ଝରିଗାଁ- ନବରରଙ୍ଗପୁର ଝରିଗାଁରେ ମାତିଲେ ଲୁଟେରା । ବ୍ୟବସାୟୀଙ୍କୁ ପ୍ରାଣାନ୍ତକ ଆକ୍ରମଣ କରିବା ସହ ୪ ଲକ୍ଷରୁ ଊର୍ଦ୍ଧ୍ୱ ଟଙ୍କା ଲୁଟିଲେ । ନବରଙ୍ଗପୁର ଝରିଗାଁ ବ୍ଲକ ଚକଲାପଦର ଘାଟୀ ନିକଟରେ ଜଣେ ବ୍ୟବସାୟୀ ୪ ଲକ୍ଷରୁ ଅଧିକ ଟଙ୍କା ସାଙ୍ଗରେ ନେଇ ଯାଉଥିବା ବେଳେ ୩ ଜଣ ଦୁର୍ବୃତ୍ତ ତାଙ୍କୁ ରାସ୍ତାରେ ରୋକିଥିଲେ । ବ୍ୟବସାୟୀଙ୍କ ବାଇକ୍କୁ ଅଟକାଇବା ସହ ତାଙ୍କର ଟଙ୍କା ଭର୍ତ୍ତି ବ୍ୟାଗ ଝାମ୍ପି ନେବାକୁ ଚେଷ୍ଟା କରିଥିଲେ ।
ଆକ୍ରମଣର ଶିକାର ହୋଇଥିବା ବ୍ୟବସାୟୀ ଜଣଙ୍କ ସାପ୍ତାହୀକ ହାଟକୁ ଧାନ, ମକା ଆଦି କିଣିବା ପାଇଁ ଯାଉଥିଲେ। ସେ ଟଙ୍କା ଭର୍ତ୍ତି ବ୍ୟାଗ ଦେବାକୁ ଅମଙ୍ଗ ହେବାରୁ ଦୁର୍ବୃତ୍ତମାନେ ତାଙ୍କ ହାତକୁ ଏକ ମାରଣାସ୍ତ୍ରରେ କାଟି ଦେଇଥିଲେ। ଏହାପରେ ଟଙ୍କା ଭର୍ତ୍ତି ବ୍ୟାଗ ଛଡାଇ ସେ ସ୍ଥାନରୁ ଚମ୍ପଟ ହୋଇଯାଇଥିଲେ । ବ୍ୟବସାୟୀଙ୍କୁ କ୍ରିକେଟ ବ୍ୟାଟ ଏବଂ ଧାରୁଆ ଅସ୍ତ୍ରରେ ଆକ୍ରମଣ କରାଯାଇଥିବା ସୂଚନା ମିଳିଛି । ଗୁରୁତର ବ୍ୟବସାୟୀଙ୍କୁ ଚିକିତ୍ସା ପାଇଁ ନବରଙ୍ଗପୁର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ପୁଲିସ ଏବେ ଘଟଣାସ୍ଥଳରେ ପହଞ୍ଚି ଏହାର ତଦନ୍ତ ଆରମ୍ଭ କରିଛି ।