଂଗ୍ରେସକୁ ଝଟକା, ସମାଜବାଦୀ ପାର୍ଟି ଟିକେଟରୁ ନାମାଙ୍କନ ପତ୍ର ଦାଖଲ କଲେ କପିଲ ସିବଲ
  • ||
  • ସମ୍ବଲପୁର : ହୀରାକୁଦରୁ ଛଡ଼ାଯିବ ପ୍ରଥମ ବନ୍ୟାଜଳ, ତଳ ମୁଣ୍ଡର ୧୨ ଜିଲ୍ଲାକୁ ସତର୍କ ସୂଚନା ଜାରି
  • ||
  • ଭୁବନେଶ୍ଵର : ରାଜ୍ୟରେ ହାରୁଛି କରୋନା, ୨୪ ଘଣ୍ଟା ମଧ୍ୟରେ ୩ ପଜିଟିଭ୍ ଚିହ୍ନଟ
  • ||
  • ଭୁବନେଶ୍ୱର : ୧୦ ଜିଲ୍ଲାରେ ପ୍ରବଳ ବର୍ଷିଲା, ଆଜିଠୁ ବଢ଼ିବ ତାପମାତ୍ରା
  • ||
  • ଭଞ୍ଜନଗର : ଭାରସାମ୍ୟ ହରାଇ ଓଲଟିଲା ଟୁରିଷ୍ଟ ବସ୍, ୬ ମୃତ ୩୦ରୁ ଉର୍ଦ୍ଧ୍ଵ ଆହତ
  • ||
  • ରାଇରଙ୍ଗପୁର : ସାପ୍ତାହିକ ହାଟରେ ଗୁଳିକାଣ୍ଡ, ଗୋରୁ ବେପାରୀଙ୍କୁ ଗୁଳି କରି ୨୦ଲକ୍ଷ ଟଙ୍କା ଲୁଟିନେଲେ ଦୁର୍ବୃତ୍ତ
  • ||

