PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର ଡେଲଟା ଛକରେ ଜୁଏଲାରୀ ଦୋକାନରୁ ଲୁଟ୍‌ , କେଜିଏ ସୁନା, ୧୦ କେଜି ରୁପା ଅଳଙ୍କାର ଓ କ୍ୟାସ୍‌ ବକ୍ସରୁ ଦେଢ଼ ଲକ୍ଷ ଟଙ୍କା ନେଇ ଯାଇଥିବା ଅଭିଯୋଗ
  • ||
  • ମହାରାଷ୍ଟ୍ରରୁ ପୁଣି ୭ ଓମିକ୍ରନ ଆକ୍ରାନ୍ତ ଚିହ୍ନଟ , ମହାରାଷ୍ଟ୍ର ସ୍ୱାସ୍ଥ୍ୟ ବିଭାଗର ସୂଚନା,ଭାରତରେ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ୧୨ କୁ ବୃଦ୍ଧି
  • ||
  • ଯାଜପୁର ଡୁବୁରିରେ ପ୍ରତିଷ୍ଠା ହେବ ନୂଆ ଇଏସ୍‌ଆଇ ହସ୍ପିଟାଲ । ଏଠାରେ ୧୦୦ ଶଯ୍ୟା ବିଶିଷ୍ଟ ହସ୍ପିଟାଲ ହେବ । ଏନେଇ ପ୍ରସ୍ତାବକୁ କେନ୍ଦ୍ର ଶ୍ରମ ମନ୍ତ୍ରୀଙ୍କ ଅନୁମୋଦନ ।
  • ||
  • ଝାରସୁଗୁଡ଼ାରେ ପ୍ରତିଷ୍ଠା ହେବ ESICର ଉପ ଆଞ୍ଚଳିକ କାର୍ଯ୍ୟାଳୟ – ESICର ବୈଠକରେ ଅନୁମୋଦନ ଦେଲେ ଶ୍ରମ ମନ୍ତ୍ରୀ
  • ||
  • ପୁରୀ: ପୁରୀଠୁ ୭୦ କିମି ଦୂରରେ ବାତ୍ୟା ଜୱାଦ୍, ଆସନ୍ତାକାଲି ପଶ୍ଚିମବଙ୍ଗ ଆଡ଼କୁ ଗତି କରିବ
  • ||
  • ଜାମଗାଁ: ବିଦ୍ୟୁତ ସଂସ୍ପର୍ଶରେ ଆସି ଜଣେ ଯୁବକ ମୃତ
  • ||
  • ସୁନ୍ଦରଗଡ଼: ଭାରସାମ୍ଯ ହରାଇ ଓଲଟିଲା ଟ୍ରାକ୍ଟର, ତଳେ ଚାପି ହୋଇ ଚାଲିଗଲା ଦମ୍ପତ୍ତିଙ୍କ ଜୀବନ
  • ||
  • ଝାରସୁଗୁଡା : ବାରହା ଫାଶରେ ପଡି ଚାଲିଗଲା ଯୁବକଙ୍କ ଜୀବନ
  • ||
  • କଟକ : ‘ଜୱାଦ’ ପ୍ରଭାବରେ କଟକରେ ପ୍ରବଳ ବର୍ଷା, ୨୦.୫୧ ମିମି ବୃଷ୍ଟିପାତ ରେକର୍ଡ
  • ||
  • ମ.ରାମପୁର : ଭାରସାମ୍ୟ ହରାଇ ଓଲଟିଲା ଟ୍ରକ୍, ଅଳ୍ପକେ ବର୍ତ୍ତିଗଲେ ଡ୍ରାଇଭର୍ ଏବଂ ହେଲପର୍‌
  • ||
  • ସୋର : ଜଳିଗଲା ୨ ମହଲା ଘର, ଲକ୍ଷାଧିକ ଟଙ୍କାର ସାମଗ୍ରୀ ନଷ୍ଟ
  • ||
