PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୌଦ୍ଧ ପୋଲିସ ପକ୍ଷରୁ ଖଜୁରୀପଡା ଛକ ନିକଟରୁ ପିକପ ଭ୍ୟାନ ସହ ଚାରି କୁଣ୍ଟାଲ ଗଞ୍ଜେଇ ଜବତ ୨ ଗିରଫ
  • ||
  • ଭୁବନେଶ୍ଵର : ଛୋଟ ଛୁଆଙ୍କୁ କୋଭିଡ୍ ସଂକ୍ରମଣ ଆଶଙ୍କା କମ୍, ଛୋଟ ପିଲାଙ୍କ ମଧ୍ୟରେ ରହିଛି ୫୦ରୁ ୬୦ % ଆଣ୍ଟିବଡି – ନିରୋଜ ମିଶ୍ର
  • ||
  • ସୁନ୍ଦରଗଡ଼: ୧୫ ଗ୍ରାମର ବ୍ରାଉନସୁଗାର ଜବତ, ୫ ଗିରଫ
  • ||
  • ବାଲେଶ୍ୱର: ବାଲେଶ୍ୱର ମୁଖ୍ୟ ଚିକିତ୍ସାଳୟରେ ଆରମ୍ଭ ହେଲା ହାଇଦରର ପୋଷ୍ଟମର୍ଟମ, ମାଜିଷ୍ଟେ୍ରଟ୍‌ଙ୍କ ଉପସ୍ଥିତିରେ ​ପୋଷ୍ଟମର୍ଟମ କରିବେ​‌ ୩ ଜଣିଆ ଡାକ୍ତରୀ ଟିମ୍
  • ||
  • ରଙ୍ଗେଇଲୁଣ୍ଡା: ହଳଦିଆପଦର ନିକଟରେ ଟ୍ରାକ୍ଟର ସହ ଅଟୋ ଦୁର୍ଘଟଣା, ୩ ମହିଳା ମତ୍ସ୍ୟଜୀବୀ ଗୁରୁତର
  • ||
  • ସୋର: ହାଇଦର୍ ଏନ୍‌କାଉଣ୍ଟର ସ୍ଥଳରୁ ୨ଟି ଗୁଳି ଜବତ କଲା ପୋଲିସ ଓ ସାଇଣ୍ଟିଫିକ୍‌ ଟିମ୍‌
  • ||
  • ଭୁବନେଶ୍ୱର: ଓଡ଼ିଶାରେ ଆଉ ୬୭ଜଣଙ୍କ ଜୀବନ ନେଲା କରୋନା, ସାଢ଼େ ୫ ହଜାର ଟପିଲା ମୃତ୍ୟୁସଂଖ୍ୟା
  • ||
  • ଭୁବନେଶ୍ୱର: ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଭୁବନେଶ୍ୱର : ରାଜଧାନୀରେ କାୟା ମେଲାଉଛି ଡେଙ୍ଗୁ, ୧୨ ଦିନରେ ଆକ୍ରାନ୍ତଙ୍କ ସଂଖ୍ୟା ୨୫୦ ପାର୍
  • ||
  • ପାରଳାଖେମୁଣ୍ଡି : ଏସିଏଫ୍‌ ସୌମ୍ୟରଞ୍ଜନ ଡେଥ୍ ମିଷ୍ଟ୍ରି, ବଲାଙ୍ଗୀରରେ ପାରଳା ପୁଲିସର ୫ଜଣିଆ ଟିମ୍‌, ବିଦ୍ୟାଙ୍କ ପାର୍ଟି ସହ ସୌମ୍ୟ ମୃତ୍ୟୁର ଲିଙ୍କ୍‌ ଖୋଜିବ
