PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଓଡ଼ିଶା: ସୋମବାରରୁ ଶୁକ୍ରବାର ଦୈନିକ ସକାଳେ ମିଳୁଥିବା ମହଲତ କମିଲା ଏଣିକି ଦୈନିକ ୬ ଘଣ୍ଟା ବଦଳରେ ୪ ଘଣ୍ଟାକୁ ଖସିଲା କୋହଳ
  • ||
  • ବାହାଘରରେ ସର୍ବାଧିକ ୨୫ ଜଣ ସାମିଲ ହୋଇପାରିବେ
  • ||
  • ଓଡିଶାରେ ବଢିଲା ଲକଡାଉନ୍ ଅବଧି, ଜୁନ ୧ ଯାଏଁ ଜାରି ରହିବ କଟକଣା
  • ||
  • ଯଶିପୁର ନିର୍ବାଚନୀ ମଣ୍ଡଳୀର ପୂର୍ବତନ ବିଧାୟକ କମଳାକାନ୍ତ ନାୟକଙ୍କ ଚିକିତ୍ସାଧିନ ଅବସ୍ଥାରେ କେନ୍ଦୁଝର ମେଡିକାଲରେ ପରଲୋକ
  • ||
  • ସଇଁତଳା: ଟ୍ରେନ ଆଗକୁ ଡେଇଁ ଯୁବକଙ୍କ ଆତ୍ମହତ୍ୟା
  • ||
  • ଭୁବନେଶ୍ୱର : ଓଡ଼ିଶାରେ ସଂକ୍ରମଣ କମୁଛି, ମୃତ୍ୟୁ ବଢୁଛି, ୨୪ ଘଣ୍ଟାରେ ୨୨ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୨୩୫୭କୁ ବୃଦ୍ଧି
  • ||
  • ଓଡ଼ିଶାରେ ସଂକ୍ରମଣ କମୁଛି, ମୃତ୍ୟୁ ବଢୁଛି: ୨୪ ଘଣ୍ଟା ମଧ୍ୟରେ ୧୦ ହଜାର ୩୨୧ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୨୨ ଜୀବନ ନେଲା କରୋନା
  • ||
  • ପୁରୀ : ସମ୍‌ ସହଯୋଗରେ ପୁରୀରେ ଖୋଲିବ ସ୍ୱତନ୍ତ୍ର କୋଭିଡ୍‌ ହସ୍ପିଟାଲ୍‌, ୧୯ରୁ ସେବା ଆରମ୍ଭ
  • ||
  • ଭୁବନେଶ୍ୱର : ପୁଣି ଉପରମୁହାଁ ପାରଦ, ତାତିରେ ଛଟପଟ ଜନଜୀବନ, ଆହୁରି ୪ ଦିନ ଯାଏଁ ଜାରି ରହିବ ଗ୍ରୀଷ୍ମ ପ୍ରକୋପ
  • ||
  • ନୂଆଦିଲ୍ଲୀ : ବ୍ରହ୍ମ ମୁହୂର୍ତ୍ତରେ ଖୋଲିଲା ବଦ୍ରିନାଥଙ୍କ ଧାମ, ବିନା ଶ୍ରଦ୍ଧାଳୁରେ ହେଲା ଦ୍ଵାର ଫିଟା ନୀତି
  • ||

