PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜିଠାରୁ ଡବ୍ଲ୍ୟୁଇଏଫ୍‌ ବାର୍ଷିକ ବୈଠକ, ଜଳବାୟୁ ପରିବର୍ତ୍ତନ ଉପରେ ହେବ ଆଲୋଚନା: ଏଜେଣ୍ଡାରେ ବିଶ୍ୱ ଆର୍ଥିକ ସୁଧାର
  • ||
  • ଭୁବନେଶ୍ଵର: ରାଜ୍ୟରେ ସାମାନ୍ୟ ବଢ଼ିଲା ଦୈନିକ ସଂକ୍ରମଣ, ୨୪ ଘଣ୍ଟା ମଧ୍ୟରେ ବାହାରିଲେ ୧୫ ଜଣ କରୋନା ପଜିଟିଭ
  • ||
  • ସାଂସଦ ଅପରାଜିତା ଷଢଙ୍ଗୀଙ୍କ ଫେସବୁକ ଆକାଉଣ୍ଟକୁ ହ୍ୟାକ୍‌, କଟକ କ୍ରାଇମବ୍ରାଞ୍ଚ୍‌ରେ ଦେଲେ ଏତଲା
  • ||
  • ବ୍ରହ୍ମଗିରି: ଭାରସାମ୍ୟ ହରାଇ ଗଛରେ ପିଟିହେଲା କାର୍, ଡ୍ରାଇଭର୍ ସମେତ ୨ ମୃତ
  • ||
  • ସରିଲା ଆବେଦନ, ଜୁଲାଇ ୧୭ରେ ନିଟ୍‌ ପ୍ରବେଶିକା ପରୀକ୍ଷା ଦେବେ ୧୨ ଲକ୍ଷ ଛାତ୍ରଛାତ୍ରୀ
  • ||
  • ପୁଣି ବିବାଦରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପ, ରାତି ଅଧିଆ ହେଲା ଜିପିଆର୍‌ଏସ୍ ସର୍ଭେ
  • ||
  • ଦେଶବ୍ୟାପୀ ଖାଉଟିଙ୍କୁ ବଡ ଆଶ୍ବସ୍ତି: ପେଟ୍ରୋଲ ୯.୫୦ ଏବଂ ଡିଜେଲ ଲିଟର ପ୍ରତି କମିଲା ୭ଟଙ୍କା
  • ||
  • ନୂଆଦିଲ୍ଲୀ: ବ୍ରଜରାଜନଗର ଉପନିର୍ବାଚନ ପରେ ଓଡ଼ିଶା ପିସିସି ସଭାପତି ଘୋଷଣା: ଏ. ଚେଲ୍ଲାକୁମାର
  • ||
  • କଟକ : ଆଜିଠୁ ମାଟ୍ରିକ ଖାତା ଦେଖା, ରାଜ୍ୟର ୫୮ଟି କେନ୍ଦ୍ରରେ ହେବ ମୂଲ୍ୟାୟନ
  • ||

ଡିସ୍ଲେକ୍ସିଆ ରୋଗକୁ ନେଇ ପିଏମ୍ ମୋଦିଙ୍କ ଭିଡିଓ ଭାଇରାଲ, ରାହୁଲଙ୍କ ମଜା ଉଡାଇଥିବା କହି ଟ୍ରୋଲ୍ କଲେ ୟୁଜର୍ସ

ନୁଆଦିଲ୍ଲୀ ୪/୩: ସୋସିଆଲ ମିଡିଆରେ ପିଏମ ନରେନ୍ଦ୍ର ମୋଦି ଏବଂ ଜଣେ ଛାତ୍ରୀଙ୍କ ଆଲୋଚନାର ଭିଡିଓ ଭାଇରାଲ ହେବାରେ ଲାଗିଛି । ଏହି ଭିଡିଓରେ ଡିସ୍ଲେକ୍ସିଆ ନାମକ ଏକ ରୋଗ ସମ୍ପର୍କରେ ପ୍ରଶ୍ନ ପଚାରୁଛନ୍ତି ଛାତ୍ରୀ । କିନ୍ତୁ ଏହାର ଉତ୍ତର ମୋଦି ଏମିତି ଦେଇଛନ୍ତି ଯେ ଏବେ ତାହା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।

