PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କ୍ରୁଜ୍ ଡ୍ରଗ୍ସ ପାର୍ଟି ମାମଲା –ଅକ୍ଟୋବର ୩୦ ତାରିଖ ଯାଏ ଜେଲରେ ରହିବେ ଆର୍ୟନ ଖାନ୍ , ଆର୍ୟନଙ୍କ ହାଜତ ମିଆଦ ବୃଦ୍ଧ କଲେ ସ୍ୱତନ୍ତ୍ର ଏନ୍ସିବି କୋର୍ଟ
  • ||
  • ନଵମ ଓ ଦଶମ ଶ୍ରେଣୀ ପରୀକ୍ଷା ପଦ୍ଧତିରେ ପରିଵର୍ତ୍ତନ : ଵର୍ଷକୁ ୪ଟି ଫରମେଟିଭ୍ ଆସେସମେଣ୍ଟ ହେଵ
  • ||
  • କଳାହାଣ୍ଡି ମମିତା ମେହେର ହତ୍ୟା ମାମଲା – କେ ଗାଁ ଥାନା ଆଇଆଇସି ଡମୁ ପରଜା ନିଲମ୍ୱିତ , କର୍ତ୍ତବ୍ୟରେ ଅବହେଳା ପାଇଁ କାର୍ଯ୍ୟାନୁଷ୍ଠାନ ନେଲେ କଳାହାଣ୍ଡି ଏସ୍‌ପି
  • ||
  • ୩ ପ୍ରତିଶତ ବଢ଼ିଲା କେନ୍ଦ୍ରୀୟ କର୍ମଚାରୀଙ୍କ ମହଙ୍ଗା ଭତ୍ତା, ବୃଦ୍ଧି ପ୍ରସ୍ତାବକୁ କ୍ୟାବିନେଟର ମଞ୍ଜୁରୀ
  • ||
  • ପାଡ଼ୁଆ: ଜଙ୍ଗଲରୁ ପାଡ଼ୁଆ: ୮୦ ଲକ୍ଷ ଟଙ୍କାର ଗଞ୍ଜେଇ ଜବତ କଲା ପାଡୁଆ ଥାନା ପୋଲିସ, ଗଞ୍ଜେଇ ମାଫିଆଙ୍କୁ ଧରିବା ପାଇଁ ତଦନ୍ତ ଜାରି
  • ||
  • ବଲାଙ୍ଗୀର: ମମିତା ମେହେର ମର୍ଡର ମିଷ୍ଟ୍ରି, ଅଟକ ଜେସିବି ଡ୍ରାଇଭର ଗିରଫ କରିପାରେ ପୋଲିସ
  • ||
  • ରାୟଗଡ଼​‌: ଗୁଣି ଗାରେଡି ସନ୍ଦେହରେ ଟ୍ରିପଲ ମର୍ଡର ଘଟଣା, ୯ ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କଲେ ଜିଲ୍ଲା ଓ ଦୌରା ଜଜ ଅଦାଲତ
  • ||
  • ଭବାନୀପାଟଣା: ମମିତା ମେହର ହତ୍ୟା ଘଟଣାରେ ସିବିଆଇ ତଦନ୍ତ କରାଯାଉ : ସ୍ମୃତିରାଣୀ ପଟ୍ଟନାୟକ
  • ||
  • ଭୁବନେଶ୍ୱର: ଆଜିଠୁ ଯୁକ୍ତ ଦୁଇ ପ୍ରଥମ ବର୍ଷ ଛାତ୍ରଛାତ୍ରୀଙ୍କ କ୍ଲାସରୁମ ପାଠପଢ଼ା, ନଭେମ୍ୱର ପହିଲାରୁ ୟୁନିଫର୍ମ ବାଧ୍ୟତାମୂଳକ
  • ||
  • ପୁରୀ: ଆଜିଠୁ ସେବାୟତଙ୍କ ଡ୍ରେସ୍‌କୋଡ୍, ଶ୍ରୀମନ୍ଦିରରେ ପାରମ୍ପରିକ ବସ୍ତ୍ର ପରିଧାନ କରି ପ୍ରବେଶ କରିବେ ସେବକ
  • ||
  • ବଲାଙ୍ଗୀର: ଆଜି ବିଜେପି ପକ୍ଷରୁ ବଲାଙ୍ଗୀର ବନ୍ଦ ପାଳନ, ସକାଳ ୬ରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଯାତାୟତ ଠପ୍
  • ||
  • ଭୁବନେଶ୍ୱର: ଆଜି ଯୁକ୍ତ ୩ ସ୍ପଟ୍‌ ନାମଲେଖା ଆବେଦନ କପି ଦାଖଲ ଶେଷ, ୨୭ରୁ ନାମଲେଖା
  • ||
  • ଭୁବନେଶ୍ୱର: ଆଜିଠୁ ଶୁଖିଲା ପାଗ, ୨୩ ସୁଦ୍ଧା ସମ୍ପୂର୍ଣ୍ଣ ରୂପେ ଫେରିଯିବ ମୌସୁମୀ ବାୟୁ
  • ||