  • ନୂଆଦିଲ୍ଲୀ: ଜାନୁଆରୀରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ଘାତକ: ଆଇଆଇଟି କାନପୁର ସତର୍କବାଣୀ
  • ||
  • କେନ୍ଦୁଝର : ପାଟଣା ରେଞ୍ଜରେ ହାତୀ ଉପଦ୍ରବ, ଦଳିମକଚି ନଷ୍ଟ କରିଦେଲେ ଏକର ଏକର ଧାନ ଫସଲ
  • ||
  • ଭୁବନେଶ୍ଵର : ଅବପାତ ରୂପ ନେଲା ବାତ୍ୟା ଜୱାଦ, ପ୍ରବଳ ବର୍ଷିବ, ୧୦ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ
  • ||
  • ଭୁବନେଶ୍ୱର : ଟଳିଲା ବାତ୍ୟା ବିପଦ, ଉଜୁଡ଼ିଲା ଚାଷ, ଉତ୍ତର ଓଡ଼ିଶାରେ ଅଧିକ ବର୍ଷିପାରେ
  • ||
  • ଜଗତସିଂହପୁର : ଲଗାଣ ବର୍ଷାରେ ଉଜୁଡିଲା ଫସଲ, ଚାଷୀ ମୁଣ୍ଡରେ ଚଡ଼କ
  • ||
  • ପଦ୍ମପୁର : ଧାନ ଚୋରା ଚାଲାଣ ବେଳେ ମାଡି ବସିଲା ଯୋଗାଣ ବିଭାଗ, ୨୨୦ ବସ୍ତା ଧାନ ଜବତ
  • ||

ଧର୍ମେନ୍ଦ୍ରଙ୍କ ଅଭିଯୋଗ: ନିର୍ବାଚନ ପ୍ରତିଶ୍ରୁତି ପୂରଣରେ ମୁଖ୍ୟମନ୍ତ୍ରୀ ଫେଲ

ଭୁବନେଶ୍ୱର,୬ା୩(ବ୍ୟୁରୋ): ୨୦୧୪ ନିର୍ବାଚନ ବେଳେ ମୁଖ୍ୟମନ୍ତ୍ରୀ ଯାହା ପ୍ରତିଶ୍ରୁତି ଦେଇଥିଲେ ତାହା ପୂରଣ ହୋଇନି । ମାତ୍ର ମୁଖ୍ୟମନ୍ତ୍ରୀ ଏବେ ସବୁ ପ୍ରତିଶ୍ରୁତି ପୂରଣ କରିଛନ୍ତି ବୋଲି ମିଛ କହୁଛନ୍ତି । ଏହା କେବଳ ରାଜ୍ୟବାସୀଙ୍କୁ ଭୁଆଁ ବୁଲାଇବାକୁ ଉଦ୍ଦିଷ୍ଟ ବୋଲି ଅଭିଯୋଗ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ମୁଖ୍ୟମନ୍ତ୍ରୀ ଟ୍ରାନ୍‌ସପରେନ୍ସି, ଟେକ୍‌ନୋଲୋଜି ଓ ଟିମ୍‌ୱର୍କରେ ବିଶ୍ୱାସ କରୁଥିବା କହୁଥିବା ବେଳେ ‘କାଳିଆ’ ଯୋଜନାର ହିତାଧିକାରୀଙ୍କ ତାଲିକା ୱେବସାଇଟରୁ କୁଆଡ଼େ ଗଲା ବୋଲି ପ୍ରଶ୍ନ କରିଛନ୍ତି ।
