PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଦ୍ମପୁର ପୁଲିସକୁ ମିଳିଲା ବଡ ସଫଳତା- ୬୦ କେଜି ଗଞ୍ଜେଇ ସହ ୫ ଗିରଫ, ଦୁଇଟି କାର୍ ଜବତ
  • ||
  • ଯୁବନେତା ସବ୍ୟସାଚୀ ମହାପାତ୍ର ବିଜେଡିରୁ ନିଲମ୍ବିତ – ଦଳ ବିରୋଧରେ ଅରୁଚିକର ମନ୍ତବ୍ୟ ଓ ବିଶୃଙ୍ଖଳା ଆଚରଣର ଅଭିଯୋଗ
  • ||
  • ସମ୍ବଲପୁର : ନାକଟିଦେଉଳରେ ଭାଲୁ ଆକ୍ରମଣରେ ୨ ଚାଷୀ ଗୁରୁତର
  • ||
  • Tokyo Olympics : ଭାରତକୁ ପ୍ରଥମ ପଦକ, ଭାରତ୍ତୋଳନରେ ମୀରାବାଈ ଚାନୁ ଜିତିଲେ ରୌପ୍ୟ ପଦକ
  • ||
  • ସମ୍ବଲପୁର : ହୀରାକୁଦ ଉପରମୁଣ୍ଡରେ ପ୍ରବଳ ବର୍ଷା, ଜଳଭଣ୍ଡାରକୁ ପ୍ରବେଶ କରୁଛି ୭୭ ହଜାର କ୍ୟୁସେକ ଜଳ, ପୁଣି ଗେଟ୍ ଖୋଲିବା ନେଇ ବାଜିଲା ସାଇରନ୍
  • ||
  • ଆନନ୍ଦପୁର : ଶାଳନ୍ଦୀ ନଦୀର ହଦଗଡ ଡ୍ୟାମରୁ ହୋମିଓପାଥି ଡାକ୍ତରୀ ଛାତ୍ରଙ୍କ ମୃତଦେହ ଉଦ୍ଧାର, ଦୁଇ ଦିନ ତଳୁ ଥିଲେ ନିଖୋଜ
  • ||
  • ଯାଜପୁର : ଘର ଭିତରୁ ଦମ୍ପତିଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ଝିଅ ଘର ଲୋକେ
  • ||
  • ତେଲକୋଇ : ନାଳରେ ଭାସିଗଲେ ଓରିଆ ପଞ୍ଚାୟତ ପୁରୁଣାପାଣି ପାଣି ଗାଁର ଗୁରଦେବ ନାୟକ
  • ||
  • ବାନ୍ଦୀପୋରା : ଆତଙ୍କବାଦୀ-ସୁରକ୍ଷାବାହିନୀ ମୁହାଁମୁହିଁ, ସେନା ଗୁଳିରେ ୨ ଆତଙ୍କବାଦୀ ସଫା
  • ||
  • ଟୋକିଓ ଟକ୍କର: ଭାରତୀୟ ପୁରୁଷ ହକି ଦଳର ଦମଦାର ବିଜୟ, ନ୍ୟୁଜିଲାଣ୍ଡକୁ ୩-୨ରେ ଦେଲା ମାତ୍‌
  • ||
  • ଚଣ୍ଡିଖୋଲ : କେନାଲରୁ ଯୁବକଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୪୪୫କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୬୪ ଜଣ କରୋନା ପଜିଟିଭ୍
  • ||
  • ପୁରୀ : ୨୯ ଦିନ ପରେ ରତ୍ନବେଦିକୁ ଫେରିଲେ ମହାବାହୁ, ଆଜି ମିଳିବ ନୀଳାଚଳ ଅବଢ଼ା
  • ||

ବିଜେଡି ସରକାର ପରିବର୍ତ୍ତନ ହେବ: ଧର୍ମେନ୍ଦ୍ର

ନବରଙ୍ଗପୁର,୨୮ା୧(ଆପ୍ର): ‘୧୯ ବର୍ଷର ବିଜେଡି ଶାସନରେ ଚାଷ ଜମିକୁ ମାଡ଼ି ପାରିଲାନି ପାଣି । ସରକାରୀ ଯୋଜନା ପାଇବା ଲାଗି ହିତାଧିକାରୀଙ୍କୁ ହାତଘୁଞ୍ଚା ନ ଦେଲେ ଘର କି ପାଇଖାନା ମିଳୁନି । ଏଭଳି ଦୁର୍ନୀତି ଓ ଅପାରଗ ସରକାର ନିଜ ଚେଲାଙ୍କୁ ପୋଷିବା ଲାଗି ରାଜ୍ୟ ଉପରେ ୧ ଲକ୍ଷ କୋଟି ଟଙ୍କା ଋଣ ଭାର ଲଦିଦେଲେଣି ।’ ଏଭଳି ସରକାରକୁ ପରିବର୍ତ୍ତନ କରିବାର ବେଳ ଆସିଛି । ବିଜେପି ପକ୍ଷରୁ ଅପେରା ପଡିଆରେ ଆୟୋଜିତ କାର୍ଯ୍ୟକ୍ରମ ‘ଜବାବ ମାଗୁଛି ବିଜେପି’ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗଦେଇ ଏହା କହିଛନ୍ତି କେନ୍ଦ ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଧର୍ମେନ୍ଦ୍ର କହିଛନ୍ତି, ୨୦୦୮ରେ ଇନ୍ଦ୍ରାବତୀ ଜଳଭଣ୍ଡାରରୁ ଜଳସେଚନ ପ୍ରକଳ୍ପ ପାଇଁ ନଡିଆ ଭାଙ୍ଗିଥିଲେ ରାଜ୍ୟ ସରକାର । ୧୧ ବର୍ଷ ପରେ ବି ପ୍ରକଳ୍ପ ପାଇଁ ଗୋଟିଏ ବସ୍ତାର ସିମେଣ୍ଟ କାମ ଆରମ୍ଭ ହୋଇପାରିନି । ୧୯ ବର୍ଷର ବିଜେଡି ଶାସନରେ ଜିଲ୍ଲାର ଚାଷୀଙ୍କ ଜମିକୁ ପାଣି ମିଳିଲାନି । ସ୍ୱାସ୍ଥ୍ୟ ସେବା ପାଇଁ ଆବଶ୍ୟକ ଡାକ୍ତର ପଦ ପୂରଣ ହୋଇପାରିଲାନି । ଶିଳ୍ପବିହୀନ ଏ ଜିଲ୍ଲାରେ ମକା ଓ ଚିନି କଳ ପାଇଁ ପ୍ରତିଶ୍ରୁତି ପରେ ପ୍ରତିଶ୍ରୁତି ଦିଆଯାଇ ପ୍ରତାରଣା କରାଯାଇଛି । ଆଗରୁ ଥିବା ଏକମାତ୍ର ଶିଳ୍ପ ମଙ୍ଗଳମ ଟିମ୍ବରକୁ ବନ୍ଦ କରିଦିଆଗଲା । ଟଙ୍କିକିଆ ଚାଉଳ ପାଇଁ କେନ୍ଦ୍ର ୨୯ ଟଙ୍କା ଦେଉଛି । ଶୌଚାଳୟ ପାଇଁ ୧୨ ହଜାର ଟଙ୍କା ହିତାଧିକାରୀ ପିଛା ଦେଉଛି । ତଥାପି ରାଜ୍ୟ ସରକାର ହିତାଧିକାରୀଙ୍କୁ ଶୌଚାଳୟ ଯୋଗାଇ ପାରୁନାହାନ୍ତି । ଜିଲ୍ଲାକୁ ୩୫ ପ୍ରତିଶ୍ରତ ଜଳସେଚନ ବ୍ୟବସ୍ଥା ବିଜେଡି ସରକାରଙ୍କ ଧୂଆଁବାଣ । ନବରଙ୍ଗପୁର- ମାଲକାନଗିରିକୁ ରେଳ ସଂଯୋଗ କେନ୍ଦ୍ର ସରକାରଙ୍କ ଅବଦାନ । କିନ୍ତୁ ବିଜେଡି ସାଂସଦ ଭୋଟରଙ୍କୁ ଦିନରେ ଲଣ୍ଠନ ଦେଖାଇ ନିଜ ସପକ୍ଷରେ ପ୍ରଚାର କରୁଛନ୍ତି । ଆଜି ପାଗ ଖରାପଥିବା ସତ୍ତେ୍ୱ ବିଶାଳ ସମାବେଶ ଆଗାମୀ ଦିନେର ଓଡିଶାର ପାଗ ପରିବର୍ତ୍ତନର ଲକ୍ଷ୍ୟ ନେଇସାରିଛି । ତେଣୁ ଦୁର୍ନୀତିଗ୍ରସ୍ତ ତଥା ଅପାରଗ ବିଜେଡି ସରକାରକୁ ହଟାଇ ନରେନ୍ଦ୍ର ମୋଦିଙ୍କ ନେତୃତ୍ୱରେ ବିଜେପି ସରକାର ଗଢିବାକୁ ଆହ୍ୱାନ ଦେଇଛନ୍ତି ଧର୍ମେନ୍ଦ୍ର ।
ଏହି ଅବସରରେ କନେଷ୍ଟବଳ ସଂଘର ଜିଲ୍ଲା ସଭାପତି ଗୌରୀଶଙ୍କର ମାଝୀ ଚାକିରି ଛାଡ଼ି ବିଜେପିରେ ସାମିଲ ହୋଇଛନ୍ତି । ତାଙ୍କ ସହିତ ବିଭିନ୍ନ ଦଳର କର୍ମୀ ବୁଲୁ ମହାପାତ୍ର, ଶ୍ରୀଧର ପାତ୍ର, ସୀମାଞ୍ଚଳ ପାତ୍ରଙ୍କ ସମେତ ୪୦ ଜଣ ବିଜେପିରେ ସାମିଲ ହୋଇଥିବା ସୂଚନା ମିଳିଛି । କାର୍ଯ୍ୟକ୍ରମ ଆରମ୍ଭରେ ହେଲିପ୍ୟାଡରୁ ମନ୍ତ୍ରୀ ଧର୍ମେନ୍ଦ୍ର ପ୍ରଧାନକୁ ଏକ ବାଇକ୍‌ ରାଲିରେ ସଭାମଞ୍ଚ ନିକଟକୁ ଅଣାଯାଇଥିଲା । କାର୍ଯ୍ୟକ୍ରମରେ ରାଜ୍ୟ ସାଧାରଣ ସଂପାଦକ ଭୃଗୁ ବକ୍ସି ପାତ୍ର, ମୃତ୍ୟୁଞ୍ଜୟ ଦାସ, ସୁବ୍ରତ ମିଶ୍ରଙ୍କ ସମେତ ବହୁ ଦଳୀୟ ନେତା ମଞ୍ଚାସୀନ ଥିଲେ ।