PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଓମିକ୍ରନ୍ ଭୟ : ତାମିଲନାଡୁର ଏକ ସ୍କୁଲ୍‌ରେ କରୋନା ଆତଙ୍କ , ୨୫ ପିଲାଙ୍କୁ କୋଭିଡ୍‌ ପଜିଟିଭ୍
  • ||
  • ୨୯ ଦେଶକୁ ମାଡ଼ି ଗଲାଣି ଓମିକ୍ରନ୍ – ପ୍ରେସମିଟ୍‌ରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ସୂଚନା
  • ||
  • ଭାରତରେ ଓମିକ୍ରନ ,କର୍ଣ୍ଣାଟକରୁ ଚିହ୍ନଟ ହେଲେ ୨ ଓମିକ୍ରନ ଆକ୍ରାନ୍ତ , ପ୍ରେସ୍‌ମିଟ୍‌ରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ସୂଚନା
  • ||
  • ତେଲେଙ୍ଗାନାରେ ଚିହ୍ନଟ ହୋଇନି ଓମିକ୍ରନ , ଏ ନେଇ ଖବରକୁ ଖଣ୍ଡନ କଲା ତେଲେଙ୍ଗାନା ସ୍ୱାସ୍ଥ୍ୟ ବିଭାଗ । ବ୍ରିଟେନ୍‌ ଫେରନ୍ତା ମହିଳା କୋଭିଡ୍‌ ପଜିଟିଭ ଚିହ୍ନଟ
  • ||
  • ଭାରତରେ ପ୍ରଥମ ଓମିକ୍ରନ ଭାରିଆଣ୍ଟ ଚିହ୍ନଟ , ତେଲେଙ୍ଗାନାରୁ ଓମିକ୍ରନ୍‌ ଭାରିଆଣ୍ଟ ଆକ୍ରାନ୍ତ ଚିହ୍ନଟ , ଆକ୍ରାନ୍ତ ମହିଳାଙ୍କର ବୟସ ୩୫ ବର୍ଷ , ଇଂଲଣ୍ଡରୁ ଫେରିଥିଲେ ସଂପୃକ୍ତ ମହିଳା
  • ||
  • କଟକ: ଗାଡ଼ି ଟଣା ବେଳେ ଫାଇନାନ୍ସ କମ୍ପାନି କର୍ମଚାରୀ ଉପରକୁ ବ୍ଲାଙ୍କ ଫାଇରିଙ୍ଗ୍ ଘଟଣା, ଦୁଇ ଅଭିଯୁକ୍ତକୁ ଧରିବା ପାଇଁ କଟକ ପୋଲିସ ଟିମ୍ ଗଞ୍ଜାମରେ
  • ||
  • ଅମ୍ବାଦଳା: ୮ ଲକ୍ଷରୁ ଉର୍ଦ୍ଧ୍ବ ଟଙ୍କାର ଗଞ୍ଜେଇ ଜବତ, ବାଇକ ସହ ୩ ଗିରଫ
  • ||
  • ବ୍ରହ୍ମପୁର: ବିଶିଷ୍ଟ ସିପିଏମ୍ ନେତା ବସନ୍ତ ନନ୍ଦଙ୍କ ହୃଦଘାତରେ ବିୟୋଗ
  • ||
  • ରାୟଗଡା: ୩ ବର୍ଷ ଅଙ୍ଗନବାଡି ଚାକିରି କରିବା ପରେ ଚାକିରିରୁ ବାହାର କରାଯାଇଥିବା ଅଭିଯୋଗ
  • ||
  • କାଶୀପୁର: ହାତଗୁଞ୍ଜା ବିନା ଘୁଞ୍ଚୁନି ଫାଇଲ, ପ୍ରାପ୍ୟ ପାଇବାରେ ହଇରାଣ ଅବସର ଶିକ୍ଷକ
  • ||
  • ପାପଡାହାଣ୍ଡି: ମହୁ ମାଛି ଆକ୍ରମଣରେ ବୃଦ୍ଧ ଗୁରୁତର!
  • ||
  • ସୁନ୍ଦରଗଡ଼: କୋଇଡାରେ ଥମୁନି ହାତୀ ଉପଦ୍ରବ, ଘରେ ଶୋଇଥିବା ବେଳେ ଟାଣି ଦଳି ଦେଲା ଦନ୍ତା, ଘଟଣା ସ୍ଥଳରେ ବୃଦ୍ଧଙ୍କ ଉଡିଗଲା ପ୍ରାଣ ବାୟୁ
  • ||
  • ଭୁବନେଶ୍ୱର: ବିଧାନସଭାର ଶୀତକାଳୀନ ଅଧିବେଶର ଦ୍ବିତୀୟ ଦିନ, ଆରମ୍ଭରୁ ବିରୋଧୀଙ୍କ ହୋହଲ୍ଲା ଓ ହଟ୍ଟଗୋଳ, ୪ ଯାଏଁ ଗୃହ ମୁଲତବୀ
  • ||
  • ଭୁବନେଶ୍ୱର: ୧୨ ଘଣ୍ଟାରେ ଅବପାତ, ୨୪ ଘଣ୍ଟା ମଧ୍ୟରେ ବାତ୍ୟା ରପୂ ନେବ ସମ୍ଭାବନା
  • ||
  • ଭୁବନେଶ୍ୱର: ରାଜ୍ୟରେ ଆଉ ୨ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୧୫କୁ ବୃଦ୍ଧି
  • ||
  • ଭୁବନେଶ୍ଵର: ୨୪ ଘଣ୍ଟାରେ ୨୫୨ କୋଭିଡ୍ ପଜିଟିଭ୍ ଚିହ୍ନଟ, ଆକ୍ରାନ୍ତଙ୍କ ସଂଖ୍ୟା ୧୦୪୯୫୯୭ ଜଣକୁ ବୃଦ୍ଧି
  • ||
  • ନୂଆଦିଲ୍ଲୀ:୨୩ ରାଷ୍ଟ୍ରକୁ ବ୍ୟାପିଲା ଓମ୍ରିକନ୍, ଆନ୍ତର୍ଜାତିକ ବିମାନ ଉଡାଣ ସ୍ଥଗିତ
  • ||
  • ସୋର: ମନ୍ଦିରରୁ ଲକ୍ଷାଧିକ ଟଙ୍କାର ସୁନା ଓ ରୂପା ଗହଣା ଚୋରି
  • ||
  • କୋକସରା: ବିଦ୍ୟୁତ ସଂଯୋଗ ପାଇଁ ରାସ୍ତା ଅବରୋଧ କଲେ ଗ୍ରାମବାସୀ
  • ||
  • କନ୍ଧମାଳ: ପେଟ୍ରୋଲ ପମ୍ପକୁ ତେଲ ପକାଇବା ଆସିଥିବା ଗାଡ଼ିରୁ ମୋବାଇଲ ଚୋରି
  • ||

ଅସୁରକ୍ଷିତ ରାଜଧାନୀ: ପେଟ୍ରୋଲ ପମ୍ପରେ ଆତଙ୍କରାଜ, ବଟି ନ ଦେବାରୁ କର୍ମଚାରୀଙ୍କୁ ଆକ୍ରମଣ

