PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଅଗଷ୍ଟ ୧୬ରୁ ଆରମ୍ଭ ହେବ ନବମ ଶ୍ରେଣୀ ପାଠପଢ଼ା, ସକାଳ ୯ଟାରୁ ଦିନ ସାଢ଼େ ୧୨ଟା ଯାଏ ହେବ ପାଠପଢ଼ା
  • ||
  • ସମ୍ବଲପୁର: ୮ ଘଣ୍ଟା ପରେ ପୁଣି ସହରରେ ହତ୍ୟାକାଣ୍ଡ, ମାଲତୀଗୁଣ୍ଡେପୁରରେ ଯୁବକଙ୍କୁ ହତ୍ୟା, ପ୍ରତିବାଦରେ ରାସ୍ତାରୋକ…
  • ||
  • ଟୋକିଓ ଅଲମ୍ପିକ୍ସ : ଭାରତକୁ ଆଉ ଏକ ପଦକ, ପୁରୁଷ ୫୭ କେଜି ଫ୍ରିଷ୍ଟାଇଲ କୁସ୍ତିରେ ରବିଙ୍କୁ ରୌପ୍ୟ
  • ||
  • କଟକ : ରାଜ୍ୟ ଜିଏସଟି ଏନଫୋର୍ସମେଣ୍ଟ ୱିଙ୍ଗ୍ ଦ୍ଵାରା ୬୪୧ କୋଟି ଟଙ୍କାର ଜାଲ ବିଲ୍ ରାକେଟ ମାମଲାରେ ତୃତୀୟ ମାଷ୍ଟର ମାଇଣ୍ଡ୍ ଗିରଫ
  • ||
  • ସମ୍ବଲପୁର : ସମ୍ବଲପୁର ସଦର ଥାନା ଅଞ୍ଚଳରେ ଯୁବକଙ୍କୁ ହତ୍ୟା ପରେ ରାସ୍ତାରେ ଫିଙ୍ଗିଦେଲେ ଦୁର୍ବୃତ୍ତ
  • ||
  • ଅଲିମ୍ପିକ୍ସ ହକି : ଭାରତ ଜର୍ମାନୀକୁ ୫-୪ ଗୋଲରେ ହରାଇ ଜିତିଲା ବ୍ରୋଞ୍ଚ ପଦକ
  • ||
  • ଟୋକିଓ : ଭାରତୀୟ ହକି ଟିମ୍‌ର ଐତିହାସିକ ବିଜୟ ନେଇ ମୁଖ୍ୟମନ୍ତ୍ରୀଙ୍କ ଶୁଭେଚ୍ଛା, କହିଲେ-ଆଗାମୀ ପିଢିର ଖେଳାଳିଙ୍କ ପାଇଁ ହେବ ପ୍ରେରଣାର ଉତ୍ସ ’
  • ||
  • ବୌଦ୍ଧ : ବୌଦ୍ଧ ଜିଲ୍ଲା ପୁରୁଣାକଟକ ଥାନା ଖୋର୍ଦ୍ଧା-ବଲାଙ୍ଗୀର ୫୭ ନମ୍ବର ଜାତୀୟ ରାଜପଥ ଚାରିଛକଠାରେ ୧୬ ପେଟି କଫ୍ ସିରପ୍ ଜବତ, ସ୍କର୍ପିଓ ସହ ଜଣେ ଗିରଫ
  • ||
  • ଲମତାପୁଟ : ଲମତାପୁଟ ବ୍ଲକ ବଡ଼ପଡା ଘାଟି ନିକଟ ଜଙ୍ଗଲରୁ ବିପୁଳ ପରିମାଣର ଗଞ୍ଜେଇ ଜବତ
  • ||
  • କୋଣାର୍କ : ଗ୍ୟାସ୍ ସିଲିଣ୍ଡର ଫାଟି ୪ ଛେଳି ଜୀବନ୍ତ ଦଗ୍ଧ, ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ
  • ||
  • ମାଲକାନଗିରି : ନକ୍ସଲଙ୍କ ବର୍ବର କାଣ୍ଡ, ଲ୍ୟାଣ୍ଡମାଇନ୍ ବିସ୍ଫୋରଣ କରି ଉଡ଼ାଇଦେଲେ ବୋଲେରୋ, ୨ ମୃତ
  • ||

ଅନିଲଙ୍କ ହାତରେ ଆଉ ମାତ୍ର ଦୁଇ ଦିନ, ଟଙ୍କା ଯୋଗାଡ଼ କରିନପାରିଲେ ଜେଲ୍, ୭୦୦ କୋଟି ମାଗିଲା ବିଏସ୍ଏନ୍ଏଲ୍

ନୂଆଦିଳ୍ଳୀ ୧୮।୩: ଧୀରୁଭାଇ ଅମ୍ବାନିଙ୍କ ସାନପୁଅଙ୍କ ସମସ୍ୟା ଆହୁରି ବଢ଼ିଯାଇଛି। ନିଜ ପ୍ରତିଷ୍ଠା ବଞ୍ଚାଇବାକୁ ସଂଘର୍ଷ କରୁଥିବା ଅନିଲଙ୍କୁ ଗୋଟିଏ ପରେ ଗୋଟିଏ ଝଟକା ଲାଗୁଛି। ଦୁଇ ଦିନ ତଳେ ଜାତୀୟ କମ୍ପାନି ଲ’ ଟ୍ରିବ୍ୟୁନାଲ୍ ଏକ ଝଟକା ଦେଇଥିଲେ। ତାଙ୍କ ମୋବାଇଲ କମ୍ପାନି ରିଲାଏନ୍ସ କମ୍ୟୁନିକେସନ ନାମରେ ଯେଉଁ ୨୬୦ କୋଟି ଟଙ୍କାର ଆୟକାର ରିଟର୍ଣ୍ଣ ଆସିଛି ତାହା କମ୍ପାନି ଖାତାକୁ କରିବା ପାଇଁ ନିର୍ଦେଶ ଦେବାକୁ ଟ୍ରିବ୍ୟୁନାଲ ମନା କରିଥିଲେ। 

