PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର : ରାଜ୍ୟରେ ହାରୁଛି କରୋନା, ୨୪ ଘଣ୍ଟା ମଧ୍ୟରେ ୩ ପଜିଟିଭ୍ ଚିହ୍ନଟ
  • ||
  • ଭୁବନେଶ୍ୱର : ୧୦ ଜିଲ୍ଲାରେ ପ୍ରବଳ ବର୍ଷିଲା, ଆଜିଠୁ ବଢ଼ିବ ତାପମାତ୍ରା
  • ||
  • ଭଞ୍ଜନଗର : ଭାରସାମ୍ୟ ହରାଇ ଓଲଟିଲା ଟୁରିଷ୍ଟ ବସ୍, ୬ ମୃତ ୩୦ରୁ ଉର୍ଦ୍ଧ୍ଵ ଆହତ
  • ||
  • ରାଇରଙ୍ଗପୁର : ସାପ୍ତାହିକ ହାଟରେ ଗୁଳିକାଣ୍ଡ, ଗୋରୁ ବେପାରୀଙ୍କୁ ଗୁଳି କରି ୨୦ଲକ୍ଷ ଟଙ୍କା ଲୁଟିନେଲେ ଦୁର୍ବୃତ୍ତ
  • ||

ଟିକେଟ୍ ଉପରେ ମୋଦିଙ୍କ ଫଟୋ ପଡିଲା ମହଙ୍ଗା,୪ ରେଳ ଅଧିକାରୀଙ୍କୁ ନିଲମ୍ବନ

ନୂଆଦିଲ୍ଲୀ,୧୬।୪: ଲୋକସଭା ନିର୍ବାଚନରେ ପ୍ରଚାରକୁ ନେଇ ନିର୍ବାଚନ କମିଶନ୍ ଲଗାତାର ଭାବରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରିବାରେ ଲାଗିଛନ୍ତି।ଏବେ ଟ୍ରେନ ଟିକେଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଫଟୋ ଛପାଇଥିବା କାରରରୁ ରେଲୱେର ୪ ଅଧିକାରୀଙ୍କୁ ନିଲମ୍ବନ ହେବାକୁ ପଡିଛି। ରେଲୱେ କର୍ତ୍ତୃପକ୍ଷ ସମ୍ପୃକ୍ତ ଅଧିକାରୀମାନଙ୍କୁ ନିଲମ୍ବନ କରିଛନ୍ତି। ରେଳ ଟିକେଟରେ ମୋଦିଙ୍କ ଫଟୋ ଦେଖିବାକୁ ମିଳିବା ପରେ ନିର୍ବାଚନ କମିଶନ ଏ ସମ୍ପର୍କରେ ରେଲୱେକୁ ନୋଟିସ ଜାରି କରିଥିଲେ।

ଗତ ସୋମବାର ସୁପ୍ରିମକୋର୍ଟ ନିର୍ବାଚନ କମିଶନଙ୍କୁ ଭର୍ତ୍ସନା କରି କହିଥିଲେ ନିର୍ବାଚନ ସମୟରେ ଅନେକ ଦଳ, ରାଜନେତା, ପ୍ରାର୍ଥୀ ଆଚରଣ ବିଧି ଉଲ୍ଲଂଘନ କରିବା ସହ ଅଶ୍ଳୀଳ, ଅରୁଚିକର ତଥା ବିବାଦୀୟ ମନ୍ତବ୍ୟ ଦେଉଛନ୍ତି। କିନ୍ତୁ ନିର୍ବାଚନ କମିଶନ କୌଣସି ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରୁନାହାଁନ୍ତି। ଏହାପରେ ନିର୍ବାଚନ କମିଶନ୍ ଉତ୍ତେଜନା ସୃଷ୍ଟିକାରୀ ମନ୍ତବ୍ୟ ଦେଉଥିବା ରାଜନେତାମାନଙ୍କ ପ୍ରଚାର ଉପରେ କଟକଣା ଲଗାଇଥିଲେ। ବର୍ତ୍ତମାନ ଅନ୍ୟାନ୍ୟ କ୍ଷେତ୍ରରେ ହେଉଥିବା ଆଚରଣ ବିଧି ଉଲ୍ଲଂଘନ ଉପରେ ନିର୍ବାଚନ କମିଶନ୍  ନଜର ଦେଇଛନ୍ତି।

ରେଳମନ୍ତ୍ରଣାଳରୁ ମିଳିଥିବା ସୂଚନା ଅନୁସାରେ ବାରାବଙ୍କିରୁ ବାରାଣସୀ ଯାଉଥିବା ଗଙ୍ଗା ସତଲଜ ଏକ୍ସପ୍ରେସ(୧୩୩୦୮)ର ୩ୟ ଶ୍ରେଣୀ ଏସିର ଟିକେଟ ଉପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଫଟୋ ଲାଗିଥିବା ଦେଖିବାକୁ ମିଳିଥିଲା। ଟିକେଟରେ ପ୍ରଧାନମନ୍ତ୍ରୀ ଆବାସ ଯୋଜନାରେ ସମସ୍ତଙ୍କ ପାଇଁ ଆବାସ ବିଜ୍ଞାପନ ସହ ମୋଦିଙ୍କ ଫଟୋ ଛପାଯାଇଥିଲା। ଏହାପରେ ନିର୍ବାଚନ କମିଶନଙ୍କ ନିକଟରେ ଅଭିଯୋଗ ହୋଇଥିଲା।ନିର୍ବାଚନ କମିଶନ ରେଲୱେକୁ ନୋଟିସ ପଠାଇଥିଲେ। ଯାହାଫଳରେ ରେଲୱେ ପକ୍ଷରୁ  କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ୪ ଜଣ କର୍ମଚାରୀଙ୍କୁ ନିଲମ୍ବନ କରିଥିଲା।