PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୌଦ୍ଧ ପୋଲିସ ପକ୍ଷରୁ ଖଜୁରୀପଡା ଛକ ନିକଟରୁ ପିକପ ଭ୍ୟାନ ସହ ଚାରି କୁଣ୍ଟାଲ ଗଞ୍ଜେଇ ଜବତ ୨ ଗିରଫ
  • ||
  • ଭୁବନେଶ୍ଵର : ଛୋଟ ଛୁଆଙ୍କୁ କୋଭିଡ୍ ସଂକ୍ରମଣ ଆଶଙ୍କା କମ୍, ଛୋଟ ପିଲାଙ୍କ ମଧ୍ୟରେ ରହିଛି ୫୦ରୁ ୬୦ % ଆଣ୍ଟିବଡି – ନିରୋଜ ମିଶ୍ର
  • ||
  • ସୁନ୍ଦରଗଡ଼: ୧୫ ଗ୍ରାମର ବ୍ରାଉନସୁଗାର ଜବତ, ୫ ଗିରଫ
  • ||
  • ବାଲେଶ୍ୱର: ବାଲେଶ୍ୱର ମୁଖ୍ୟ ଚିକିତ୍ସାଳୟରେ ଆରମ୍ଭ ହେଲା ହାଇଦରର ପୋଷ୍ଟମର୍ଟମ, ମାଜିଷ୍ଟେ୍ରଟ୍‌ଙ୍କ ଉପସ୍ଥିତିରେ ​ପୋଷ୍ଟମର୍ଟମ କରିବେ​‌ ୩ ଜଣିଆ ଡାକ୍ତରୀ ଟିମ୍
  • ||
  • ରଙ୍ଗେଇଲୁଣ୍ଡା: ହଳଦିଆପଦର ନିକଟରେ ଟ୍ରାକ୍ଟର ସହ ଅଟୋ ଦୁର୍ଘଟଣା, ୩ ମହିଳା ମତ୍ସ୍ୟଜୀବୀ ଗୁରୁତର
  • ||
  • ସୋର: ହାଇଦର୍ ଏନ୍‌କାଉଣ୍ଟର ସ୍ଥଳରୁ ୨ଟି ଗୁଳି ଜବତ କଲା ପୋଲିସ ଓ ସାଇଣ୍ଟିଫିକ୍‌ ଟିମ୍‌
  • ||
  • ଭୁବନେଶ୍ୱର: ଓଡ଼ିଶାରେ ଆଉ ୬୭ଜଣଙ୍କ ଜୀବନ ନେଲା କରୋନା, ସାଢ଼େ ୫ ହଜାର ଟପିଲା ମୃତ୍ୟୁସଂଖ୍ୟା
  • ||
  • ଭୁବନେଶ୍ୱର: ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଭୁବନେଶ୍ୱର : ରାଜଧାନୀରେ କାୟା ମେଲାଉଛି ଡେଙ୍ଗୁ, ୧୨ ଦିନରେ ଆକ୍ରାନ୍ତଙ୍କ ସଂଖ୍ୟା ୨୫୦ ପାର୍
  • ||
  • ପାରଳାଖେମୁଣ୍ଡି : ଏସିଏଫ୍‌ ସୌମ୍ୟରଞ୍ଜନ ଡେଥ୍ ମିଷ୍ଟ୍ରି, ବଲାଙ୍ଗୀରରେ ପାରଳା ପୁଲିସର ୫ଜଣିଆ ଟିମ୍‌, ବିଦ୍ୟାଙ୍କ ପାର୍ଟି ସହ ସୌମ୍ୟ ମୃତ୍ୟୁର ଲିଙ୍କ୍‌ ଖୋଜିବ
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଜଳେଶ୍ଵର : ମନ୍ଦାର ଫୁଲ ଗଛ କଟାକୁ ନେଇ ଶଳାକୁ ଭିଣୋଇର ସଙ୍ଘବଦ୍ଧ ଆକ୍ରମଣ, ସଜ୍ଞାହୀନ ଅବସ୍ଥାରେ ନଦୀ କୂଳରୁ ଉଦ୍ଧାର
  • ||
  • ଭୁବନେଶ୍ୱର : ୨୮ରେ ପୁଣି ଏକ ଲଘୁଚାପ, ୨୭ରୁ ବଢ଼ିବ ବର୍ଷା
  • ||