ସାମ୍ବାଦିକ ସମ୍ମିଳନୀରେ ଶ୍ରୀ ପ୍ରଧାନ କହିଛନ୍ତି, ସମସ୍ତଙ୍କୁ ପକ୍କା ଘର ଦେଇଛନ୍ତି ବୋଲି ମୁଖ୍ୟମନ୍ତ୍ରୀ ମନ୍ତ୍ରୀ ପରିଷଦ ବୈଠକରେ କହିଛନ୍ତି । ଗତ ୫ ବର୍ଷରେ ୨୦ ଲକ୍ଷ କଚ୍ଚା ଘରକୁ ପକ୍କା ଘରରେ ପରିଣତ କରିଥିବା ସେ ଦର୍ଶାଇଥିଲା ବେଳେ ୧୭ ଲକ୍ଷ ଘର କେନ୍ଦ୍ର ପାଣ୍ଠିରେ ହୋଇଛି । ୩୦ ଲକ୍ଷ ଲୋକଙ୍କୁ ଘର ମିଳିନି ବୋଲି ମୁଖ୍ୟମନ୍ତ୍ରୀ ନିଜେ ବିଧାନସଭାରେ ସ୍ୱୀକାର କରିଛନ୍ତି । ଗତ ୩ ବର୍ଷ ହେବ ବଜେଟରେ ରାଜ୍ୟ ସରକାର ଗୃହ ନିର୍ମାଣ ପାଇଁ ବଜେଟରେ ପାଣ୍ଠି ବରାଦ କରିନାହାନ୍ତି । ଏପରିକି ଯେଉଁ ପରିବାରର ଜମି ନଥିବ ସରକାର ଘରଡିହ କିଣି ଯୋଗାଇବା ସହ ଘର ଯୋଗାଇବେ ବୋଲି ପ୍ରତିଶ୍ରୁତି ଦେଇଥିଲେ । ମାତ୍ର ଜାଗା ମିଶନର ଡିଣ୍ଡିମ ସରକାର ପିଟୁଥିଲା ବେଳେ ୨୦ ଲକ୍ଷ ଲୋକଙ୍କୁ ସ୍ଥାୟୀ ପଟ୍ଟା ମିଳିନି । ଏଥିରୁ ସରକାର ପ୍ରତିଶ୍ରୁତି ପୂରଣରେ କେତେ ସଫଳ ତାହା ଜଳଜଳ ।
ଯୁବକ ଯୁବତୀଙ୍କୁ ନିଯୁକ୍ତି ଦେବା ନେଇ ମଧ୍ୟ ମୁଖ୍ୟମନ୍ତ୍ରୀ ମିଛ କହିଛନ୍ତି । ୨୦୧୪ରେ ମୁଖ୍ୟମନ୍ତ୍ରୀ ନିଯୁକ୍ତି ସୃଷ୍ଟି ଯୋଜନା ପ୍ରତିଶ୍ରୁତି ଦେଇଥିଲେ । ଏବେ ବି ରାଜ୍ୟ ଯୁବପିଢ଼ିର ଏକ ତୃତୀୟାଂଶ ବାହାର ରାଜ୍ୟକୁ ଦାଦନ ଖଟିବାକୁ ଯାଉଛନ୍ତି । ରାଜ୍ୟରେ ଶିଳ୍ପାୟନ ଓ ମେକ୍‌ ଇନ୍‌ ଓଡ଼ିଶାର ଡିଣ୍ଡିମ ପିଟାଯାଉଥିଲା ବେଳେ ଶିଳ୍ପାୟନ ସମ୍ପୂର୍ଣ୍ଣ ଫେଲ୍‌ ମାରିଛି । ସାମାଜିକ ସୁରକ୍ଷାକୁ ଅଗ୍ରାଧିକାର ମିଳିଛି ବୋଲି ସରକାର କହୁଛନ୍ତି, ମାତ୍ର ୩୦ ବର୍ଷ ବୟସରୁ ଅଧିକ ଅବିବାହିତ, ସ୍ୱାମୀ ପରିତ୍ୟକ୍ତା, ନିରାଶ୍ରୟ ମହିଳାଙ୍କୁ ପେନ୍‌ସନ୍‌ ଦେବାର ବ୍ୟବସ୍ଥା କୁଆଡ଼େ ଗଲା ବୋଲି ଧର୍ମେନ୍ଦ୍ର ପ୍ରଶ୍ନ କରିଛନ୍ତି ।
ଜଳସେଚନ ନେଇ ମଧ୍ୟ ମୁଖ୍ୟମନ୍ତ୍ରୀ ମିଛ ତଥ୍ୟ ରଖିଛନ୍ତି । ବଲାଙ୍ଗୀରର ଲୋୟର ସୁକତେଲ, ଅପର କୋଲାବ ଓ ଇନ୍ଦ୍ର ଜଳସେଚନ ପ୍ରକଳ୍ପର ସ୍ଥିତି କ’ଣ ମୁଖ୍ୟମନ୍ତ୍ରୀ ବଲାଙ୍ଗୀରବାସୀଙ୍କୁ ଜବାବ ଦିଅନ୍ତୁ । କୃଷି ଓ କୃଷକ କଲ୍ୟାଣ ନେଇ ବିଜେଡିର