PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୋଭିଡ୍ ନିୟମରେ ପରିବର୍ତ୍ତନ; କରୋନା ପଜିଟିଭ୍ ରିପୋର୍ଟ ନଥିଲେ ବି ଡାକ୍ତରଖାନାରେ ମିଳିବ ଆଡ୍‌ମିଶନ
  • ||
  • ବିହାର : JDU ନେତା ତଥା MLC ତନଭୀର ଅଖତରଙ୍କ ମୃତ୍ୟୁ , କରୋନାରେ ପୀଡ଼ିତ ଥିଲେ
  • ||
  • ଦାଦନ ଖଟିବାକୁ ଯାଇ ତେଲେଙ୍ଗାନାରେ ସାପ କାମୁଡ଼ାରେ ପ୍ରାଣହରାଇଲେ ଶ୍ରମିକ
  • ||
  • ଜଳେଶ୍ୱର: ଘରୋଇ କ୍ଲିନିକରେ ପୁଣି ପ୍ରସବ ପରେ ମହିଳାଙ୍କ ମୃତ୍ୟୁ
  • ||
  • ବିରମହାରାଜପୁର : ସୁବର୍ଣ୍ଣପୁର ଜିଲ୍ଲା ବିରମହାରାଜପୁର ସହରର ସାମ୍ବାଦିକ ଭବନ ନିକଟରେ ଅଳିଆ ଗଦାରୁ ନିଆଁ ଲାଗି ପୋଡିଗଲା ସେଲୁନ
  • ||
  • ବ୍ରହ୍ମପୁର : ବ୍ରହ୍ମପୁରରେ ପୁଲିସ ଡିଜି, ସୁରକ୍ଷା ବ୍ୟବସ୍ଥା ସମୀକ୍ଷା କରିବା ପରେ ଗିରିସଲା ସୀମାକୁ ଯିବେ
  • ||
  • ପାରାଦୀପ : ଥାନାରେ ପଶି ଧମକ ଦେବା ଅଭିଯୋଗରେ ୨ ନକଲି ସାମ୍ବାଦିକ ଗିରଫ, ଡ୍ରାଇଭର ସମେତ ୩ ଦାମୀ କାର ଜବତ
  • ||
  • ନୂଆଦିଲ୍ଲୀ : ଗତ ୨୪ ଘଣ୍ଟାରେ ଦେଶରେ ୪ ଲକ୍ଷ ୧ ହଜାର ୭୮ ନୂଆ କରୋନା ଆକ୍ରାନ୍ତ ଚିହ୍ନଟ, ୪ ହଜାର ୧୮୭ ଜଣଙ୍କ ମୁଣ୍ଡ ନେଲା କରୋନା
  • ||
  • କଟକ: ଶୁକ୍ରବାର ରାତିରୁ ଏସସିବି କାଜୁଆଲଟିରେ ପଡି ରହିଛି କୋଭିଡ ସଂକ୍ରମିତଙ୍କ ମୃତଦେହ, ଏନେଇ ଅସନ୍ତୋଷ ବ୍ୟକ୍ତ କଲେ ଡାକ୍ତର ଓ କର୍ମଚାରୀ
  • ||
  • ଗାଙ୍ଗପୁର ଥାନା ଅନ୍ତର୍ଗତ ଷଢଙ୍ଗିପଲ୍ଲୀ ନିକଟରେ ଓଲଟିଲା ସ୍ପିରିଟ ବୋଝେଇ ଟ୍ରକ, ୨ ଆହାତ
  • ||
  • ସାଲେପୁର : ସାଲେପୁର ସବ୍-ଜେଲରୁ ଆଉ ୯ଜଣ କଏଦୀ କରୋନା ପଜିଟିଭ୍‌ ଚିହ୍ନଟ
  • ||
  • କୋରାପୁଟ:ହଳଦୀକୁଣ୍ଡ ପଞ୍ଚାୟତର ପୁରୁଣାପାଣି ଗାଁରେ ଘଟିଲା ଆଘଟଣ, ପୋଖରୀରେ ବୁଡି ଆଖିବୁଜିଲେ ମା’- ଝିଅ
  • ||
  • ଗଞ୍ଜାମ: ପୁଇଁତୋଳା ଛକରେ ଅଟୋ ପିଟିଲା ଟ୍ରକ, ଅଟୋ ଡ୍ରାଇଭର ମୃତ ,୩ ଆହତ
  • ||
  • ଭୁବନେଶ୍ଵର : ଆଇଗିଣିଆ ଛକରେ ମର୍ମନ୍ତୁଦ ଦୁର୍ଘଟଣା, କଣ୍ଟେନର ଖସି ଟ୍ରଲର ଡ୍ରାଇଭର ମୃତ, ହେଲପର ଗୁରୁତର
