PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୋଭିଡ୍ ନିୟମରେ ପରିବର୍ତ୍ତନ; କରୋନା ପଜିଟିଭ୍ ରିପୋର୍ଟ ନଥିଲେ ବି ଡାକ୍ତରଖାନାରେ ମିଳିବ ଆଡ୍‌ମିଶନ
  • ||
  • ବିହାର : JDU ନେତା ତଥା MLC ତନଭୀର ଅଖତରଙ୍କ ମୃତ୍ୟୁ , କରୋନାରେ ପୀଡ଼ିତ ଥିଲେ
  • ||
  • ଦାଦନ ଖଟିବାକୁ ଯାଇ ତେଲେଙ୍ଗାନାରେ ସାପ କାମୁଡ଼ାରେ ପ୍ରାଣହରାଇଲେ ଶ୍ରମିକ
  • ||
  • ଜଳେଶ୍ୱର: ଘରୋଇ କ୍ଲିନିକରେ ପୁଣି ପ୍ରସବ ପରେ ମହିଳାଙ୍କ ମୃତ୍ୟୁ
  • ||
  • ବିରମହାରାଜପୁର : ସୁବର୍ଣ୍ଣପୁର ଜିଲ୍ଲା ବିରମହାରାଜପୁର ସହରର ସାମ୍ବାଦିକ ଭବନ ନିକଟରେ ଅଳିଆ ଗଦାରୁ ନିଆଁ ଲାଗି ପୋଡିଗଲା ସେଲୁନ
  • ||
  • ବ୍ରହ୍ମପୁର : ବ୍ରହ୍ମପୁରରେ ପୁଲିସ ଡିଜି, ସୁରକ୍ଷା ବ୍ୟବସ୍ଥା ସମୀକ୍ଷା କରିବା ପରେ ଗିରିସଲା ସୀମାକୁ ଯିବେ
  • ||
  • ପାରାଦୀପ : ଥାନାରେ ପଶି ଧମକ ଦେବା ଅଭିଯୋଗରେ ୨ ନକଲି ସାମ୍ବାଦିକ ଗିରଫ, ଡ୍ରାଇଭର ସମେତ ୩ ଦାମୀ କାର ଜବତ
  • ||
  • ନୂଆଦିଲ୍ଲୀ : ଗତ ୨୪ ଘଣ୍ଟାରେ ଦେଶରେ ୪ ଲକ୍ଷ ୧ ହଜାର ୭୮ ନୂଆ କରୋନା ଆକ୍ରାନ୍ତ ଚିହ୍ନଟ, ୪ ହଜାର ୧୮୭ ଜଣଙ୍କ ମୁଣ୍ଡ ନେଲା କରୋନା
  • ||
  • କଟକ: ଶୁକ୍ରବାର ରାତିରୁ ଏସସିବି କାଜୁଆଲଟିରେ ପଡି ରହିଛି କୋଭିଡ ସଂକ୍ରମିତଙ୍କ ମୃତଦେହ, ଏନେଇ ଅସନ୍ତୋଷ ବ୍ୟକ୍ତ କଲେ ଡାକ୍ତର ଓ କର୍ମଚାରୀ
  • ||
  • ଗାଙ୍ଗପୁର ଥାନା ଅନ୍ତର୍ଗତ ଷଢଙ୍ଗିପଲ୍ଲୀ ନିକଟରେ ଓଲଟିଲା ସ୍ପିରିଟ ବୋଝେଇ ଟ୍ରକ, ୨ ଆହାତ
  • ||
  • ସାଲେପୁର : ସାଲେପୁର ସବ୍-ଜେଲରୁ ଆଉ ୯ଜଣ କଏଦୀ କରୋନା ପଜିଟିଭ୍‌ ଚିହ୍ନଟ
  • ||