ନିର୍ବାଚନ ଇସ୍ତାହାର ପାଣିର ଗାର ପାଲଟିଛି । ସମବାୟ ବିଭାଗର ମାତ୍ର ୮ଟି ଶୀତଳଭଣ୍ଡାର ଥିଲାବେଳେ ମାତ୍ର ୨୦/୨୨ ଘରୋଇ ଶୀତଳଭଣ୍ଡାର ଅଛି । ଏ ଶୀତଳଭଣ୍ଡାର ମାଲିକମାନେ ପ୍ରୋତ୍ସାହନ ନପାଇ ଆନ୍ଦୋଳନକୁ ମଧ୍ୟ ଓହ୍ଲାଉଛନ୍ତି । ସବୁ ଗାଁକୁ ପାନୀୟ ଜଳ ଯୋଗାଣରେ ମଧ୍ୟ ରାଜ୍ୟ ସରକାର ବିଫଳ ହୋଇଛନ୍ତି । ମାର୍ଚ୍ଚ ମାସରେ ୭୦ ଭାଗ ଗାଁ ରେ ପିଇବା ପାଣି ପାଇଁ ମା’ଭଉଣୀମାନେ ହନ୍ତସନ୍ତ ହେଉଛନ୍ତି । ଗ୍ରାମାଞ୍ଚଳରେ ମାତ୍ର ୩% ପରିବାରକୁ ପାଇପ୍‌ରେ ପାନୀୟ ଜଳ ପହଞ୍ଚିଛି ।
କୃଷକଙ୍କ ପାଇଁ ରାଜ୍ୟ ସରକାର ‘କାଳିଆ’ ଯୋଜନା ଆରମ୍ଭ କରିଥିଲା ବେଳେ ଲାଭାର୍ଥୀ ସୂଚୀ କୁଆଡ଼େ ଗଲା ବୋଲି ଶ୍ରୀ ପ୍ରଧାନ ପ୍ରଶ୍ନ କରିଛନ୍ତି । ‘କାଳିଆ’ ୱେବସାଇଟରେ କାଳିଆ ଲାଭାର୍ଥୀଙ୍କ ଆବେଦନ ଓ ସରକାରଙ୍କ ୩୬ ଲକ୍ଷ ହିତାଧିକାରୀଙ୍କ ତାଲିକା କୁଆଡ଼େ ଗଲା ବୋଲି ଶ୍ରୀ ପ୍ରଧାନ ପ୍ରଶ୍ନ କରିଛନ୍ତି । ପ୍ରଧାନମନ୍ତ୍ରୀ କିଷାନ ଯୋଜନା ପାଇଁ ରାଜ୍ୟ ସରକାର ଚାଷୀଙ୍କ ତାଲିକା କାହିଁକି ଦେଉନାହାନ୍ତି ବୋଲି ଶ୍ରୀ ପ୍ରଧାନ ପ୍ରଶ୍ନ କରିଛନ୍ତି । ତୁରନ୍ତ ୪୫ ଲକ୍ଷ ଚାଷୀଙ୍କ ନିର୍ଭୁଲ ତାଲିକା ଦିଲ୍ଲୀ ପଠାଇବାକୁ ସେ ଆହ୍ୱାନ ଦେଇଛନ୍ତି ।
ମୁଖ୍ୟମନ୍ତ୍ରୀ କୋଟି କୋଟି ଟଙ୍କା ବିଜ୍ଞାପନରେ ଖର୍ଚ୍ଚ କରି ମିଛ ପ୍ରଚାର କରୁଛନ୍ତି । ଓଡ଼ିଆ ଲୋକଙ୍କ ଉପରେ ମୁଖ୍ୟମନ୍ତ୍ରୀ ଦାଉ ସାଧୁଛନ୍ତି । ସାଢ଼େ ୪ କୋଟି ଓଡ଼ିଆଙ୍କୁ ନିଜ ପରିବାର ବୋଲି ମୁଖ୍ୟମନ୍ତ୍ରୀ ସମ୍ବୋଧିତ କରିଥିଲା ବେଳେ କୁନ୍ଦୁଲି, ବେବିନା କ’ଣ ପରିବାରର ସଦସ୍ୟ ନୁହନ୍ତି କି ବୋଲି ଧର୍ମେନ୍ଦ୍ର ପ୍ରଶ୍ନ କରିଛନ୍ତି । ମିଛ ପ୍ରଚାର ନକରି ମୁଖ୍ୟମନ୍ତ୍ରୀ ବିତର୍କକୁ ଆସନ୍ତୁ ବୋଲି ଧର୍ମେନ୍ଦ୍ର ଆହ୍ୱାନ ଦେଇଛନ୍ତି ।

ସମ୍ବନ୍ଧିତ ଖବର