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଜଳେଶ୍ଵର : ମନ୍ଦାର ଫୁଲ ଗଛ କଟାକୁ ନେଇ ଶଳାକୁ ଭିଣୋଇର ସଙ୍ଘବଦ୍ଧ ଆକ୍ରମଣ, ସଜ୍ଞାହୀନ ଅବସ୍ଥାରେ ନଦୀ କୂଳରୁ ଉଦ୍ଧାର
  • ||
  • ଭୁବନେଶ୍ୱର : ୨୮ରେ ପୁଣି ଏକ ଲଘୁଚାପ, ୨୭ରୁ ବଢ଼ିବ ବର୍ଷା
  • ||

ନିମ୍ନମାନର ଔଷଧ ନିର୍ମାତାଙ୍କୁ ସରକାରୀ ଛାଟ: ୧୭ କମ୍ପାନୀ ବିରୋଧରେ ମକଦ୍ଦମା

source:ajp.com.au

ଭୁବନେଶ୍ୱର,୭ ।୨(ବ୍ୟୁରୋ): ନିମ୍ନମାନର ଔଷଧ ଯୋଗାଣ ପାଇଁ ସ୍ୱାସ୍ଥ୍ୟ ବିଭାଗ ୫ ଔଷଧ କମ୍ପାନୀକୁ କଳା ତାଲିକାଭୁକ୍ତ କରିଛନ୍ତି । ଏହାଛଡା ୧୬ କମ୍ପାନୀକୁ ସେହି ନିର୍ଦ୍ଦିଷ୍ଟ ନିମ୍ନମାନର ଔଷଧ ଅନୁଯାୟୀ କଳା ତାଲିକାଭୁକ୍ତ କରାଯାଇଛି । ଡ୍ରଗ୍‌ ଆଣ୍ଡ କସମେଟିକ୍‌ ଆଇନ୍‌ ଅନୁସାରେ ୧୭ ଗୋଟି ଔଷଧ ପ୍ରସ୍ତୁତକାରୀ କମ୍ପାନୀଙ୍କ ବିରୋଧରେ ମୋକଦ୍ଦମା ରୁଜୁ କରାଯାଇଥିବା ବେଳେ ଆଉ ୯ ଔଷଧ ନିର୍ମାତାଙ୍କ ବିରୋଧରେ ମକଦ୍ଦମା କରିବାକୁ ନିର୍ଦ୍ଦେଶ ଦିଆଯାଇଛି । ବିଧାୟକ ରବି ନାରାୟଣ ନାୟକଙ୍କ ନିମ୍ନମାନର ଔଷଧ ଯୋଗାଣ ହେଉଥିବା ପ୍ରଶ୍ନର ଉତ୍ତର ଦେଇ ସ୍ୱାସ୍ଥ୍ୟମନ୍ତ୍ରୀ ପ୍ରତାପ ଜେନା ଏହା ଉଲ୍ଲେଖ କରିଛନ୍ତି ।
ମନ୍ତ୍ରୀ ଶ୍ରୀ ଜେନା ଉଲ୍ଲେଖ କରି କହିଛନ୍ତି, ରାଜ୍ୟ ଔଷଧ ନିଗମ ଦୋଷୀ ବା କଳା ତାଲିକାଭୁକ୍ତ ହୋଇଥିବା ଯୋଗାଣକାରୀଙ୍କୁ ନିର୍ଦ୍ଦିଷ୍ଟ ଔଷଧର ଟେଣ୍ଡର ପାଇଁ ଭାଗ ନେବାକୁ ଅନୁମତି ଦିଆଯାଉନି । ତେବେ ଔଷଧରୁ ଦୁଇ କିମ୍ବା ତତୋଧିକ ବ୍ୟାଚ୍‌ ନିମ୍ନ ମାନର ଘୋଷିତ ହେଲେ କମ୍ପାନୀକୁ କଳା ତାଲିକାଭୁକ୍ତ ହେବେ । କଳା ତାଲିକାଭୁକ୍ତ ହେଉଥିବା ଯୋଗାଣକାରୀ ଆଦେଶ ତାରିଖଠୁ ତିନିମାସ ପର୍ଯ୍ୟନ୍ତ କୌଣସି ଔଷଧର ଯୋଗାଣ କିମ୍ବା ଟେଣ୍ଡରରେ ଭାଗ ନେଇ ପାରିବେନି ।
