PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବରିଷ୍ଠ ଆଇପିଏସ୍‌ ସ୍ତରରେ ଅଦଳବଦଳ – ଯଶବନ୍ତ ଜେଠୱା ହେଲେ ନୂଆ ଭିଜିଲାନ୍ସ ନିର୍ଦ୍ଦେଶକ , ଅରୁଣ ବୋଥ୍ରା ପରିବହନ କମିଶନର
  • ||
  • ସରିଲା ଜମ୍ମୁ-କଶ୍ମୀର ପ୍ରସଙ୍ଗରେ ଗୁରୁତ୍ତ୍ୱପୂର୍ଣ୍ଣ ବୈଠକ , ପ୍ରଧାନମନ୍ତ୍ରୀ ମୋଦିଙ୍କ ଅଧ୍ୟକ୍ଷତାରେ ଚାଲିଥିଲା ବୈଠକ , ଉପସ୍ଥିତ ଥିଲେ ଜମ୍ମୁ-କଶ୍ମୀରର ୧୪ ନେତା
  • ||
  • ଭୁବନେଶ୍ବର: ଓମ୍‌ଫେଡ ଚାଷୀଙ୍କ ପାଇଁ ମୁଖ୍ୟମନ୍ତ୍ରୀଙ୍କ କୋଭିଡ ସହାୟତା, ଉପକୃତ ହେବେ ୧ ଲକ୍ଷ ୨୦ ହଜାର ଦୁଗ୍ଧ ଚାଷୀ
  • ||
  • କଟକ: ନକଲି ମେଡ଼ିସିନ ଜବତ ଘଟଣା, କଟକ ଜିଲ୍ଲା ଜଜ୍‌ଙ୍କ ଅଦାଲତରେ ହାଜର ହେଲା ମୁଖ୍ୟ ଅଭିଯୁକ୍ତ ଶିବ ପ୍ରସାଦ ଜେନା
  • ||
  • ପୁରୀ: ଗଜାନନ ବେଶରେ ଦର୍ଶନ ଦେଉଛନ୍ତି ଚତୁର୍ଦ୍ଧାମୂର୍ତ୍ତି, ଟିଭି ପରଦା ଦର୍ଶନ କରୁଛନ୍ତି ଭକ୍ତ
  • ||
  • ଖୋର୍ଦ୍ଧା: ଟାଙ୍ଗୀ ଟୋଲ ଗେଟ୍ ନିକଟରୁ ୧୦ ଲକ୍ଷ ଟଙ୍କାର ଗଞ୍ଜେଇ ଜବତ କଲା ଫ୍ଲାଇଙ୍ଗ ସ୍କ୍ବାର୍ଡ, ଚାଲାଣ କାରୀ ଗିରଫ
  • ||
  • ମାଲକାନଗିରି: ଜୟପୁର ୩୨୬ ନମ୍ୱର ଜାତୀୟ ରାଜପଥ ପାଙ୍ଗାମ ପୋଲ ତଳକୁ ଖସିପିଡ଼ିଲା କାର,୫ ଆହତ,୨ ଗୁରୁତର
  • ||
  • କଟକ: ଶୁକ୍ରବାର ସନ୍ଧ୍ୟା ୬ଟା ପରେ ପ୍ରକାଶ ପାଇବ ଚଳିତ ବର୍ଷର ମାଟ୍ରିକ୍ ରେଜଲ୍ଟ, ୨ଟି ୱେବସାଇଟରେ ଉପଲବ୍ଧ ହେବ ଫଳ
  • ||
  • ବାରିପଦା : ଦ୍ୱିତୀୟ ଶ୍ରୀକ୍ଷେତ୍ର ବାରିପଦାରେ ପବିତ୍ର ଦେବସ୍ନାନ ପୂର୍ଣ୍ଣିମା ନୀତି ଅନୁଷ୍ଠିତ, ୧୦୮ ଗରା ସୁବାସିତ ଜଳରେ ସ୍ନାନ କଲେ ଚତୁର୍ଦ୍ଧା ମୂର୍ତ୍ତି
