PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅନୁଗୁଳ : ନାଲକୋନଗର ଥାନା ଗୋପିନାଥପୁର ଗାଁ ପାଖ ଆମ୍ବତୋଟାରୁ ଅର୍ଦ୍ଧଦଗ୍ଧ ମୃତଦେହ ଉଦ୍ଧାର, ହତ୍ୟା ସନ୍ଦେହ, ୧୯ ତାରିଖରୁ ନିଖୋଜ ଥିଲେ ସୁଶାନ୍ତ ରାଉଳ
  • ||
  • ସମ୍ବଲପୁର: ଭାଲୁପାଲିରେ ଅଜଣା ଗାଡି ଧକ୍କାରେ ମହିଳା ମୃତ୍ୟୁ, ମିଳିନି ପରିଚୟ
  • ||
  • ଅନୁଗୁଳ: ନିଖୋଜ ବ୍ୟକ୍ତିଙ୍କ ଅର୍ଦ୍ଧ୍ବଦଗ୍ଧ ମୃତଦେହ ଉଦ୍ଧାର, ଆମ୍ବତୋଟାରୁ ମିଳିଲା ଗଳିତ ମୃତଦେହ, ଗତ ୧୯ତାରିଖରୁ ନିଖୋଜ ଥିଲେ
  • ||
  • ଭୁବନେଶ୍ଵର : ୧୦ ଜଣ ସଚିବଙ୍କୁ ମିଳିଲା ୧୦ ଜିଲ୍ଲା ଦାୟିତ୍ଵ, ସ୍ଵାସ୍ଥ୍ୟ, ଶିକ୍ଷା, ଜଳଯୋଗାଣ ଆଦି ମୌଳିକ ଭିତ୍ତିଭୂମିର କରିବେ ତଦାରଖ
  • ||
  • କୋରାପୁଟ: ୭ କୋଟି ୯୦ ଲକ୍ଷ ଟଙ୍କାର ଜାଲ ନୋଟ୍ ଜବତ କଲା ପଟ୍ଟାଙ୍ଗି ପୋଲିସ, ୩ ଅଟକ
  • ||
  • ତିହିଡି: ନନ୍ଦପୁରବଜାରଠାରୁ ୨୩ ଲଷ ଟଙ୍କାର ବ୍ରାଉନ ସୁଗାର ଜବତ କଲା ପୁଲିସ
  • ||
  • ମାଲକାନଗିରି: ଘର ମାଲିକଙ୍କୁ ମିଠାରେ ନିଶାଦେଇ ଲୁଟିଲେ ଭଡାଟିଆ ଯୁବକ, ୩୫ ଲକ୍ଷ ଟଙ୍କାର ସୁନାଗହଣା ନେଇ ମାରିଲେ ଛୁ…
  • ||
  • କୋରାପୁଟ : ୭କୋଟି ୯୦ ଲକ୍ଷ ଟଙ୍କାର ଜାଲ ନୋଟ୍‌ ଜବତ , ସୁଙ୍କି ଆଉଟ୍‌ ପୋଷ୍ଟ ନିକଟରୁ ଜବତ କଲା ପଟାଙ୍ଗି ପୁଲିସ୍‌
  • ||
  • ଦେଓଗାଁ ଥାନା ଅନ୍ତର୍ଗତ କଛାରପାଲି ନିକଟରେ ରାସ୍ତା କଡ଼କୁ ଓଲଟିଲା କଣ୍ଟେନର, ଅଳ୍ପକେ ବର୍ତ୍ତିଗଲେ ଡ୍ରାଇଭର
  • ||
  • ମୟୁରଭଞ୍ଜ : ଶିଶୁ ଶ୍ରମିକ ଚାଲାଣ ବେଳେ ପୋଲିସର ଚଢାଉ, ଉଦଳା ବସଷ୍ଟାଣ୍ଡ ନିକଟରୁ ୪ ଜଣ ଶିଶୁ ଶ୍ରମିକଙ୍କୁ ଉଦ୍ଧାର କଲା ଉଦଳା ପୋଲିସ, ୨ ମହିଳା ଦଲାଲ ଅଟକ
  • ||