  • ||
  • ଭୁବନେଶ୍ୱର : ଓଡ଼ିଶାରେ କରୋନା ନେଲା ଆଉ ୨୧ ଜଣଙ୍କ ମୁଣ୍ଡ, ମୃତ୍ୟୁ ସଂଖ୍ୟା ୨୧୬୧କୁ ବୃଦ୍ଧି
  • ||
  • ରାଞ୍ଚି : ଝାରଖଣ୍ଡର ରାଞ୍ଚିର ସଦର ହସ୍ପିଟାଲରେ ଅକ୍ସିଜେନ୍ ସପ୍ଲାଇ ବନ୍ଦ ହେବା କାରଣରୁ ୫ ରୋଗୀ ମୃତ, ଯାଞ୍ଚ୍ ନିର୍ଦ୍ଦେଶ ଦେଲେ ସ୍ଵାସ୍ଥ୍ୟମନ୍ତ୍ରୀ
  • ||
  • ଭୁବନେଶ୍ଵର : ଓଡ଼ିଶାରେ କରୋନା ବିସ୍ଫୋରଣ, ଦିନକରେ ଚିହ୍ନଟ ହେଲେ ୧୧ ହଜାର ୮୦୭ ପଜିଟିଭ ଆକ୍ରାନ୍ତ
  • ||
  • ଭୁବନେଶ୍ଵର : ଆଜି ଅଧା ଓଡ଼ିଶାରେ କାଳବୈଶାଖୀ, ୩ ଜିଲ୍ଲାରେ କୁଆପଥର ବର୍ଷିବା ନେଇ ସତର୍କ ସୂଚନା ଜାରି କଲେ ସ୍ୱତନ୍ତ୍ର ରିଲିଫ୍‌ କମିଶନର, ୧୧ରୁ ବଢ଼ିବ ତାତି
  • ||

ଓଡ଼ିଶା ପୁଲିସ୍‌କୁ ଦିଲ୍ଲୀ ମହିଳା କମିଶନଙ୍କ ରୋକ୍‌ଠୋକ ଜବାବ: ଫୋନ୍‌ରେ କିଛି କହିବୁନି, ଅଫିସକୁ ଆସ

ରାଉରକେଲା,୧୦ା୨(ବ୍ୟୁରୋ): ରାଉରକେଲାରୁ ରାଜସ୍ଥାନକୁ ଚାଲାଣ ହୋଇଥିବା ନାବାଳିକା ଘଟଣାର ତଦନ୍ତ ପାଇଁ ରାଉରକେଲା ପୁଲିସ୍‌ର ଏକ ଟିମ୍‌ ଦିଲ୍ଲୀରେ ପହଞ୍ଚିଛି । ଦିଲ୍ଲୀ ମହିଳା କମିଶନ ଓଡ଼ିଶା ପୁଲିସ୍‌କୁ ନାବାଳିକାଙ୍କ ସମ୍ପର୍କରେ କୌଣସି ଗୋପନୀୟ ତଥ୍ୟ ଦେବାକୁ ମନା କରି ଦେଇଥିବା ରାଉରକେଲା ଏସ୍‌ପି ଗଣମାଧ୍ୟମକୁ ସୂଚନା ଦେଇଛନ୍ତି ।
ନାବାଳିକାଙ୍କୁ ସୁନ୍ଦରଗଡ଼କୁ ଆଣିବା ଲାଗି ଆଜି ଜିଲ୍ଲା ଶିଶୁ ସୁରକ୍ଷା ବିଭାଗର ଅନନ୍ତ ପରୁଆ, ଲାଠିକଟା ଥାନା ସବ୍‌ଇନ୍ସପେକ୍ଟର ପ୍ରେମ୍‌ଜିତ ଦାସ ଓ ମହିଳା କନେଷ୍ଟବଳ ଅହଲ୍ୟା ବାରିକ ଦିଲ୍ଲୀରେ ପହଞ୍ଚିଛନ୍ତି । ଏହି ଟିମ୍‌ ଦିଲ୍ଲୀ ମହିଳା କମିଶନଙ୍କ କାର୍ଯ୍ୟାଳୟ ସହ ଫୋନ୍‌ରେ ଯୋଗାଯୋଗ କରିଥିଲେ । କମିଶନ ସେମାନଙ୍କୁ ରୋକ୍‌ଠୋକ୍‌ ଜବାବ ଦେଇଥିଲେ, ଫୋନ୍‌ରେ ଆମେ ନାବାଳିକା ବା ତାଙ୍କ ବାପାଙ୍କ ସମ୍ପର୍କରେ କିଛି କହିବୁ ନାହିଁ, ଅଫିସ୍‌କୁ ଆସ । ରାଉରକେଲା ଏସ୍‌ପିଙ୍କ ସୂଚନା ଅନୁଯାୟୀ ଉକ୍ତ ଟିମ୍‌ ପୀଡିତାଙ୍କ ସହ ସାକ୍ଷାତ କରିବାକୁ ଆସନ୍ତାକାଲି ମଧ୍ୟାହ୍ଣ ୧୨ଟାରେ ମହିଳା କମିଶନଙ୍କ କାର୍ଯ୍ୟାଳୟକୁ ଯିବେ । ବର୍ତ୍ତମାନ ନାବାଳିକା ଏବଂ ତାଙ୍କ ବାପା କେଉଁଠି ରହୁଛନ୍ତି ଓ ସେ କେଉଁ ସିଡବ୍ଲ୍ୟୁସିରେ ହାଜର ହେବେ ସେ ସମ୍ପର୍କରେ ଫୋନରେ ପଚାରିଥିଲେ । ହେଲେ ଦିଲ୍ଲୀ ମହିଳା କମିଶନ ଏ ସମ୍ପର୍କରେ କୌଣସି ସୂଚନା ଦେଇ ନାହାନ୍ତି ।
ସୂଚନା ଯୋଗ୍ୟ , ୨୦୧୭ ଡିସେମ୍ବର ୫ ତାରିଖ । ସେ ଦିନ ସକାଳ ପ୍ରାୟ ସାଢ଼େ ୬ଟାରେ ନାବାଳିକାଙ୍କ ବାପା ଡ୍ୟୁଟି ଯାଇଥିଲେ । ଘରେ ନାବାଳିକା ଏକୁଟିଆ ଥିବା ବେଳେ ଦୁଇ ଜଣ ସମ୍ପର୍କୀୟ ତାଙ୍କୁ ଅପହରଣ କରି ନେଇଥିଲେ । ରାତି ପ୍ରାୟ ସାଢ଼େ ୧୦ଟାରେ ନାବାଳିକାଙ୍କ ବାପା ଡ୍ୟୁଟିରୁ ଫେରିବା ପରେ ଝିଅ ଘରେ ନଥିବା ଦେଖିବାକୁ ପାଇଥିଲେ । ପାଖ ପଡୋଶୀଙ୍କୁ ପଚାରିବା ସହ ସଂପର୍କୀୟମାନଙ୍କ ସହ ଯୋଗାଯୋଗ କରିଥିଲେ ମଧ୍ୟ ଝିଅର ସନ୍ଧାନ ପାଇ ନଥିଲେ । ଶେଷରେ ୭ ତାରିଖ ଦିନ ନାବାଳିକାଙ୍କ ବାପା ସ୍ଥାନୀୟ ଲାଠିକଟା ଥାନାରେ ଲିଖିତ ଅଭିଯୋଗ କରିଥିଲେ । ଲାଠିକଟା ଥାନା ପୁଲିସ ଏକ ମାମଲା ରୁଜୁ କରି ତଦନ୍ତ ଚଳାଇଥିଲେ । ନାବାଳିକାଙ୍କୁ ଦୁଇ ସମ୍ପର୍କୀୟ ଅପହରଣ କରିବା ପରେ ୪ ଲକ୍ଷ ଟଙ୍କାରେ ରାଜସ୍ଥାନର ଜଣେ ମଧ୍ୟବୟସ୍କ ବ୍ୟକ୍ତିଙ୍କ ସହ ବିବାହ କରାଇ ଦେଇଥିଲେ । ସମ୍ପୃକ୍ତ ବ୍ୟକ୍ତି ଜଣକ ନାବାଳିକାଙ୍କୁ ରାଜସ୍ଥାନ ନେଇ ଯାଇଥିଲେ । ଦୀର୍ଘ ଏକ ବର୍ଷ ଧରି ନାବାଳିକା ସମ୍ପୃକ୍ତ ବ୍ୟକ୍ତିଙ୍କ ଦ୍ୱାରା ବଳାତ୍କାରର ଶିକାର ହେବା ସହ ନିର୍ଯାତିତ ହେଉଥିଲେ । ନାବାଳିକାଙ୍କ ବାପା ଗତ ବର୍ଷକ ମଧ୍ୟରେ ରାଉରକେଲା ପୁଲିସ୍‌ ସମେତ ରାଜସ୍ଥାନର ଜିଲ୍ଲା ପ୍ରଶାସନ ଓ ପୁଲିସ୍‌ ଅଧିକାରୀଙ୍କ ନିକଟରେ ଅଭିଯୋଗ କରି ମଧ୍ୟ ନିରାଶ ହୋଇଥିଲେ । ଶେଷରେ କିଛି ଦିନ ପୂର୍ବେ ନାବାଳିକାଙ୍କ ବାପା ଦିଲ୍ଲୀ ମହିଳା କମିଶନଙ୍କ ନିକଟରେ ଘଟଣା ସମ୍ପର୍କରେ ଅଭିଯୋଗ କରିଥିଲେ । କମିଶନ ଗତ ୫ ତାରିଖ ଦିନ ରାଜସ୍ଥାନର ଝୁନଝୁନ୍‌ରୁ ୯ ମାସର ଗର୍ଭବତୀ ଥିବା ସମ୍ପୃକ୍ତ ନାବାଳିକାଙ୍କୁ ଉଦ୍ଧାର କରିଥିଲେ ।