  • କୋରାପୁଟ:ହଳଦୀକୁଣ୍ଡ ପଞ୍ଚାୟତର ପୁରୁଣାପାଣି ଗାଁରେ ଘଟିଲା ଆଘଟଣ, ପୋଖରୀରେ ବୁଡି ଆଖିବୁଜିଲେ ମା’- ଝିଅ
  • ||
  • ଗଞ୍ଜାମ: ପୁଇଁତୋଳା ଛକରେ ଅଟୋ ପିଟିଲା ଟ୍ରକ, ଅଟୋ ଡ୍ରାଇଭର ମୃତ ,୩ ଆହତ
  • ||
  • ଭୁବନେଶ୍ଵର : ଆଇଗିଣିଆ ଛକରେ ମର୍ମନ୍ତୁଦ ଦୁର୍ଘଟଣା, କଣ୍ଟେନର ଖସି ଟ୍ରଲର ଡ୍ରାଇଭର ମୃତ, ହେଲପର ଗୁରୁତର
  • ||
  • ଭୁବନେଶ୍ୱର : ଓଡ଼ିଶାରେ କରୋନା ନେଲା ଆଉ ୨୧ ଜଣଙ୍କ ମୁଣ୍ଡ, ମୃତ୍ୟୁ ସଂଖ୍ୟା ୨୧୬୧କୁ ବୃଦ୍ଧି
  • ||
  • ରାଞ୍ଚି : ଝାରଖଣ୍ଡର ରାଞ୍ଚିର ସଦର ହସ୍ପିଟାଲରେ ଅକ୍ସିଜେନ୍ ସପ୍ଲାଇ ବନ୍ଦ ହେବା କାରଣରୁ ୫ ରୋଗୀ ମୃତ, ଯାଞ୍ଚ୍ ନିର୍ଦ୍ଦେଶ ଦେଲେ ସ୍ଵାସ୍ଥ୍ୟମନ୍ତ୍ରୀ
  • ||
  • ଭୁବନେଶ୍ଵର : ଓଡ଼ିଶାରେ କରୋନା ବିସ୍ଫୋରଣ, ଦିନକରେ ଚିହ୍ନଟ ହେଲେ ୧୧ ହଜାର ୮୦୭ ପଜିଟିଭ ଆକ୍ରାନ୍ତ
  • ||
  • ଭୁବନେଶ୍ଵର : ଆଜି ଅଧା ଓଡ଼ିଶାରେ କାଳବୈଶାଖୀ, ୩ ଜିଲ୍ଲାରେ କୁଆପଥର ବର୍ଷିବା ନେଇ ସତର୍କ ସୂଚନା ଜାରି କଲେ ସ୍ୱତନ୍ତ୍ର ରିଲିଫ୍‌ କମିଶନର, ୧୧ରୁ ବଢ଼ିବ ତାତି
  • ||

ପ୍ଲମ୍ବିଂ ସ୍କିଲ୍‌ ମହୋତ୍ସବରେ ଧର୍ମେନ୍ଦ୍ର, ପ୍ଲମ୍ବର୍‌ ବିନା ଯେକୌଣସି କଳ୍ପନା ଅଧୁରା

ନୂଆଦିଲ୍ଲୀ,୩ା୨(ଏଜେନ୍ସି): ବର୍ତ୍ତମାନ ସମୟରେ ପ୍ଲମ୍ବର୍‌ଙ୍କ ବିନା ଯେକୌଣସି ନିର୍ମାଣ ସମ୍ପର୍କରେ କଳ୍ପନା ଅଧୁରା ରହିଯିବ । ସେହିଭଳି ଦେଶର ସବୁ ବଡ଼ ସହର ତଥା ରାଜ୍ୟ ରାଜଧାନୀରେ ଆଖି ବନ୍ଦ କରି ପ୍ଲମ୍ବିଂ ଶିଳ୍ପର ଜଣକୁ ଠଉରେଇଲେ, ନିଶ୍ଚିତ ଭାବେ ତା’ର ପରିଚୟ ମହାପ୍ରଭୁ ଜଗନ୍ନାଥ ଓ ଓଡ଼ିଶା ସହ ଯୋଡ଼ି ହୋଇଥିବ । କେନ୍ଦ୍ର ପେଟ୍ରୋଲିୟମ ଓ ଦକ୍ଷତା ବିକାଶ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ରବିବାର ଏହା କହିଛନ୍ତି ।
