PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଓମିକ୍ରନ୍ ଭୟ : ତାମିଲନାଡୁର ଏକ ସ୍କୁଲ୍‌ରେ କରୋନା ଆତଙ୍କ , ୨୫ ପିଲାଙ୍କୁ କୋଭିଡ୍‌ ପଜିଟିଭ୍
  • ||
  • ୨୯ ଦେଶକୁ ମାଡ଼ି ଗଲାଣି ଓମିକ୍ରନ୍ – ପ୍ରେସମିଟ୍‌ରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ସୂଚନା
  • ||
  • ଭାରତରେ ଓମିକ୍ରନ ,କର୍ଣ୍ଣାଟକରୁ ଚିହ୍ନଟ ହେଲେ ୨ ଓମିକ୍ରନ ଆକ୍ରାନ୍ତ , ପ୍ରେସ୍‌ମିଟ୍‌ରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ସୂଚନା
  • ||
  • ତେଲେଙ୍ଗାନାରେ ଚିହ୍ନଟ ହୋଇନି ଓମିକ୍ରନ , ଏ ନେଇ ଖବରକୁ ଖଣ୍ଡନ କଲା ତେଲେଙ୍ଗାନା ସ୍ୱାସ୍ଥ୍ୟ ବିଭାଗ । ବ୍ରିଟେନ୍‌ ଫେରନ୍ତା ମହିଳା କୋଭିଡ୍‌ ପଜିଟିଭ ଚିହ୍ନଟ
  • ||
  • ଭାରତରେ ପ୍ରଥମ ଓମିକ୍ରନ ଭାରିଆଣ୍ଟ ଚିହ୍ନଟ , ତେଲେଙ୍ଗାନାରୁ ଓମିକ୍ରନ୍‌ ଭାରିଆଣ୍ଟ ଆକ୍ରାନ୍ତ ଚିହ୍ନଟ , ଆକ୍ରାନ୍ତ ମହିଳାଙ୍କର ବୟସ ୩୫ ବର୍ଷ , ଇଂଲଣ୍ଡରୁ ଫେରିଥିଲେ ସଂପୃକ୍ତ ମହିଳା
  • ||
  • କଟକ: ଗାଡ଼ି ଟଣା ବେଳେ ଫାଇନାନ୍ସ କମ୍ପାନି କର୍ମଚାରୀ ଉପରକୁ ବ୍ଲାଙ୍କ ଫାଇରିଙ୍ଗ୍ ଘଟଣା, ଦୁଇ ଅଭିଯୁକ୍ତକୁ ଧରିବା ପାଇଁ କଟକ ପୋଲିସ ଟିମ୍ ଗଞ୍ଜାମରେ
  • ||
  • ଅମ୍ବାଦଳା: ୮ ଲକ୍ଷରୁ ଉର୍ଦ୍ଧ୍ବ ଟଙ୍କାର ଗଞ୍ଜେଇ ଜବତ, ବାଇକ ସହ ୩ ଗିରଫ
  • ||
  • ବ୍ରହ୍ମପୁର: ବିଶିଷ୍ଟ ସିପିଏମ୍ ନେତା ବସନ୍ତ ନନ୍ଦଙ୍କ ହୃଦଘାତରେ ବିୟୋଗ
  • ||
  • ରାୟଗଡା: ୩ ବର୍ଷ ଅଙ୍ଗନବାଡି ଚାକିରି କରିବା ପରେ ଚାକିରିରୁ ବାହାର କରାଯାଇଥିବା ଅଭିଯୋଗ
  • ||
  • କାଶୀପୁର: ହାତଗୁଞ୍ଜା ବିନା ଘୁଞ୍ଚୁନି ଫାଇଲ, ପ୍ରାପ୍ୟ ପାଇବାରେ ହଇରାଣ ଅବସର ଶିକ୍ଷକ
  • ||
  • ପାପଡାହାଣ୍ଡି: ମହୁ ମାଛି ଆକ୍ରମଣରେ ବୃଦ୍ଧ ଗୁରୁତର!