ଏହି ଭାଇରାଲ ଭିଡିଓରେ ପିଏମ୍ ନରେନ୍ଦ୍ର ମୋଦି ଡିସ୍ଲେକ୍ସିଆ ନାମକ ଏକ ରୋଗ ସମ୍ପର୍କରେ ଆଲୋଚନା କରୁଛନ୍ତି । ଯୁବଗୋଷ୍ଠୀଙ୍କ ସହିତ ଲାଇଭ୍ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏକ ଲର୍ଣ୍ଣିଙ୍ଗ ଡିସଅର୍ଡର ଉପରେ ରାଜନୈତିକ ବ୍ଯଙ୍ଗ କରିଛନ୍ତି ।

ରବିବାର ଉତ୍ତରାଖଣ୍ଡ ରାଜଧାନୀ ଡେରାଡୁନରେ ସ୍ମାର୍ଟ ଇଣ୍ଡିଆ ହାକାଥନ ୨୦୧୯ର ଏକ ଭିଡିଓ କନଫରେନ୍ସ ଆୟୋଜିତ ହୋଇଥିଲା । ଯେଉଁଥିରେ ପିଏମ୍ ନରେନ୍ଦ୍ର ମୋଦି ଏହି ପ୍ରୋଗ୍ରାମରେ ଡିସ୍ଲେକ୍ସିୟା ପୀଡିତମାନେ ଭୋଗୁଥିବା ସମସ୍ୟା ଓ ଏହାର ସମାଧାନ ଉପରେ ଆଲୋଚନା କରୁଥିଲେ । ଏହି ସମୟରେ ପିଏମ୍ ଏହାକୁ ନେଇ ଟିକିଏ ମଜା କରିଦେଲେ । ସମସ୍ତେ କହୁଛନ୍ତି ପିଏମ୍ ଏହି ମଜା କରି ରାହୁଲଙ୍କୁ ପରୋକ୍ଷରେ ଟାର୍ଗେଟ୍ କରିଛନ୍ତି । ତେବେ ପିଏମଙ୍କ ଏହି ଭିଡିଓ ନେଇ ସୋସିଆଲ ମିଡିଆରେ ଖୁବ୍ ଆଲୋଚନା ହେଉଛି ।

‘ସ୍ମାର୍ଟ ଇଣ୍ଡିଆ ହାକାଥନ ୨୦୧୯’ର ଗ୍ରାଣ୍ଡ ଫାଇନାଲରେ ପିଏମ୍ ନରେନ୍ଦ୍ର ମୋଦି ଦେଶର ଅନେକ ସମସ୍ୟା ଉପରେ ଯୁବଗୋଷ୍ଠୀଙ୍କ ଠାରୁ ଉପାୟ ଓ ସମାଧାନ ସମ୍ପର୍କରେ ସୂନଚା ନେଉଥିଲେ । ଏହି ସମୟରେ ସେ କହିଥିଲେ ଯେ ‘କଣ ଏହି ଯୋଜନା ୪୦-୪୫ ବର୍ଷର ପିଲାଙ୍କ କ୍ଷେତ୍ରରେ ମଧ୍ୟ କାମ ଦେବ ?’

ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ତେବେ କିଛି ୟୁଜର୍ସ ମୋଦିଙ୍କୁ ଟ୍ରୋଲ୍ କରିବାରେ ଲାଗିପଡିଛନ୍ତି । ୟୁଜର୍ସ ଟ୍ୱିଟ୍ କରି କହିଛନ୍ତି ଯେ ପିଏମ୍ ମୋଦି ଏଭଳି ଗମ୍ଭୀର ରୋଗକୁ ନେଇ ପଚରାଯାଇଥିବା ପ୍ରଶ୍ନରେ ବିରୋଧୀ ଦଳ ନେତାଙ୍କ ମଜା ଉଡାଇବା ଅତ୍ଯନ୍ତ ନିରାଶଜନକ ।