PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମ୍ବଲପୁର : ନାକଟିଦେଉଳରେ ଭାଲୁ ଆକ୍ରମଣରେ ୨ ଚାଷୀ ଗୁରୁତର
  • ||
  • Tokyo Olympics : ଭାରତକୁ ପ୍ରଥମ ପଦକ, ଭାରଉତ୍ତୋଳନରେ ମୀରାବାଈ ଚାନୁ ଜିତିଲେ ରୌପ୍ୟ ପଦକ
  • ||
  • ସମ୍ବଲପୁର : ହୀରାକୁଦ ଉପରମୁଣ୍ଡରେ ପ୍ରବଳ ବର୍ଷା, ଜଳଭଣ୍ଡାରକୁ ପ୍ରବେଶ କରୁଛି ୭୭ ହଜାର କ୍ୟୁସେକ ଜଳ, ପୁଣି ଗେଟ୍ ଖୋଲିବା ନେଇ ବାଜିଲା ସାଇରନ୍
  • ||
  • ଆନନ୍ଦପୁର : ଶାଳନ୍ଦୀ ନଦୀର ହଦଗଡ ଡ୍ୟାମରୁ ହୋମିଓପାଥି ଡାକ୍ତରୀ ଛାତ୍ରଙ୍କ ମୃତଦେହ ଉଦ୍ଧାର, ଦୁଇ ଦିନ ତଳୁ ଥିଲେ ନିଖୋଜ
  • ||
  • ଯାଜପୁର : ଘର ଭିତରୁ ଦମ୍ପତିଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ଝିଅ ଘର ଲୋକେ
  • ||
  • ତେଲକୋଇ : ନାଳରେ ଭାସିଗଲେ ଓରିଆ ପଞ୍ଚାୟତ ପୁରୁଣାପାଣି ପାଣି ଗାଁର ଗୁରଦେବ ନାୟକ
  • ||
  • ବାନ୍ଦୀପୋରା : ଆତଙ୍କବାଦୀ-ସୁରକ୍ଷାବାହିନୀ ମୁହାଁମୁହିଁ, ସେନା ଗୁଳିରେ ୨ ଆତଙ୍କବାଦୀ ସଫା
  • ||
  • ଟୋକିଓ ଟକ୍କର: ଭାରତୀୟ ପୁରୁଷ ହକି ଦଳର ଦମଦାର ବିଜୟ, ନ୍ୟୁଜିଲାଣ୍ଡକୁ ୩-୨ରେ ଦେଲା ମାତ୍‌
  • ||
  • ଚଣ୍ଡିଖୋଲ : କେନାଲରୁ ଯୁବକଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୪୪୫କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୬୪ ଜଣ କରୋନା ପଜିଟିଭ୍
  • ||
  • ପୁରୀ : ୨୯ ଦିନ ପରେ ରତ୍ନବେଦିକୁ ଫେରିଲେ ମହାବାହୁ, ଆଜି ମିଳିବ ନୀଳାଚଳ ଅବଢ଼ା
  • ||

