ନୂଆଦିଲ୍ଲୀ,୨୫।୩:ଇଣ୍ଡିଆନ୍ ପ୍ରିମିୟର ଲଇନ୍ (ଆଇପିଏଲ)ର ୧୨ତମ ସିଜିନର ପ୍ରଥମ ମ୍ୟାଚ୍ ଗତକାଲି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର(ଆରସିବି)କୁ ୭ ଓ୍ବିକେଟରେ ହରାଇବା ପରେ ବର୍ତମାନର ଚମ୍ପିଆନ୍ ଚେନ୍ନାଇ ସୁପର କିଙ୍ଗସ୍(ସିଏସକେ)ର କ୍ୟାପଟେନ୍ ମହେନ୍ଦ୍ର ସିଂହ ଧୋନୀ ଆସନ୍ତା ୨୬ରେ ଦିଲ୍ଲୀ କ୍ୟାପିଟଲ୍ସ ସହିତ ଲଢେଇ କରିବାକୁ ଯାଉଛନ୍ତି। ଆଇପିଏଲର ବିଜି ସିଡ୍ୟୁଲ ଭିତରେ ମଧ୍ୟ ଧୋନି ନିଜର ପରିବାର ଲୋକଙ୍କ ସହିତ ସମୟ ବିତାଇବାକୁ ଭୁଲୁନାହାଁନ୍ତି। ପତ୍ନୀ ସାକ୍ଷୀ ଏବଂ ଝିଅ ଜିଭା ମଧ୍ୟ ତାଙ୍କ ସହ ଅଛନ୍ତି। ଜିଭାଙ୍କର ଏକ ଭିଡିଓ ଏବେ ଧୋନି ସେୟାର କରିଛନ୍ତି। ଯେଉଁଥିରେ ଜିଭାଙ୍କୁ ଧୋନି ୬ଟି ଭାଷାରେ ତାଙ୍କର ହାଲଚାଲ ପଚାରିଥିଲେ। ଏହାର ଉତ୍ତର ଜିଭା ତାମିଲ, ବଙ୍ଗାଳି, ଗୁଜରାଟୀ, ଭୋଜପୁରୀ, ପଞ୍ଜାବୀ ଓ ଉର୍ଦ୍ଧୁରେ ଭାଷାରେ ଉତ୍ତର ଦେଇ କହୁଛନ୍ତି ’ମୁଁ ଠିକ୍ ଅଛି।’
wp:html/wp:html
ଏହି ମଜାଦାର ଭିଡିଓଟିକୁ ଧୋନି ତାଙ୍କର ଅଫିସିଆଲ ଇନଷ୍ଟାଗ୍ରାମରେ ସେୟାର କରିଛନ୍ତି। ଭିଡିଓଟି ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହୋଇଛି। ଧୋନିଙ୍କ ପ୍ରଶଂସକ ଜିଭାଙ୍କର ଏହି ଭିଡିଓକୁ ବେଶ୍ ପସନ୍ଦ କରିଛନ୍ତି। ଉଲ୍ଲେଖନୀୟ ଯେ, ୨୦୧୫ ଫେବୃଆରୀ ୬ରେ ଧୋନିଙ୍କ ଝିଅ ଜିଭାଙ୍କର ଜନ୍ମ ହୋଇଥିଲା। ସେତେବେଳେ ଧୋନି ଟିମ୍ ଇଣ୍ଡିଆ ସହିତ ଅଷ୍ଟେ୍ରଲିଆ ଗସ୍ତରେ ଥିଲେ। ଯେଉଁ ସମୟରେ ସାକ୍ଷୀ ଜିଭାଙ୍କୁ ଜନ୍ମ ଦେଇଥିଲେ, ଧୋନୀ ସେତେବେଳେ ଟିମ୍ ମିଟିଂରେ ଥିଲେ ଏବଂ ନିଜର ଫୋନ୍ ଦେଖି ନଥିଲେ। ସେତେବେଳେ ସାକ୍ଷୀ ସୁରେଶ ରୈନାଙ୍କୁ ମେସେଜ୍ କରିଥିଲେ ‘ମାହି ବାପା ହୋଇଯାଇଛନ୍ତି, ତାଙ୍କୁ କୁହନ୍ତୁ ଫୋନ୍ ଉଠାଇବେ।’।