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟାରେ ଚିହ୍ନଟ ହେଲେ ୩୬୫୦ କରୋନା ପଜିଟିଭ୍
  • ||
  • ପୁରୀ : ଏଥର ବି ସ୍ନାନପୂର୍ଣ୍ଣିମାରେ ଛେରା ପହଁରା କରିବେ ନାହିଁ ଗଜପତି ମହାରାଜ, ନୀତି ସମ୍ପାଦନ କରିବେ ମୁଦିରସ୍ତ
  • ||
  • ପୁରୀ : ଆଜି ଶ୍ରୀଜିଉଙ୍କ ସ୍ନାନଯାତ୍ରା, ୧୦୮ ଗରା ସୁବାସିତ ଜଳରେ ସ୍ନାନ କରିବେ ଚତୁର୍ଦ୍ଧାମୂର୍ତ୍ତି, ଟିଭି ପରଦାରେ ଅପୂର୍ବ ଗଜାନନ ବେଶ ଦର୍ଶନ କରିବେ ଭକ୍ତ
  • ||
  • ଭୁବନେଶ୍ୱର : ଆଜି ୧୦ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା, ୨୭ ଯାଏଁ ନିୟମିତ ବର୍ଷିପାରେ
  • ||

ଲୁଟେରାଙ୍କ ନୂଆ ଫର୍ମୁଲା: ସିବିଆଇ କହି ବୟସ୍କ ଦମ୍ପତିଙ୍କଠୁ ନେଇଗଲେ ୮ଭରି ସୁନା

ବ୍ରହ୍ମପୁର,୧୦ା୨(ବ୍ୟୁରୋ): ଲୁଟେରାଙ୍କ ଫର୍ମୁଲା ଧରିପାରୁନି ପୁଲିସ । କେତେବେଳେ ପୁଲିସ ତ ଆଉ କେତେବେଳେ ସିବିଆଇ କହି ସୁନା ନେବାରେ ସଫଳ ହୋଇଛନ୍ତି ଦୁର୍ବୃତ୍ତ । ସବୁବେଳେ ସେମାନଙ୍କ ଟାର୍ଗେଟ୍‌ରେ ରହୁଛନ୍ତି ବରିଷ୍ଠ ନାଗରିକ । ଆଜି ପୁଣି ବୟସ୍କ ଦମ୍ପତିକୁ ସିବିଆଇ ପରିଚୟ ଦେଇ ନେଇଯାଇଛନ୍ତି ୮ଭରି ସୁନା ଅଳଙ୍କାର । ପୁଲିସ୍‌ ସୁରାକ୍‌ ପାଇବା ପୂର୍ବରୁ ଦୁର୍ବୃତ୍ତ ଚମ୍ପଟ ମାରିଛନ୍ତି । ବାହାଘର ଭୋଜିରେ ଯୋଗଦେବାକୁ ଭୁବନେଶ୍ୱରରୁ ଆସିଥିବା ଭାସ୍କର ପାତ୍ର ଓ ତାଙ୍କ ସ୍ତ୍ରୀ ରାଜକୁମାରୀ ପାତ୍ର । ବୈଦନାଥପୁର ଥାନା ଅନ୍ତର୍ଗତ ଜୟପ୍ରକାଶ ନଗର ଛକରେ ସ୍ପଷ୍ଟ ଦିବାଲୋକରେ ସୁନା ଲୁଟ୍‌ କରିଛନ୍ତି ଦୁର୍ବୃତ୍ତ ।
