ନୂଆପଡ଼ା : ସଦର ବ୍ଲକ ଖରିଆର ରୋଡ ସହରରେ ବେଆଇନ ନିଶା କାରବାର ଉପରେ ନୂଆପଡ଼ା ଅବକାରୀ ବିଭାଗ ଚଢାଉ । ଜଣେ ନିଶାଦ୍ରବ୍ୟ ବ୍ୟବସାୟୀକୁ ଗିରଫ କରିବା ସହ ୯୬ ବୋତଲ କଫ ସିରପ, ୨ ଶହ ଇଞ୍ଜେକ୍ସନ, ୩୮୬୬ ନିଶା ଟାବଲେଟ ଜବତ କରିଛି ଅବକାରୀ ବିଭାଗ ।
ଆଜି ଜୋଙ୍କ ଥାନା ଖରିଆର ରୋଡ ସହର ପଟେଲ ନଗରର ଏକ ଘରେ ବହୁ ନିଶାଦ୍ରବ୍ୟ ସାମଗ୍ରୀ ଗଚ୍ଛିତ ରହିଥିବା ନୂଆପଡା ଅବକାରୀ ବିଭାଗ ବିଶେଷ ସୂତ୍ରରୁ ଖବର ପାଇଥିଲା। ମଧ୍ୟାହ୍ନରେ ସଦର ଅତିରିକ୍ତ ତହସିଲଦାର ଜୟସେନ ଧରୁଆଙ୍କ ନେତୃତ୍ବରେ ଏକ ଅବକାରୀ ଟିମ ଖରିଆରରୋଡ ପଟେଲନଗରରେ ଚଢାଉ କରିଥିଲେ। ସେଠାରେ ୯୬ ବୋତଲ କଫ ସିରପ, ୨ ଶହ ଇଞ୍ଜେକ୍ସନ, ୩୮୬୬ ନିଶା ଟାବଲେଟ ଜବତ କରିବା ସହ ନିଶାଦ୍ରବ୍ୟ ବ୍ୟବସାୟୀ ଟୁନୁ ଅଗ୍ରୱାଲଙ୍କୁ ଗିରଫ କରିଥିଲା।
ସନ୍ଧ୍ୟାରେ ଅଧିକ ତଦନ୍ତ କରି ଟୁନୁଙ୍କୁ କୋର୍ଟ ଚାଲାଣ କରା ଯାଇଛି। ଜାମିନ ନାମଞ୍ଜୁର ହେବାରୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଥିବା ଅବକାରୀ ବିଭାଗ ସୂଚନା ଦେଇଛି। ଅବକାରୀ ଇନ୍ସପେକ୍ଟର ଇନ୍ଦ୍ରଜିତ ସାହୁ, ହୀରାବତି ଥାଟି, ଏଏସଆଇ ଗୁନ୍ଧ୍ରେଶ୍ବର ପଟେଲ, ସୋନା ମାଝି, କନେଷ୍ଟବଲ ଗିରେନ୍ଦ୍ର କଣ୍ଟା, ମଳୟ ମହାଲିଙ୍ଗ, ସଂଜିବ ସାହୁ, ମୁରଲୀଧର ଶବର, ପୂଣ୍ଣିର୍ମା କଅଁର, ରୀତାଂଜଳୀ ଶବର ପ୍ରମୁଖ ଉପସ୍ଥିତ ଥିଲେ।