PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କ୍ରୁଜ୍ ଡ୍ରଗ୍ସ ପାର୍ଟି ମାମଲା –ଅକ୍ଟୋବର ୩୦ ତାରିଖ ଯାଏ ଜେଲରେ ରହିବେ ଆର୍ୟନ ଖାନ୍ , ଆର୍ୟନଙ୍କ ହାଜତ ମିଆଦ ବୃଦ୍ଧ କଲେ ସ୍ୱତନ୍ତ୍ର ଏନ୍ସିବି କୋର୍ଟ
  • ||
  • ନଵମ ଓ ଦଶମ ଶ୍ରେଣୀ ପରୀକ୍ଷା ପଦ୍ଧତିରେ ପରିଵର୍ତ୍ତନ : ଵର୍ଷକୁ ୪ଟି ଫରମେଟିଭ୍ ଆସେସମେଣ୍ଟ ହେଵ
  • ||
  • କଳାହାଣ୍ଡି ମମିତା ମେହେର ହତ୍ୟା ମାମଲା – କେ ଗାଁ ଥାନା ଆଇଆଇସି ଡମୁ ପରଜା ନିଲମ୍ୱିତ , କର୍ତ୍ତବ୍ୟରେ ଅବହେଳା ପାଇଁ କାର୍ଯ୍ୟାନୁଷ୍ଠାନ ନେଲେ କଳାହାଣ୍ଡି ଏସ୍‌ପି
  • ||
  • ୩ ପ୍ରତିଶତ ବଢ଼ିଲା କେନ୍ଦ୍ରୀୟ କର୍ମଚାରୀଙ୍କ ମହଙ୍ଗା ଭତ୍ତା, ବୃଦ୍ଧି ପ୍ରସ୍ତାବକୁ କ୍ୟାବିନେଟର ମଞ୍ଜୁରୀ
  • ||
  • ପାଡ଼ୁଆ: ଜଙ୍ଗଲରୁ ପାଡ଼ୁଆ: ୮୦ ଲକ୍ଷ ଟଙ୍କାର ଗଞ୍ଜେଇ ଜବତ କଲା ପାଡୁଆ ଥାନା ପୋଲିସ, ଗଞ୍ଜେଇ ମାଫିଆଙ୍କୁ ଧରିବା ପାଇଁ ତଦନ୍ତ ଜାରି
  • ||
  • ବଲାଙ୍ଗୀର: ମମିତା ମେହେର ମର୍ଡର ମିଷ୍ଟ୍ରି, ଅଟକ ଜେସିବି ଡ୍ରାଇଭର ଗିରଫ କରିପାରେ ପୋଲିସ
  • ||
  • ରାୟଗଡ଼​‌: ଗୁଣି ଗାରେଡି ସନ୍ଦେହରେ ଟ୍ରିପଲ ମର୍ଡର ଘଟଣା, ୯ ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କଲେ ଜିଲ୍ଲା ଓ ଦୌରା ଜଜ ଅଦାଲତ
  • ||
  • ଭବାନୀପାଟଣା: ମମିତା ମେହର ହତ୍ୟା ଘଟଣାରେ ସିବିଆଇ ତଦନ୍ତ କରାଯାଉ : ସ୍ମୃତିରାଣୀ ପଟ୍ଟନାୟକ
  • ||
  • ଭୁବନେଶ୍ୱର: ଆଜିଠୁ ଯୁକ୍ତ ଦୁଇ ପ୍ରଥମ ବର୍ଷ ଛାତ୍ରଛାତ୍ରୀଙ୍କ କ୍ଲାସରୁମ ପାଠପଢ଼ା, ନଭେମ୍ୱର ପହିଲାରୁ ୟୁନିଫର୍ମ ବାଧ୍ୟତାମୂଳକ
  • ||
  • ପୁରୀ: ଆଜିଠୁ ସେବାୟତଙ୍କ ଡ୍ରେସ୍‌କୋଡ୍, ଶ୍ରୀମନ୍ଦିରରେ ପାରମ୍ପରିକ ବସ୍ତ୍ର ପରିଧାନ କରି ପ୍ରବେଶ କରିବେ ସେବକ
  • ||
