PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ଗୋଷ୍ଠୀ ସଂକ୍ରମଣ ମୁହାଁ ଓଡ଼ିଶା, ସାମାନ୍ୟ ଲକ୍ଷଣ ଥିଲେ ଟେଷ୍ଟ କରନ୍ତୁ : ଜନସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଚଣ୍ଡିଖୋଲ: ଭାରସାମ୍ୟ ହରାଇ ବ୍ରିଜ୍ ତଳକୁ ଖସିଲା ଟ୍ରକ୍, ଅଳ୍ପକେ ବର୍ତ୍ତିଲେ ଡ୍ରାଇଭର୍
  • ||
  • ଢେଙ୍କାନାଳ :ଢେଙ୍କାନାଳ ସିଭିଲ କୋର୍ଟକୁ ସିଲ , ୧୦ରୁ ଅଧିକ କର୍ମଚାରୀ ସଂକ୍ରମିତ ଚିହ୍ନଟ ପରେ ମାଇକ୍ରୋ କଣ୍ଟେନମେଣ୍ଟ ଘୋଷଣା କଲା ପୌରପ୍ରଶାସନ
  • ||
  • ଭୁବନେଶ୍ଵର: ରାଜ୍ୟରେ ତଳମୁହାଁ କରୋନା ଗ୍ରାଫ୍, ଦଶମ ଓ ଦ୍ଵାଦଶ ପରୀକ୍ଷା ପାଇଁ ପ୍ରସ୍ତୁତ ରୁହ : ଗଣଶିକ୍ଷା ମନ୍ତ୍ରୀ
  • ||
  • ବୌଦ୍ଧ: ବାଇକ୍‌କୁ ଧକ୍କା ଦେଲା ଅଜଣା ଗାଡି, ଜଣେ ମୃତ ଅନ୍ୟ ଜଣେ ଗୁରୁତର
  • ||
  • ପାଟଣା: ଜମିବାଡ଼ି ବିବାଦକୁ କେନ୍ଦ୍ରକରି ଦୁଇ ପରିବାର ଭିତରେ ଗଣ୍ଡଗୋଳ, ବଡ଼ ଭାଇ ମୁଣ୍ଡରେ ପଥର ଛେଚିଦେଲେ ସାନ ଭାଇର ପରିବାର
  • ||
  • ଭୁବନେଶ୍ଵର: ରାଜ୍ୟସ୍ତରୀୟ ସାଧାରଣତନ୍ତ୍ର ଦିବସ ପାଇଁ ଗାନ୍ଧୀ ମାର୍ଗରେ ହେଉଛି ଫୁଲଡ୍ରେସ୍ ରିହର୍ସଲ, ସୁରକ୍ଷା ବ୍ୟବସ୍ଥା ପାଇଁ ଟ୍ରାଫିକ୍ କଟକଣା
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ସଂକ୍ରମଣ ଗ୍ରାଫ୍ : ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ୭୨୯୧ ଜଣ କରୋନା ପଜିଟିଭ
  • ||
  • ଭୁବନେଶ୍ଵର: ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ଖଲ୍ଲିକୋଟ: ପରିବା ବୋଝେଇ ଅଟୋକୁ ଧକ୍କା ଦେଲା ବାଲି ବୋଝେଇ ଟ୍ରକ୍, ଜଣେ ମୃତ ୨ ଗୁରୁତର
  • ||
  • ପୁରୀ: ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ କୋଭିଡ୍ ପଜିଟିଭ୍‌, ହସ୍ପିଟାଲରେ ଭର୍ତ୍ତି
  • ||
  • ଭୁବନେଶ୍ୱର : ମାସେ ଚିକିତ୍ସା ପରେ ଜଙ୍ଗଲକୁ ଫେରିଲା ୧୨ ଫୁଟର ଅହିରାଜ, ଢ଼େଲାମାଡ଼ରେ ଭାଙ୍ଗିଥିଲା ପିଞ୍ଜରା ହାଡ଼
  • ||
  • ଭୁବନେଶ୍ଵର : ଆଉ ଦୁଇ ଦିନ ଭିଜିବ ଓଡ଼ିଶା, ଉପକୂଳ ସମେତ ୭ ଜିଲ୍ଲାରେ ସ୍ୱଳ୍ପରୁ ମଧ୍ୟମ ଧରଣର ବର୍ଷା ଆଶଙ୍କା
  • ||
  • ଲମତାପୁଟ : ପିକଅପ୍ ଭ୍ୟାନ୍‌ରୁ ୨ କୁଇଣ୍ଟାଲ ଗଞ୍ଜେଇ ଜବତ, ୨ ମାଫିଆ ଗିରଫ
  • ||

ଆଉଟ୍‌ଲୁକ୍‌ ସ୍ପିକ୍‌ ଆଉଟ୍‌ରେ ଧର୍ମେନ୍ଦ୍ର: ଏଥର ଭୋଟ୍‌ ମୋଦିକୈନ୍ଦ୍ରିକ

ଭୁବନେଶ୍ୱର,୩ା୩(ବ୍ୟୁରୋ): ୨୦୦୯ ଓ ୨୦୧୪ ନିର୍ବାଚନ ଭିନ୍ନ ଥିଲା । ହେଲେ ୨୦୧୯ ଭୋଟ୍‌ ପୂରାପୂରି ଭିନ୍ନ ହେବ । ଗତ ଦୁଇଟି ଯାକ ନିର୍ବାଚନରେ ଓଡ଼ିଶାରେ ମୁଖ୍ୟମନ୍ତ୍ରୀ କୈନ୍ଦ୍ରିକ ଭୋଟ୍‌ ହୋଇଥିଲା । କିନ୍ତୁ, ଏଥର ନିର୍ବାଚନ ପ୍ରଧାନମନ୍ତ୍ରୀ ଓ ମୋଦି କୈନ୍ଦ୍ରିକ ହେବାକୁ ଯାଉଛି । ମୋଦିଙ୍କ ନେତୃତ୍ୱକୁ ସମର୍ଥନ କରି ଉଭୟ ଦିଲ୍ଲୀ ଓ ରାଜ୍ୟରେ ଡବଲ୍‌ ଇଞ୍ଜିନ ସରକାର ପାଇଁ ଲୋକେ ଭୋଟ୍‌ ଦେବେ । ଓଡ଼ିଶାରେ ମୋଦିଙ୍କ ଆଦର୍ଶର ସରକାର ଗଠନ ହେବ, ତାହା ସ୍ପଷ୍ଟ ଜଣାପଡ଼ୁଛି । ଆଉଟ୍‌ ଲୁକ୍‌ ସ୍ପିକ୍‌ ଆଉଟ୍‌ କାର୍ଯ୍ୟକ୍ରମରେ ଏଭଳି ଦମ୍ଭୋକ୍ତି ବାଢ଼ିଛନ୍ତି କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
ଧର୍ମେନ୍ଦ୍ର କହିଛନ୍ତି, ପ୍ରଧାନମନ୍ତ୍ରର ନରେନ୍ଦ୍ର ମୋଦିଙ୍କ ଲୋକପ୍ରିୟତା ଆଜି ଆକାଶ ଛୁଇଁଛି । ମୋଦିଙ୍କ ଫୋକସ୍‌ରେ ଯେଉଁ ୫ ରାଜ୍ୟ ରହିଛି, ସେଥିରେ ଓଡ଼ିଶା ସବୁଠୁ ଉପରେ ରହିଛି । ଓଡ଼ିଶା ଆଜି ମୋଦିଙ୍କ ବିକାଶର ପ୍ରୟୋଗଶାଳା ହୋଇଛି । ଓଡ଼ିଶାର ବିକାଶ ପାଇଁ ମୋଦି ସରକାର ବ୍ୟାପକ ଅନୁଦାନ ଦେଇ ଚାଲିଛନ୍ତି । ମାତ୍ର ରାଜ୍ୟ ସରକାର ଏହାକୁ କାର୍ଯ୍ୟକାରୀ କରାଇ ଦେଉନାହାନ୍ତି । ଜବାବ ମାଗିଲେ ବି ଉତ୍ତର ଦେଉନାହାନ୍ତି । ମୋଦିଙ୍କ ଲୋକପ୍ରିୟତାକୁ ଇର୍ଷା କରି ରାଜ୍ୟ ସରକାର କେନ୍ଦ୍ର ଦେଉଥିବା ପ୍ରକଳ୍ପକୁ ଅଟକାଉଛନ୍ତି । ଲୋକେ ଏହାର ଜବାବ ଦେବେ । ଏଥର ନିର୍ବାଚନ ମୋଦି ଓ ପ୍ରଧାନମନ୍ତ୍ରୀ କୈନ୍ଦ୍ରିକ ନିର୍ବାଚନ ହେଉଥିବାରୁ ଏହାର ଫାଇଦା ବିଜେପିକୁ ମିଳିବ । ଓଡ଼ିଶାର ମତଦାତା ମୋଦିଙ୍କ ନେତୃତ୍ୱକୁ ସମର୍ଥନ କରି ଭୋଟ୍‌ ଦେବେ । ଆଉଟ୍‌ ଲୁକ୍‌ର ସମ୍ପାଦକ ତଥା ବରିଷ୍ଠ ସାମ୍ବାଦିକ ରୁବେନ ବାନାର୍ଜୀଙ୍କ ସହ ଆଲୋଚନାବେଳେ ଏହି ମତ ରଖିଛନ୍ତି ଧର୍ମେନ୍ଦ୍ର ।
ମୁଖ୍ୟମନ୍ତ୍ରୀଙ୍କ କାର୍ଯ୍ୟକାଳ ସମ୍ପର୍କରେ ଧର୍ମେନ୍ଦ୍ର କହିଛନ୍ତି, ୧୯ ବର୍ଷର ଶାସନ ଗୋଟିଏ ରାଜ୍ୟ ପାଇଁ ଲମ୍ବା ସମୟ । ମାତ୍ର ଏବେ ବି ରାଜ୍ୟରେ ଅପପୁଷ୍ଟି ପିଛା ଛାଡ଼ୁନି । ୩୦ ଜିଲ୍ଲାରୁ ୨୦ଟି ଜିଲ୍ଲାରେ ଶିଶୁମାନଙ୍କର ପୁଷ୍ଟିହୀନତା ଓ ରକ୍ତହୀନତା ସ୍ଥିତି ଆଫ୍ରିକୀୟ ଦେଶମାନଙ୍କଠାରୁ ବି ଖରାପ । ୨୦୩୬ ମସିହାରେ ଓଡ଼ିଶା ସ୍ୱତନ୍ତ୍ର ପ୍ରଦେଶ ଗଠନକୁ ଶହେ ବର୍ଷ ପୂରିବ । ଆଜି ଜନ୍ମ ହେଉଥିବା ପିଲାକୁ ସେତେବେଳେ ୧୮ ବର୍ଷ ବୟସ ହେବ । ଏଭଳି ଶକ୍ତିହୀନ ପିଲାଙ୍କୁ ନେଇ ରାଜ୍ୟର ଭବିଷ୍ୟତ କେମିତି ମଜବୁତ ହେବ ବୋଲି ସେ ପ୍ରଶ୍ନ କରିଛନ୍ତି ।
ଧର୍ମେନ୍ଦ୍ର କହିଛନ୍ତି, ରାଜ୍ୟରେ ଶାସନ ବୋଲି କିଛି ନାହିଁ । କେବଳ ପ୍ରଚାର ସର୍ବସ୍ୱ । ରାଜ୍ୟରେ ୩୦ ଲକ୍ଷ ଲୋକଙ୍କର ନିଜସ୍ୱ ଘର ନାହିଁ । ପ୍ରାୟ ୨୦ ଲକ୍ଷ ଲୋକଙ୍କର ନିଜସ୍ୱ ଜମି ନାହିଁ । ଜିଲ୍ଲାପାଳମାନେ ଭୂମିହୀନଙ୍କୁ ଜମି ଦେବା ପାଇଁ କ୍ଷମତାପ୍ରାପ୍ତ । ଭୂମିହୀନ ଲୋକଙ୍କୁ ଘରଡିହ ମିଳୁନାହିଁ । ଅପରପକ୍ଷରେ ସରକାର କେବଳ ‘ଜାଗା’ ଯୋଜନାର ପ୍ରଚାର ଚଳାଇଛନ୍ତି ।
ଆଗାମୀ ସମ୍ଭାବନା ଉପରେ ଧର୍ମେନ୍ଦ୍ର କହିଛନ୍ତି, ଓଡ଼ିଶାର ଲୋକଙ୍କ ପାଖରେ ବୁଦ୍ଧିମତା, କୌଶଳ ଓ ସାହସ ରହିଛି । ଏହି କ୍ଷମତା ବଳରେ ଓଡ଼ିଶାକୁ ଆଗେଇବ । ଏକବିଂଶ ଶତାବ୍ଦୀରେ ଭାରତ ହିଁ ବିକାଶର ନେତୃତ୍ୱ ନେବ । ଆଉ ଭାରତର ପ୍ରଗତିର କେନ୍ଦ୍ର ବିନ୍ଦୁ ଓଡ଼ିଶା ରହିବ ।