ଇଡି ପ୍ରଶ୍ନବାଣରେ ପ୍ରେମିକା ଘାଇଲା : ରିୟାଙ୍କ ଡିଲିଟ୍‌ ମେସେଜ୍‌ ବାହାର କଲା ଇଡି

ନୂଆଦିଲ୍ଲୀ,୧୨।୮: ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ମାମଲାରେ ତାଙ୍କ ପ୍ରେମିକା ତଥା ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କୁ ଆଜି ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ପୁଣି ଜେରା କରିଥିଲା । ତାଙ୍କ ବିରୋଧରେ ହୋଇଥିବା ଅର୍ଥ ଠକେଇ ମାମଲାକୁ ନେଇ ଇଡି ଅଧିକାରୀମାନେ ଏକାଧିକ ପ୍ରଶ୍ନ କରିଥିଲେ । କିନ୍ତୁ ରିୟା ଉତ୍ତର ଦେବାରେ ବିଫଳ ହୋଇଥିଲେ । ଜବାବ ଦେବା ବେଳେ ସେ ହଡ଼ବଡ଼େଇ ଯାଇଥିବା ଏକ ସୂତ୍ରରୁ ଜଣାପଡ଼ିଛି । ସୋମବାର ରିୟାଙ୍କ ସମେତ ତାଙ୍କ ପିତା ଇନ୍ଦ୍ରଜିତ ଏବଂ ଭାଇ ଶୌଭିକଙ୍କୁ ୧୦ ଘଣ୍ଟା ଧରି ମୁହାଁମୁହିଁ ଜେରା କରାଯାଇଥିଲା । ଆଜି ପୁଣି ସେମାନଙ୍କୁ ପଚରାଉଚରା କରାଯାଇଛି ।

ସେପଟେ ସୁଶାନ୍ତଙ୍କ ପରିବାର ଦ୍ୱାରା ଦାୟର ମାମଲାକୁ ପାଟନାରୁ ମୁମ୍ୱାଇକୁ ସ୍ଥାନାନ୍ତର ପାଇଁ ଦାବି କରି ସୁଶାନ୍ତଙ୍କ ବାନ୍ଧବୀ ରିୟା ଦାୟର କରିଥିବା ମାମଲାରେ ସୁପ୍ରିମକୋର୍ଟ ରାୟ ସଂରକ୍ଷିତ ରଖିଛନ୍ତି । ବିଚାରପତି ହୃଷିକେଶ ରୟଙ୍କୁ ନେଇ ଗଠିତ ଜଣିକିଆ ଖଣ୍ଡପୀଠ ରାୟ ସଂରକ୍ଷିତ ରଖିବା ସହିତ ଗୁରୁବାର ସୁଦ୍ଧା ସମସ୍ତ ପକ୍ଷଙ୍କୁ ନିଜ ନିଜର ଜବାବ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି । ମଙ୍ଗଳବାର ଶୁଣାଣି ବେଳେ ରିୟାଙ୍କ ଓକିଲ ଯୁକ୍ତି ବାଢିଥିଲେ ଯେ ମୁମ୍ୱାଇ ପୁଲିସ ଏହାର ଠିକ୍‌ ଭାବେ ତଦନ୍ତ କରୁଛି । ଏ ପର୍ଯ୍ୟନ୍ତ ୫୦ରୁ ଅଧିକ ଲୋକଙ୍କୁ ଜେରା କରାଯାଇ ସାରିଲାଣି । ତେଣୁ ଏହି ମାମଲାକୁ ସିବିଆଇକୁ ହସ୍ତାନ୍ତର କରାଯିବାର ଆବଶ୍ୟକତା ନାହିଁ । ଯଦି ବି ମାମଲା ସିବିଆଇକୁ ହସ୍ତାନ୍ତର କରାଯିବ, ତା’ହେଲେ ସେ ସମ୍ପର୍କରେ ସୁପ୍ରିମକୋର୍ଟ ସ୍ଥିର କରନ୍ତୁ । ବିହାର ସରକାର ଏପରି ସୁପାରିସ କରିପାରିବେ ନାହିଁ । କାରଣ ଉକ୍ତ ଘଟଣାଟି ମୁମ୍ୱାଇରେ ଘଟିଛି ଯାହା ବିହାର ସରକାରଙ୍କ କ୍ଷମତା ପରିସରରେ ଆସୁନାହିଁ ।

