ନୂଆଦିଲ୍ଲୀ ୧୬/୦୫: ଦିନଥିଲା ପ୍ରେମ ପତ୍ର ଓ ଲାଲ୍ ଗୋଲାପ ଆଦାନ-ପ୍ରଦାନ ବିନା ପ୍ରେମ ନିବେଦନ ସମ୍ଭବ ହେଉ ନଥିଲା । କିନ୍ତୁ ଏବେ ଆଉ ସେ ଯୁଗ ନାହିଁ । ସମୟ ଡିଜିଟାଲ୍ ଡେଟିଂର ଅର୍ଥାତ୍ ଟେକ୍ସଟିଂ ଏବଂ ହ୍ୱାଟ୍ସଆପ୍ ମେସେଜ୍ ଜରିଆରେ ପ୍ରେମର ବାର୍ତ୍ତା ପ୍ରେମୀ ପାଖରେ ପହଞ୍ଚିଯାଉଛି । ତେବେ ଏହା କେତେଦୂର ନିରାପଦ ଚାଲନ୍ତୁ ଜାଣିବା ।
ନ୍ୟୁୟର୍କର ପେସ୍ ବିଶ୍ୱବିଦ୍ୟାଳୟର ମନୋବିଜ୍ଞାନୀଙ୍କ ଏକ ଗବେଷଣାରୁ ଜଣାପଡିଛି ଯେଉଁ ପ୍ରେମୀଯୁଗଳଙ୍କର ଟେକ୍ସଟ୍ ମେସେଜ୍ ଏକାପରି ସେମାନଙ୍କ ଭିତରେ ସମ୍ପର୍କ ନିବିଡ଼ ହୋଇଥାଏ । ଡିଜିଟାଲ୍ ଡେଟିଂର କେତେକ ଭର୍ସନ୍ ପ୍ରଚଳିତ । ଚାଲନ୍ତୁ ଜାଣିବା ବିଭିନ୍ନ ପ୍ରକାରର ଡିଜିଟାଲ୍ ଡେଟିଂ ଓ ଏହାର ସକାରାତ୍ମକ ଓ ନକାରତ୍ମକ ଦିଗ ବିଷୟରେ ।
ଲଭ୍ ବମ୍ବିଙ୍ଗ୍ ଏହି ଡେଟିଂରେ ବ୍ୟକ୍ତି ପ୍ରେମିକା ଉପରେ ଭରପୂର ପ୍ରେମ ସହ ସ୍ନେହର ବର୍ଷା କରିଥାଏ । ଯେଉଁଥିରୁ କିଛି ଭୁଲ୍ ବାହାର କରିବା ଅସମ୍ଭବ ହୋଇଥାଏ । କିନ୍ତୁ ଯେତେବେଳେ ବ୍ୟକ୍ତି ଡେଟ୍ କରିବାକୁ ଚାହିଁନଥାଏ ବା ସମ୍ପର୍କରେ କମ୍ଫଟେବଲ୍ ଅନୁଭବ କରି ନଥାଏ କିମ୍ବା ପ୍ରେମିକାଠାରୁ ଦୂରେଇବାକୁ ଚାହୁଁଥାଏ । ତେବେ ସେତେବେଳେ ଭିନ୍ନ ଭିନ୍ନ ଭାବେ ପ୍ରେମିକାକୁ ହଇରାଣ କରିଥାଏ । ଏହାକୁ ଏକ ପ୍ରକାରର ଇମୋସନାଲ୍ ଅତ୍ୟାଚାର ବୋଲି କୁହାଯାଇପାରେ । ପ୍ରେମିକା ପ୍ରଥମେ ଏହାକୁ ବୁଝିପାରେନା । ଏ ପ୍ରକାର ପ୍ରେମ କରୁଥିବା ଲୋକ କେବଳ ନିଜ ଇଚ୍ଛାକୁ ଗୁରୁତ୍ୱ ଦେଇଥାନ୍ତି, ସାମ୍ନା ଲୋକର ନୁହେଁ । ତେଣୁ ଯଥାସମ୍ଭବ ଆରମ୍ଭରୁ ଏଭଳି ପ୍ରେମିକଠାରୁ ଦୂରେଇଯିବା ଭଲ ।