ଭୁବନେଶ୍ୱର,୨୯ା୧(ବ୍ୟୁରୋ): ଅସୁରକ୍ଷିତ ହୋଇପଡ଼ିଛି ରାଜଧାନୀ । ସଞ୍ଜ ନଇଁଲେ ପୂରା ରାଜଧାନୀକୁ କବ୍‌ଜାକୁ ନେଇ ଯାଉଛନ୍ତି ଅପରାଧୀ । ରାତି ଅଧରେ ଆତଙ୍କ ଖେଳାଉଛନ୍ତି । କମିଶନରେଟ୍‌ ପୁଲିସ ଅପରାଧୀଙ୍କ ଆଗରେ ହାତ ଟେକି ଦେଇଛି । ସୋମବାର ବିଳମ୍ବିତ ରାତିରେ ବଡ଼ଗଡ଼ ଥାନା ଅଧୀନ କଳ୍ପନା ଛକ ପେଟ୍ରୋଲ ପମ୍ପରେ ୩ ଅପରାଧୀ ଆତଙ୍କ ଖେଳାଇଛନ୍ତି । ବଟି ନ ଦେବାରୁ ପେଟ୍ରୋଲ ପମ୍ପର ଜଣେ କର୍ମଚାରୀଙ୍କୁ ପ୍ରାଣାନ୍ତକ ଆକ୍ରମଣ କରିଛନ୍ତି । ବଡ଼ଗଡ଼ର ଜଗା ସିଂହ ଓ ତା’ର ଦୁଇ ସହଯୋଗୀଙ୍କ ଏଭଳି କାଣ୍ଡ ପେଟ୍ରୋଲ ପମ୍ପରେ ଲାଗିଥିବା ସିସିଟିଭି ଫୁଟେଜ୍‌ରେ କଏଦ୍‌ ହୋଇଛି ।
ମିଳିଥିବା ଅଭିଯୋଗ ମୁତାବକ, ବଡ଼ଗଡ଼ର ଦୁର୍ଦ୍ଦାନ୍ତ ଅପରାଧୀ ଜଗା ସିଂହ ଓ ତା’ର ଦୁଇ ସହଯୋଗୀ ଗତକାଲି ରାତି ୧୧ଟାରେ କଳ୍ପନା ପେଟ୍ରୋଲ ପମ୍ପକୁ ବାଇକ୍‌ରେ ତେଲ ପକାଇବାକୁ ଯାଇଥିଲେ । ତେଲ ପକାଇବାରେ ବିଳମ୍ବ ହେବାରୁ କର୍ମଚାରୀଙ୍କୁ ଗାଳିଗୁଲଜ ଆରମ୍ଭ କରି ଦେଇଥିଲେ । କର୍ମଚାରୀ ପୂର୍ଣ୍ଣ ଚନ୍ଦ୍ର ସାହୁ ତରବର ହୋଇ ଆସି ଜଗା ବାଇକ୍‌ରେ ତେଲ ପକାଇଥିଲେ । କାହିଁକି ଡେରି କଲୁ କହି ଜଗା ପ୍ରଥମେ ପୂର୍ଣ୍ଣଙ୍କୁ ଧକ୍କା ମାରିଥିଲା । ଗାଳି ଗୁଲଜ କରି ମାସିକ ଦାଦାବଟି ନ ଦେଲେ ପେଟ୍ରୋଲ ପମ୍ପକୁ ଉଡ଼ାଇ ଦେବ ବୋଲି ଧମକ ଦେଇଥିଲା । ପୂର୍ଣ୍ଣ ପ୍ରତିବାଦ କରିବାରୁ ଆତଙ୍କ ଖେଳାଇଥିଲା ଜଗା । ଷ୍ଟିଲ୍‌ ଷ୍ଟାଣ୍ଡ ଉଠାଇ ପୂର୍ଣ୍ଣଙ୍କୁ ଆକ୍ରମଣ କରିଥିଲା । ୩ ଜଣ ମିଶି ସେଠାରେ ଏଭଳି ଆତଙ୍କ ରଚାଇଥିଲେ ଯେ, ପେଟ୍ରୋଲ ପମ୍ପକୁ ତେଲ ପକାଇବାକୁ ଆସୁଥିବା ଲୋକେ ସେଠାରୁ ଭୟରେ ପଳାଇଥିଲେ । ଅନ୍ୟ କର୍ମଚାରୀମାନେ ମଧ୍ୟ ପେଟ୍ରୋଲ ପମ୍ପ ଅଫିସ ଭିତରକୁ ପଶି ଯାଇଥିଲେ । ପ୍ରାୟ ଅଧଘଣ୍ଟା ଧରି ଜଗା ଓ ଦୁଇ ସହଯୋଗୀ ଆତଙ୍କ ଖେଳାଇଥିଲେ । ପରେ କର୍ମଚାରୀମାନେ ପୂର୍ଣ୍ଣଙ୍କୁ ଉଦ୍ଧାର କରି ହସ୍ପିଟାଲ୍‌ ପଠାଇଥିଲେ । ଏନେଇ ପୂର୍ଣ୍ଣ ବିଳମ୍ବିତ ରାତିରେ ବଡ଼ଗଡ଼ ଥାନାରେ ଅଭିଯୋଗ କରିଥିଲେ । ପେଟ୍ରୋଲ ପମ୍ପରେ ଲାଗିଥିବା ସିସିଟିଭିରେ ୩ ଅପରାଧୀଙ୍କ ଆତଙ୍କ ଖେଳାଇବାର ଦୃଶ୍ୟ ରେକର୍ଡ ହୋଇଛି । ସିସିଟିଭି ଫୁଟେଜ୍‌କୁ ନେଇ ପୁଲିସ ଜଗା ସିଂହ ଓ ତା’ର ଦୁଇ ସହଯୋଗୀଙ୍କୁ ଚିହ୍ନଟ କରିଛି । ଘଟଣାକୁ ୨୪ ଘଣ୍ଟା ବିତି ଯାଇଥିଲେ ମଧ୍ୟ ୩ ଅଭିଯୁକ୍ତଙ୍କୁ ପୁଲିସ ଗିରଫ କରିପାରି ନାହିଁ ।
ସୂଚନା ଥାଉ କି, ଗତ କିଛିଦିନ ଭିତରେ ଅପରାଧୀମାନେ ବିଳମ୍ବିତ ରାତିରେ ରାଜଧାନୀରେ ଆତଙ୍କ ଖେଳାଉଛନ୍ତି । ଖଣ୍ଡଗିରି ଥାନା ଅନ୍ତର୍ଗତ ପାତ୍ରପଡ଼ା ଗାଁ ଭିତରେ ରାତି ଅଧରେ ଘନଘନ ବୋମା ମାଡ଼ କରିଥିଲେ । ସେହିପରି ନୂଆପଲ୍ଲୀ ଥାନା ଅନ୍ତର୍ଗତ ଆଇଆରସି ଭିଲେଜରେ କାର୍‌ ଚାଳକଙ୍କୁ ବିଳମ୍ବିତ ରାତିରେ ମାରଣାସ୍ତ୍ରରେ ଆକ୍ରମଣ କରି ଲୁଟ୍‌ ଉଦ୍ୟମ କରାଯାଇଥିଲା । ଲକ୍ଷ୍ମୀସାଗର ଥାନା ଅଧୀନ ବମିଖାଲ ଦୁର୍ଗାମଣ୍ଡପ ସମ୍ମୁଖରେ ଯୁବ ବ୍ୟବସାୟୀଙ୍କୁ ହାଣି ଲୁଟ୍‌ପାଟ୍‌ ହୋଇଥିଲା । ଏସବୁ ଘଟଣାର ସିସିଟିଭି ଫୁଟେଜ୍‌ କମିଶନରେଟ୍‌ ପୁଲିସ ହାତରେ ଲାଗିଛି । ସେଥିରେ ଅପରାଧୀଙ୍କ କଳା କାରନାମା ଉତ୍ତୋଳିତ ହୋଇଛି । ହେଲେ କମିଶନରେଟ୍‌ ପୁଲିସ କୌଣସି ଗୋଟିଏ ଘଟଣାରେ ଅପରାଧୀଙ୍କୁ ଧରିବାରେ ସଫଳ ହୋଇନି । ଏଥିରୁ କମିଶନରେଟ୍‌ ପୁଲିସର ପାରିବା ପଣିଆ ଜଣାପଡ଼ିଛି ।