PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍: ୨୪ ଘଣ୍ଟା ମଧ୍ୟରେ ୧୨ ଜଣ କୋଭିଡ୍ ପଜିଟିଭ ଚିହ୍ନଟ
  • ||
  • ସମ୍ବଲପୁର: ଶୀତଳ ଷଷ୍ଠୀ ପାଇଁ ପୂର୍ବ ପ୍ରସ୍ତୁତି: ୩ ତାରିଖରୁ ୭୨ ଘଣ୍ଟା ପାଇଁ ସମସ୍ତ ମଦ ଦୋକାନ ସିଲ୍
  • ||
  • ଭୁବନେଶ୍ୱର: ଆଜିଠୁ ଅଲ୍‌ ଓଡ଼ିଶା ସନ୍ତରଣ ପ୍ରତିଯୋଗିତା, ୨୦ଟି ଜିଲ୍ଲାରୁ ୨୫୮ ଜଣ ପ୍ରତିଯୋଗୀ ହେବେ ସାମିଲ
  • ||
  • ଭୁବନେଶ୍ୱର: ଆହୁରି କଲବଲ କରିବ ଅସହ୍ୟ ତାତି ସାଙ୍ଗକୁ ଗୁଳୁଗୁଳି , ଜୁନ୍‌ ୨ ତାରିଖ ଯାଏଁ ଜାରି ରହିବ ଗ୍ରୀଷ୍ମ ପ୍ରକୋପ
  • ||
  • ବାରଙ୍ଗ: ନନ୍ଦନକାନନରେ ଆଖିବୁଜିଲା ଆଫ୍ରିକୀୟ ସିଂହ, ୧୬କୁ ହ୍ରାସ ପାଇଲା ସିଂହଙ୍କ ସଂଖ୍ୟା
  • ||

ଚାଳକଙ୍କୁ ଆକ୍ରମଣ କରି ହାଇୱା ଲୁଟ୍‌

ଢେଙ୍କାନାଳ,୨୩ା୧(ଆପ୍ର): ମାତିଛନ୍ତି ହାଇୱେ ଲୁଟେରା । ରାଜପଥରେ ବିଭିନ୍ନ ଗାଡି ଓ ଲୋକଙ୍କୁ ଅଟକାଇ ଟଙ୍କା, ସୁନାଗହଣା ଲୁଟ୍‌ କରିବା ପରେ ଏଥର ସିଧାସଳଖ ଗାଡି ଲୁଟିଛନ୍ତି । ମଙ୍ଗଳବାର ରାତିରେ ଢେଙ୍କାନାଳ ସଦର ଥାନା ପଞ୍ଚୁପଟି ନିକଟ ୫୫ ନମ୍ବର ଜାତୀୟ ରାଜପଥ ପାଶ୍ୱର୍ରେ ଛିଡା ହୋଇଥିବା ଏକ ହାଇୱାକୁ ଲୁଟେରାମାନେ ଲୁଟି ନେଇଛନ୍ତି । ଲୁଟେରାଙ୍କ ଆକ୍ରମଣରେ ହାଇୱା ଚାଳକ ଗୁରୁତର ଆହତ ହୋଇ ଢେଙ୍କାନାଳ ଡାକ୍ତରଖାନାରେ ଚିକିିତ୍ସିତ ହେଉଛନ୍ତି ।
ପୁଲିସ ସୂତ୍ରରୁ ପ୍ରକାଶଯେ, ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଅନ୍ତର୍ଗତ କନ୍ତୋର ଗ୍ରାମର ସଂଜୟ ଦେହୁରୀ (୩୧) ନାଲ୍‌କୋ କୁଲାଡ଼ ନିବାସୀ ଶ୍ୱେତ ସ୍ୱାଇଁଙ୍କ ଦଶଚକିଆ ହାଇୱା (ନଂ. ଓଆର୍‌ ୧୯ ଇ ୦୯୮୧)ରେ ଡ୍ରାଇଭର ଭାବେ କାମ କରନ୍ତି । ସଂଜୟ ମଙ୍ଗଳବାର ସେ ହାଇୱାରେ ନାଲ୍‌କୋରୁ ଫ୍ଲାଏଆସ୍‌ (ପାଉଁଶଗୁଣ୍ଡ) ବୋଝେଇ କରି ଡୁବୁରୀ ଆସୁଥିଲେ । ଢେଙ୍କାନାଳ ସଦର ଥାନା ନିକଟ ପଞ୍ଚୁପଟିସ୍ଥିତ ୫୫ ନମ୍ବର ଜାତୀୟ ରାଜପଥ ପାଶ୍ୱର୍ରେ ଥିବା ଏକ ଢାବାରେ ଗାଡିକୁ ରଖି ଖାଇଥିଲେ । ଖାଇସାରିବା ଗାଡି ଭିତରେ ବିଶ୍ରାମ ନେଉଥିବା ³ବଳେ ତିନିଜଣ ଦୁର୍ବୃତ୍ତ ପହଞ୍ଚି ସଂଜୟଙ୍କୁ ମାରଣାସ୍ତ୍ର ଦେଖାଇ ଭୟଭୀତ କରାଇ ତାଙ୍କ ସହ ହାଇୱାକୁ ଲୁଟି ନେଇଥିଲେ । ଲୁଟେରାମାନେ କୋରିଆଁ ନିକଟସ୍ଥ ଏକ ନିକାଞ୍ଚନ ସ୍ଥାନରେ ସଂଜୟଙ୍କୁ ଲୁହାରଡ୍‌ରେ ଆକ୍ରମଣ କରି ତାଙ୍କପାଖରେ ଥିବା ଟଙ୍କାପଇସା ଓ ମୋବାଇଲ୍‌ ଲୁଟି ନେଇ ଫିଙ୍ଗି ଦେଇଥିଲେ । ଏହି ଘଟଣା ରାତି ୧୨ ଟାରୁ ୧ଟା ମଧ୍ୟରେ ଘଟିଛି । ରାତିତମାମ ସେହି ସ୍ଥାନରେ ସଂଜୟ ଛଟପଟ ହେଉଥିଲେ । ବୁଧବାର ଭୋର୍‌ ସମୟରେ କିଛି ପଥଚାରୀ ସଂଜୟଙ୍କୁ ଉଦ୍ଧାର କରି ଢେଙ୍କାନାଳ ଡାକ୍ତରଖାନାରେ ଭର୍ତ୍ତି କରିଥିଲେ । ତାଙ୍କ ଶରୀରର ବିଭିନ୍ନ ସ୍ଥାନରେ ଆଘାତ ଲାଗିଛି । ଖବରପାଇ ଗାଡିର ମାଲିକ ଶ୍ରୀ ସ୍ୱାଇଁ ସଦର ଥାନାରେ ପହଞ୍ଚି ଲିଖିତ ଏତଲା ଦେଇଛନ୍ତି । ଏତଲାକୁ ଭିତ୍ତି କରି ପୁଲିସ ଏକ ମାମଲା ରୁଜୁ କରିବା ସହ ଘଟଣାର ତଦନ୍ତ ଆରମ୍ଭ ହୋଇଛି । ଏନେଇ ତନାଘନା ଚାଲିଥିବା ସଦର ଥାନା ଅଧିକାରୀ ମଳୟ ନାୟକ ସୂଚନା ଦେଇଛନ୍ତି ।