ନୂଆଦିଲ୍ଲୀ,୧୯।୫: ସାଂସଦ ସ୍ବାତୀ ମାଲିଓ୍ବାଲଙ୍କୁ ମାଡ଼ ମାରିବା ଘଟଣାରେ ଦିଲ୍ଲୀର ପୋଲିସ ପୁଣିଥରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲଙ୍କରେ ଘରେ ତଦନ୍ତ ଆରମ୍ଭ କରିଛି। ପୋଲିସ ଟିମ୍ ରବିବାର ମୁଖ୍ୟମନ୍ତ୍ରୀଙ୍କ ବାସଭବନ ଭିତରେ ଥିବା ପ୍ରିଣ୍ଟର, ଲାପଟପ୍ ନେଇ ପହଁଞ୍ଚିଥିଲା। କିଛି ସମୟ ପରେ ଦିଲ୍ଲୀର ପୋଲିସର ଟିମ୍ ସେଠାରୁ ସିସିଟିଭିର ଡିଭିଆର ନିଜ ସହିତ ନେଇ ବାହାରି ଥିଲା।
ଗତକାଲି ପୋଲିସକୁ ସିସିଟିଭି ଫୁଟେଜ୍ ନେଇଯାଇଥିଲା। ପୋଲିସର ସୂଚନା ଅନୁସାରେ, ଘଟଣା ସମୟର ଫୁଟେଜ୍ ମିଳିପାରିନି। ପୋଲିସ ଏହା ମଧ୍ୟ କହିଛି ଯେ, ବିଭବ କୁମାର ଯାଞ୍ଚରେ ସହଯୋଗ କରୁନାହାନ୍ତି। ଏହା ପୂର୍ବରୁ ଶନିବାର ଦିଲ୍ଲୀର ପୋଲିସ ପକ୍ଷରୁ ହାଜର ହୋଇଥିବା ଆଡିସନାଲ ପବ୍ଲିକ୍ ପ୍ରସିକ୍ୟୁଟର କହିଛନ୍ତି, ଅଭିଯୁକ୍ତ ଘଟଣାସ୍ଥଳରେ ଥିଲା। ଦିଲ୍ଲୀ ପୋଲିସକୁ ଆଶଙ୍କା ରାହିଛି ସିସିଟିଭି ଗାଏବ୍ କରାଯାଇଛି।
ସୁତ୍ରରୁ ମିଳିଥିବା ସୂଚନା ଅନୁସାରେ, ଦିଲ୍ଲୀର ପୋଲିସ ୫ ଦିନର ରିମାଣ୍ଡରେ ବିଭବଙ୍କୁ ନେଇ ମୁମ୍ବାଇ ଯିବ। ଅଭିଯୋଗ ରହିଛି ସେଠାରେ ବିଭବ ନିଜର ଫୋନ ଫର୍ମାଟ କରିଛନ୍ତି। ପୋଲିସକୁ ଆଶା ରହିଛି ବୋଧହୁଏ ବିଭବ ଫର୍ମାଟ କରିବା ପୂର୍ବରୁ ଫୋନ୍ର ଡାଟା ଡମ୍ପ କରିଛନ୍ତି। ମୁମ୍ବାଇରେ ଯେଉଁ ସ୍ଥାନରେ ଫୋନ୍ ଫର୍ମାଟ କରାଯାଇଥିଲା, ସେଠାକୁ ଯିବା ପରେ ନଷ୍ଟ କରାଯାଇଥିବା ଡାଟା ମିଳିପାରେ। ପୋଲିସର ସୂଚନା ଅନୁସାରେ, ଯଦି କିଛି ଲୁଚାଇବାର ଥା, ତେବେ ସାଧାରଣତଃ ଫୋନ୍ ଫର୍ମାଟ କରିବା ପୂର୍ବରୁ ଲୋକଙ୍କ ଡାଟା ସେଭ୍ କରନ୍ତି। ତେବେ ପୋଲିସ ଫରେନସିକ୍ ଏକ୍ସପର୍ଟଙ୍କ ସାହାଯ୍ୟରେ ଡାଟା ରିକଭର କରିବାର ଚେଷ୍ଟା କରିବ। ଏହାଛଡା ପୋଲିସ ବିଭବଙ୍କୁ କ୍ରାଇମ୍ ସ୍ପଷ୍ଟ ଅର୍ଥାତ ସିଏମ୍ ବାସଭବନ ନେଇଯିବ, ସେଠାରେ ମାରପିଟ୍ର କାରଣ ଜାଣିବ।