ଭାରତରେ ପିଲାଙ୍କ ଟ୍ୟୁସନରେ ଖର୍ଚ୍ଚ ହେଉଛି ୨୫ ହଜାର କୋଟି

ନୂଆଦିଲ୍ଲୀ ୦୯/୦୮: ଭାରତରେ ଅଭିଭାବକମାନେ ପିଲାଙ୍କ ଘରୋଇ ଟ୍ୟୁସନ ପାଇଁ ବର୍ଷକୁ ପ୍ରାୟ ୨୫,୦୦୦ କୋଟି ଟଙ୍କା ବ୍ୟୟ କରୁଛନ୍ତି । ୨୦୧୭-୧୮ ମସିହା ପାଇଁ ଶିକ୍ଷାବ୍ୟବସ୍ଥା ଉପରେ ନ୍ୟାସନାଲ ଷ୍ଟାଟିଷ୍ଟିକାଲ ଅଫିସ ଦ୍ୱାରା କରାଯାଇଥିବା ଏକ ସର୍ଭେ ଏବଂ କେନ୍ଦ୍ର ସରକାରଙ୍କ ଦ୍ୱାରା ପ୍ରସ୍ତୁତ ଏକ ରିପୋର୍ଟରୁ ଏହା ସ୍ପଷ୍ଟ ହୋଇଛି ।

ଏହି ରିପୋର୍ଟରେ କୁହାଯାଇଛି କି, ଉପରୋକ୍ତ ସର୍ଭେରେ କଲେଜ ସ୍ତରରେ ପ୍ରବେଶିକା ପରୀକ୍ଷା ଦେବା ପାଇଁ ପିଲାମାନଙ୍କୁ ଦିଆଯାଉଥିବା କୋଚିଂକୁ ସ୍ଥାନିତ କରାଯାଇନାହିଁ । କେବଳ ସ୍କୁଲରେ ପଢ଼ିବା ସମୟରେ ପିଲାମାନଙ୍କ ଘରୋଇ ଟ୍ୟୁସନ ପାଇଁ କରାଯାଉଥିବା ବ୍ୟୟକୁ ବିଚାରକୁ ନିଆଯାଇଛି । ସ୍କୁଲ ଶିକ୍ଷା ଏବଂ ସାକ୍ଷରତା ବିଭାଗ ପାଇଁ କେନ୍ଦ୍ର ସରକାର ଦେଇଥିବା ବାର୍ଷିକ ଅନୁଦାନ ୫୯,୮୪୫ କୋଟି ଟଙ୍କାର ଏକ ତୃତୀୟାଂଶ ଠାରୁ ବି ଟ୍ୟୁସନ ବାବଦ ବ୍ୟୟ ଅଧିକ ହେଉଛି।

ପ୍ରାଥମିକ, ମାଧ୍ୟମିକ ଏବଂ ଉଚ୍ଚ ମାଧ୍ୟମିକ ସ୍ତରରେ ପିଲାମାନଙ୍କ ଟ୍ୟୁସନ ପାଇଁ ଅଭିଭାବକମାନେ ୬,୦୦୦ କୋଟି ଲେଖାଏଁ ଖର୍ଚ୍ଚ କରୁଥିଲାବେଳେ ଉଚ୍ଚ ପ୍ରାଥମିକ ସ୍ତରରେ ଟ୍ୟୁସନ ପାଇଁ ୫,୪୦୦ କୋଟି ଟଙ୍କା ବ୍ୟୟ କରୁଛନ୍ତି । ମାଧ୍ୟମିକ ସ୍ତରରେ ସବୁଠାରୁ ଅଧିକ ୩୦% ଘରୋଇ ଟ୍ୟୁସନ ହେଉଥିଲାବେଳେ ପ୍ରତି ପିଲା ପାଇଁ ଅଭିଭାବକମାନେ ବର୍ଷକୁ ହାରାହାରି ୧୬୩୨ ଟଙ୍କା ବ୍ୟୟ କରୁଛନ୍ତି । ଉଚ୍ଚ ମାଧ୍ୟମିକ ସ୍ତରରେ ପ୍ରତି ପିଲା ପାଇଁ ବାର୍ଷିକ ହାରାହାରି ୨୫୧୬ ଟଙ୍କା ବ୍ୟୟ କରାଯାଉଛି । ଉଚ୍ଚ ପ୍ରାଥମିକ ସ୍ତରରେ ପ୍ରତି ପିଲା ପାଇଁ ହାରାହାରି ୮୪୫ ଟଙ୍କା ଏବଂ ପ୍ରାଥମିକ ସ୍ତରରେ ପ୍ରତି ପିଲା ପାଇଁ ୫୦୨ ଟଙ୍କା ବ୍ୟୟ କରାଯାଉଛି । ଭାରତରେ ଅଭିଭାବକମାନେ ସ୍କୁଲ ଶିକ୍ଷା ପାଇଁ ବର୍ଷକୁ ମୋଟ ୧.୯ ଲକ୍ଷ କୋଟି ଟଙ୍କା ଖର୍ଚ୍ଚ କରୁଛନ୍ତି । ଏହାର ଅଧା ଅର୍ଥ ସ୍କୁଲ ଫି’ ଆକାରରେ ଦିଆଯାଉଛି । ଏହାର ୨୦% ରୁ ସାମାନ୍ୟ ଅଧିକ ଅର୍ଥ ବହି କିଣିବା ପାଇଁ ଉପଯୋଗ କରାଯାଉଛି ।

ସମ୍ବନ୍ଧିତ ଖବର