PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କାହାକୁ ଆଧାର କାର୍ଡ ପଠାଇବା ପୂର୍ବରୁ ହୋଇଯାନ୍ତୁ ସାବଧାନ , ନୂଆ ଆଡଭାଇଜରୀ ଜାରି କଲେ ସରକାର , ହୋଟେଲ ଓ ସିନେମା ହଲ୍ ପରି ସଂସ୍ଥାକୁ ଆଧାର କପି ଦିଅନ୍ତୁ ନାହିଁ
  • ||
  • ୪ ରାଜ୍ୟସଭା ଆସନ ପାଇଁ ବିଜେଡିର ପ୍ରାର୍ଥୀ ଘୋଷଣା : ପୁଣି ରାଜ୍ୟସଭା ଯିବେ ସସ୍ମିତ ପାତ୍ର, ୩ ନୂଆ ମୁହଁଙ୍କୁ ସୁଯୋଗ
  • ||
  • ଭୁବନେଶ୍ଵର : କେରଳ ଛୁଇଁଲା ମୌସୁମୀ ବାୟୁ
  • ||
  • ନେପାଳରେ ଯାତ୍ରୀବାହୀ ବିମାନ ତାରା ଏୟାର ୯ NAET ର ମିଳୁନି ପତ୍ତା , ୪ ଭାରତୀୟଙ୍କ ସମେତ ୧୯ ଯାତ୍ରୀ ଥିବା ସୂଚନା
  • ||
  • ବ୍ରହ୍ମପୁର : ସନ୍ଧ୍ୟାବେଳେ ବେଳାଭୂମିରେ ବସିଥିବା ବେଳେ ମୁଣ୍ଡ ଉପରେ ପଡ଼ିଲା ଚଡ଼କ, ଛାତ୍ର ମୃତ ଛାତ୍ରୀ ଗୁରୁତର
  • ||
  • ବିଶ୍ୱର ସବୁଠୁ ବଡ଼ କ୍ରିକେଟ ଷ୍ଟାଡ଼ିୟମ୍‌ରେ ଖେଳା ଯିବ ଆଇପିଏଲ ୨୦୨୨ ଫାଇନାଲ
  • ||
  • ଆନନ୍ଦପୁର : ଝରକା ଗ୍ରୀଲ୍ ଭାଙ୍ଗି ଶିକ୍ଷକଙ୍କ ଘରେ କଳାକନା ବୁଲାଇଦେଲେ ଦୁର୍ବୃତ୍ତ, ୧୫ ଭରି ସୁନାଅଳଙ୍କାର ସହ ନଗଦ ୫୨ ହଜାର ଟଙ୍କା ଲୁଟ୍
  • ||
  • ସୋର : ଗୋରୁ ବୋଝେଇ କଣ୍ଟେନର ଜବତ, ୪୦ ରୁ ଉର୍ଦ୍ଧ୍ଵ ଗୋରୁ ଉଦ୍ଧାର, ୧୧ ଗିରଫ
  • ||
  • ସମାନ ନାଗରିକ ସଂହିତା ଲାଗୁ କରିବା ପ୍ରସ୍ତୁତିରେ ମୋଦି ସରକାର , ପ୍ରଥମେ ଉତ୍ତରାଖଣ୍ଡରେ ଏହି ଆଇନ୍‌ ଲାଗୁ କରାଯିବାର ଅଭ୍ୟାସ ଆରମ୍ଭ କରାଯାଇଛି
  • ||
  • ଗୁଜରାଟରେ ବଡ଼ ବିଜୟର ପ୍ରସ୍ତୁତିରେ ବିଜେପି , କଂଗ୍ରେସ ଦୁର୍ବଳତାର ବି ମିଳିବ ଫାଇଦା
  • ||

ବଲାଙ୍ଗୀର ଓ ସୁବର୍ଣ୍ଣପୁର ବିଜୟ ସଙ୍କଳ୍ପ ସଭାରେ ଧର୍ମେନ୍ଦ୍ର: ଖଣି, ଚିଟ୍‌ଫଣ୍ଡ ଦଲାଲ୍‌ଙ୍କୁ ଜେଲ୍‌ ପଠାଇବାକୁ ଏଥର ଭୋଟ୍‌

ଭୁବନେଶ୍ୱର,୧୨ ।୪(ବ୍ୟୁରୋ): ଓଡ଼ିଶାର ଚାବିକାଠି ଖଣି ମାଫିଆମାନଙ୍କ ପାଖରେ ଅଛି । ଖଣି ଦଲାଲ ଓ ଚିଟଫଣ୍ଡ ଦଲାଲ ଓଡ଼ିଆ ଲୋକଙ୍କ ସମ୍ପତ୍ତିକୁ ଲୁଟ୍‌ କରି ରଖିଛନ୍ତି । ଏଥର ନିର୍ବାଚନରେ ଏପ୍ରକାର ଲୋକଙ୍କୁ ଜେଲ ପଠାଇବା ପାଇଁ ଭୋଟ ହେବ ବୋଲି ବଲାଙ୍ଗୀର, କଣ୍ଟାବାଞ୍ଝି ଏବଂ ସୁବର୍ଣ୍ଣପୁର ଜିଲ୍ଲାର ବୀରମହାରାଜପୁରଠାରେ ଆୟୋଜିତ ବିଜେପିର ବିଜୟ ସଙ୍କଳ୍ପ ସଭାରେ ଯୋଗଦେଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହା କହିଛନ୍ତି ।
