PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟୋକିଓ ଅଲିମ୍ପିକ୍ସ: ଭାରତୀୟ ମହିଳା ହକି ଟିମ୍‌ ଜର୍ମାନୀ ଠାରୁ ୨-୦ରେ ହାରିଲା
  • ||
  • ଆନନ୍ଦପୁର : ଗାଧୋଇବା ବେଳେ ଅଘଟଣ, କେନାଲରେ ବୁଡ଼ି ଯୁବକ ମୃତ
  • ||
  • ଭୁବନେଶ୍ଵର : ରାଜଧାନୀରେ ପୁଣି ଆତଙ୍କରାଜ, ୨ ଯୁବକଙ୍କୁ ବିଚ୍ ରାସ୍ତାରେ ଗୋଡ଼ାଇ ଗୋଡ଼ାଇ ହାଣିଲେ ଦୁର୍ବୃତ୍ତ
  • ||
  • ନୂଆଦିଲ୍ଲୀ: ମୀରାବାଈ ଚାନୁଙ୍କୁ ମିଳିପାରେ ସ୍ବର୍ଣ୍ଣ ପଦକ, ଝିହୁଇ ହୋଙ୍କର ହେବ ଆଣ୍ଟି ଡୋପିଂ ଟେଷ୍ଟ
  • ||
  • କୋରାପୁଟ: ଭ୍ୟାନରୁ ୧.୮ଲକ୍ଷ ଟଙ୍କା ସହ କୋଟିଏ ଟଙ୍କାର ଗଞ୍ଜେଇ ଜବତ କଲା ଜୟପୁର ସଦର ପୋଲିସ, ଜଣେ ଗିରଫ
  • ||
  • ସମ୍ବଲପୁର: ବଲାଙ୍ଗୀର ଏନ୍‌ଏଚ୍‌ ଲୁଟ ଘଟଣା, ୬ କୁଖ୍ୟାତ୍ ଟ୍ରକ୍ ଲୁଟେରାଙ୍କୁ ଗିରଫ କଲା ପୋଲିସର ସ୍ବତନ୍ତ୍ର ସ୍କ୍ବାର୍ଡ
  • ||
  • ସମ୍ବଲପୁର: ପୁଣି ଖୋଲିଲା ହୀରାକୁଦ ଡ୍ୟାମ୍‌ର ୨ ଗେଟ୍‌, ମୋଟ ୮ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ବେଙ୍ଗାଲୁରୁ : କର୍ଣ୍ଣାଟକ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଲେ ୟେଦିୟୁରପ୍ପା
  • ||
  • ଭୁବନେଶ୍ୱର : ତୃତୀୟ ଲହରୀ ଆସିବାର ଏପର୍ଯ୍ୟନ୍ତ କୌଣସି ଲକ୍ଷଣ ନାହିଁ, ସ୍ଥିତି ଦେଖି ଅନ୍‌ଲକ୍‌ ନିଷ୍ପତ୍ତି : ଡିଏମ୍‌ଇଟି
  • ||
  • ନୂଆଦିଲ୍ଲୀ: ମହାରାଷ୍ଟ୍ର ସଦନରେ ଅଗ୍ନିକାଣ୍ଡ, ନିଆଁଲିଭା କାର୍ଯ୍ୟରେ ୪ଟି ଦମକଳ ଗାଡ଼ ନିୟୋଜିତ
  • ||
  • ସାଲେପୁର: ବାଇକ୍‌କୁ ଧକ୍କା ଦେଲା ଟ୍ରକ୍, ସ୍ଵାମୀ-ସ୍ତ୍ରୀ ଗୁରୁତର
  • ||