କୁଶନିଂ ଡେଟିଂର ଏହା ଏମିତି ଏକ ଶୈଳୀ, ଯାହା ଜଣଙ୍କ ପାଇଁ ଭଲ ହୋଇଥିବା ବେଳେ ଅନ୍ୟଜଣକ ପାଇଁ ଦୁଃଖଦ ହୋଇଥାଏ । ଡେଟ୍ରେ କୁଶନିଂ କରୁଥିବା ବ୍ୟକ୍ତି ଯେତେବେଳେ ଦେଖେ ତା’ଡେଟିଂ ଠିକ୍ ଭାବେ ନ ଚାଲୁଛି, ତେବେ ସେ ଏହାକୁ ଅଣଦେଖା କରି ବ୍ରେକ୍ଅଫ୍ ପାଇଁ ଯୋଜନା କରିଥାଏ । ଏହି ଲୋକମାନେ ଆଦୌ ବିଶ୍ୱାସନୀୟ ହୋଇ ନଥାନ୍ତି । ଯଦି କେହି ପ୍ରେମରେ କୁଶନିଂ କରୁଥିବା ସନ୍ଦେହ ହୁଏ,ତେବେ ସେହି ବ୍ୟକ୍ତିଠାରୁ ଯଥାଶୀଘ୍ର ଦୂରେଇଯିବା ଉଚିତ୍ ।
ବ୍ରେଡ୍କ୍ରମ୍ବିଙ୍ଗ୍ ଏଭଳି ଡେଟିଂରେ ଫ୍ଲର୍ଟ କରୁଥିବା ଆଶିକ୍ ନିୟମିତ ଆସି ନଥାନ୍ତି,ମଝିରେ ମଝିରେ ଆପଣଙ୍କୁ ରୋମାଣ୍ଟିକ୍ ଟେକ୍ସଟ ବା ହ୍ୱାଟ୍ସଆପ୍ ମେସେଜ୍ ପଠାଇଥାନ୍ତି । କେବେ କେବେ ଅଚାନକ୍ ଫେସ୍ବୁକ୍,ଇନ୍ଷ୍ଟା ଓ ଟ୍ୱିଟର୍ରେ ଲଗାତାର ମେସେଜ୍ କରିଥାନ୍ତି । ଏମାନଙ୍କ ଭିତରେ ସମ୍ପର୍କକୁ ଆଗେଇ ନେବାର ଇଚ୍ଛା ନଥାଏ କେବଳ ମଝିରେ ମଝିରେ ଧ୍ୟାନ ଆକର୍ଷଣ କରିବା ଲକ୍ଷ୍ୟ ରହିଥାଏ । ଏମାନେ କେବଳ ଫ୍ଲର୍ଟ କରିବାକୁ ଚାହାନ୍ତି, ପ୍ରତିଶ୍ରୁତି ଦେବାକୁ ନୁହେଁ ।
ଷ୍ଟେଶିଙ୍ଗ୍ ଏଥିରେ ଗର୍ଲଫ୍ରେଣ୍ଡ୍ ସହ ଖୁବ୍ ଭଲ ଭାବେ ଡିଜିଟାଲ୍ ଡେଟିଂ ଚାଲୁଥାଏ । ଏପରି ଅନୁଭବ ହୋଇଥାଏ, ଏହି ସମ୍ପର୍କ ନିଶ୍ଚୟ ଆଗକୁଯିବ । ଆପଣଙ୍କର ସମସ୍ତ ସାଙ୍ଗ ଓ ପରିଚିତ ଏକଥା ଜାଣିଥାନ୍ତି,କିନ୍ତୁ ଫ୍ଲର୍ଟ କରୁଥିବା ବ୍ୟକ୍ତିର କେହି ପରିଚିତ ଆପଣଙ୍କୁ କିମ୍ବା ଆପଣ ସେମାନଙ୍କୁ ଜାଣିନଥାନ୍ତି । ଫ୍ଲର୍ଟ କରୁଥିବା ବ୍ୟକ୍ତି ନିଜ ପରିବାର, ସାଙ୍ଗସାଥୀ ଓ ସମ୍ପର୍କୀୟଙ୍କଠାରୁ ଜାଣିଶୁଣି ଆପଣଙ୍କୁ ଦୂରେଇ ରଖିଥାଏ । ଏଭଳି ସମ୍ପର୍କରେ ସାବଧାନ ରହିବା ଜରୁରି ।
ବେଞ୍ଚିଙ୍ଗ୍ ଡେଟିଂରେ ଫ୍ଲର୍ଟ କରୁଥିବା ବ୍ୟକ୍ତି ଆପଣଙ୍କୁ ନିୟମିତ ମେସେଜ୍ କରିଥାଏ । ଦିନେ ଅଚାନକ୍ କୁଆଡେ ଉଭେଇ ଯାଇଥାଏ । ସେଭଳି ବ୍ୟକ୍ତି ଆପଣଙ୍କୁ ବେଞ୍ଚ ଉପରେ ବସାଇ ବଡ଼ ବଡ଼ ପ୍ରତିଶ୍ରୁତି ଦେଇ ଅପେକ୍ଷା କରିବାକୁ କହିଦେଇ ଗାଏବ୍ ହୋଇଯାଏ । ଧୀରେ ଧୀରେ ଆପଣ ତାକୁ ଭୁଲିବା ବେଳକୁ ସେ ପୁଣି ମେସେଜ୍ ପଠାଇ ମନ ଭିତରେ ଆଶା ଜାଗ୍ରତ କରାଇଥାଏ ।
ଟ୍ୟୁନିଙ୍ଗ୍ ଡିଜିଟାଲ୍ ଡେଟିଂ ପ୍ରାରମ୍ଭିକ ଅବସ୍ଥାରୁ ଆଗକୁ ବଢିବା ସ୍ଥିତିକୁ ଟ୍ୟୁନିଙ୍ଗ୍ କୁହାଯାଏ । ଫ୍ଲର୍ଟ କରୁଥିବା ବ୍ୟକ୍ତି ଡେଟ୍ରେ ଖୁସି ଆଣିବାକୁ ପ୍ରୟାସ କରିଥାଏ । ଏପରିକି ପ୍ରତ୍ୟକ୍ଷରେ ଦେଖା ହେବାକୁ ମଧ୍ୟ ଚେଷ୍ଟା କରିଥାଏ । କିନ୍ତୁ ଏହି ସମ୍ପର୍କକୁ ନେଇ ସେ କେବେ ବଦ୍ନାମ ନ ହେବା ଦିଗରେ ବେଶ୍ ସଚେତନ ରହିଥାଏ । କିନ୍ତୁ ମହିଳାମାନେ ଏଭଳି ସମ୍ପର୍କରେ ଚିଟିଙ୍ଗ୍ର ଶିକାର ହୋଇଥାନ୍ତି ।
ଅନ୍-ଅଫ୍ ଡେଟିଂ ଫ୍ଲର୍ଟ କରୁଥିବା ବ୍ୟକ୍ତି ଖୁବ୍ ଚାଟିଂ କରିଥାଏ, ଅଚାନକ୍ ଗାଏବ୍ ହୋଇଯାଇଥାଏ । କିଛିଦିନ ପରେ ପୁଣି ସେହି ପ୍ରକ୍ରିୟାକୁ ଦୋହରାଇଥାଏ । ଏହି ସମ୍ପର୍କରେ କୌଣସି ପ୍ରତିଶ୍ରୁତି ନଥାଏ । ଏ ସମ୍ପର୍କ ସବୁବେଳେ ରହିଥାଏ,କିନ୍ତୁ କେବେ ସିରିୟସ୍ ହୋଇନଥାଏ । ଜଘୋଷ୍ଟିଙ୍ଗ୍ କୌଣସି ସମ୍ପର୍କରେ ଅଚାନକ୍ ସବୁକିଛି ଗାଏବ୍ ହୋଇଯାଇଥାଏ ।
ଘୋଷ୍ଟିଙ୍ଗ୍ ଡେଟିଂ କୁହାଯାଏ । ଘୋଷ୍ଟ ବା ଭୂତ ସାଥୀ ଏମାନେ ସକାଳେ,ସଂଧ୍ୟା ବା ରାତିରେ ଅଚାନକ ଗୁଡ୍ ମର୍ଣ୍ଣଙ୍ଗ୍, ଆଫଟର୍ ନୁନ୍ ବା ଗୁଡ୍ ନାଇଟ୍, କୌଣସି ଆଚିଭମେଣ୍ଟ୍ ବା ଦୁଃଖ ବଖାଣିବାକୁ ମେସେଜ୍ କରିଥାନ୍ତି । କେତେବେଳେ ପୁରା ଗାଏବ୍ ହୋଇଯାଇଥାନ୍ତି,ତା’ର କୌଣସି ଠିକଣା ନଥାଏ । କଥାହେବା ପରେ ଯଦି କୌଣସି କଥାରେ ଅସମତି ଥାଏ,ତେବେ ଚୁପଚାପ୍ ଗାଏବ୍ ହୋଇଯାଇଥାନ୍ତି ।