ଉଜୈନ,୮।୩: ମଧ୍ୟ ପ୍ରଦେଶର ଉଜୈନରେ ପ୍ରବାହିତ ପବିତ୍ର ସିପ୍ରା ନଦୀ ଆଜିକାଲି କୌତୁହଳର ବିଷୟ ପାଲଟିଛି। ଏହି ନଦୀରେ ଗତ କିଛି ଦିନ ଧରି ଲଗାତାର ବିସ୍ଫୋରଣ ହେବାରେ ଲାଗିଛି, ଯେଉଁ କାରଣରୁ ସ୍ଥାନୀୟ ପ୍ରଶାସନ ସତର୍କ ହୋଇଯାଇଛି। କ୍ଷିପ୍ରା ନଦୀର ତ୍ରିବେଣୀ ଷ୍ଟାମ୍ପଡ୍ୟାମ୍ ପାଖରେ ତିଆରି ହୋଇଥିବା ଘାଟ ସାମନା ନଦୀରେ ବିସ୍ଫୋରଣ ହେଉଛି। ବିସ୍ଫୋରଣ ବେଳେ ନଦୀରୁ ନିଆଁ ଝୁଲ ଓ ଅଙ୍ଗାର ସହିତ ଧୂଆଁ ବାହାରୁଛି। ପ୍ରଥମ ବିସ୍ଫୋରଣ ୨୬ ଫେବୃଆରୀରେ ହୋଇଥିଲା ଏହାପରେ ପ୍ରତିଦିନ କିଛି ସମୟ ବ୍ୟବଧାନରେ ଏହି ବିସ୍ଫୋରଣ ହେଉଛି।
wp:html/wp:htmlउज्जैन के शिप्रा नदी में धमाके के बाद 10 फीट उछला पानी pic.twitter.com/cfSBDE2MXs
— NBTMadhyapradesh (@NBTMP) March 7, 2021
ନଦୀର ଯେଉଁ ସ୍ଥାନରେ ଏହି ବିସ୍ଫୋରଣ ହେଉଛି, ସେଠାରୁ କିଛି ଦୂରରେ ପୂର୍ଣ୍ଣିମା କିମ୍ବା ଅମାବାସ୍ୟା ସ୍ନାନ ହୋଇଥାଏ। ଏଭଳି ପରିସ୍ଥିତିରେ ବିସ୍ଫୋରଣ ପରେ ସ୍ଥାନୀୟ ଗାଁ ଲୋକ ଆତଙ୍କରେ ରହିଛନ୍ତି। ଏବେ ସେଠାରେ ଜଳ ସମ୍ପଦ ବିଭାଗର ଜଣେ କର୍ମଚାରୀଙ୍କୁ ମୁତୟନ କରିଦିଆଯାଇଛି। ସ୍ଥାନୀୟ ଜିଲ୍ଲାପାଳ ଆଶିଷ ସିଂ ମଧ୍ୟ ନଦୀର ସେହି ସ୍ଥାନକୁ ଗସ୍ତ କରିଛନ୍ତି, ଯେଉଁଠି ବିସ୍ଫୋରଣ ହେଉଛି। ଜିଲ୍ଲାପାଳ କହିଛନ୍ତି ଆମେ କିଛି କର୍ମଚାରୀଙ୍କୁ ଡ୍ୟୁଟିରେ ସେଠିକୁ ପଠାଇଥିଲୁ। ୫ ଦିନ ପୂର୍ବେ ୪-୫ ଥର ବିସ୍ଫୋରଣ ହୋଇସାରିଛି। କର୍ମଚାରୀମାନେ ବିସ୍ଫୋରଣର ଭିଡିଓ ତିଆରି କରିଛନ୍ତି। ବିଶେଷଜ୍ଞଙ୍କ କହିବା ଅନୁସାରେ, ଭୂଗର୍ଭରେ କୌଣସି ଅସୁବିଧା ହୋଇଥିବାର ଆଶଙ୍କା ରହିଛି। ଯେଉଁଥିପାଇଁ ମୁଁ ଜିଓଲୋଜିକାଲ ସର୍ଭେ ଅଫ୍ ଇଣ୍ଡିଆକୁ ଚିଠି ଲେଖିଛି।