  • ଭୁବନେଶ୍ୱର: ଓଡ଼ିଶାରେ କମୁଛି ସଂକ୍ରମଣ, ୨୪ ଘଣ୍ଟା ମଧ୍ୟରେ ୧୬୩୭ ଜଣ କରୋନା ପଜିଟିଭ ଚିହ୍ନଟ
  • ||
  • ଭୁବନେଶ୍ୱର: ଖୋଲିଲା ସ୍କୁଲ, ପାଠପଢ଼ା ଆରମ୍ଭ କଲେ ଦଶମ ଓ ଦ୍ବାଦଶ ଛାତ୍ରଛାତ୍ରୀ
  • ||
  • ଭୋଗରାଇ : ନଦୀ ଘାଟକୁ ପାଣି ଆଣିବାକୁ ଯାଇ ଭାସିଗଲା ନାବାଳକ, ଉଦ୍ଧାର କାର୍ଯ୍ୟ ଜାରି
  • ||
  • କାର୍ଗିଲ ବିଜୟ ଦିବସ : ପାକିସ୍ତାନକୁ ଧୂଳି ଚଟାଇ କାର୍ଗିଲ ଶିଖରରେ ତ୍ରିରଙ୍ଗା ଉଡ଼ାଇଥିଲେ ଭାରତର ବୀର ଯବାନ
  • ||
  • ଭୁବନେଶ୍ୱର : ଆଜି ବାଲେଶ୍ୱରକୁ ଛାଡ଼ି ସବୁଠି ଟିକାକରଣ, ରାଜ୍ୟର ୧୩୦୨ କେନ୍ଦ୍ରରେ ଦିଆଯିବ ଟିକା
  • ||
  • ଆଠଗଡ଼ : ଶ୍ରାବଣ ମାସର ପ୍ରଥମ ସୋମବାର, ଭକ୍ତଶୂନ୍ୟ ବାବା ଧବଳେଶ୍ଵରଙ୍କ ପୀଠ
  • ||
  • ଅନଗୁଳ : ବିଳମ୍ବିତ ରାତିରେ ଘର ପୋଡ଼ିଦେଲେ ଦୁର୍ବୃତ୍ତ, ଲକ୍ଷାଧିକ ଟଙ୍କାର ସମ୍ପତ୍ତି ପୋଡ଼ି ପାଉଁଶ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୨ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୫୭୪କୁ ବୃଦ୍ଧି
  • ||
  • ଭୁବନେଶ୍ୱର : ଓଡ଼ିଶାରେ କମୁଛି ସଂକ୍ରମଣ, ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ଆଉ ୧୬୩୭ ଜଣ କରୋନା ପଜିଟିଭ୍
  • ||

ଗୋପରେ କାହ୍ନୁ, କୋପରେ ମାମୁଁ

ମଥୁରାନଗରୀ, ୧୨ା୧: ଜୀବନ ପ୍ରତି ବିପଦ ଆସିବା ପରେ ମହାରାଜ କଂସ ମଧ୍ୟ ଜଣେ ସାଧାରଣ ପ୍ରଜାଠାରୁ ହୀନ କାମ କରିବସନ୍ତି । ବ୍ୟାଘ୍ର ଭଳି ହିଂସ୍ର, ହାତୀ ଭଳି ପ୍ରତିଶୋଦ ପରାୟଣ ତଥା ସର୍ପ ଭଳି ଛକିକି ମାରିବା ଉଦ୍ୟମ କରିବାକୁ ମଧ୍ୟ ପଛାଇ ନଥିବା ତ୍ରିଭୁବନ ବିଜୟୀ କଂସର ପରାକ୍ରମ, ଠାଣି, ଦମ୍ଭର ବିପରୀତାତ୍ମକ ଭାବ ଦେଖିବାକୁ ମିଳିଛି ବରଗଡ଼ ଧନୁଯାତ୍ରାର ଦ୍ୱିତୀୟ ରଜନୀରେ । ନିଜ ସ୍ୱାର୍ଥ ସୁରକ୍ଷା ପାଇଁ ପିତା ଉଗ୍ରସେନଙ୍କୁ ରାଜ ସିଂହାସନରୁ ବେଦଖଲ କରି ମଥୁରା ସିଂହାସନ ଆରୋହଣ କରିଥିବା ଯୁବରାଜ କଂସ ନିଜକୁ ଚକ୍ରବର୍ତ୍ତୀ ସମ୍ରାଟ ଭାବେ ଆତ୍ମଘୋଷିତ କରି ପିତା ଉଗ୍ରସେନଙ୍କୁ ନଗ୍ରରକ୍ଷୀ କରିଛନ୍ତି । ଉପଯୁକ୍ତ ପରାମର୍ଶ ଦେଇଥିବା ମଥୁରାର ହିତାକାଂକ୍ଷୀ ବୃଦ୍ଧମନ୍ତ୍ରୀ ଅକ୍ରୂରଙ୍କୁ ଗୋଇଠା ମାରି ତଡ଼ି ନେଇଛନ୍ତି । ମଥୁରା ପ୍ରଜାଙ୍କ ଉପରେ ରାଗ ସୁଝାଇ ନିଜ ଭଉଣୀ ଭିଣୋଇଙ୍କୁ କାରାଗାରରେ ନିକ୍ଷେପ କରିଛନ୍ତି । ତଥାପି ମଧ୍ୟ ସରିନାହିଁ ତାଙ୍କ ରୋଷ । ନିଜ ଜୀବନ କଣ୍ଟାକୁ କାଢ଼ିବା ପାଇଁ ଗୋଟି ଗୋଟି କରି ଦେବକୀର ୬ଟି ଗର୍ଭକୁ ଉଜାଡ଼ିବାକୁ ପଶ୍ଚାତପଦ ହୋଇନାହାନ୍ତି । ଦେବତୂଲ୍ୟ ଭଣଜାମାନଙ୍କୁ ଶିଳାରେ କଚାଡ଼ି ପାଶବିକ ହତ୍ୟା କରିଛନ୍ତି । ନିରୀହ ମଥୁରାବାସୀଙ୍କ ଉପରେ ହୋଇଥିବା ଅକଥନୀୟ ଅତ୍ୟାଚାରରେ ଶିଶୁ ନାରୀ, ପୁରୁଷ କେହି ବର୍ତ୍ତି ନପାରି ତ୍ରାହି ତ୍ରାହି ଡ଼ାକ ଛାଡ଼ିଛନ୍ତି । ନିଜେ ନିଜ ରାଜ୍ୟାଭିଷେକ କରାଇ ସିଂହାସନ ମାଡ଼ିବସି କଂସରୁ କଂସାସୁରରେ ପରିଣତ ହୋଇଥିବା ମହାରାଜ କଂସ ଭଉଣୀ ଦେବକୀର ଅଷ୍ଟମ ଗର୍ଭରୁ ଜାତ ସନ୍ତାନ ହସ୍ତରେ ନିଜ ମୃତ୍ୟୁ ସୁନିଶ୍ଚିତ ଜାଣି ଭୟଭୀତ ହୋଇ ଉଠିଛନ୍ତି । ମହାରାଜ କଂସ ମଥୁରା ନଗରୀର ପ୍ରଜା ତଥା କାରାଗାରର ଅନ୍ଧ କାଳ କୋଠରୀରେ ବନ୍ଦୀ ଥିବା ଭଉଣୀ ଦେବକୀ ଓ ଭିଣୋଇ ବସୁେଦେବଙ୍କ ଉପରେ ସମସ୍ତ ରୋଷ ଉତାରିଛନ୍ତି, ଯାହାକି ଅସୁରକୁଳକୁ ମଧ୍ୟ ଭୟଭୀତ କରେଇଦେଇଛି । କଂସ ନା ଶୋଉଛନ୍ତି ନା କାହାରିକୁ ଶୋଇ ଦେଉଛନ୍ତି । ଅଷ୍ଟମ ଗର୍ଭକୁ ଅପେକ୍ଷା କରିଥିବା ଭଣଜାହନ୍ତା କଂସ କାରାରକ୍ଷୀର ସମ୍ବାଦକୁ ଅପେକ୍ଷା କରିଛନ୍ତି ।