ସୁଶାନ୍ତଙ୍କ ପରିବାର ତରଫରୁ ଯୁକ୍ତି କରାଯାଇଥିଲା ଯେ ରିୟା ସୁଶାନ୍ତଙ୍କ ଠାରୁ ବିପୁଳ ଅର୍ଥ ନେଇଯିବା ସହିତ ତାଙ୍କୁ ତାଙ୍କ ପରିବାର ଠାରୁ ଦୂରେଇ ଦେଇଥିଲେ । ଏମିତିକି ରିୟାଙ୍କ ଯୋଗୁ ସୁଶାନ୍ତ ନିଜ ପରିବାର ଲୋକଙ୍କ ସହିତ କଥା ହେଉନଥିଲେ । ସୁଶାନ୍ତଙ୍କ ପିତାଙ୍କ ବାରମ୍ୱାର ଅନୁରୋଧ ପରେ ବି ରିୟା ସୁଶାନ୍ତଙ୍କୁ ତାଙ୍କ ପରିବାର ଲୋକଙ୍କ ସହିତ କଥା କରାଇ ଦେଇନଥିଲେ । ମହାରାଷ୍ଟ୍ର ସରକାରଙ୍କ ତରଫରୁ କୁହାଯାଇଥିଲା କି ଏହି ମାମଲାରେ ରାଜନୀତି କରାଯାଉଛି । ବିହାରରେ ନିର୍ବାଚନ ହେବାର ଥିବାରୁ ଏପରି କରାଯାଉଛି । ଏହି ମାମଲାକୁ ସିବିଆଇକୁ ଦେବାର କିଛି ଆବଶ୍ୟକତା ନାହିଁ ।

ରିୟାଙ୍କ ଡିଲିଟ୍‌ ମେସେଜ୍‌ ବାହାର କଲା ଇଡି
ଇଡି ଗତ କିଛି ଦିନ ଧରି ରିୟା ଏବଂ ତାଙ୍କ ଭାଇଙ୍କୁ ଜେରା କରୁଥିଲା ବେଳେ ତାଙ୍କ ପରିବାରର ୪ଟି ଫୋନ, ୨ଟି ଆଇପ୍ୟାଡ୍‌ ଏବଂ ଗୋଟିଏ ଲାପ୍‌ଟପ୍‌ ଜବତ କରିଛି । ରିୟାଙ୍କର ୨ଟି ଫୋନ, ତାଙ୍କ ଭାଇ ଶୌଭିକଙ୍କର ଗୋଟିଏ ଏବଂ ତାଙ୍କ ପିତାଙ୍କର ଗୋଟିଏ ଫୋନ ଜବତ କରାଯାଇଛି । ଏଗୁଡିକୁ ଫୋରେନସିକ୍‌ ଲାବକୁ ପଠାଯିବ ବୋଲି ଇଡି କହିଛି । ରିୟାଙ୍କ ଫୋନରେ ହ୍ୱାଟ୍‌ସଆପ୍‌ରୁ କିଛି ମେସେଜ୍‌ ଡିଲିଟ୍‌ କରିଦିଆଯାଇଥିଲା । ସେଇ ମେସେଜଗୁଡିକ ସୁଶାନ୍ତଙ୍କ ସହ ସମ୍ପର୍କିତ ଥିଲା । ତେଣୁ ଇଡି ସେଇ ମେସେଜଗୁଡିକୁ ପୁଣି ଥରେ ଫୋନରୁ ଉଦ୍ଧାର କରିଛି । ତଦନ୍ତରେ ଏହା ସହାୟକ ହେବ ବୋଲି ଇଡି କହିଛି ।

ସମ୍ବନ୍ଧିତ ଖବର