ପାକିସ୍ତାନ ଲୋକଙ୍କ ପାଇଁ କ୍ଷୀର ପାଲଟିବ ସ୍ବପ୍ନ, ଲିଟରକୁ ବିକ୍ରି ହେଉଛି ୧୮୦ ଟଙ୍କା

ନୂଆଦିଲ୍ଲୀ,୧୨।୪: ପାକିସ୍ତାନର ସାଧାରଣ ଜନତାଙ୍କ ପାଇଁ ଦରଦାମ ବୃଦ୍ଧି ହୋଇପଡିଛି ଏବେ ବଡ ସମସ୍ୟା। ପନିପରିବା, ପେଟ୍ରୋଲ, ଡିଜେଲ ଆଦିର ଦରଦାମ ବୃଦ୍ଧ ପରେ ଏବେ ପାକିସ୍ତାନ ଲୋକଙ୍କ ପାଇଁ କ୍ଷୀର ଟିକିଏ ମିଳିବା କଷ୍ଟକର ହୋଇପଡିଛି। କରାଚୀ ଡାଏରି ଫର୍ମସ ଆସୋସିଏସନ୍ ହଠାତ ୧ ଲିଟର କ୍ଷୀରରେ ୨୩ ଟଙ୍କା ବଢାଇ ଦେବା କାରଣରୁ ଏବେ ସେଠାରେ ଗୋଟେ ଲିଟର କ୍ଷୀର ମୂଲ୍ୟ ୧୨୦ରେ ପହଁଞ୍ଚି ଯାଇଛି। ଖୁଚୁରା ବଜାରରେ ଏହା ଠାରୁ ସ୍ଥିତି ଆହୁରି ସଙ୍ଗୀନ, ସେଠାରେ କ୍ଷୀର ଲିଟର ୧୮୦ରୁ ଅଧିକ ଛୁଇଁ ଯାଇଛି।

ଉଲ୍ଲେଖନୀୟ ଯେ ପାକିସ୍ତାନୀର ଟଙ୍କାର ମୂଲ୍ୟ ଭାରତୀୟ ଟଙ୍କା ତୁଳନାରେ ଅଧା ମୂଲ୍ୟ। ଦରଦାମ ବୃଦ୍ଧି କାରଣରୁ ପାକିସ୍ତାନର ଲୋକେ ଖୁବ୍ କ୍ଷୁଧ ହୋଇଛନ୍ତି। ପାକିସ୍ତାନର ଖବରକାଗଜ ଡନ୍ ଅନୁସାରେ ଆସୋସିଏସନ୍ ପକ୍ଷରୁ କୁହାଯାଇଛି ସରକାରଙ୍କୁ ପୂର୍ବରୁ ବହୁବାର ଅନୁରୋଧ କରିଥିଲେ ଯେ, ଦାମ ବଢାଯାଉ, କିନ୍ତୁ ସରକାରଙ୍କ ପକ୍ଷରୁ କୌଣସି ପ୍ରତିକ୍ରିୟା ନମିଳିବା ପରେ ଏହି ନିଷ୍ପତ୍ତି ନେବାକୁ ପଡିଛି। ତାଙ୍କର କହିବା ଅନୁସାରେ ଏବେ ଚାରା ଓ ଇନ୍ଧନର ଦାମ ବହୁତ ବଢିଯାଇଛି। ଅନ୍ୟପକ୍ଷେ ପ୍ରଶାସନ ଆସୋସିଏସନର ଏହି ପଦକ୍ଷେପକୁ ଭୁଲ ବୋଲି କହିଛି ଓ ଅଧିକ ଦାମରେ କ୍ଷୀର ବିକ୍ରି କରୁଥିବା ଖୁଚୁରା ବିକ୍ରେତାଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ କହିଛି। ପ୍ରଶାସନ କ୍ଷୀର ଲିଟରକୁ ୯୪ ଟଙ୍କା କରିଥିବା ବେଳେ ଖୁଚୁରା ବିକ୍ରେତା ଏହାଠାରୁ ଦୁଇଗୁଣା ଅଧିକ ନେଉଛନ୍ତି।

ଆର୍ଥିକ ସ୍ଥିତିରେ ଏବେ ପାକିସ୍ତାନ ଖୁବ୍ ଦୁର୍ବଳ ହୋଇପଡିଥିବା ବେଳେ ଦରଦାମ ବୃଦ୍ଧି ଗତ ୫ବର୍ଷର ରେକର୍ଡ ସ୍ତରରେ ପହଁଞ୍ଚିଯାଇଛି। ମାର୍ଚ୍ଚରେ ଦରଦାମ ବୃଦ୍ଧି ୯.୪ ପ୍ରତିଶତ ପର୍ଯ୍ୟନ୍ତ ପହଁଞ୍ଚି ଯାଇଥିଲା। ତୈଳର ବର୍ଦ୍ଧିତ ମୂଲ୍ୟ ଯୋଗୁ ପାକିସ୍ତାନର କେନ୍ଦ୍ରୀୟ ବ୍ୟାଙ୍କ ସୁଦ୍ଧ ଦର ବୃଦ୍ଧି କରି ୧୦.୭୫ ପ୍ରତିଶତ କରିଦେଇଛି। ଅପ୍ରେଲରୁ ପେଟ୍ରୋଲ ଓ ଡିଜେଲର ଦର ୬ଟଙ୍କା ପ୍ରତି ଲିଟର ବଢିଯାଇଥିବା ବେଳେ କିରୋସିନି ୩ ଟଙ୍କା ଅଧିକ ବଢିଯାଇଛି। ସେଭଳି ଫଳ, ପରିବା ଓ ମାସଂର ଦାମ ମଧ୍ୟ ଲଗାତାର ଭାବରେ ବୃଦ୍ଦି ପାଉଛି।

   ସମ୍ବନ୍ଧିତ ଖବର


ସୁଶୀଲ ମୋଦୀଙ୍କୁ ରାଜ୍ୟସଭା ଟିକେଟ୍: ପାଶଓ୍ବାନଙ୍କ ସ୍ଥାନରେ ହେଲେ ବିଜେପି ପ୍ରାର୍ଥୀ, ପୂର୍ବତନ ଉପମୁଖ୍ୟମନ୍ତ୍ରୀ କେନ୍ଦ୍ରରେ ହୋଇ ପାରନ୍ତି ମନ୍ତ୍ରୀ

ସାବରିମାଲାରେ କରୋନା ଆତଙ୍କ – ୨୭ କର୍ମଚାରୀଙ୍କ ସହ ୩୯ଲୋକ ସଂକ୍ରମିତ

କରୋନାରେ ଆର୍ଥିକ ପ୍ରଭାବ ପାଇଁ କିମ୍‌ ଜୋଙ୍ଗ୍‌ଙ୍କ ବଢ଼ିଲା କ୍ରୋଧ – ଲୋକଙ୍କୁ ଫାଶୀ ଖୁଣ୍ଟରେ ଝୁଲାଇଲେ, ମାଛ ମାରିବାରେ ଲଗେଇଲେ ରୋକ୍‌

ଅଷ୍ଟ୍ରିଆର ଏକ ଗାଁର ନାଁ ବଦଳାଇବା ପାଇଁ ଭୋଟିଂ, କାରଣ ହେଉଛି…

ପାକିସ୍ତାନରେ କଡ଼ା ଆଇନ୍‌ – ନପୁଂସକ ହେବେ ଦୁଷ୍କର୍ମକାରୀ

ସ୍ପୁଟନିକ୍ ଭି ଭ୍ୟାକସିନ୍: ଭାରତରେ ପ୍ରସ୍ତୁତ ହେବ ଋଷୀୟ କରୋନା ଭ୍ୟାକସିନର ୧୦ କୋଟି ଡୋଜ୍