ଅନ୍ୟ ପକ୍ଷରେ ଦେବକୀର ଅନ୍ତରର ବେଦନା ଓ ନିବେଦନକୁ ଆଉ ଟାଳି ନପାରି ଜଗତପାଳ ବିଷ୍ଣୁ ଯୋଗବଳରେ ଦେବକୀଙ୍କ ସପ୍ତମ ଗର୍ଭ ହରଣ କରି ରୋହିଣୀଙ୍କ ଗର୍ଭରେ ସ୍ଥାପନ କରିଛନ୍ତି । ନିଜ ଆକର୍ଷଣ ବଳରେ ଗର୍ଭହରଣ କରିଥିବା ଶିଶୁଟି ସଙ୍କର୍ଷଣ ନାଁରେ ପରିଚିତି ଌାଇବା ସହିତ ପରବର୍ତ୍ତୀ ସମୟରେ ବଳରାମ ହୋଇଛନ୍ତି । ଏଭଳି ଶୂନ୍ୟେ ଶୂନ୍ୟେ ଉଡ଼ିଯାଇଥିବା ସପ୍ତମ ଗର୍ଭ ସମ୍ବା ପାଇ କଂସ ଚିନ୍ତାରେ ବୁଡ଼ିରହିଥିବା ବେଳେ ଦେବକୀଙ୍କ ଉଦୟ ହୋଇଛି ଅଷ୍ଟମଗର୍ଭ । ଖବରପାଇ କଂସାସୁର ବେଶ ସତର୍କତା ଅବଲମ୍ବନ କରିବା ପାଇଁ ରକ୍ଷୀଙ୍କୁ ଆଦେଶ ଦେଇ ବାରମ୍ବାର କାରଗାର ପରିଦର୍ଶନ କରିଛନ୍ତି । ମାତ୍ର ସୃଷ୍ଟି ନିୟନ୍ତାଙ୍କ ଅଦୃଷ୍ଟ ଶକ୍ତି ଆଗରେ ସବୁ ନ୍ୟୁନ । ସହସ୍ରାଧିକ ଜଗୁଆଳିଙ୍କ ଉପସ୍ଥିତିରେ ଭାଦ୍ରବ କୃଷ୍ଣପକ୍ଷ ଅଷ୍ଟମୀ ତିଥିରେ ଦେବକୀଙ୍କ ଅଷ୍ଟମ ଗର୍ଭରୁ ଜନ୍ମଲାଭ ନେଇଛନ୍ତି ସୃଷ୍ଟିର ସତ୍ତା, ନ୍ୟାୟର ରକ୍ଷାକର୍ତ୍ତା ତଥା ସଂହାରକର୍ତ୍ତା ଭଗବାନ ଶ୍ରୀକୃଷ୍ଣ । ମଥୁରା କାରାଗାରର ଘନ ଅନ୍ଧାରେ ଆସିଥିବା କଳାକାହ୍ନୁଙ୍କ ଶରୀରରୁ ଫୁଟି ଉଠୁଥିବା ରୂପକାନ୍ତି ଓ ଆଭାରେ ଦେବକୀ ବସୁେଦେବଙ୍କ ମୁହଁରେ ଚେନାଏ ହସ ଫୁଟିଥିଲେ ମଧ୍ୟ ଭାଇ କଂସଙ୍କ ଆତଙ୍କ ଦୁହିଁଙ୍କ ହସ ଚୋରାଇ ନେଇଛି, ଭୟ ଜଡ଼ିଯାଇଛି । ଏ ଶିଶୁଟିକୁ ହରାଇବା ଆଶଙ୍କାରେ ଚିନ୍ତାଶୀଳ ଦେବକୀ ବସୁେଽବ ନାରାୟଣଙ୍କୁ ସ୍ମରଣ କଲାଌରେ ଜଗତକର୍ତ୍ତା ରଚିଛନ୍ତି