ରବିବାର ଦିନ ପ୍ରାୟ ୧୧.୩୦ରେ ଏହି ଘଟଣା ଘଟିଥିବା ସୂଚନା ମିଳିଛି । ଭୁବନେଶ୍ୱର ପୋଖରୀପୁଟ ଅଞ୍ଚଳର ଭାସ୍କର ପାତ୍ର ଓ ତାଙ୍କ ସ୍ତ୍ରୀ ରାଜକୁମାରୀ ପାତ୍ର ତାଙ୍କ ସଂପର୍କୀୟଙ୍କ ବାହାଘର ଭୋଜିରେ ଯୋଗଦେବା ପାଇଁ ବ୍ରହ୍ମପୁର ଆସି ଜୟପ୍ରକାଶ ନଗର ଯାଉଥିଲେ । ଜୟ ପ୍ରକାଶ ନଗର ଛକ ଆକ୍ସିସ୍‌ ବ୍ୟାଙ୍କ୍‌ ଆଗରେ ବାଇକ୍‌ରେ ଆସି ଠିଆ ହୋଇଥିଲେ । ସେମାନଙ୍କୁ ସିବିଆଇର ପରିଚୟ ଦେବାସହ ପୁଲିସର ଆଇଡେଣ୍ଟି କାର୍ଡ ଦେଖାଇ ଆଗରେ ଅସମାଜିକ ବ୍ୟକ୍ତି ଅଛନ୍ତି ତେଣୁ ଆପଣ ପିନ୍ଧିଥିବା ସୁନା ଅଳଙ୍କାର ବେକରୁ କାଢ଼ି ବ୍ୟାଗ ଭିତରେ ରଖନ୍ତୁ ବୋଲି କହିଥିଲେ । ଲୁଟେରାଙ୍କ କଥାକୁ ବିଶ୍ୱାସ କରି ଦମ୍ପତି ପିନ୍ଧିଥିବା ସୁନା ଅଳଙ୍କାର ବାହାର କରି କାଗଜରେ ଗୁଡାଇ ବ୍ୟାଗ ଭିତରେ ରଖିବା ବେଳେ ଚତୁରତାର ସହ ଲୁଟେରାମାନେ ଉକ୍ତ ସୁନା ଅଳଙ୍କାରକୁ ନେଇ ଚମ୍ପଟ ମାରିଥିଲେ । ଅଞ୍ଚଳବାସୀ ପୁଲିସରେ ଖବର ଦେଇଥିଲେ । ବୈଦ୍ୟନାଥପୁର ଥାନା ଏସ୍‌ଆଇ ଏସ୍‌ଏନ୍‌ ପାଢ଼ି ସଦଳବଳ ଘଟଣା ସ୍ଥଳରେ ପହଞ୍ଚି ତନାଘନା କରିଥିଲେ । ତେବେ ଲୁଟେରା ମାନେ ସେତେବେଳେ ଫେରାର୍‌ ହୋଇଯାଇଥିଲେ । କିଛି ସମୟ ପୁଲିସ ଘଟଣା ସ୍ଥଳରେ ପଇଁତରା ମାରିବା ସହ ସିସି ଟିଭି ଯାଞ୍ଚ କରିଥିଲା । ଆକ୍ସିସ୍‌ ବ୍ୟାଙ୍କ୍‌ରେ ଲାଗିଥିବା ସିସିଟିଭିରୁ କିଛି ଅପରାଧୀଙ୍କୁ ଚିହ୍ନଟ କରାଯାଇପାରିବ ବୋଲି ଆଶା କରାଯାଉଛି ।
ଟାଉନ୍‌ ଏସ୍‌ଡିପିଓ ବିଷ୍ଣୁ ପ୍ରସାଦ ପତି ପହଞ୍ଚି ସ୍ଥାନୀୟ ଅଞ୍ଚଳରେ ଲାଗିଥିବା ସମସ୍ତ ସିସିଟିଭି ଯାଞ୍ଚ କରିଛନ୍ତି । ସହରରେ ବିଭିନ୍ନ ପ୍ରବେଶ ପଥରେ ବ୍ଳକିଂ କରାଯାଇଛି । ବାଇକ୍‌ ଓ ଅନ୍ୟାନ୍ୟ ଗାଡ଼ି ଯାଞ୍ଚ କରାଯାଉଛି ବୋଲି ସେ କହିଛନ୍ତି । ପୂର୍ବରୁ ବ୍ରହ୍ମପୁର ସହରରେ ଏଭଳି ଘଟଣା ଘଟିଥିଲେ ମଧ୍ୟ ଲୁଟେରାମାନଙ୍କୁ ପୁଲିସ ଧରିବାରେ ସକ୍ଷମ ହୋଇନାହିଁ । ଅପରାଧୀଙ୍କୁ ଧରିବା ପୁଲିସ ପାଇଁ ବଡ଼ ଚ୍ୟାଲେଞ୍ଜ୍‌ ସୃଷ୍ଟି ହୋଇଛି । ବୈଦନାଥପୁର ଥାନାରେ ଦମ୍ପତି ଏତଲା ଦେବାପରେ ଥାନା ଅଧିକାରୀ ଜୟକୃଷ୍ଣ ପଟ୍ଟନାୟକ ୩୦/୧୯ରେ ମାମଲା ରୁଜୁ କରି ତଦନ୍ତ କରାଯାଉଛି ବୋଲି କହିଛନ୍ତି । ସୂଚନାଯୋଗ୍ୟ, ବୈଦ୍ୟନାଥପୁର ଥାନା ଅନ୍ତର୍ଗତ ବିଦ୍ୟାନଗରର ଗୀତାଞ୍ଜଳି ପାଣିଗ୍ରାହୀ ଓ ଯା’ଚାରୁକଳା ପାଣିଗ୍ରାହୀଙ୍କ ଠାରୁ ଗତ ଦୁଇ ଦିନ ତଳେ ସଫେଇ ପାଉଡର ବିକ୍ରି ବାହାନାରେ ଆସି ସୁନା ଅଳଙ୍କାର ଲୁଟ୍‌ କରିଥିଲେ । ଗତ ମଙ୍ଗଳବାର ଜୟ ପ୍ରକାଶ ନଗରର ଜଣେ ମହିଳାଙ୍କୁ ପୁଲିସ ପରିଚୟ ଦେଇ ସୁନା ଲୁଟ୍‌ ଉଦ୍ୟମ କରିଥିଲେ । କିନ୍ତୁ ମହିଳା ଜଣଙ୍କ ସୁନା ଦେଇନଥିଲେ । ବର୍ଷକ ପୂର୍ବରୁ ଏସ୍‌ବିଆର୍‌ ରୋଡ଼ରେ ଜଣେ ମହିଳାଙ୍କ ଠାରୁ ୧୫ଭରି ସୁନା ଚେନ୍‌ ଲୁଟ୍‌ କରିଛନ୍ତି ଦୁର୍ବୃତ୍ତ । ବର୍ଷେ ହେଲା ଲୁଟେରା ମାନେ ଛିନ୍‌ତାଇ କରୁଥିବା ବେଳେ ପୁଲିସ ହାତରେ ସୁରାକ୍‌ ମିଳୁପାରୁ ନାହିଁ । ସେପଟେ ଏଭଳି ଲୁଟ୍‌କୁ ନେଇ ପୁଲିସ ଚିନ୍ତିତ ରହିଛି । ପୁଲିସ କିମ୍ବା କୌଣସି ଅଧିକାରୀ ମାନେ ରାସ୍ତାରେ କାହାରିକୁ ସୁନା ମାଗିବେ ନାହିଁ ବୋଲି ବ୍ରହ୍ମପୁର ଏସ୍‌ପି ପିନାକ ମିଶ୍ର କହିଛନ୍ତି । ରାସ୍ତାରେ କେହି ଯଦି ସୁନା ମାଗେ କିମ୍ବା ଲୁଟ୍‌ ପାଇଁ ଉଦ୍ୟମ କରେ ସଙ୍ଗେ ସଙ୍ଗେ ପୁଲିସକୁ ସୂଚନା ଦେବାକୁ ସେ କହିଛନ୍ତି । ପୁଲିସ ମଧ୍ୟ ଏଥିପ୍ରତି ଜନସାଧାରଣଙ୍କୁ ସଚେତନ କରାଇବ ବୋଲି ଏସ୍‌ପି ସୂଚନା ଦେଇଛନ୍ତି । ତେବେ ଏହି ଲୁଟେରାଙ୍କୁ ଧରିବା ପୁଲିସ ପାଇଁ ଏକ ବଡ଼ ଚ୍ୟାଲେଞ୍ଜ୍‌ ହୋଇଛି ।

ସମ୍ବନ୍ଧିତ ଖବର