ନୂଆଦିଲ୍ଲୀ: ରାଜଧାନୀ ଦିଲ୍ଲୀରୁ ଗିରଫ ହୋଇଥିବା ଜୈସ-ଏ-ମହମ୍ମଦର ଦୁଇ ଆତଙ୍କବାଦୀଙ୍କ ଠିକଣା ଚୀନ ସୀମାରୁ ମିଳିଥିଲା । ଯାହାପରେ ଦିଲ୍ଲୀ ପୋଲିସର ସ୍ପାଶାଲ ସେଲ ଚୀନ୍ କର୍ତ୍ତୃପକ୍ଷଙ୍କ ସହ ଆତଙ୍କବାଦୀଙ୍କ ସଂଯୋଗ ସମ୍ପର୍କରେ ଯାଞ୍ଚ କରିଛି ।

ଏଠାରେ ସୂଚନା ଥାଉକି ଦିଲ୍ଲୀରୁ ଗିରଫ ହୋଇଥିବା ଦୁଇ ଜୈଶ-ଇ-ମହମ୍ମଦ ଆତଙ୍କବାଦୀଙ୍କୁ ଶୁକ୍ରବାର ଦିନ ପଟିଆଲା ହାଉସ କୋର୍ଟରେ ହାଜର କରାଯାଇଥିଲା । ଏହି ସମୟ ମଧ୍ୟରେ କୋର୍ଟ ଉଭୟ ଆତଙ୍କବାଦୀଙ୍କୁ ୫ ଦିନ ପାଇଁ ରିମାଣ୍ଡରେ ପଠାଇଥିଲେ । ଆତଙ୍କବାଦୀଙ୍କୁ ପଠାଇବା ସମୟରେ ପୋଲିସ କହିଛି ଯେ ବିଭାଗକୁ ସେମାନଙ୍କ ଫୋନର ତଥ୍ୟ ବାହାରକୁ କରିବାକୁ ପଡିବ । ଯାହା ଫଳରେ ଦିଲ୍ଲୀରେ ଲୁଚି ରହିଥିବା ଏମାନଙ୍କର ତୃତୀୟ ସାଥି ଗିରଫ ହୋଇପାରିବ ।

ଜୈସ-ଏ-ମହମ୍ମଦର ଦୁଇ ଆତଙ୍କବାଦୀ ଲତିଫ ଏବଂ ଆସରଫକୁ ନଭେମ୍ବର ୧୬ରେ ଦିଲ୍ଲୀର ମିଲେନିୟମ ପାର୍କ ପାଖରୁ ଗିରଫ କରାଯାଇଥିଲା । ଦୁଇ ଆତଙ୍କବାଦୀ ଦିଲ୍ଲୀର କୌଣସି ଏକ ସ୍ଥାନରେ ହମଲା କରିବାର ଯୋଜନା କରୁଥିଲେ । ଏମାନଙ୍କ ଟାର୍ଗେଟରେ କିଛି ଭିଭିଆଇପି ରହିଥିଲେ । ଦୁଇଜଣଙ୍କ ଗୋଟିଏ ହ୍ବାଟସଆପ ଗୁପ ରହିଥିବା ପୋଲିସ କହିଛି । ଏମାନଙ୍କ ସହ ଜଣେ ପାକିସ୍ତାନୀ ମଧ୍ୟ ରହିଥିଲା, ଯିଏକି ଏମାନଙ୍କୁ ନିର୍ଦ୍ଦେଶ ଦେଉଥିଲା ।

ତୃତୀୟ ଆତଙ୍କବାଦୀକୁ ଧରିବା ପାଇଁ ଦିଲ୍ଲୀ ପୋଲିସର ସ୍ପେଶାଲ ଟିମ ବିଭିନ୍ନ ସ୍ଥାନରେ ଛାନଭିନ କରୁଛି । ଜୈସ-ଏ-ମହମ୍ମଦର ଆତଙ୍କୀଙ୍କ ଦେବବନ୍ଦ ସହ ସଯୋଗ ରହିଛି । ଯେଉଁମାନେକି ଜେହାଦ ହ୍ବାଟସଆପ ଗୃପ ସହ ଯୋଡି ହୋଇ ରହିଥିଲେ ।