ମାୟା । ସୃଷ୍ଟି ନିୟନ୍ତାଙ୍କ ମାୟାବଳରେ ବୁସୁେଽବଙ୍କ ଶରୀରରୁ ଶିକୁଳି ଖୋଲିଯାଇଛି, କାରାଗାରର ଶକ୍ତ ଦ୍ୱାର ଆପେ ଖୋଲିଯାଇଛି ଏବଂ ପ୍ରଭୁଙ୍କ ନିର୍ଦ୍ଦେଶକ୍ରମେ ବାସୁେଦୋବକୁ ନେଇ ବସୁେଦେବ ଗୋପ ଯାତ୍ରା କରିଛନ୍ତି । ନିଶାର୍ଦ୍ଧରେ ଯିବା ସମୟରେ ନଗର ସୀମାନ୍ତରେ ସୀମାନ୍ତରକ୍ଷୀ ଉଗ୍ରସେନ ତାଙ୍କ ବାଟ ଉଗାଳିଛନ୍ତି ।


କଂସ ଭୟରେ ରାତିରେ ସନ୍ଦେହ ଘେରରେ କୁଆଡ଼େ ଯାଉଥିବା ଜ୍ୱାଇଁଙ୍କୁ ମଧ୍ୟ ଛାଡ଼ିନାହାନ୍ତି, ମୁଣ୍ଡାଇଥିବା ଟୋକେଇ ନେଇ ପ୍ରଶ୍ନ କରିଛନ୍ତି । କଂସରାଜାଙ୍କ ବିନା ନିର୍ଦ୍ଦେଶରେ କାହାରିକୁ ଛାଡ଼ିବାକୁ ପ୍ରସ୍ତୁତ ନଥିବା ଉଗ୍ରସେନ ବସୁେଽବଙ୍କ ବିନତି ଌରେ ଟୋକେଇ ଯାଞ୍ଚ କରିଛନ୍ତି । ଶଙ୍ଖ, ଚକ୍ର, ଗଦା, ପଦ୍ମ ବିଭୂଷିତ ପରମ କାନ୍ତି ଦେଖି ବସୁେଦେବ ଜାଣି ଭାବବିହ୍ୱଳ ହୋଇଉଠିଛନ୍ତି ଆଉ ବସୁେଦେବଙ୍କୁ ବାଟ ଛାଡ଼ି ଦେଇଛନ୍ତି । ପ୍ରଭୁଙ୍କ ସ୍ପର୍ଶରେ ଉଛୁଳା ଯମୁନା ନଦୀ ବାଟ ଛାଡ଼ିବା ପରେ ବସୁେଦେବ ଗୋପରେ ପହଞ୍ଚିଛନ୍ତି । ନିୟନ୍ତା ଭି ଇଥିବା କୂଟ ଅନୁଯାୟୀ ନନ୍ଦରାଜାଙ୍କ ବାସଭବନରେ ପହଞ୍ଚି ନିଷ୍ୱତ୍ତି ଯଶୋଦାଙ୍କ କୋଳରେ ଶ୍ରୀକୃଷ୍ଣଙ୍କୁ ଥୋଇ ତାଙ୍କ ନବଜନ୍ମିତା ଶିଶୁକନ୍ୟାକୁ ନେଇ ମଥୁରା କାରାଗାରକୁ ଫେରି ଦେବକୀଙ୍କ କତିରେ ଶୁଆଇ ଦେଇଛନ୍ତି ବସୁେଦେବ । ସେପଟେ ରାଜଦରବାରରେ ଦୁର୍ମିଳାସୁର ନିଜକୁ କଂସଙ୍କ ପିତା ବୋଲି କହିବାରୁ ଅସନ୍ତୋଷ ବ୍ୟକ୍ତ କରି କଂସ ଦୁର୍ମିଳାସୁରକୁ ବସ କରିଛନ୍ତି । ରାଷ୍ଟ୍ରର ନୁହେଁ ନିଜର ସୁରକ୍ଷା ପାଇଁ ମଲ୍ଲଯୋଦ୍ଧା ଚାଣୁର ଓ ମୁଷ୍ଟିକକୁ ଆହ୍ୱାନ ଦେଇଛନ୍ତି ପ୍ରବଳ ପ୍ରତାପି କଂସ।

ସମ୍ବନ୍ଧିତ ଖବର