ନିରଞ୍ଜନ ପଟ୍ଟନାୟକ ଓ ପୁଅଙ୍କୁ ଦିଲ୍ଲୀ ପୁଲିସର ସମନ

source:http://www.pragativadi.com

ଭୁବନେଶ୍ୱର,୨୪ା୧(ବ୍ୟୁରୋ): ଓଡ଼ିଶା ପ୍ରଦେଶ କଂଗ୍ରେସ ସଭାପତି ନିରଞ୍ଜନ ପଟ୍ଟନାୟକ ଓ ତାଙ୍କ ପୁଅ ନବଜ୍ୟୋତି ପଟ୍ଟନାୟକଙ୍କୁ ଦିଲ୍ଲୀ ପୁଲିସ ସମନ କରିଛି । ୩୨ କୋଟି ଟଙ୍କା ଠକେଇ ମାମଲାର ତଦନ୍ତ କରୁଥିବା ଦିଲ୍ଲୀ ଅର୍ଥନୈତିକ ଅପରାଧ ଶାଖା (ଇଓଡବ୍ଲ୍ୟୁ) ନିରଞ୍ଜନ ଓ ନବଜ୍ୟୋତିଙ୍କ ନାମରେ ସମନ ଜାରି କରିଛି । ଆସନ୍ତାକାଲି (ଶୁକ୍ରବାର) ଦିଲ୍ଲୀ ଇଓଡବ୍ଲ୍ୟୁରେ ହାଜର ହେବା ପାଇଁ ସମନରେ ନିର୍ଦ୍ଦେଶ ରହିଛି ।
ଦିଲ୍ଲୀ ଇଓଡବ୍ଲ୍ୟୁ ପକ୍ଷରୁ ମିଳିଥିବା ସୂଚନା ଅନୁଯାୟୀ, ୨୦୦୭-୦୮ ବର୍ଷରେ ଭବାସୀ ଟେଲିକମ୍‌ ପ୍ରାଇଭେଟ୍‌ ଲିମିଟେଡ୍‌ କମ୍ପାନୀ ସହ କମଲଜିତ ସିଂହ ଆଲୁୱାଲିଆ ନାମକ ଜଣେ ବ୍ୟକ୍ତିଙ୍କର ୩୨ କୋଟି ଟଙ୍କାର ଡିଲ୍‌ ହୋଇଥିଲା । ଉକ୍ତ କମ୍ପାନୀରେ ନିରଞ୍ଜନ ଓ ନବଜ୍ୟୋତି ଅନ୍ୟତମ ନିର୍ଦ୍ଦେଶକ ଥିଲେ । ପରବର୍ତ୍ତୀ ସମୟରେ ଉକ୍ତ ଭବାସୀ ଟେଲିକମ୍‌ ସଂସ୍ଥା ପକ୍ଷରୁ ଶ୍ରୀ ଆଲୁୱାଲିଆଙ୍କୁ ଚେକ୍‌ ପ୍ରଦାନ କରାଯାଇଥିଲା । ଉକ୍ତ ଚେକ୍‌ ସବୁ ବାଉନ୍ସ ହୋଇ ଯାଇଥିଲା । ପରେ ନିରଞ୍ଜନ ଓ ନବଜ୍ୟୋତି ନିର୍ଦ୍ଦେଶକ ପଦରୁ ଇସ୍ତଫା ଦେଇଥିଲେ । ଠକାମୀର ଶିକାର ହୋଇଥିବା କମଲଜିତ ସିଂହ ଆଲୁୱାଲିୟା ଏନେଇ ଦିଲ୍ଲୀ ସକେତ କୋର୍ଟଙ୍କ ଦ୍ୱାରସ୍ଥ ହୋଇଥିଲେ । ସକେତ କୋର୍ଟଙ୍କ ନିର୍ଦ୍ଦେଶକ୍ରମେ ଏହି ଠକେଇ ମାମଲାର ତଦନ୍ତ ଦାୟିତ୍ୱ ନେଇଥିଲା ଦିଲ୍ଲୀ ଇଓଡବ୍ଲ୍ୟୁ । ତଦନ୍ତ ବେଳେ କମ୍ପାନୀ ପକ୍ଷରୁ ଲିଖିତ ଭାବେ ଦିଆଯାଇଥିଲା କି ଏହି ୩୨ କୋଟି ଟଙ୍କାରୁ କମ୍ପାନୀର ଅନ୍ୟତମ ନିର୍ଦ୍ଦେଶକ ନିରଞ୍ଜନ ଓ ନବଜ୍ୟୋତି ୬ କୋଟି ଟଙ୍କା ହେର୍‌ଫେର୍‌ କରିଥିଲେ । ତେଣୁ ଏହି ୬ କୋଟି ଟଙ୍କା ଠକେଇରେ ସଂପୃକ୍ତିକୁ ନେଇ ନିରଞ୍ଜନ ଓ ନବଜ୍ୟୋତିଙ୍କୁ ପଚରାଉଚରା କରିବା ପାଇଁ ଦିଲ୍ଲୀ ଇଓଡବ୍ଲ୍ୟୁ ନୋଟିସ କରିଥିବା ଜଣାପଡ଼ିଛି ।
ନିରଞ୍ଜନ ପଟ୍ଟନାୟକ ତାଙ୍କ ପ୍ରତିକ୍ରିୟାରେ କହିଛନ୍ତି, ମୋ ପାଖକୁ କୌଣସି ସମନ ଆସିନାହିଁ । ମୁଁ ବହୁ ପୂର୍ବରୁ ଭବାସୀ ଟେଲିକମ୍‌ ସଂସ୍ଥାର ନିର୍ଦ୍ଦେଶକ ପଦରୁ ଇସ୍ତଫା ଦେଇସାରିଛି । ଯଦି ସେଭଳି ସମନ ପାଏ, ମୁଁ ସାମ୍ନା କରିବାକୁ ପ୍ରସ୍ତୁତ ଅଛି ।
କଂଗ୍ରେସ ସଭାପତି ରାହୁଲ ଗାନ୍ଧୀଙ୍କ ଓଡ଼ିଶା ଗସ୍ତ ଦିନ ଏହି କଥା ଉଠାଯିବା ପଛରେ ରାଜନୈତିକ ଚକ୍ରାନ୍ତ ହୋଇଛି ବୋଲି କୁହାଯାଉଛି ।