  • ବଲାଙ୍ଗୀର: ଆଜି ବିଜେପି ପକ୍ଷରୁ ବଲାଙ୍ଗୀର ବନ୍ଦ ପାଳନ, ସକାଳ ୬ରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଯାତାୟତ ଠପ୍
  • ||
  • ଭୁବନେଶ୍ୱର: ଆଜି ଯୁକ୍ତ ୩ ସ୍ପଟ୍‌ ନାମଲେଖା ଆବେଦନ କପି ଦାଖଲ ଶେଷ, ୨୭ରୁ ନାମଲେଖା
  • ||
  • ଭୁବନେଶ୍ୱର: ଆଜିଠୁ ଶୁଖିଲା ପାଗ, ୨୩ ସୁଦ୍ଧା ସମ୍ପୂର୍ଣ୍ଣ ରୂପେ ଫେରିଯିବ ମୌସୁମୀ ବାୟୁ
  • ||

ଆଇଏମ୍‌ଜି ଏକାଡେମୀ ସହ ଦୂତିଙ୍କ ଚୁକ୍ତି

ଭୁବନେଶ୍ୱର, ୫ ।୩ (ବ୍ୟୁରୋ): ଓଡ଼ିଆ ଅଲିମ୍ପିଆନ ଦୂତି ଚାନ୍ଦ ଆମେରିକାରେ ପ୍ରଶିକ୍ଷଣ ନେବେ । ଫ୍ଲୋରିଡାର ଆଇଏମ୍‌ଜି ଏମାଡେମୀ ସହ ସେ ଚୁକ୍ତି କରିଛନ୍ତି । ଦୁଇ ମାସ ପ୍ରଶିକ୍ଷଣ ପାଇଁ ୨୦ ଲକ୍ଷ ଟଙ୍କା ଖର୍ଚ୍ଚ ହେବ । ଓଡ଼ିଶା ସରକାର ପ୍ରୋତ୍ସାହନା ଯୋଗାଇ ଦେଲେ ଆମେରିକା ଯାଇ ପ୍ରଶିକ୍ଷଣ ନେବେ ବୋଲି କହିଛନ୍ତି ଦୂତି ।
୨୦୨୦ ଟୋକିଓ ଅଲିମ୍ପିକ୍ସ ଯୋଗ୍ୟତା ପାଇଁ ଦୂତି ପ୍ରସ୍ତୁତି ଆରମ୍ଭ କରିବେ । ନିଜର ଟାଇମିଂରେ ଉନ୍ନତି ଆଣିବା ପାଇଁ ସେ ବିଦେଶୀ ପ୍ରଶିକ୍ଷଣ ଆବଶ୍ୟକ କରୁଛନ୍ତି । ନିକଟରେ ସେ ଇଣ୍ଡିଆନ ଗ୍ରାଁପ୍ରି-୧, ୨ରେ ଅଂଶ ଗ୍ରହଣ କରିଥିଲେ । ମାତ୍ର ୧୦୦ ମିଟରରେ ସ୍ୱର୍ଣ୍ଣ ଜିତିଥିଲେ ବି ତାଙ୍କର ଟାଇମିଂ ଏତେ ଭଲ ନଥିଲା । ୨୦୦ ମିଟରରେ ସେ ପ୍ରଥମ ସ୍ଥାନ ହାସଲ କରି ଆଗାମୀ ଏସିଆନ ଆଥଲେଟିକ୍ସ ଚାମ୍ପିଅନସିପ୍‌ ପାଇଁ ଯୋଗ୍ୟତା ହାସଲ କରିଛନ୍ତି ।
ଗତ ବର୍ଷ ଏସିଆଡ୍‌ରେ ଉଭୟ ୧୦୦ ଓ ୨୦୦ ମିଟରରେ ଅବିଶ୍ୱସନୀୟ ପ୍ରଦର୍ଶନ ସହ ପଦକ ଜିତିବା ପରେ ଦୂତିଙ୍କୁ ୩ କୋଟି ଟଙ୍କାର ପୁରସ୍କାର ରାଶି ପ୍ରଦାନ କରିଥିଲେ ରାଜ୍ୟ ସରକାର । ଏଥିସହ ଆଗାମୀ ୨୦୨୦ ଅଲିମ୍ପିକ୍ସ ପ୍ରସ୍ତୁତି ପାଇଁ ସମସ୍ତ ଖର୍ଚ୍ଚ ବହନ କରିବେ ବୋଲି ଘୋଷଣା କରିଥିଲେ । ମାତ୍ର ଏ ପର୍ଯ୍ୟନ୍ତ ଦୂତିଙ୍କୁ ସରକାର ଏ ସୁବିଧା ଯୋଗାଦେଇ ନାହାନ୍ତି ।
