PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୋଣାର୍କ : ରୋଗ କଷ୍ଟ ସହିନପାରି ସ୍କୁଲ ହତାରେ ଆତ୍ମହତ୍ୟା କଲେ ବୃଦ୍ଧ
  • ||
  • ଭୁବନେଶ୍ଵର : ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୧୫୦କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୭୩୪ ପଜେଟିଭ୍
  • ||
  • ନୀଳଗିରି : ମାଡ଼ିଆସୁଛନ୍ତି ନୀଳଗିରି ଆଡକୁ ଝାଡ଼ଖଣ୍ଡ ହାତୀ, ଚାଷୀ ଆତଙ୍କିତ
  • ||
  • କଳାହାଣ୍ଡି : ପୋଖରୀରେ ବୁଡି ୨ ଶିଶୁ ମୃତ
  • ||
  • ଜଳେଶ୍ଵର : ବିପଦ ସଂକେତ ଉପରେ ପ୍ରବାହିତ ହେଉଛି ଜଳକା, ବନ୍ୟା ପାଣି ଘେରରେ ୧୦ରୁ ଉର୍ଦ୍ଧ୍ଵ ଗ୍ରାମ
  • ||
  • ଲମତାପୁଟ : ଅଟୋରୁ ୧୦ ଲକ୍ଷ ଟଙ୍କାର ଗଞ୍ଜେଇ ଜବତ, ଗାଡି ଛାଡି ୨ ମାଫିଆ ଫେରାର୍
  • ||

ନକଲି ଆର୍‌ଟିଓଙ୍କ ସମେତ ୪ ଗିରଫ: ଗାଡ଼ି ଅଟକାଉଥିଲେ, ଆଦାୟ କରୁଥିଲେ ଟଙ୍କା

କୋଇଡା,୮ା୨(ଆପ୍ର): ସୁନ୍ଦରଗଡ଼ ଜିଲ୍ଲା କୋଇଡ଼ା ଥାନା ଅନ୍ତର୍ଗତ ୨୧୫/୫୨୦ ନମ୍ବର ଜାତୀୟ ରାଜପଥର ରେଙ୍ଗାଲବେଡ଼ା ଠାରେ ଗାଡ଼ିଗୁଡ଼ିକୁ ଅଟକାଇ ଟଙ୍କା ଆଦାୟ କରୁଥିବା ନକଲି ଆରଟିଓଙ୍କ ସମେତ ୪ ଜଣଙ୍କୁ ପୁଲିସ୍‌ ଗିରଫ କରିଛି ।
ତିନି ଦିନ ହେଲା ପରିବହନ ବିଭାଗର କର୍ମଚାରୀଙ୍କ ଭଳି ୪ ଜଣ ଯୁବକ ନିଜକୁ ଆରଟିଓ ଏବଂ ଏମ୍‌ଭିଆଇର ପରିଚୟ ଦେଇ ବାହାରୁ ଆସୁଥିବା ମାଲବାହୀ ଟ୍ରକ୍‌ଗୁଡ଼ିକୁ ଅଟକାଉ ଥିଲେ ଓ କାଗଜପତ୍ର ଯାଞ୍ଚ କରୁଥିଲେ । ଚାଳକମାନଙ୍କୁ ଧମକଚମକ ଦେଇ ଟଙ୍କା ଦେବାକୁ କହୁଥିଲେ । ଚାଳକମାନେ ମଧ୍ୟ ଭୟରେ ସେମାନଙ୍କୁ ଟଙ୍କା ଦେଇ ରସିଦ ନେଉଥିଲେ । ବିଳମ୍ବିତ ରାତିରେ ଗାଡ଼ିଗୁଡ଼ିକୁ ଅଟକା ଯାଉଥିବାରୁ କେତେ ଚାଳକଙ୍କୁ ଏ ନେଇ ସନ୍ଦେହ ହୋଇଥିଲା । କିଛି ଚାଳକ ସାହସ କରି ଏହି ଯୁବକମାନଙ୍କୁ ଧରି ନିସ୍ତୁକ ମାଡ଼ ମାରିବା ସହ ସେମାନେ ଆସିଥିବା ସ୍କ୍ରର୍ପିଓର କାଚ ଭାଙ୍ଗି ଦେଇଥିଲେ । ଏ ନେଇ ପୁଲିସ୍‌କୁ ସୂଚନା ଦିଆଯାଇଥିଲା । ପୁଲିସ ପହଞ୍ଚି ଉକ୍ତ ଯୁବକମାନଙ୍କୁ ଧରି ଥାନାକୁ ଆଣିଥିଲେ । ଧରାପଡ଼ିଥିବା ଯୁବକମାନେ ହେଲେ ନକଲି ଆର୍‌ଟିଓ ଯାଜପୁରର ଶମ୍ଭୁନାଥ ଦାସ (୩୦), ଏମ୍‌ଭିଆଇ ରଞ୍ଜନ କୁମାର ଓଝା (୨୪), ଖୋର୍ଦ୍ଧା ନିବାସୀ ବସନ୍ତ କୁମାର ରାଉତରାୟ (୪୮) ଏବଂ କଟକର ଲକ୍ଷ୍ମୀଧର ପଣ୍ଡା (୩୯) । ସେମାନଙ୍କଠାରୁ ପୁଲିସ୍‌ ନଗଦ ୧୦ ହଜାର ୨୦୦ ଟଙ୍କା, ୪ଟି ମୋବାଇଲ, ଦୁଇଟି ବନ ବିଭାଗ ପୋଷାକ ଜବତ କରିଛି । ପୁଲିସ୍‌ ମାମଲା ରୁଜୁ କରି ଅଭିଯୁକ୍ତମାନଙ୍କୁ ବଣାଇଁ କୋର୍ଟକୁ ଚାଲାଣ କରିଛି ।