PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେପିରେ ମିଶିଲେ ସୁନୀଲ ଜାଖଡ, କଂଗ୍ରେସ ସହ ୫୦ ବର୍ଷର ସମ୍ପର୍କରେ ପୂର୍ଣ୍ଣଛେଦ
  • ||
  • ୟାସିନ ମଲ୍ଲିକ ଦୋଷୀ ସାବ୍ୟସ୍ତ, ଆତଙ୍କବାଦୀଙ୍କୁ ପାଣ୍ଠି ଯୋଗାଣ ମାମଲାରେ ବାନ୍ଧିଥିଲା ଏନ୍‌ଆଇଏ
  • ||
  • ପୁରୀ : ଏଥର ଭକ୍ତ ଦେଖିବେ ସ୍ନାନଯାତ୍ରା, ହେଲେ ସ୍ନାନ ବେଦିରେ ଶ୍ରୀବିଗ୍ରହଙ୍କୁ କରିପାରିବେନି ସ୍ପର୍ଶ
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ଆକ୍ଟିଭ କେସ୍,୨୪ ଘଣ୍ଟା ମଧ୍ୟରେ ବାହାରିଲେ ୧୨ ଜଣ କରୋନା ପଜିଟିଭ
  • ||
  • ଭୁବନେଶ୍ୱର : ଆଜି-କାଲି ବର୍ଷା ଆଶଙ୍କା, ତିନି ଦିନ ପରେ ପୁଣି ତାତି
  • ||
  • ପୁରୀ: ରଥଖଳା ହାଲ୍‌ଚାଲ୍‌… ଅଖ ଅନୁକୂଳ, ନାହାକା ଚକରେ ପଇତା ଓ ୧୫ ଚକ ପ୍ରସ୍ତୁତ
  • ||
  • ମୋହନା: ରାସ୍ତା କଡ଼ରୁ ଯୁବକଙ୍କ କ୍ଷତବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର
  • ||
  • କୁତ୍ରା: ୧୨ ବର୍ଷର ନାବାଳିକା ୭ ମାସର ଗର୍ଭବତୀ, ଥାନାରେ ଏତଲା ଦେଲେ ପରିବାରଲୋକ
  • ||
  • ବାରଙ୍ଗ: ପ୍ରେମ ସମ୍ପର୍କକୁ ନେଇ ଜଘନ୍ୟ ହତ୍ୟାକାଣ୍ଡ : ପ୍ରେମିକକୁ ହତ୍ୟା କଲେ ପ୍ରେମିକା ପରିବାର, ଇନ୍‌ଫୋସିଟି ଥାନା ନିକଟରୁ ଯୁବକଙ୍କ ମୃତଦେହ ଉଦ୍ଧାର
  • ||
  • ଭାରତ ସୀମାରେ ଅନୁପ୍ରବେଶ ଉଦ୍ୟମ କରୁଛନ୍ତି ୧୭୦ ଆତଙ୍କବାଦୀ, ତାଲିମ ଦେଉଛି ପାକିସ୍ତାନୀ ସେନା ଏବଂ ISI
  • ||

ମହିଳାଙ୍କୁ ସମ୍ମାନ ନବୀନଙ୍କ କେବଳ ଏକ ନାରା: ଧର୍ମେନ୍ଦ୍ର

ଭୁବନେଶ୍ୱର , ୮ । ୨ ( ବ୍ୟୁରୋ ) : ମହିଳାଙ୍କୁ ସମ୍ମାନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କର କେବଳ ଏକ ନାରା ବୋଲି କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଅଭିଯୋଗ କରିଛନ୍ତି । ଅନୁସୂଚିତ ଜାତି ଓ ଜନଜାତି (ଏସ୍‌ସି/ଏସ୍‌ଟି) ମହିଳାଙ୍କ ସମ୍ପର୍କରେ ବିଧାନସଭାରେ ବିଭାଗୀୟ ମନ୍ତ୍ରୀ ରଖିଥିବା ଲିଖିତ ଉତ୍ତରର ପ୍ରତିକ୍ରିୟାରେ ଧର୍ମେନ୍ଦ୍ର ଉଲ୍ଲେଖ କରିଛନ୍ତି, ଗୃହରେ ଅନୁସୂଚିତ ଜାତି ଓ ଜନଜାତି କଲ୍ୟାଣ ମନ୍ତ୍ରୀଙ୍କ ଉତ୍ତର ସାଢ଼େ ୪ କୋଟି ଓଡ଼ିଆଙ୍କ ପାଇଁ ଗଭୀର ଚିନ୍ତା