PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୪ ରାଜ୍ୟସଭା ଆସନ ପାଇଁ ବିଜେଡିର ପ୍ରାର୍ଥୀ ଘୋଷଣା : ପୁଣି ରାଜ୍ୟସଭା ଯିବେ ସସ୍ମିତ ପାତ୍ର, ୩ ନୂଆ ମୁହଁଙ୍କୁ ସୁଯୋଗ
  • ||
  • ଭୁବନେଶ୍ଵର : କେରଳ ଛୁଇଁଲା ମୌସୁମୀ ବାୟୁ
  • ||
  • ନେପାଳରେ ଯାତ୍ରୀବାହୀ ବିମାନ ତାରା ଏୟାର ୯ NAET ର ମିଳୁନି ପତ୍ତା , ୪ ଭାରତୀୟଙ୍କ ସମେତ ୧୯ ଯାତ୍ରୀ ଥିବା ସୂଚନା
  • ||
  • ବ୍ରହ୍ମପୁର : ସନ୍ଧ୍ୟାବେଳେ ବେଳାଭୂମିରେ ବସିଥିବା ବେଳେ ମୁଣ୍ଡ ଉପରେ ପଡ଼ିଲା ଚଡ଼କ, ଛାତ୍ର ମୃତ ଛାତ୍ରୀ ଗୁରୁତର
  • ||
  • ବିଶ୍ୱର ସବୁଠୁ ବଡ଼ କ୍ରିକେଟ ଷ୍ଟାଡ଼ିୟମ୍‌ରେ ଖେଳା ଯିବ ଆଇପିଏଲ ୨୦୨୨ ଫାଇନାଲ
  • ||
  • ଆନନ୍ଦପୁର : ଝରକା ଗ୍ରୀଲ୍ ଭାଙ୍ଗି ଶିକ୍ଷକଙ୍କ ଘରେ କଳାକନା ବୁଲାଇଦେଲେ ଦୁର୍ବୃତ୍ତ, ୧୫ ଭରି ସୁନାଅଳଙ୍କାର ସହ ନଗଦ ୫୨ ହଜାର ଟଙ୍କା ଲୁଟ୍
  • ||
  • ସୋର : ଗୋରୁ ବୋଝେଇ କଣ୍ଟେନର ଜବତ, ୪୦ ରୁ ଉର୍ଦ୍ଧ୍ଵ ଗୋରୁ ଉଦ୍ଧାର, ୧୧ ଗିରଫ
  • ||
  • ସମାନ ନାଗରିକ ସଂହିତା ଲାଗୁ କରିବା ପ୍ରସ୍ତୁତିରେ ମୋଦି ସରକାର , ପ୍ରଥମେ ଉତ୍ତରାଖଣ୍ଡରେ ଏହି ଆଇନ୍‌ ଲାଗୁ କରାଯିବାର ଅଭ୍ୟାସ ଆରମ୍ଭ କରାଯାଇଛି
  • ||
  • ଗୁଜରାଟରେ ବଡ଼ ବିଜୟର ପ୍ରସ୍ତୁତିରେ ବିଜେପି , କଂଗ୍ରେସ ଦୁର୍ବଳତାର ବି ମିଳିବ ଫାଇଦା
  • ||

ନବୀନଙ୍କୁ ଟାର୍ଗେଟ୍‌ କଲେ ଧର୍ମେନ୍ଦ୍ର, କାଳିଆ ଯୋଜନା କେବଳ ବାହାପିଆମି

ନୟାଗଡ଼,୨୭ା୩(ଆପ୍ର): ରାଜ୍ୟ ସରକାର ପ୍ରଣୟନ କରିଥିବା କାଳିଆ ଯୋଜନା କେବଳ ଭାଷଣ, ପ୍ରତିଶ୍ରୁତି ଓ ବାହାପିଆମି । କାଳିଆ ଯୋଜନାକୁ କେହି ବନ୍ଦ କରିପାରିବେ ନାହିଁ ବୋଲି ନବୀନ ବାବୁ କହିଥିଲେ । ଏହି ଯୋଜନାରେ ଚାଷୀଙ୍କୁ ପ୍ରତ୍ୟକ୍ଷ ଭାବେ ଟଙ୍କା ଦେବାକୁ କହିଲେ । କିନ୍ତୁ ବିକ୍ରମ ଆରୁଖଙ୍କ ଭାଇ, ସୁଶାନ୍ତ ସିଂହଙ୍କ ଭାଇ ଓ ନିରଞ୍ଜନ ପୂଜାରୀଙ୍କ ବାପା ଏହି ଯୋଜନାର ହିତାଧିକାରୀ ବୋଲି ସମାଲୋଚନା କରିଛନ୍ତି କେନ୍ଦ୍ର ପେଟ୍ରୋଲିୟମ୍‌ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ବୁଧବାର ନୟାଗଡ଼ରେ ବିଜେପିର ପ୍ରଚାର ଆରମ୍ଭ କରିବା ଅବସରରେ ବିଭିନ୍ନ ପ୍ରସଙ୍ଗରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଟାର୍ଗେଟ୍‌ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର । କାଳିଆ ଯୋଜନାରେ ୩୬ ଲକ୍ଷ ଚାଷୀଙ୍କୁ ଟଙ୍କା ଦିଆଯାଇଥିବା ଏକ ପ୍ରହସନ । ନବୀନ ବାବୁ ୩୬ ଲକ୍ଷ ଚାଷୀଙ୍କୁ କାଳିଆ ଯୋଜନାରେ ଯୋଡ଼ିଲେ ବୋଲି ଦାବି କରୁଥିବା ବେଳେ ତାଲିକା କାହିଁକି ସାର୍ବଜନୀନ କରିନାହାନ୍ତି ବୋଲି ସେ ପ୍ରଶ୍ନ କରିଥିଲେ ।