ଜୟପୁରରେ ନକଲି ମସଲା କାରଖାନା ଠାବ

ଜୟପୁର,୧୭ା୧(ବ୍ୟୁରୋ): ଜୟପୁର ସହରରେ ନକଲି ଏଭ୍ରେଷ୍ଟ ମସଲା କାରଖାନା ଉପରେ ପୁଲିସ୍ ଚଢ଼ଉ । ଚଢ଼ଉ ବେଳେ ଜବତ ହୋଇଛି ୪ ବସ୍ତା ନକଲି ଏଭ୍ରେଷ୍ଟ ମସଲା । ଏଥିସହ ମସଲା ପ୍ୟାକିଂ ପାଇଁ ରହିଥିବା ବିଭିନ୍ନ ସାଇଜର ଡବା, କାର୍ଟୁନ ଏବଂ ଲେବଲ୍ ମଧ୍ୟ ଜବତ କରାଯାଇଛି । ଏହି କାରବାରରେ ସଂପୃକ୍ତ ଜଣେ ଯୁବକକୁ ଅଟକ ରଖାଯାଇଛି । ତା ନାଁ ହରିହର ପାତ୍ର(୪୦) । ଘର ଗଞ୍ଜାମ ଜିଲ୍ଲା ଦିଗପହଣ୍ଡି ନିକଟ ଭୀଷ୍ମଗିରିରେ ବୋଲି ପୁଲିସ୍ କହିଛି । ହରିହରର ସୂଚନା ମୁତାବକ, ମସଲା ପ୍ୟାକିଂ ଯନ୍ତ୍ର ରହିଛି ଜୟନଗର ଅଞ୍ଚଳରେ ।
ପ୍ରସାଦରାଓ ପେଟା ଅଞ୍ଚଳରେ ନକଲି ମସଲା କାରଖାନା ରହିଥିବା ବିଶ୍ୱସ୍ତ ସୂତ୍ରରୁ ଖବରପାଇଥିଲା ଟାଉନ୍ ପୁଲିସ୍ । ରାତି ପ୍ରାୟ ୮ଟାରେ ପୁଲିସ ସେଠାରେ ଚଢଉ କରିଥିଲା । ଚଢ଼ଉ ବେଳେ ଗୋଟିଏ ଘରେ ଏସବୁ ମସଲା ବଡ଼ ବଡ଼ ବସ୍ତାରେ ରହିଥିବା ଦେଖିବାକୁ ମିଳିଥିଲା । କେତେକ ମସଲାରେ ପୋକ ଲାଗିଯାଇଥିବା ଦେଖିବାକୁ ମିଳିଥିଲା । କାରବାରରେ ସଂପୃକ୍ତ ହରିହରକୁ ପୁଲିସ୍ ଅଟକ ରଖିଛି । ପ୍ରସାଦରାଓପେଟା ପରେ ଜୟନଗର ଅଞ୍ଚଳରେ ଥିବା ପ୍ୟାକିଂ ମେସିନ୍ ଉପରେ ଚଢ଼ଉ କରାଯିବ ବୋଲି ପୁଲିସ୍ କହିଛି । ହରିହର କହିଛି, ଏହି ମସଲା ବ୍ରହ୍ମପୁରର କୋଟେଶ୍ୱର ପାତ୍ର ନାମକ ବ୍ୟକ୍ତି ତା’ ପାଖକୁ ପଠାଇଥିଲେ । ମସଲା ସବୁକୁ ଭଲଭାବେ ରଖିବା ଲାଗି କହିଥିଲେ । ତେଣୁ ଏ ବିଷୟରେ ଅଧିକ କିଛି କହିପାରିବ ନାହିଁ ବୋଲି ପୁଲିସ୍ ଆଗରେ ସଫେଇ ଦେଇଛି ହରିହର । ଏହି କାରବାରର ଚେର ଗଞ୍ଜାମ ଜିଲ୍ଲା ପର୍ଯ୍ୟନ୍ତ ବ୍ୟାପିଥିବା ସ୍ପଷ୍ଟ ହୋଇଛି । ବ୍ରହ୍ମପୁରର କୋଟେଶ୍ୱର କିଏ ଏବଂ ଏହି କାରବାରରେ ତାଙ୍କର କିଭଳି ହାତ ରହିଛି, ସେ ସମ୍ପର୍କରେ ତନାଘନା ଚଳାଇଛି ପୁଲିସ୍ ।
ମିଳିଥିବା ସୂଚନା ଅନୁଯାୟୀ, ନକଲି ଲେବଲ ବ୍ୟବହାର କରାଯାଇ ଏଭରେଷ୍ଟ ମସଲାର ରୂପ ଦିଆଯାଉଥିଲା । ଏଠାରେ ପ୍ୟାକିଂ କରାଯାଇ ରାଜ୍ୟର ବିଭିନ୍ନ ସ୍ଥାନକୁ ଚାଲାଣ କରାଯାଉଥିଲା । ଏଥିରେ ଆଉ କେଉଁମାନେ ସଂପୃକ୍ତ, ତାହାର ତଦନ୍ତ ଚଳାଇଛି ପୁଲିସ୍ ।

ସମ୍ବନ୍ଧିତ ଖବର