PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୀଳଗିରି: ଶନି ମନ୍ଦିରରେ ତାଲା ଭାଙ୍ଗି ଲକ୍ଷାଧିକ ଟଙ୍କାର ସୁନା ଗହଣା ଲୁଟିନେଲେ ଦୁର୍ବୃତ୍ତ
  • ||
  • ଭୁବନେଶ୍ବର: ମେ ୧୮ରୁ ଯୁକ୍ତ ଦୁଇ ପରୀକ୍ଷା, ଜୁନ୍‌ ୧୨ରେ ସରିବ
  • ||
  • ଭୁବନେଶ୍ବର: ଗ୍ରୀଷ୍ମ ପ୍ରବାହ ନେଇ ଏସ୍‌ଆର୍‌ସିଙ୍କ ଗାଇଡଲାଇନ୍‌ ଜାରି, ୧୧ ଜିଲ୍ଲା ୩୫ଡିଗ୍ରୀ ଟପିଲା ପାରଦ
  • ||
  • ଅସ୍ତରଙ୍ଗ: ଆଜି ନନ୍ଦିନୀଙ୍କ ହାତ ଧରିବେ ମନ୍ତ୍ରୀ ତୁଷାରକାନ୍ତି ବେହେରା
  • ||
  • ଢେଙ୍କାନାଳ: ଆଜିଠୁ ଯୋରନ୍ଦା ମାଘମେଳା, ୩ଦିନ ବ୍ୟାପୀ ଚାଲିବ ମେଳା
  • ||

ଇଞ୍ଜିନିୟରିଂ ଛାତ୍ରଙ୍କୁ ନିଶାଦେଇ ଲୁଟିଲେ

ଭୁବନେଶ୍ୱର,୩ ।୨(ବ୍ୟୁରୋ): ନିଶାଦିଆ ଲୁଟେରା ଉତ୍ପାତ ଚଳାଇଛନ୍ତି । ଆଜି ଜଣେ ଇଞ୍ଜିନିୟରିଂ ଛାତ୍ରଙ୍କୁ ନିଶାଦେଇ ଲୁଟ୍‌ପାଟ କରିବା ପରେ ତାଙ୍କୁ ରାସ୍ତା କଡ଼ରେ ଫିଙ୍ଗି ପଳାଇଛନ୍ତି । ଲୁଟ୍‌ର ଶିକାର ଛାତ୍ର ଗିରିଶ କିସ୍କୋ । ତାଙ୍କ ଘର ମୟୁରଭଞ୍ଜ ଭୀମଖଣ୍ଡ ।
ମିଳିଥିବା ଅଭିଯୋଗ ଅନୁଯାୟୀ, ଗିରିଶ ରେତଙ୍ଗ ଅଞ୍ଚଳରେ ଥିବା ଏକ ଘରୋଇ ଇଞ୍ଜିନିୟରିଂ କଲେଜରେ ପଢ଼ୁଛନ୍ତି । ଆଜି ସେ ଇଣ୍ଟରଭ୍ୟୁ ଦେବା ପାଇଁ ଭୁବନେଶ୍ୱର ଆସିଥିଲେ । ସଂଧ୍ୟା ୬ଟାବେଳେ ଭୁବନେଶ୍ୱର ରେଳ ଷ୍ଟେସନରେ ଟ୍ରେନରୁ ଓହ୍ଲାଇଥିଲେ । ରେଳ ଷ୍ଟେସନରେ ଜଣେ ଯୁବକ ତାଙ୍କ ସହ ବନ୍ଧୁତା ଯୋଡ଼ିଥିଲା । ତାଙ୍କୁ ବିସ୍କୁଟ୍‌ ଖାଇବାକୁ ଦେଇଥିଲା । ତା’ପରେ ଗିରିଶ କିଛି ଜାଣିପାରି ନଥିଲେ । ମାର୍କେଟ୍‌ ବିଲ୍ଡିଂ ଭିତରୁ ତାଙ୍କୁ ପିସିଆର ପୁଲିସ ଅଚେତ ଅବସ୍ଥାରେ ଉଦ୍ଧାର କରି କ୍ୟାପିଟାଲ୍‌ ହସ୍ପିଟାଲ୍‌ରେ ଭର୍ତ୍ତି କରିଥିଲା । ଗିରିଶଙ୍କ ଠାରୁ ମୋବାଇଲ୍‌ ଫୋନ୍‌, କିଛି ଟଙ୍କା ଓ ସାର୍ଟିଫିକେଟ୍‌ ଲୁଟ୍‌ ହୋଇଥିବା ଜଣା ପଡ଼ିଛି । ହସ୍ପିଟାଲ୍‌ରେ ‘ସହାୟ’ ଅନୁଷ୍ଠାନର ସ୍ୱେଚ୍ଛାସେବୀମାନେ ଗିରିଶଙ୍କ ଚିକିତ୍ସାରେ ସହଯୋଗ କରିବା ସହ ସେ ପଢ଼ୁଥିବା କଲେଜ ଓ ତାଙ୍କ ପରିବାର ଲୋକଙ୍କୁ ଖବର ଦେଇଛି ।

More Stories