ନୂଆଦିଲ୍ଲୀରେ ଆୟୋଜିତ ପ୍ଲମ୍ବିଂ ସ୍କିଲ୍‌ ମହୋତ୍ସବରେ ଯୋଗଦେଇ ଶ୍ରୀ ପ୍ରଧାନ କହିଛନ୍ତି, ସବୁ ଗରିବଙ୍କ ଘର ଉପରେ ପକ୍କା ଛାତ ରହୁ, ଏହା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସ୍ୱପ୍ନ ରହିଛି । ୨୦୨୨ ସୁଦ୍ଧା ଦେଶରେ ଏମିତି ଘର ନ ଥିବ, ଯାହା ପକ୍କା ହୋଇ ନ ଥିବ ।
ସେ କହିଛନ୍ତି, ମୋଦି ସରକାର ଏ ବର୍ଗର ଲୋକମାନଙ୍କୁ ସର୍ବାଧିକ ଗୁରୁତ୍ୱ ଦେଉଛନ୍ତି । ଏଥିପାଇଁ ନିକଟରେ ପ୍ରଧାନମନ୍ତ୍ରୀ ଜୀବନ ବୀମା ଜ୍ୟୋତି ବୀମା ଯୋଜନା, ପ୍ରଧାନମନ୍ତ୍ରୀ ଜୀବନ ସୁରକ୍ଷା ବୀମା ଯୋଜନା ଅଣାଯାଇଛି । ପ୍ରଧାନମନ୍ତ୍ରୀ କୌଶଳ ବିକାଶ ଯୋଜନାରେ ପ୍ରଶିକ୍ଷଣ ନେଇଥିବା ଲୋକଙ୍କୁ ମଧ୍ୟ ଏହି ବୀମା ସୁବିଧା ମିଳୁଛି । ଆଗାମୀ ୨ ବର୍ଷ ମଧ୍ୟରେ ଭାରତର ଛୋଟ ଗାଁରୁ ଆରମ୍ଭ କରି ସହରରେ ବାସ କରୁଥିବା ସବୁ ପ୍ଲମ୍ବରଙ୍କୁ ବୀମା ଯୋଗାଇବାକୁ ସରକାର ଗୁରୁତ୍ୱାରୋପ କରୁଛନ୍ତି । ସେହିଭଳି ଦେଶରେ ଜଣେ ହେଲେ ବି ପ୍ଲମ୍ବର ରହିବେନି ଯେଉଁମାନଙ୍କର ଜନଧନ ବ୍ୟାଙ୍କ ଖାତା ଖୋଲାଯାଇ ନ ଥିବ । ସବୁ ପ୍ଲମ୍ବରଙ୍କୁ କେନ୍ଦ୍ର ସରକାର ଓ କ୍ଷେତ୍ରୀୟ ଦକ୍ଷତା ପରିଷଦ ମିଳିତ ଉଦ୍ୟମରେ ପ୍ରଶିକ୍ଷଣ ଦିଆଯିବ ।
ଚତ୍ରକାର ଯେପରି ଚିତ୍ର ଆଙ୍କିବାରେ ସିଦ୍ଧହସ୍ତ, ମୂର୍ତ୍ତିକାର ଯେମିତି ନିଖୁଣ ଭାବେ ମୂର୍ତ୍ତି କରେ, ପ୍ଲମ୍ବରମାନେ ମଧ୍ୟ କୌଣସି ଶିଳ୍ପୀ, କଳାକାର ଓ ବିଶ୍ୱକର୍ମାଙ୍କଠାରୁ କମ୍‌ ନୁହନ୍ତି ବୋଲି କେନ୍ଦ୍ର ଦକ୍ଷତା ବିକାଶ ମନ୍ତ୍ରୀ କହିଛନ୍ତି ।