ଦୂତି କହିଛନ୍ତି, ଟାଇମିଂରେ ଉନ୍ନତି ପାଇଁ ବିଦେଶୀ କୋଚିଂର ଆବଶ୍ୟକତା ରହିଛି । ସେଥିପାଇଁ ବିଦେଶୀ ଏକାଡେମୀରେ ପ୍ରଶିକ୍ଷଣ ନେବାକୁ ପଡ଼ିବ । ନୂଆ ଟେକ୍‌ନିକ ସହ ବିଭିନ୍ନ ଇଭେଣ୍ଟରେ ଦୌଡ଼ିବାର ସୁଯୋଗ ମିଳିବ । ଯେଉଁ ଇଭେଣ୍ଟ ଗୁଡ଼ିକରେ ବିଶ୍ୱର ଆଗଧାଡ଼ିର ଧାବିକାମାନେ ଦୌଡ଼ିଥାନ୍ତି । ସେମାନଙ୍କ ସହ ପ୍ରତିଦ୍ୱନ୍ଦ୍ୱିତା କଲେ ଆତ୍ମବିଶ୍ୱାସ ବଢ଼ିବ । ପ୍ରଦର୍ଶନ ମଧ୍ୟ ଉନ୍ନତି ଆସିବ ।
ସାଧାରଣତଃ ଆମ ଦେଶରେ ସେଭଳି ଅଧିକ ଇଭେଣ୍ଟର ଆୟୋଜନ ହୋଇନଥାଏ । ଯେଉଁମାନେବି ଇଭେଣ୍ଟରେ ଭାଗ ନିଅନ୍ତି ସେମାନଙ୍କ ଟାଇମିଂ ମଧ୍ୟ ଭଲ ନଥାଏ । ଫଳରେ ଟାଇମିଂରେ ଏତେ ସୁଧାର ଆସି ପାରେ ନାହିଁ । ତେଣୁ ବିଦେଶରେ କେବଳ ଟେକନିକ୍‌ ନୁହଁ ବିଶ୍ୱସ୍ତରୀୟ ଆଥଲେଟଙ୍କ ସହ ଦୌଡ଼ିବାର ସୁଯୋଗ ମିଳେ ।
ଏସିଆଡ୍‌ରେ ପଦକ ଜିତି ସାରିବା ପରେ ବିଭିନ୍ନ ବିଦେଶୀ ଏକାଡେମୀ ସହ କଥାବାର୍ତ୍ତା କରିଥିଲେ । ଫ୍ଲୋରିଡାର ଆଇଏମଜି ଏକାଡେମୀ ଶେଷରେ ଚୁକ୍ତି କରିଛନ୍ତି । ମେ’ ମାସରେ ଏକାଡେମୀରେ ଯୋଗଦେବେ ବୋଲି ଆଶା ରଖିଛନ୍ତି । ମାତ୍ର ରାଜ୍ୟ କ୍ରୀଡ଼ା ବିଭାଗରୁ ଏ ପର୍ଯ୍ୟନ୍ତ ତାଙ୍କୁ ପ୍ରଶିକ୍ଷଣ ପାଇଁ ପ୍ରୋତ୍ସାହନ ରାଶି ମିଳି ପାରି ନାହିଁ ।
ଏ ବିଷୟରେ ଦୂତି କହିଛନ୍ତି, ରାଜ୍ୟ ସରକାର ଅଲିମ୍ପିକ୍ସ ପାଇଁ ସହାୟତା ଯୋଗାଇ ଦେବେ ଘୋଷଣା କରିଥିଲେ । ମୋତେ ୨ ବର୍ଷର ଏକ ପୂର୍ଣ୍ଣାଙ୍ଗ ବଜେଟ କରି ଦେବାକୁ କୁହାଯାଇଥିଲା । ମୁଁ ୨ କୋଟି ଟଙ୍କାର ବଜେଟ କରି ସରକାରଙ୍କୁ ଦେଇଛି । ମାତ୍ର ଏ ପର୍ଯ୍ୟନ୍ତ କୌଣସି ଉତ୍ତର ମିଳିନି । ସେହିପରି ଏବେ ୨ ମାସ ଟ୍ରେନିଂ ପାଇଁ ଆଇଏମଜି ଏକାଡେମୀ ସହ କଥାବାର୍ତ୍ତା ହୋଇଛି । ସରକାର ପ୍ରୋତ୍ସାହନା ଦେଲେ ପ୍ରଶିକ୍ଷଣ ପାଇଁ ଯିବି ।’

ସମ୍ବନ୍ଧିତ ଖବର