ଏଣିକି ମିଳିବ ଇ-ପାସପୋର୍ଟ ସୁବିଧା, ଜାଣନ୍ତୁ କ’ଣ ରହିବ ଖାସ୍…

ନୂଆଦିଲ୍ଲୀ ୧୨/୮: ଭାରତ ସରକାର ଆସନ୍ତାବର୍ଷ ଇ-ପାସପୋର୍ଟ ଜାରି କରିବେ ଯେଉଁଥିରେ ଇଲେକ୍ଟ୍ରୋନିକ୍ ମାଇକ୍ରୋପ୍ରୋସେସର ଲାଗିଥିବ । ଏକ ରିପୋର୍ଟ ଅନୁସାରେ ସରକାର ଏହାର ଟ୍ରାଏଲ୍ ମଧ୍ୟ ପୂରା କରିସାରିଛନ୍ତି ।

ସରକାର ଏକ ଘଣ୍ଟା ଭିତରେ ୨୦,୦୦୦ ଇ-ପାସପୋର୍ଟ ଜାରି କରିବାର ଟ୍ରାଏଲ୍ ପୂରା କରିସାରିଛନ୍ତି । ଇ-ପାସପୋର୍ଟ ଜାରି କରିବା ପାଇଁ ସରକାର ଏଜେନ୍ସିର ସାହାଯ୍ୟ ନେବେ । ଇ-ପାସପୋର୍ଟ ପାଇଁ ଦିଲ୍ଲୀ ଓ ଚେନ୍ନାଇରେ ଡେଡିକେଟେଡ୍ ୟୁନିଟ୍ ଲଗାଯିବ ଯେଉଁଠୁ ପ୍ରତି ଘଣ୍ଟାରେ ୧୦,୦୦୦ ରୁ ୨୦,୦୦୦ ପାସପୋର୍ଟ ଜାରି କରାଯିବ ।

ଏହି ପ୍ରୋଜେକ୍ଟ ପାଇଁ ନ୍ୟାସନାଲ୍ ଇନଫର୍ମେସନ୍ ସେଣ୍ଟର ବୈଦେଶିକ ମାମଲାରେ ମନ୍ତ୍ରାଳୟକୁ ପ୍ରପୋଜାଲ ରିକ୍ୱେଷ୍ଟ(Request for Proposal-RFP) ପଠାଯାଇଛି ଯେଉଁଥିରେ ଆଇଟି ଇନଫ୍ରାଷ୍ଟ୍ରକ୍ଚର ବନାଇବା ପାଇଁ ଏକ ଏଜେନ୍ସିକୁ ଚୟନ ପାଇଁ କୁହାଯାଇଛି ।

ରିପୋର୍ଟ ଅନୁସାରେ ଇ-ପାସପୋର୍ଟ ପ୍ରୋଜେକ୍ଟ ପାଇଁ ସମ୍ପୂର୍ଣ୍ଣ ଅଲଗା ପ୍ରକାର ସେଟଅପର ଆବଶ୍ୟକ ହେବ । ଇ-ପାସପୋର୍ଟରେ ଅନ୍ତର୍ଜାତୀୟ ସ୍ତରରେ ସିକ୍ୟେରିଟି ମିଳିବ ଯାହାକୁ ଆବଶ୍ୟକ ପଡିଲେ କେବେ ବି ଟ୍ରାକ୍ କରିହେବ । ଏହାର ସୁରକ୍ଷା ବ୍ୟବସ୍ଥା ବହୁତ ଉଚ୍ଚସ୍ତରୀୟ ହେବ ।