ସେ କହିଛନ୍ତି, ଶ୍ରମିକଙ୍କ ସ୍ୱାସ୍ଥ୍ୟସେବାକୁ ସୁନିଶ୍ଚିତ କରିବା ପାଇଁ ମୋଦି ସରକାର ପ୍ରଧାନମନ୍ତ୍ରୀ ଆୟୁଷ୍ମାନ ଯୋଜନା ଆଣିଛନ୍ତି । ଏଥିରେ ଗରିବ ପରିବାରକୁ ବାର୍ଷିକ ୫ ଲକ୍ଷ ଟଙ୍କା ପର୍ଯ୍ୟନ୍ତ ସ୍ୱାସ୍ଥ୍ୟସେବା ବ୍ୟବସ୍ଥା କରାଯାଇଛି । ଏହି ଯୋଜନାରେ ୩ ମାସ ମଧ୍ୟରେ ୧୦ ଲକ୍ଷଙ୍କୁ ୩ ହଜାର କୋଟିର ସ୍ୱାସ୍ଥ୍ୟସେବା ମିଳିଛି । କିନ୍ତୁ ପ୍ରଧାନମନ୍ତ୍ରୀ ଓଡ଼ିଶା ଗସ୍ତରେ ଆସି ବାରମ୍ବାର ଅନୁରୋଧ କରିବା ସତ୍ତେ୍ୱ ରାଜ୍ୟ ସରକାର ଆୟୁଷ୍ମାନ ଭାରତକୁ ଲାଗୁ କରୁନାହାନ୍ତି । ଓଡ଼ିଶା ଆୟୁଷ୍ମାନ ଭାରତ ଲାଗୁ କଲେ, କେନ୍ଦ୍ରାପଡ଼ା, ପଟ୍ଟାମୁଣ୍ଡାଇର ପ୍ଲମ୍ବର ନିଜ ପରିବାର ସଦସ୍ୟଙ୍କୁ ଦିଲ୍ଲୀର ମେଡିକାଲ୍‌ରେ ଚିକିତ୍ସା କରାଇପାରିବ ।
ଚଳିତ ଅନ୍ତରୀଣ ବଜେଟ୍‌ରେ ସରକାର ଶ୍ରମିକମାନଙ୍କ ପାଇଁ ଶ୍ରମଯୋଗୀ ଯୋଜନାରେ ମାସିକ ୩,୦୦୦ ଟଙ୍କାର ପେନ୍‌ସନ୍‌ ବ୍ୟବସ୍ଥା କରିଛନ୍ତି । ଏଥିପାଇଁ ସରକାର ଓ କର୍ମଚାରୀ ଅଧା ଅଧା ପ୍ରିମିୟମ ଭରିବେ । ଏପରିକି ସ୍କିଲ୍‌ ଇଣ୍ଡିଆ ସାର୍ଟିଫିକେଟ୍‌ ସହ ପ୍ଲମ୍ବିଂ କ୍ଷେତ୍ର ସହ ଯୋଡ଼ି ହୋଇଥିବା ବ୍ୟକ୍ତିବିଶେଷଙ୍କୁ ମୁଦ୍ରା ଯୋଜନାରେ ୧ ଲକ୍ଷରୁ ୫ ଲକ୍ଷ ଟଙ୍କା ପର୍ଯ୍ୟନ୍ତ ଋଣ ଯୋଗାଇ ଦିଆଯିବ ବୋଲି ଦକ୍ଷତା ବିକାଶ ମନ୍ତ୍ରୀ କହିଛନ୍ତି ।
ଶ୍ରୀ ପ୍ରଧାନ କହିଛନ୍ତି, ପ୍ଲମ୍ବିଂ ଶିଳ୍ପରେ ୮ ଲକ୍ଷ ଲୋକ କାମ କରୁଛନ୍ତି । ରେଳପଥ, ବ୍ୟାଙ୍କିଙ୍ଗ୍‌,ପେଟ୍ରୋଲିୟମ କ୍ଷେତ୍ରରେ ମଧ୍ୟ ଏତେ ସଂଖ୍ୟକ ଲୋକ କାମ କରୁନାହାନ୍ତି । ପୂର୍ବରୁ ପ୍ଲମ୍ବିଂରେ କେବଳ ପାଇପ୍‌, ଟ୍ୟାପ୍‌ ଓ ନଳ ବ୍ୟବହାର ହେଉଥିଲା । ଏବେ ସେନ୍‌ସର୍‌ ଯୁଗ ହେଲାଣି । ଟ୍ୟାପ୍‌ ଆଗରେ ହାତ ଦେଖାଇଲେ ସ୍ୱୟଂକ୍ରିୟ ଭାବେ ପାଣି ବାହାରୁଛି । ଏହି ନୂଆ ଟେକ୍ନୋଲୋଜି ଆଗାମୀ ଦିନରେ ପ୍ଲମ୍ବିଂ ଶିଳ୍ପର ନୂଆ ରୂପରେଖ ଆଣିବ ।