ଧର୍ମେନ୍ଦ୍ର ଆହୁରି କହିଥିଲେ ଯେ, ବିଜେଡି ଚିଟ୍‌ଫଣ୍ଡ ସର୍ଦ୍ଦାରମାନଙ୍କ ଦଳ । ଚିଟ୍‌ଫଣ୍ଡ କେଳେଙ୍କାରୀରେ ଗରିବ ଓଡ଼ିଆ ଲୋକମାନଙ୍କର ରକ୍ତ ଶୋଷିଥିବା ମୁଖିଆମାନେ ହେଲେ ବିଜେଡିର ନେତା । ନୟାଗଡ଼ ଖେଳ ପଡ଼ିଆରେ ବିଜେପିର ନିର୍ବାଚନୀ ସଭା ଆୟୋଜନ କରାଯାଇଥିଲା । ଏହି ଅବସରରେ ଧର୍ମେନ୍ଦ୍ର ବିଜେଡି ସରକାର ସମୟରେ ହୋଇଥିବା ବିଭିନ୍ନ ଦୁର୍ନୀତି ଉପରେ ଆଲୋକପାତ କରିଥିଲେ । ରାଜ୍ୟରେ ବିଜେପି ସରକାରକୁ ଆସିଲେ ଛବି ବର୍ଦ୍ଧନ ହତ୍ୟାକାରୀକୁ ନୟାଗଡ଼ ଜେଲକୁ ପଠାଯିବ । ସେହିଭଳି ନୟାଗଡ଼ର ମହିଷାସୁରକୁ ବଧ କରିବା ପାଇଁ ଦୁଇ ଦୁର୍ଗା ଆସୁଛନ୍ତି ବୋଲି କହିଥିଲେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କୋଇଲା ମନ୍ତ୍ରୀ ଥିବା ବେଳେ ଏକ ଭୂତ କମ୍ପାନିକୁ କୋଇଲା ଖଣି ଆବଣ୍ଟନ କରିଛନ୍ତି । ଖଣି ପାଇବାର ବର୍ଷକ ପରେ ଏହି କମ୍ପାନି ପଞ୍ଜିକୃତ ହୋଇଥିଲା । ୨୦୧୪ ମାର୍ଚ୍ଚ ମାସରେ ଏହା ଉପରେ ସିବିଆଇ କେସ୍‌ ଦାୟର କରିଥିବା ଗଣମାଧ୍ୟମରେ ପ୍ରକାଶ ପାଇଛି । ନବୀନ ବାବୁ ନିର୍ବାଚନ ସତ୍ୟପାଠରେ ଏକଥା ପ୍ରକାଶ କରିନାହାନ୍ତି । ଏହାର ଉତ୍ତର ତାଙ୍କୁ ଦେବାକୁ ପଡ଼ିବ ବୋଲି କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ କହିଥିଲେ ।

ଗତ ୨୪ ତାରିଖରେ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ନୟାଗଡ଼ ଆସି ମହିଳାଙ୍କୁ ସଶକ୍ତକରଣ କରିଥିବା କହିଥିଲେ । କିନ୍ତୁ ନୟାଗଡ଼ର ରାଣୀ ପ୍ରତ୍ୟୁଷା ରାଜେଶ୍ୱରୀ ସିଂଙ୍କ ସ୍ୱାମୀ ତଥା ପୂର୍ବତନ କନ୍ଧମାଳ ସାଂସଦ କୁମାର ହେମେନ୍ଦ୍ର ଚନ୍ଦ୍ର ସିଂଙ୍କ ପ୍ରତିମୂର୍ତ୍ତିକୁ ଅନାବରଣ ନ କରିବା କ’ଣ ନାରୀ ସଶକ୍ତକରଣ କି ବୋଲି ପ୍ରଶ୍ନ କରିଥିଲେ । ଏହି ଅବସରରେ ଧର୍ମେନ୍ଦ୍ର ସ୍ୱର୍ଗତ ହେମେନ୍ଦ୍ରଙ୍କ ପ୍ରତିମୂର୍ତ୍ତି ଉନ୍ମୋଚନ କରିଥିଲେ । ସଭାରେ ପୂର୍ବତନ ମନ୍ତ୍ରୀ ଦାମୋଦର ରାଉତ, ପୁରୀ ସାଂସଦ ପ୍ରାର୍ଥୀ ସମ୍ବିତ୍‌ ପାତ୍ର, ନୟାଗଡ଼ ବିଧାୟକ ପ୍ରାର୍ଥିନୀ ଇରାନୀ ରାୟ ଉପସ୍ଥିତ ଜନସାଧାରଣଙ୍କୁ ଭୋଟ ଭିକ୍ଷା କରିଥିଲେ ।

ସମ୍ବନ୍ଧିତ ଖବର