ସେହିପରି ଓଡ଼ିଶାରେ ବିଜେପି ସରକାର ହେଲେ ୨୦୨୨ ସୁଦ୍ଧା କ’ଣ ସବୁ କାର୍ଯ୍ୟ କରାଯିବ ସେ ଉପରେ କହିଥିଲେ ସମସ୍ତ ଗରିବଙ୍କୁ ସ୍ଥାୟୀ ପଟ୍ଟା ଓ ପକ୍କା ଘର ଦିଆଯିବ । ୧ ଲକ୍ଷ କୋଟି ଟଙ୍କାରେ ୫ ବର୍ଷ ପାଇଁ ଜଳ ସେଚନର ବ୍ୟବସ୍ଥା କରାଯିବ । ଯୁବକ ଓ ଯୁବତୀମାନଙ୍କୁ ରୋଜଗାର ଦେବା ସହ ଚାଷୀମାନଙ୍କୁ ବିନା ସୁଧରେ ଋଣ, ଝିଅଙ୍କ ଉଚ୍ଚଶିକ୍ଷା ପାଇଁ ସୁଭଦ୍ରା ଯୋଜନାରେ ଦଶମ ଶ୍ରେଣୀରୁ ଉଚ୍ଚଶିକ୍ଷା ପର୍ଯ୍ୟନ୍ତ ଛାତ୍ରୀଙ୍କୁ ୫୦ ହଜାର ଟଙ୍କା ପ୍ରଦାନ, ଏସ୍‌ଏଚ୍‌ଜି ମହିଳାଙ୍କ ଋଣ ଛାଡ ସହ ବିନା ସୁଧରେ ଋଣ ପ୍ରଦାନ କରାଯିବ, ସବୁ ଜିଲ୍ଲାକୁ ରେଳ ଲାଇନ ସହ ସଂଯୋଗ ହେବ, ସୋନପୁର ଜିଲ୍ଲା ସମେତ ସବୁ ଜିଲ୍ଲାରେ ମେଡିକାଲ କଲେଜ ପ୍ରତିଷ୍ଠା କରାଯିବ, ଓଡ଼ିଶାରେ ପଛୁଆ ଅଞ୍ଚଳର ବିକାଶ ପାଇଁ ପାଣ୍ଠି କରାଯିବ, ଚିଟଫଣ୍ଡ ଅଭିଯୁକ୍ତଙ୍କୁ ଜେଲ ପଠାଯିବ ବୋଲି ଶ୍ରୀ ପ୍ରଧାନ ଘୋଷଣା କରିଥିଲେ ।
ଶ୍ରୀ ପ୍ରଧାନ କହିଛନ୍ତି, ଦୀର୍ଘ ୧୯ ବର୍ଷ ଧରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶାସନ ଦାୟିତ୍ୱରେ ରହିବା ପରେ ମଧ୍ୟ ବଲାଙ୍ଗୀର ଓ କଣ୍ଟାବାଞ୍ଝିରେ ଶୁଦ୍ଧ ପିଇବା ପାଣି ନାହିଁ । ସୁକତେଲ ନଦୀର ଜଳ ଜିଲ୍ଲାକୁ ପହଞ୍ଚି ପାରିନାହିଁ, ଅଙ୍ଗ ନଦୀର ଜଳସେଚନ ପ୍ରକଳ୍ପ ହୋଇନାହିଁ, ଶିକ୍ଷକ ନାହାଁନ୍ତି, ଚାଷୀଙ୍କୁ ଉପଯୁକ୍ତ ମୂଲ୍ୟ ମିଳୁନାହିଁ, ଯୁବକ କାମ ନ ପାଇ ରାୟପୁର ଓ ଗୁଜୁରାଟକୁ କାମ କରିବାକୁ ଯାଉଛି । ସେ ଆହୁରି କହିଛନ୍ତି ଯେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପିସି ଷ୍ଟପ୍‌ କଥା କହୁଥିବା ବେଳେ ପ୍ରଧାନମନ୍ତ୍ରୀ ଆବାସ ଯୋଜନା ଓ ଶୌଚାଳୟ ପାଇଁ ହଜାର ହଜାର ଟଙ୍କା ଆସୁଥିବା ବେଳେ ବିନା ପିସିରେ କାମ ହେଉନାହିଁ । ମୋଦି ସରକାର ଆୟୁଷ୍ମାନ ଭାରତ ଯୋଜନାରେ ଗରିବ ଲୋକଙ୍କ ଚିକିତ୍ସା ପାଇଁ ବର୍ଷକୁ ୫ ଲକ୍ଷ ଟଙ୍କା ଦେବାର ବ୍ୟବସ୍ଥା କଲେ । ଚାଷୀଙ୍କୁ ଆର୍ଥିକ ସହାୟତା ନିମନ୍ତେ ପ୍ରଧାନମନ୍ତ୍ରୀ କିଷାନ ଯୋଜନାରେ ବର୍ଷକୁ ୬ ହଜାର ଟଙ୍କା ବ୍ୟବସ୍ଥା କଲେ । ମାତ୍ର ଏହି ଦୁଇଟି ବ୍ୟବସ୍ଥା ନବୀନ ବାବୁ ଲାଗୁ କଲେ ନାହିଁ । ପିଏମ୍‌ କିଷାନ ଯୋଜନାରେ ଓଡ଼ିଶାର ଲାଭାନ୍ୱିତ ହେବାକୁ ଥିବା ଚାଷୀଙ୍କ ତାଲିକା ପଠାଇଲେ ନାହିଁ । ଏହାସହ ଶ୍ରୀ ପ୍ରଧାନ ଦଳୀୟ ପ୍ରାର୍ଥୀଙ୍କୁ ଜିତାଇ ଓଡ଼ିଶାରେ ମୋଦିଙ୍କ ଡବଲ ଇଞ୍ଜିନର ସରକାର ଆଣିବାକୁ ଆହ୍ୱାନ କରିଛନ୍ତି ।