ମୁକ୍ତ ବିଦ୍ୟାଳୟର ପରୀକ୍ଷା କେନ୍ଦ୍ରରେ ବିଭ୍ରାଟ: ଅପରାହ୍ନ ୧.୩୦ପରିବର୍ତ୍ତେ ସନ୍ଧ୍ୟା ହେଲା ପରୀକ୍ଷା

ବିଜାତଳା ୨୦/୨: ରାଜ୍ୟ ମୁକ୍ତ ବିଦ୍ୟାଳୟ ପ୍ରତିଷ୍ଠାନ ମାଟ୍ରିକ ପରୀକ୍ଷାର୍ଥୀଙ୍କ ପାଇଁ ବିଜାତଳା ବ୍ଲକର ସରକାରୀ ହାଇସ୍କୁଲ, ବିଜାତଳାରେ ପରୀକ୍ଷା କେନ୍ଦ୍ର ହୋଇଥିଲା । ଏହି ପରୀକ୍ଷା ବୁଧବାର ଠାରୁ ପର୍ଯ୍ୟାୟକ୍ରମେ ଅପରାହ୍ନ ୧.୩୦ରେ ଆରମ୍ଭ ହୋଇ ୪ଟା ରେ ସରିବା କଥା । ପ୍ରଥମ ଦିନ ଇଂରାଜୀ ବିଷୟ ପରୀକ୍ଷା ଥିଲା । ୨୦୯ପରୀକ୍ଷାର୍ଥୀଙ୍କ ମଧ୍ୟରୁ ୨୦୬ଜଣ ଏହି ପରୀକ୍ଷା ଦେଇଥିଲେ । ତେବେ ପ୍ରଥମ ଦିନରେ ଏହି ପରୀକ୍ଷା ନିର୍ଦ୍ଧାରିତ ସମୟର ସାଢେ ୪ଘଣ୍ଟା ବିଳମ୍ବରେ ହୋଇଥିଲା । ପରୀକ୍ଷା ସନ୍ଧ୍ୟା ୬ଟାରେ ଆରମ୍ଭ ହୋଇ ରାତି ୮ଟା ୩୦ ପର୍ଯ୍ୟନ୍ତ ଚାଲିଥିଲା । ଦିନର ପରୀକ୍ଷା ରାତିରେ ହେବା ନେଇ ପ୍ରତିକ୍ରିୟା ପ୍ରକାଶ ପାଇଛି ।

ପରୀକ୍ଷା ସମୟରେ ବ୍ୟାପକ ବିଭ୍ରାଟ ପାଇଁ ପରୀକ୍ଷାର୍ଥୀ ତଥା ଅଭିଭାବକ ମହଲରେ ଅସନ୍ତୋଷ ଦେଖା ଦେଇଥିଲା । ସ୍କୁଲରେ ସେମିତି ରାତ୍ରି ଉପଯୋଗୀ ଭିତ୍ତିଭୂମି ନଥିବା ବେଳେ ପରୀକ୍ଷାର୍ଥୀମାନେ ଅସୁବିଧାର ସମ୍ମୁଖୀନ ହୋଇଛନ୍ତି । ତେବେ ଇଂରାଜୀ ପ୍ରଶ୍ନପତ୍ର ଭିତରେ ଓଡ଼ିଆ ପ୍ରଶ୍ନ ଏବଂ ଆବଶ୍ୟକୀୟ ପ୍ରଶ୍ନପତ୍ର ନଥିବାରୁ ପ୍ରଶ୍ନ ଜେରକ୍ସ କରି ପରୀକ୍ଷା ବିଳମ୍ବ ହୋଇଥିବା ଶୁଣିବାକୁ ମିଳିଛି । ତେବେ ରାଇରଙ୍ଗପୁର ଗ୍ରାମାଞ୍ଚଳ ଥାନାଧିକାରୀଙ୍କ ସମେତ ପୁଲିସ ଉପସ୍ଥିତିରେ କଡା ସୁରକ୍ଷା ବଳୟ ମଧ୍ୟରେ ପରୀକ୍ଷା ହୋଇଥିବା ଜଣା ପଡିଛି । ତେବେ ଏନେଇ କତୃପକ୍ଷ କିମ୍‌ବା ପରୀକ୍ଷାର୍ଥୀଙ୍କ ଠାରୁ କୌଣସି ପ୍ରତିକ୍ରିୟା ମିଳି ପାରି ନାହିଁ। ସୂଚନା ଯୋଗ୍ୟ ଯେ ଏହି ପରୀକ୍ଷାକେନ୍ଦ୍ରରେ ସିସିଟିଭି ମଧ୍ୟ ଲାଗିଛି ।

   ସମ୍ବନ୍ଧିତ ଖବର


୩୦ ବିସ୍ଥାପିତ ପାକ୍‌ ନାଗରିକଙ୍କୁ ଅନ୍‌ଲାଇନ୍‌ରେ ଭାରତର ନାଗରିକତା ପ୍ରଦାନ କଲେ ରାଜସ୍ଥାନ ସରକାର

ପାଠକ ବାପ-ପୁଅଙ୍କ ନୂଆ ଠିକଣା ଝାରପଡ଼ା ଜେଲ, ଗିରଫ ପରେ ଚାକିରିରୁ ନିଲମ୍ବନ କଲେ ରାଜ୍ୟ ସରକାର

ସୁଶୀଲ ମୋଦୀଙ୍କୁ ରାଜ୍ୟସଭା ଟିକେଟ୍: ପାଶଓ୍ବାନଙ୍କ ସ୍ଥାନରେ ହେଲେ ବିଜେପି ପ୍ରାର୍ଥୀ, ପୂର୍ବତନ ଉପମୁଖ୍ୟମନ୍ତ୍ରୀ କେନ୍ଦ୍ରରେ ହୋଇ ପାରନ୍ତି ମନ୍ତ୍ରୀ

ଡିସେମ୍ବର ୧ରୁ ଖୋଲିବ ରାଜ୍ୟର ସମସ୍ତ ମେଡିକାଲ କଲେଜ

କେନ୍ଦ୍ର ଶିକ୍ଷାମନ୍ତ୍ରୀଙ୍କୁ ଚିଠି ଲେଖିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର, ଉତ୍କଳକୁ କେନ୍ଦ୍ରୀୟ ବିଶ୍ୱବିଦ୍ୟାଳୟର ମାନ୍ୟତା ଦେବା ପାଇଁ କଲେ ଅନୁରୋଧ

ମମତାଙ୍କୁ ଆଉ ଏକ ଝଟକା: ଦକ୍ଷିଣ କୁଚବିହାର ବିଧାୟକଙ୍କ ଇସ୍ତଫା ପରେ ପରିବହନ ମନ୍ତ୍ରୀଙ୍କ ଇସ୍ତଫା, ବିଜେପିରେ ମିଶିବାକୁ ଏବେ ଦିଲ୍ଲୀରେ ମିହିର