ଏରିକ୍ସନକୁ ସେହି ଟଙ୍କା ପେମେଣ୍ଟ କରିବାକୁ ଚାହୁଁଥିଲେ ଅନିଲ। ଏରିକ୍ସନ ସମସ୍ୟା ତୁଟିନଥିବା ବେଳେ ସରକାରୀ ମୋବାଇଲ କମ୍ପାନି ଭାରତ ସଂଚାର ନିଗମ ଲିମିଟେଡ୍ ଏବେ ଅନିଲଙ୍କ ଉପରେ ପଡ଼ିଯାଇଛି। ତାଙ୍କ କମ୍ପାନି ଠାରୁ ୭୦୦ କୋଟି ପାଇବା ପାଇଁ ବିଏସ୍ଏନ୍ଏଲ୍ ଏନସିଏଲ୍ଟି  ଯିବାକୁ ଧମକ ଦେଇଛି। ରିଲାଏନ୍ସ କମ୍ୟୁନିକେସନ୍ ଯେଉଁ ୧୦୦ କୋଟି ଟଙ୍କାର ବ୍ୟାଙ୍କ ଗ୍ୟାରେଣ୍ଟି ଦେଇଥିଲା ତାହାକୁ ବିଏସ୍ଏନ୍ଏଲ୍ ଖାତାକୁ ନେଇସାରିଛି। ବଳକା ଟଙ୍କା ଆଦାୟ କରିବା ପାଇଁ ଏହା ଆଇନ ସହାୟତା ନେବାକୁ ଚାହୁଁଛି। ସେଥିପାଇଁ ଏକ ଆଇନ ଫର୍ମକୁ ନିଯୁକ୍ତି କରିଛି।

ମାର୍ଚ୍ଚ ୧୯ସୁଦ୍ଧା ଏରିକ୍ସନର ସବୁ ପେମେଣ୍ଟ ପ୍ରଦାନ କରିବାକୁ ସୁପ୍ରିମକୋର୍ଟ ଅନିଲଙ୍କୁ ନିର୍ଦେଶ ଦେଇଛନ୍ତି। ସେହି ନିର୍ଦେଶ ପାଳନ କରିବା ପାଇଁ ତାଙ୍କ ପାଖରେ ଆଉ ମାତ୍ର ଦୁଇ ଦିନ ସମୟ ରହିଛି। ଯଦି ଟଙ୍କା ଯୋଗାଡ଼ କରିବାରେ ସେ ବିଫଳ ହେବେ ତେବେ ସୁପ୍ରିମକୋର୍ଟଙ୍କ ଚେତାବନୀ ମୁତାବକ ତାଙ୍କୁ ତିନି ମାସ ଜେଳ୍ ଯିବାକୁ ପଡ଼ିବ। ରିଳାଏନ୍ସ କମ୍ୟୁନିକେସନର ନେଟଓ୍ବାର୍କ କୁ ବିଦେଶୀ କମ୍ପାନି ଏରିକ୍ସନ ସମ୍ଭାଳୁଥିଲା। ମାତ୍ର ଅନିଲଙ୍କ ବଡ଼ ଭାଇ ମୁକେଶଙ୍କ ରିଲାଏନ୍ସ ଜିଓ ମୋବାଇଲ୍ କାରବାରରେ ପ୍ରବେଶ କରିବା ପରେ ଅନ୍ୟ ସବୁ କମ୍ପାନି ଭଳି ଅନିଲଙ୍କ ରିଲାଏନ୍ସ କମ୍ୟୁନିକେସନର ଅବସ୍ଥା ମଧ୍ୟ ଖରାପ ହୋଇଯାଇଥିଲା।

ଏରିକ୍ସନକୁ ଦେବାକୁ ଥିବା ୫୭୧କୋଟି ଟଙ୍କା କମ୍ପାନି ଦେଇପାରିନଥିଲା। ବହୁଦିନ ପର୍ଯ୍ୟନ୍ତ ନିଜ ପ୍ରାପ୍ୟ ନପାଇବାରୁ ଏରିକ୍ସନ ପକ୍ଷରୁ ସୁପ୍ରମକୋର୍ଟରେ ଆବେଦନ କରାଯାଇଥିଲା। ଏବଂ ଶୁଣାଣି ବେଳେ ଅନିଲ ପ୍ରତିଶ୍ରୁତି ଦେଇଥିଲେ ଯେ ଏକ ନିଦ୍ଦିଷ୍ଟ ସମୟ ଭିତରେ ସେ ପେମେଣ୍ଟ କରିଦେବେ। କିନ୍ତୁ ଟଙ୍କା ଯୋଗାଡ ନ ହେବାରୁ କୋର୍ଟଙ୍କ ନିର୍ଦେଶ ପାଳନ କରିପାରିଲେ ନାହିଁ। ଏହା ପରେ କିଛି ମାସ ତଳେ ଏରିକ୍ସନ ପକ୍ଷରୁ ଅନିଲଙ୍କ ବିରୋଧରେ ଅଦାଲତ ଅବମାନନା ମାମଲା ସୁପ୍ରିମକୋର୍ଟରେ ଦାୟର କରାଯାଇଥିଲା ଏବଂ ସେଥିରେ ଅନିଲଙ୍କୁ ଦୋଷୀ ସାବସ୍ତ୍ୟ କରାଯାଇଛି।