  • ସମ୍ୱଲପୁର ଭିସୁଟ୍‌ରେ ୨୫ କୋଭିଡ୍‌ ପଜିଟିଭ୍‌ ପ୍ରସଙ୍ଗ -ଆଣ୍ଟିଜେନ୍‌ କିଟ୍‌ ଖରାପରୁ ରିପୋର୍ଟ ପଜିଟିଭ ଆସିଥିଲା , ଏନେଇ ଏସିଏସ୍ ପ୍ରଦୀପ୍ତ ମହାପାତ୍ରଙ୍କ ସୂଚନା
  • ||
  • କୋହଲି ହାସଲ କଲେ ଖାସ୍‌ ସଫଳତା , ରୋନାଲ୍ଡୋଙ୍କର କ୍ଲବ୍‌ରେ ହେଲେ ସାମିଲ୍, ଇନ୍‌ଷ୍ଟାଗ୍ରାମ୍‌ରେ କୋହଲିଙ୍କ ଫଲୋୟରଙ୍କ ସଂଖ୍ୟା ୧୦୦ ମିଲିୟନରେ ପହଞ୍ଚିଲା
  • ||
  • ସମ୍ବଲପୁର: ବୁର୍ଲା ସରକାରୀ ବାଳକ ଉଚ୍ଚ ବିଦ୍ୟାଳୟରେ ପଶିଲା କରୋନା , ଜଣେ ଶିକ୍ଷକ କରୋନା ଆକ୍ରାନ୍ତ ଚିହ୍ନଟ ପରେ ଆଜି ସ୍କୁଲ ବନ୍ଦ
  • ||
  • ଖୋର୍ଦ୍ଧା : ଖୋର୍ଦ୍ଧା ଜିଲ୍ଲା ଦେଉଳି ଗ୍ରାମ ପଞ୍ଚାୟତର ଗୋପୀନାଥପୁର ଖଣିରେ ଚଢ଼ାଉ, ୭ଟି ବେଆଇନ ମାଙ୍କଡା ପଥର ବୋଝେଇ ଟ୍ରକ୍ ଜବତ
  • ||
  • ବ୍ରହ୍ମପୁର: କନିଷ୍ଠ ଯନ୍ତ୍ରୀଙ୍କ ଘରେ ଭିଜିଲାନ୍ସ ରେଡ୍, ଏକକାଳୀନ ୬ଟି ସ୍ଥାନରେ ଚାଲିଛି ଚଢଉ
  • ||
  • ମହାକାଳପଡ଼ା : କୁମାରୁଣି ନିକଟରେ ବସ୍ ଓଲଟି ୩ ଗୁରୁତର , ଅଳ୍ପକେ ବର୍ତ୍ତିଲେ ୪୬ଯାତ୍ରୀ , ସମସ୍ତ ଗୁରୁତର କେନ୍ଦ୍ରାପଡ଼ା ମୁଖ୍ୟ ହସ୍ପିଟାଲରେ ଭର୍ତ୍ତି
  • ||

ଡଙ୍କାରୀ ମାମଲାରେ ଗ୍ରୀନ୍‌ ଟ୍ରିବ୍ୟୁନାଲର ଆଦେଶ: ସରକାର ଗଣିବେ ୨୫ କୋଟି

ଯାଜପୁର,୨୫ା୧(ବ୍ୟୁରୋ): ଡଙ୍କାରୀ ଖାଦାନରେ ବେଆଇନ ଖନନ ଓ ପରିବେଶ ପ୍ରଦୂଷଣ ଅଭିଯୋଗ କ୍ରମେ ଜାତୀୟ ଗ୍ରୀନ୍‌ ଟ୍ରିବ୍ୟୁନାଲ ୫ ମାସ ତଳେ ଡଙ୍କାରୀ ଖାଦାନକୁ ସିଲ୍‌ କରିବାକୁ ନିର୍ଦ୍ଦେଶ ଦେଇଥିଲେ । ଚଳିତ ମାସରେ ମାନ୍ୟବର ଗ୍ରୀନ୍‌ ଟ୍ରିବ୍ୟୁନାଲ ଡଙ୍କାରୀର ବେଆଇନ ଖନନ ଯୋଗୁ ପରିବେଶ ପ୍ରଦୂଷିତ ହୋଇଥିବା ଆରୋପରେ ସରକାରଙ୍କ ଉପରେ ୨୫ କୋଟି ଟଙ୍କା କ୍ଷତିପୂରଣ ଧାର୍ଯ୍ୟ କରିଛନ୍ତି । ବେଆଇନ ଖନନରେ ଦାୟୀ ଅଧିକାରୀ, ଅନୁଷ୍ଠାନ ଓ ବ୍ୟକ୍ତି ବିଶେଷଙ୍କ ବିରୋଧରେ ପ୍ରଦୂଷଣ ଆଇନ ମୁତାବକ କାର୍ଯ୍ୟାନୁଷ୍ଠାନ ନିମନ୍ତେ ଟ୍ରିବ୍ୟୁନାଲ ନିର୍ଦ୍ଦେଶ ଦେଇଛନ୍ତି । ଜାତୀୟସ୍ତରର କେତେକ ଅନୁଷ୍ଠାନ ଡଙ୍କାରୀର ବେଆଇନ ଖନନ ଓ ପରିବେଶ ପ୍ରଦୂଷଣ ସମ୍ପର୍କରେ ସରଜମିନ୍‌ ଅନୁଧ୍ୟାନ ଓ ଆକଳନ କରିବାକୁ ଗ୍ରୀନ୍‌ ଟ୍ରିବ୍ୟୁନାଲର ଅଧ୍ୟକ୍ଷ ଆଦର୍ଶ କୁମାର ଗୋଏଲ ଆଦେଶନାମାରେ ଉଲ୍ଲେଖ କରିଛନ୍ତି ।
ଜାତୀୟ ଗ୍ରୀନ୍‌ ଟ୍ରିବ୍ୟୁନାଲ ଓଏ ସଂଖ୍ୟା-୬୦୪/୧୮ରେ ଧର୍ମଶାଳା ଅଂଚଳର ବରିଷ୍ଠ ସ୍ୱେଚ୍ଛାସେବୀ ସର୍ବେଶ୍ୱର ବେହୁରାଙ୍କ ଆବେଦନକୁ ବିଚାର କରି ଗ୍ରୀନ୍‌ ଟ୍ରିବ୍ୟୁନାଲ ଚଳିତ ମାସ ୪ ତାରିଖରେ ଏତାଦୃଶ ଆଦେଶନାମା ଜାରି କରିଛନ୍ତି । ଆଦେଶନାମାରେ ଉଲ୍ଲେଖ ଅଛି ଯେ ଡଙ୍କାରୀରେ ୧୫ ବର୍ଷ ତଳୁ ବେଆଇନ ଖନନ ହେଉଥିବାର ସମସ୍ତ ପ୍ରମାଣ ରାଜ୍ୟ ସରକାରଙ୍କ ପାଖରେ ରହିଛି । ସୁତରାଂ ବେଆଇନ ଖନନ କରୁଥିବା ଲିଜ୍‌ଧାରୀ ଓ ଦାୟିତ୍ୱନ୍ୟସ୍ତ ପ୍ରଶାସକଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ହେବା ଆବଶ୍ୟକ । ସରକାର ଏହି ଅଧିକାରୀଙ୍କଠାରୁ ବେଆଇନ ଖନନ ଓ ପରିବେଶ ପ୍ରଦୂଷଣ ନିମନ୍ତେ ଜରିମାନା ଆଦାୟ କରିବା ଆବଶ୍ୟକ । ପରିବେଶ ସୁରକ୍ଷା ନିମନ୍ତେ ବ୍ୟବସ୍ଥିତ ସଂସ୍ଥା ବା କର୍ତ୍ତୃପକ୍ଷ ଯେଉଁମାନେ ପରିବେଶ ସୁରକ୍ଷା ଦାୟିତ୍ୱ ଏବଂ ତତ୍ତ୍ୱାବଧାରକ ପାଇଁ ନିୟୋଜିତ ସେମାନେ ବି ଏଭଳି ବେଆଇନ ପ୍ରକ୍ରିୟାରେ ଦଣ୍ଡିତ ହେବା ଆବଶ୍ୟକ ବୋଲି ଗ୍ରୀନ୍‌ ଟ୍ରିବ୍ୟୁନାଲ ସ୍ପଷ୍ଟ ନିର୍ଦ୍ଦେଶ ଦେଇଛନ୍ତି ।ଡଙ୍କାରୀ ଉପତ୍ୟକାରେ ବେଆଇନ ଭାବେ କେତେ କଳାପଥର ଖନନ ହୋଇଛି ଓ ଏହା ବାବଦକୁ କେତେ କ୍ଷତିପୂରଣ ରାଶି ଆଦାୟ କରାଯିବ ତାହା ଆଇନମତେ ଧାର୍ଯ୍ୟ କରିବାକୁ ଗ୍ରୀନ୍‌ ଟ୍ରିବ୍ୟୁନାଲ ସ୍ପଷ୍ଟ ନିର୍ଦ୍ଦେଶ ଦେଇଛନ୍ତି । ସରକାର ଜରିମାନା ଚୂଡ଼ାନ୍ତ କରିବା ପୂର୍ବରୁ ମାମଲାରେ ଦାୟଦାର ଭାବେ କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ନିକଟରେ କ୍ଷତିପୂରଣ ବାବଦକୁ ମାସକ ମଧ୍ୟରେ ୨୫ କୋଟି ଟଙ୍କା ଜମା କରିବାକୁ ଟ୍ରିବ୍ୟୁନାଲ ଆଦେଶ ଦେଇଛନ୍ତି । ସରକାର ଏହି କ୍ଷତିପୂରଣ ଅର୍ଥକୁ ବେଆଇନ ଖନନ ଓ ପରିବେଶ ପ୍ରଦୂଷଣକାରୀ ଅଧିକାରୀ, ବ୍ୟକ୍ତିବିଶେଷ ଓ ଅନୁଷ୍ଠାନଠାରୁ ଆଦାୟ କରିପାରିବେ । କ୍ଷତିପୂରଣ ଅର୍ଥକୁ ଡଙ୍କାରୀ ଅଂଚଳର ପରିବେଶ ସୁରକ୍ଷା ନିମନ୍ତେ ବିନିଯୋଗ କରାଯାଇ ପାରିବ ବୋଲି ଗ୍ରୀନ୍‌ ଟ୍ରିବ୍ୟୁନାଲ ଆଦେଶନାମାରେ ଉଲ୍ଲେଖ କରିଛନ୍ତି ।
ଡଙ୍କାରୀରେ ବେଆଇନ ଖନନ ଓ ପରିବେଶ କ୍ଷତିର ସରଜମିନ୍‌ ଆକଳନ କରିବାକୁ ଗ୍ରୀନ୍‌ ଟ୍ରିବ୍ୟୁନାଲ ଯୁଗ୍ମ କମିଟି ଗଠନ କରିଛନ୍ତି । କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡର ପ୍ରତିନିଧି, ଇଣ୍ଡିଆନ ସ୍କୁଲ ଅଫ୍‌ ମାଇନ୍ସ,ଧାନବାଦ, ଜଙ୍ଗଲ ଗବେଷଣା ପ୍ରତିଷ୍ଠାନ, ଡେରାଡୁନ୍‌, ରାଜ୍ୟ ସିଆ ଅଧ୍ୟକ୍ଷ ଏହି କମିଟିରେ ସ୍ଥାନ ପାଇଛନ୍ତି । ସମ୍ପୃକ୍ତ କମିଟି ଡଙ୍କାରୀ ଗସ୍ତ କରି ବେଆଇନ ଖନନର ପରିମାଣ, ପରିବେଶର କ୍ଷତି ସମ୍ପର୍କରେ ସରଜମିନ୍‌ ତଦନ୍ତ କରି ରିପୋର୍ଟ ଦେବେ । ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ଏହି ଯୁଗ୍ମ କମିଟିକୁ ସରଜମିନ୍‌ ପରିଦର୍ଶନରେ ସହଯୋଗ ଯୋଗାଇ ଦେବେ । ସରଜମିନ୍‌ ରିପୋର୍ଟ ହସ୍ତଗତ ହେବା ପରେ ଗ୍ରୀନ୍‌ ଟ୍ରିବ୍ୟୁନାଲ ଚୂଡ଼ାନ୍ତ କ୍ଷତିପୂରଣ ସମ୍ପର୍କରେ ନିର୍ଦ୍ଦେଶ ଦେବେ । ସରଜମିନ୍‌ ଅନୁଶୀଳନ ରିପୋର୍ଟ ସିଆ ଓ ରାଜ୍ୟ ସରକାର ୩ ମାସରେ ଗ୍ରୀନ୍‌ ଟ୍ରିବ୍ୟୁନାଲକୁ ଇମେଲ୍‌ ଯୋଗେ ପ୍ରେରଣ କରିବାକୁ ଟ୍ରିବ୍ୟୁନାଲ ନିର୍ଦ୍ଦେଶ ଦେଇଛନ୍ତି ।

ସମ୍ବନ୍ଧିତ ଖବର