ଓ କ୍ଷୋଭର ବିଷୟ । ଆମର ଅନୁସୂଚିତ ଜାତି ଓ ଜନଜାତି ଲୋକମାନେ ରାଜ୍ୟର ଗରିବୀ ଓ ସାମାଜିକ ପଛୁଆ ବର୍ଗରେ ଆଗରେ ଅଛନ୍ତି । ସେମାନେ ଯେ ରାଜ୍ୟରେ ଅପମାନିତ ଓ ଅବହେଳିତ ତାହା ସରକାରୀ ଲିଖିତ ଉତ୍ତର ହିଁ ପ୍ରମାଣ କରୁଛି । ଧର୍ମେନ୍ଦ୍ର କହିଛନ୍ତି, ଅନୁସୂଚିତ ଜାତି ଓ ଜନଜାତି କଲ୍ୟାଣ ମନ୍ତ୍ରୀ ନିଜେ ତାଙ୍କ ଉତ୍ତରରେ କହିଛନ୍ତି, ୨୦୧୭ ଏବଂ ୧୮ ମସିହାରେ ୪୪୫ ଜଣ ଅନୁସୂଚିତ ଜାତି ଓ ଜନଜାତି ବର୍ଗର ନାବାଳିକା, ବାଳିକା ଓ ମହିଳା ବଳାତ୍କାର ଶିକାର ହୋଇଛନ୍ତି । ୨୦୧୪ରୁ ରାଜ୍ୟ ସରକାରଙ୍କ ଆବାସିକ ବିଦ୍ୟାଳୟଗୁଡ଼ିକର ଛାତ୍ରୀନିବାସରେ ୧୨ ଜଣ ଗର୍ଭଧାରଣ କରିଥିବା ବେଳେ ୪ଜଣ ସନ୍ତାନ ଜନ୍ମ କରିଥିବା ଘଟଣାକୁ ମଧ୍ୟ ରାଜ୍ୟ ସରକାର ଗୃହରେ ସ୍ୱୀକାର କରିଛନ୍ତି । ବାହାର ରାଜ୍ୟକୁ କାମ ଅନ୍ୱେଷଣରେ ଯାଇ ନିର୍ଯାତନା ଓ ବଳାତ୍କାର ଶିକାର ହୋଇଥିବା ନାବାଳିକା, ବାଳିକା ଓ ମହିଳାମାନଙ୍କ ତଥ୍ୟ ନିଜେ ମନ୍ତ୍ରୀ ସ୍ପଷ୍ଟ କରିଛନ୍ତି । କେବଳ ଏତିକି ନୁହେଁ, ରାଜ୍ୟର ବିଭିନ୍ନ ଗଣମାଧ୍ୟମରେ ଦାଦନ ଖଟିବାକୁ ଯାଉଥିବା ପରିବାରଗୁଡ଼ିକରେ ମା’, ଭଉଣୀଙ୍କ ସହ ଘଟୁଥିବା ଅନେକ ଅଘଟଣର ଖବର ବାହାରୁଛି । ମାତ୍ର ରୋଜଗାର ଅନ୍ୱେଷଣରେ ଯାଉଥିବା ଏହି ଓଡ଼ିଆ ପରିବାରଗୁଡ଼ିକ ଦୁର୍ଦ୍ଦଶା ପ୍ରତି ରାଜ୍ୟ ସରକାର ଆଖି ବୁଜିଦେବା ଦୁଃଖ ଓ ପରିତାପର ବିଷୟ ବୋଲି ଧର୍ମେନ୍ଦ୍ର କହିଛନ୍ତି । ଧର୍ମେନ୍ଦ୍ର ଉଲ୍ଲେଖ କରିଛନ୍ତି, ଜାତୀୟ ଶିଶୁ ଅଧିକାର ସୁରକ୍ଷା ଆୟୋଗ (ଏନ୍‌ସିପିସିଆର୍‌) କିଛି ଦିନ ତଳେ ଯେଉଁ ରିପୋର୍ଟ ଦେଇଛନ୍ତି ତାହା ମଧ୍ୟ ଚିନ୍ତା ବଢ଼ାଇଛି । ଏହି ରିପୋର୍ଟରେ ରାଜ୍ୟରେ ଚାଲୁଥିବା ଛୋଟ ପିଲାମାନେ ରହୁଥିବା ସୁଧାର ଗୃହ (ସେଲଟର୍‌ ହୋମ୍‌)ଗୁଡ଼ିକରେ ଶିଶୁଙ୍କୁ ନିର୍ଯାତନା, ବେଆଇନ ଧର୍ମାନ୍ତରୀକରଣ ଆଇନକାନୁନର ଖୋଲା ଉଲ୍ଲଂଘନ କରାଯାଉଥିବା କଥା ଉଲ୍ଲେଖ କରାଯାଇଛି । ଶିଶୁମାନଙ୍କ ଅଧିକାର ଓ ଆଇନର ରକ୍ଷା କରିବାର ଦାୟିତ୍ୱ ନେଇଥିବା ରାଜ୍ୟ ସରକାର ବେନିୟମ କାମ ପାଇଁ ଆଖି ବୁଜିଦେବା ଓ ଶାସକ ଦଳର ନେତା ଏହି ସେଲ୍‌ଟର୍‌ ହୋମ୍‌ଗୁଡ଼ିକୁ ପ୍ରୋତ୍ସାହନ ଦେବା ଅଭିଯୋଗ ଗଣମାଧ୍ୟମରେ ପ୍ରକାଶିତ ହୋଇଛି ବୋଲି ଶ୍ରୀ ପ୍ରଧାନ କହିଛନ୍ତି ।