ନାଇଟ୍‌ ଡ୍ୟୁଟି ଯୋଗୁ କ୍ଷତିଗ୍ରସ୍ତ ହୁଏ ଡିଏନ୍‌ଏ

ବେଜିଂ,୨୭ ।୧(ଏଜେନ୍ସି): ରାତ୍ରିରେ ଡ୍ୟୁଟି କରିବା ଜଣେ ବ୍ୟକ୍ତିର ଡିଏନ୍‌ଏ ଉପରେ ପ୍ରଭାବ ପକାଏ ବୋଲି ପୂର୍ବରୁ କୁହାଯାଉଥିଲେ ମଧ୍ୟ ଏବେ ଚୀନ୍‌ର କିଛି ଗବେଷକ ଏସମ୍ପର୍କରେ କିଛି ନୂଆ ତଥ୍ୟ ଦେଇଛନ୍ତି । ସେମାନେ କହିଛନ୍ତି କି ନାଇଟ ଡ୍ୟୁଟି କରିବା ଯେକୌଣସି ବ୍ୟକ୍ତିର ସ୍ୱାସ୍ଥ୍ୟ ପାଇଁ ବିପଦଜନକ । ଏହାଯୋଗୁ ତା’ର ଡିଏନ୍‌ଏ ବ୍ୟାପକ ମାତ୍ରାରେ କ୍ଷତିଗ୍ରସ୍ତ ହୁଏ । ତା’ଛଡା ଏହାଯୋଗୁ ସିଏ କ୍ୟାନ୍‌ସର, ହୃଦ୍‌ ଜନିତ, ସ୍ନାୟବିକ ଏବଂ ନିଃଶ୍ୱାସପ୍ରଶ୍ୱାସ ଜନିତ ରୋଗରେ ସିଏ ଆକ୍ରାନ୍ତ ହେବାର ସମ୍ଭାବନା ବଢ଼ିଯାଏ ।
ଗବେଷକ ଦଳରେ ସାମିଲ ଥିବା ହଂକଂ ବିଶ୍ୱବିଦ୍ୟାଳୟର ପ୍ରଫେସର ସିଉ ୱାଇ ଚୋଇ କହିଛନ୍ତି ଯେ ସେମାନେ ଏଥିପାଇଁ ବିଭିନ୍ନ ସିଫ୍ଟରେ ଡ୍ୟୁଟି କରୁଥିବା ୪୯ ଜଣ ଡାକ୍ତରଙ୍କ ଉପରେ ଅଧ୍ୟୟନ କରିଥିଲେ । ଏହି ସମସ୍ତ ଡାକ୍ତର ସୁସ୍ଥ ଥିଲେ । ଏମାନଙ୍କ ଉପରେ ପରୀକ୍ଷାନିରୀକ୍ଷା ପରେ ସେମାନେ ଜାଣିବାକୁ ପାଇଥିଲେ କି ରାତ୍ରିରେ ଡ୍ୟୁଟି କରିବା ଜୀବନ ପ୍ରତି ମାରାତ୍ମକ ଅଟେ । ଏମିତିକି ଗୋଟିଏ ରାତି ବି ଅନିଦ୍ରା ରହିବା ଭବିଷ୍ୟତରେ ମାରାତ୍ମକ ରୋଗର କାରଣ ହୋଇପାରେ ।
ଅନ୍ୟ ସିଫ୍ଟ ଅପେକ୍ଷା ନାଇଟ ସିଫ୍ଟରେ ଡ୍ୟୁଟି କରୁଥିବା ଡାକ୍ତରଙ୍କ ଦେହରେ ଡିଏନ୍‌ଏ ବ୍ରେକ୍‌ (ଡିଏନ୍‌ଏ କ୍ଷତିଗ୍ରସ୍ତ ହୋଇ ସେଥିରେ ଫାଟ ସୃଷ୍ଟି ହେବା)ଅଧିକ ମାତ୍ରାରେ ପରିଲକ୍ଷିତ ହୋଇଥିଲା । ତା’ଛଡା କ୍ଷତିଗ୍ରସ୍ତ ଡିଏନ୍‌ଏର ମରାମତି ପାଇଁ ଦେହରେ ସ୍ୱତଃସ୍ଫୃର୍ତ୍ତ ଭାବେ ସୃଷ୍ଟି ହେଉଥିବା ଜିନ୍‌ର ପରିମାଣ ମଧ୍ୟ ସେମାନଙ୍କ ଠାରେ ହ୍ରାସ ପାଇଥିଲା । ଗୋଟିଏ ରାତି ଅନିଦ୍ରା ରହିଲେ ବି ଦେହରେ କ୍ଷତିଗ୍ରସ୍ତ ଡିଏନ୍‌ଏର ସଂଖ୍ୟା ବଢ଼ିଯାଇଥାଏ । ଏହାଯୋଗୁ ସେଇ ବ୍ୟକ୍ତିକୁ ଭବିଷ୍ୟତରେ କେତେକ ମାରାତ୍ମକ ରୋଗ ହୋଇଥାଏ ।
ଏହି ଗବେଷଣା ଯୋଗୁ ରାତିରେ ଅନିଦ୍ରା ହେବା ସହିତ ମାରାତ୍ମକ ରୋଗ ହେବାର ଲିଙ୍କ୍‌ ଥିବାର ପ୍ରମାଣିତ ହୋଇଛି । ତେବେ ଏ ସମ୍ପର୍କରେ ଅଧିକ ଗବେଷଣା କରାଯିବାର ଆବଶ୍ୟକତା ରହିଛି ବୋଲି ଉକ୍ତ ଗବେଷକ ଦଳ କହିଛନ୍ତି ।

ସମ୍ବନ୍ଧିତ ଖବର