ମନ୍ତ୍ରୀ ଶ୍ରୀ ଜେନା କହିଛନ୍ତି, ରୋଗୀଙ୍କୁ ଉନ୍ନତମାନର ଔଷଧ ଯୋଗାଣ ପାଇଁ ସରକାର ସବୁ ପଦକ୍ଷେପ ନେଇଛନ୍ତି । ଟେଣ୍ଡର ପ୍ରକ୍ରିୟାରେ ଔଷଧ କିଣା ହେଉଥିବା ବେଳେ ଏହାର ଗୁଣାବତ୍ତା ନିଶ୍ଚିତ କରିବାକୁ ମାନ ନିର୍ଦ୍ଧାରଣ ମଧ୍ୟ କରାଯାଉଛି । କ୍ୟୁସିବିଏସ ପଦ୍ଧତି ଅବଲମ୍ବନ କରି ଦେଶର ୧୨ଟି ଏନ୍‌ଏବିଏଲ୍‌ ଆପ୍ରୁଭାଲ ଲାବ୍ରୋଟାରୀକୁ ଚୟନ କରାଯାଇଛି । ଔଷଧର ସମସ୍ତ ବ୍ୟାଚ୍‌ ପରୀକ୍ଷା କରାଯାଇ ଗୁଣାତ୍ମକମାନ ପରୀକ୍ଷା କରାଯିବା ପରେ ଯାଇ ଏହାକୁ ରୋଗୀଙ୍କୁ ବିତରଣ କରାଯାଉଛି । ପଣ୍ୟଗାରରୁ ସଂଗୃହୀତ ଔଷଧର ନମୁନା ର‌୍ୟାଣ୍ଡମ ପଦ୍ଧତିରେ ବଛାଯାଉ ରାଜ୍ୟ ଔଷଧ ନିଗମ ଦ୍ୱାରା ଚିହ୍ନଟ ପରୀକ୍ଷାଗାରକୁ ପରୀକ୍ଷା ପାଇଁ ଯାଉଛି । ଯଦି କୌଣସି ନମୁନା ପ୍ରଥମେ ପଠାଯାଇଥିବା ପରୀକ୍ଷାଗାର ଦ୍ୱାରା ନିମ୍ନମାନର (ନଟ୍‌ ଅଫ୍‌ ଷ୍ଟାଣ୍ଡାଡ କ୍ୱାଲିଟି) ଘୋଷିତ ହେଲେ, ସେହି ଔଷଧର ଦୁଇଟି ନମୁନା ଦୁଇଟି ଭିନ୍ନ ପରୀକ୍ଷାଗାରକୁ ପଠାଯାଉଛି । ପରୀକ୍ଷାଗାର ରିପୋର୍ଟର ବହୁମତ ଆଧାରରେ ଔଷଧ ଠିକ୍‌ କିମ୍ବା ନିମ୍ନମାନର ବୋଲି ଘୋଷଣା କରାଯାଇଥାଏ ।
ନିମ୍ନମାନର ଔଷଧ ପ୍ରଦାନ କରୁଥିବା ଔଷଧ କମ୍ପାନୀଗୁଡିକ ବିରୋଧରେ ରାଜ୍ୟ ସରକାରଙ୍କ ଡ୍ରଗ୍‌ କଣ୍ଟ୍ରୋଲର ମଧ୍ୟ ଔଷଧ ଓ ପ୍ରସାଧନ ସାମଗ୍ରୀ ଅଧିନିୟମ ୧୯୪୦ର ଧାରା ୨୭ ଅନୁସାରେ କାର୍ଯ୍ୟାନୁଷ୍ଠାନ ନେଇପାରିବେ । ଏହିକ୍ରମରେ ରାଜ୍ୟ ସରକାରଙ୍କ ଡ୍ରଗ୍‌ କଣ୍ଟ୍ରୋଲର ୧୦୬୮ଟି ନିମ୍ନମାନର ଔଷଧ ବିଭିନ୍ନ କମ୍ପାନୀ ବିତରଣ କରୁଥିବାର ଚିହ୍ନଟ କରିଛନ୍ତି । ସେହି ଔଷଧ ରିକଲ୍‌ ପାଇଁ ଜିଲ୍ଲା ଭେଷଜ ନିରୀକ୍ଷକଙ୍କୁ ନିର୍ଦ୍ଦେଶ ଦିଆଯାଇଛି । ତତ୍‌ ସହିତ ସଂପୃକ୍ତ କମ୍ପାନୀ ଗୁଡ଼ିକ ବିରୋଧରେ ଡ୍ରଗ୍‌ ଆଣ୍ଡ କସମେଟିକ୍‌ ଆଇନ୍‌ ଅନୁସାରେ କାର୍ଯ୍ୟାନୁଷ୍ଠାନ ପାଇଁ ସଂପୃକ୍ତ ଭେଷଜ ନିୟନ୍ତ୍ରକଙ୍କୁ ପତ୍ର ମାଧ୍ୟମରେ ଜଣାଇ ଦିଆଯାଇଛି । ସେଥିରୁ ୧୭ ଗୋଟି ଔଷଧ ପ୍ରସ୍ତୁତକାରୀ କମ୍ପାନୀଙ୍କ ବିରୋଧରେ ମୋକଦ୍ଦମା ରୁଜୁ କରାଯାଇଛି । ୯ ଔଷଧ ନିର୍ମାତାଙ୍କ ବିରୋଧରେ ମକଦ୍ଦମା କରିବାକୁ ନିର୍ଦ୍ଦେଶ ଦିଆଯାଇଛି । ତେବେ ଟିକାକରଣ ଯୋଜନାରେ, ପରିବାର କଲ୍ୟାଣ ଯୋଜନା, ଯକ୍ଷ୍ମା, କୁଷ୍ଠ ଓ ମ୍ୟାଲେରିଆ ନିରାକରଣ ପାଇଁ କେନ୍ଦ୍ର ସରକାରଙ୍କ ଦ୍ୱାରା ଦିଆଯାଇଥିବା ଟିକା ଓ ଔଷଧର ମାନ ନିର୍ଦ୍ଧାରଣ କେନ୍ଦ୍ର ସରକାର କରିଥା’ନ୍ତି । ରାଜ୍ୟ ସରକାରଙ୍କ ଏଥିରେ କୌଣସି ଭୂମିକା ନାହିଁ ।
ମନ୍ତ୍ରୀ ଶ୍ରୀ ଜେନା ସରକାରୀ ହସ୍ପିଟାଲରେ ଶିଶୁ ଅଦଳବଦଳ କଥାକୁ ଖଣ୍ଡନ କରିବା ସହ ଏମିତି ଅଭିଯୋଗ ସରକାରଙ୍କ ପଖାରେ ପହଞ୍ଚିନଥିବା କହିଛନ୍ତି । ନବଜାତକ ଚିହ୍ନଟ ପାଇଁ ଚିହ୍ନଟିକରଣ ଟ୍ୟାଗ୍‌ ବନ୍ଧାଯାଉଛି । ନବଜାତକଙ୍କ ତୁରନ୍ତ ପଞ୍ଜିକରଣ ସହ ସ୍ୱତନ୍ତ୍ର ଆଇପିଡି ନମ୍ବର ସହ ଦୁଇ ପାଦଚିହ୍ନ ସଙ୍ଗେ ସଙ୍ଗେ ଡେଲିଭେରୀ କେସ୍‌ସିଟ୍‌ରେ ରଖାଯାଉଛି । ଏହି ପ୍ରକ୍ରିୟା ଅଭିଭାବକ, ସମ୍ପର୍କୀୟ ସାମ୍ନାରେ କରାଯାଇ ଦସ୍ତଖତ ନିଆଯାଉଛି ।