  • ||
  • ସୁନ୍ଦରଗଡ଼: କୋଇଡାରେ ଥମୁନି ହାତୀ ଉପଦ୍ରବ, ଘରେ ଶୋଇଥିବା ବେଳେ ଟାଣି ଦଳି ଦେଲା ଦନ୍ତା, ଘଟଣା ସ୍ଥଳରେ ବୃଦ୍ଧଙ୍କ ଉଡିଗଲା ପ୍ରାଣ ବାୟୁ
  • ||
  • ଭୁବନେଶ୍ୱର: ବିଧାନସଭାର ଶୀତକାଳୀନ ଅଧିବେଶର ଦ୍ବିତୀୟ ଦିନ, ଆରମ୍ଭରୁ ବିରୋଧୀଙ୍କ ହୋହଲ୍ଲା ଓ ହଟ୍ଟଗୋଳ, ୪ ଯାଏଁ ଗୃହ ମୁଲତବୀ
  • ||
  • ଭୁବନେଶ୍ୱର: ୧୨ ଘଣ୍ଟାରେ ଅବପାତ, ୨୪ ଘଣ୍ଟା ମଧ୍ୟରେ ବାତ୍ୟା ରପୂ ନେବ ସମ୍ଭାବନା
  • ||
  • ଭୁବନେଶ୍ୱର: ରାଜ୍ୟରେ ଆଉ ୨ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୧୫କୁ ବୃଦ୍ଧି
  • ||
  • ଭୁବନେଶ୍ଵର: ୨୪ ଘଣ୍ଟାରେ ୨୫୨ କୋଭିଡ୍ ପଜିଟିଭ୍ ଚିହ୍ନଟ, ଆକ୍ରାନ୍ତଙ୍କ ସଂଖ୍ୟା ୧୦୪୯୫୯୭ ଜଣକୁ ବୃଦ୍ଧି
  • ||
  • ନୂଆଦିଲ୍ଲୀ:୨୩ ରାଷ୍ଟ୍ରକୁ ବ୍ୟାପିଲା ଓମ୍ରିକନ୍, ଆନ୍ତର୍ଜାତିକ ବିମାନ ଉଡାଣ ସ୍ଥଗିତ
  • ||
  • ସୋର: ମନ୍ଦିରରୁ ଲକ୍ଷାଧିକ ଟଙ୍କାର ସୁନା ଓ ରୂପା ଗହଣା ଚୋରି
  • ||
  • କୋକସରା: ବିଦ୍ୟୁତ ସଂଯୋଗ ପାଇଁ ରାସ୍ତା ଅବରୋଧ କଲେ ଗ୍ରାମବାସୀ
  • ||
  • କନ୍ଧମାଳ: ପେଟ୍ରୋଲ ପମ୍ପକୁ ତେଲ ପକାଇବା ଆସିଥିବା ଗାଡ଼ିରୁ ମୋବାଇଲ ଚୋରି
  • ||

ଭିନ୍ନକ୍ଷମଙ୍କ ପ୍ରତି ଅମାନବୀୟ ଆଚରଣ: ଚାଉଳ ପାଇଁ ଆସିଥିଲେ, ମାଡ଼ ଖାଇଲେ

କେନ୍ଦୁଝର,୨୨ା୧(ଆପ୍ର): ମରିଗଲାଣି ମାନବିକତା । ଭିନ୍ନକ୍ଷମ ଯୁବକ ବିଦେଶୀ ପଲେଇ ଚାଉଳ ଗଣ୍ଡାକ ପାଇଁ ଆସିଥିବାବେଳେ ରେସନ୍‌ କାର୍ଡ ପାଇଁ ତାଙ୍କୁ ମାଡ ମରାଯାଇଛି । ଚାଉଳ ପାଇବା ପରେ କାର୍ଡ ଫେରସ୍ତ ପାଇଁ କହିବାରୁ ଝୁମ୍ପୁରା ବ୍ଲକ୍‌ର ଅର୍ସଳା ପଞ୍ଚାୟତର ଜିଆରଏସ୍‌ ମାଡ଼ ମାରିଛନ୍ତି । ଏପରିକି ଅଭିଯୋଗ କରିବାକୁ ଯାଇ ଥାନାରେ ମଧ୍ୟ ପୁଲିସ ନାଲିଆଖି ଦେଖାଇବା ସହିତ ଏହି ଭିନ୍ନକ୍ଷମଙ୍କୁ ନିର୍ଧୁମ୍‌ ପିଟିଥିବା ଅଭିଯୋଗ ହୋଇଛି । ଏଥିନେଇ ମଙ୍ଗଳବାର ବିଦେଶୀ ପଲେଇ ପରିବାର ସହିତ ଆସି କେନ୍ଦୁଝର ଏସ୍‌ପିଙ୍କୁ ଭେଟି ନ୍ୟାୟ ଦାବି କରିଛନ୍ତି । ମାତ୍ର ଏସପିଙ୍କ ଅନୁପସ୍ଥିତରେ ଅତିରିକ୍ତ ଏସ୍‌ପିଙ୍କୁ ଭେଟି ଭିନ୍ନକ୍ଷମ ବିଦେଶୀ ବୟାନ ଦେଇଛି । ଘଟଣାର ତଦନ୍ତ କରି ତୁରନ୍ତ ରିପୋର୍ଟ ଦେବାକୁ ଥାନାଧିକାରୀଙ୍କୁ ଏଏସ୍‌ପି ନିର୍ଦ୍ଦେଶ ଦେଇଛନ୍ତି ।
କେନ୍ଦୁଝର ଜିଲ୍ଲାର ଝୁମ୍ପୁରା ବ୍ଲକର ଅର୍ସଳା ପଞ୍ଚାୟତର ଭିନ୍ନକ୍ଷମ ଯୁବକ ବିଦେଶୀ ଦେହୁରୀ ସରକାରଙ୍କ ପକ୍ଷରୁ ଏକ ଅନ୍ତ୍ୟୋଦୟ କାର୍ଡ ପାଇଛନ୍ତି । ଉକ୍ତ କାର୍ଡ ଜରିଆରେ ପ୍ରତିମାସରେ ସେ ପଞ୍ଚାୟତ କାର୍ଯ୍ୟାଳୟରୁ ୩୫ କିଲୋଗ୍ରାମ ଚାଉଳ ପାଉଛନ୍ତି । ତେବେ ଗତ ରବିବାର ଦିନ ଅପରାହ୍ନରେ ପଞ୍ଚାୟତ କାର୍ଯ୍ୟାଳୟରେ ଚାଉଳ ଦିଆଯାଉଥିବା ଖବରପାଇ ସେ ଯାଇଥିଲେ । ଚାଉଳ ନେବାପରେ ନିଜର କାର୍ଡ ଫେରସ୍ତ କରିବାକୁ ଜିଆରଏସ୍‌ କେଦାର ନାଏକଙ୍କୁ ମାଗିଥିଲେ । ପ୍ରାୟ ୨ ବର୍ଷ ହେବ ସେ ଚାଉଳ ନେଉଛନ୍ତି ହେଲେ କାର୍ଡଟି ପଞ୍ଚାୟତର ଜିଆରଏସ୍‌ଙ୍କ ପାଖରେ ରହିଥାଏ । ତେଣୁ କାର୍ଡ ଦେବାକୁ ବିଦେଶୀ ଦାବି କରିବାରୁ ଏହି ଘଟଣାକୁ ନେଇ ଉଭୟଙ୍କ ମଧ୍ୟରେ ବଚସା ହୋଇଥିଲା । ଅନ୍ୟ ହିତାଧିକାରୀଙ୍କ ସାମ୍ନାରେ ଉତ୍ତ୍ୟକ୍ତ ହୋଇ ଜିଆରଏସ୍‌ ମାଡ଼ ମାରିଥିଲେ । ଘଟଣା ପରେ ସେ ସନ୍ଧ୍ୟାରେ ଝୁମ୍ପୁରା ଥାନାରେ ଯାଇ ଲିଖିତ ଅଭିଯୋଗ କରିଥିଲେ । ପୁଲିସ ସୋମବାର ଦିନ ତାଙ୍କୁ ଡାକିବା ସହିତ ଜିଆରଏସ୍‌ଙ୍କୁ ଡକାଇ ଘଟଣା ସମ୍ପର୍କରେ ତଦନ୍ତ କରିବା ବୋଲି ପ୍ରତିଶ୍ରୁତି ଦେଇଥିଲା । ମାତ୍ର ସୋମବାର ପୁଲିସ ଠାରୁ କୌଣସି ଖବର ନପାଇବାରୁ ନିଜ ପତ୍ନୀ ମମତା, ମା’ କର୍ପୂର ପଲେଇ ଓ ସମ୍ପର୍କୀୟ ଖୁଡୀ ଶାନ୍ତି ନାଏକ ସହିତ ବିଦେଶୀ ଥାନାରେ ପହଞ୍ଚିଥିଲେ । ଏହି ସମୟରେ ଜଣେ ପୁଲିସ କର୍ମଚାରୀ ତାଙ୍କୁ ଏକ କୋଠରୀକୁ ଡାକି ନେଇ ଆଉ ଏକ ଏତଲା ଲେଖିବା ପାଇଁ କହିଥିଲେ । ଏତଲା ଲେଖିବା ସମୟରେ ପଛପଟୁ ଏକ ଡେଙ୍ଗାରେ ହଠାତ୍‌ ବିଦେଶୀକୁ ମାଡ ଼ମାରି କଦର୍ଯ୍ୟ ଭାଷା କହି ତଡି ଦେଇଥିଲେ ବୋଲି ବିଦେଶୀ ଅଭିଯୋଗ କରିଛନ୍ତି । ଏଥିନେଇ ପରିବାର ସହିତ ବିଦେଶୀ ମଙ୍ଗଳବାର ଅପରାହ୍ନରେ ଆସି ଏସ୍‌ପିଙ୍କୁ ଭେଟି ଅଭିଯୋଗ କରିବାକୁ ପହଞ୍ଚିଥିଲେ । ମାତ୍ର ଏସ୍‌ପିଙ୍କ ଅନୁପସ୍ଥିତରେ ଅତିରିକ୍ତ ଏସପି ପି କେ ପରିଡାଙ୍କୁ ଅଭିଯୋଗ କରିଛନ୍ତି । ଜଣେ ଭିନ୍ନକ୍ଷମ ଯୁବକ ପ୍ରତି ସହନଶୀଳତା ପ୍ରତିବଦଳରେ ପୁଲିସ କର୍ମଚାରୀ ନ୍ୟାୟ ଦେବା ପରିବର୍ତ୍ତେ ତାଙ୍କୁ ପିଟିବା ଘଟଣାର ଉପଯୁକ୍ତ ତଦନ୍ତ ଦାବି କରିଛନ୍ତି । ଏହି ଘଟଣା ପରେ ୨୪ ଘଣ୍ଟା ମଧ୍ୟରେ ତଦନ୍ତ କରି ରିପୋର୍ଟ ଦାଖଲ କରିବାକୁ ଏଏସ୍‌ପି ଶ୍ରୀ ପରିଡା ଝୁମ୍ପୁରା ଥାନାଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି । ଏ ସମ୍ପର୍କରେ ଏଏସ୍‌ପି ଶ୍ରୀ ପରିଡାଙ୍କୁ ପଚାରିବାରୁ ବିଦେଶୀଙ୍କ ଅଭିଯୋଗ ଅନୁଯାୟୀ ତାଙ୍କୁ ଜିଆରଏସ୍‌ ଓ ଝୁମ୍ପୁରା ପୁଲିସ ମାଡ଼ ମାରିଛନ୍ତି ବୋଲି ବୟାନ ଦେଇଛନ୍ତି । ଘଟଣା ସମ୍ପର୍କରେ ଥାନାଧିକାରୀ କିଛି ଜାଣିନଥିବାରୁ ଉପଯୁକ୍ତ ତଦନ୍ତ କରି ରିପୋର୍ଟ ଦେବାକୁ ସେ ନିର୍ଦ୍ଦେଶ ଦେଇଛନ୍ତି । ରିପୋର୍ଟ ମିଳିବା ପରେ ସମ୍ପୃକ୍ତ କର୍ମଚାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସେ କହିଛନ୍ତି ।