PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଓମିକ୍ରନ୍ ଭୟ : ତାମିଲନାଡୁର ଏକ ସ୍କୁଲ୍‌ରେ କରୋନା ଆତଙ୍କ , ୨୫ ପିଲାଙ୍କୁ କୋଭିଡ୍‌ ପଜିଟିଭ୍
  • ||
  • ୨୯ ଦେଶକୁ ମାଡ଼ି ଗଲାଣି ଓମିକ୍ରନ୍ – ପ୍ରେସମିଟ୍‌ରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ସୂଚନା
  • ||
  • ଭାରତରେ ଓମିକ୍ରନ ,କର୍ଣ୍ଣାଟକରୁ ଚିହ୍ନଟ ହେଲେ ୨ ଓମିକ୍ରନ ଆକ୍ରାନ୍ତ , ପ୍ରେସ୍‌ମିଟ୍‌ରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ସୂଚନା
  • ||
  • ତେଲେଙ୍ଗାନାରେ ଚିହ୍ନଟ ହୋଇନି ଓମିକ୍ରନ , ଏ ନେଇ ଖବରକୁ ଖଣ୍ଡନ କଲା ତେଲେଙ୍ଗାନା ସ୍ୱାସ୍ଥ୍ୟ ବିଭାଗ । ବ୍ରିଟେନ୍‌ ଫେରନ୍ତା ମହିଳା କୋଭିଡ୍‌ ପଜିଟିଭ ଚିହ୍ନଟ
  • ||
  • ଭାରତରେ ପ୍ରଥମ ଓମିକ୍ରନ ଭାରିଆଣ୍ଟ ଚିହ୍ନଟ , ତେଲେଙ୍ଗାନାରୁ ଓମିକ୍ରନ୍‌ ଭାରିଆଣ୍ଟ ଆକ୍ରାନ୍ତ ଚିହ୍ନଟ , ଆକ୍ରାନ୍ତ ମହିଳାଙ୍କର ବୟସ ୩୫ ବର୍ଷ , ଇଂଲଣ୍ଡରୁ ଫେରିଥିଲେ ସଂପୃକ୍ତ ମହିଳା
  • ||
  • କଟକ: ଗାଡ଼ି ଟଣା ବେଳେ ଫାଇନାନ୍ସ କମ୍ପାନି କର୍ମଚାରୀ ଉପରକୁ ବ୍ଲାଙ୍କ ଫାଇରିଙ୍ଗ୍ ଘଟଣା, ଦୁଇ ଅଭିଯୁକ୍ତକୁ ଧରିବା ପାଇଁ କଟକ ପୋଲିସ ଟିମ୍ ଗଞ୍ଜାମରେ
  • ||
  • ଅମ୍ବାଦଳା: ୮ ଲକ୍ଷରୁ ଉର୍ଦ୍ଧ୍ବ ଟଙ୍କାର ଗଞ୍ଜେଇ ଜବତ, ବାଇକ ସହ ୩ ଗିରଫ
  • ||
  • ବ୍ରହ୍ମପୁର: ବିଶିଷ୍ଟ ସିପିଏମ୍ ନେତା ବସନ୍ତ ନନ୍ଦଙ୍କ ହୃଦଘାତରେ ବିୟୋଗ
  • ||
  • ରାୟଗଡା: ୩ ବର୍ଷ ଅଙ୍ଗନବାଡି ଚାକିରି କରିବା ପରେ ଚାକିରିରୁ ବାହାର କରାଯାଇଥିବା ଅଭିଯୋଗ
  • ||
  • କାଶୀପୁର: ହାତଗୁଞ୍ଜା ବିନା ଘୁଞ୍ଚୁନି ଫାଇଲ, ପ୍ରାପ୍ୟ ପାଇବାରେ ହଇରାଣ ଅବସର ଶିକ୍ଷକ
  • ||
  • ପାପଡାହାଣ୍ଡି: ମହୁ ମାଛି ଆକ୍ରମଣରେ ବୃଦ୍ଧ ଗୁରୁତର!
  • ||
  • ସୁନ୍ଦରଗଡ଼: କୋଇଡାରେ ଥମୁନି ହାତୀ ଉପଦ୍ରବ, ଘରେ ଶୋଇଥିବା ବେଳେ ଟାଣି ଦଳି ଦେଲା ଦନ୍ତା, ଘଟଣା ସ୍ଥଳରେ ବୃଦ୍ଧଙ୍କ ଉଡିଗଲା ପ୍ରାଣ ବାୟୁ
  • ||
  • ଭୁବନେଶ୍ୱର: ବିଧାନସଭାର ଶୀତକାଳୀନ ଅଧିବେଶର ଦ୍ବିତୀୟ ଦିନ, ଆରମ୍ଭରୁ ବିରୋଧୀଙ୍କ ହୋହଲ୍ଲା ଓ ହଟ୍ଟଗୋଳ, ୪ ଯାଏଁ ଗୃହ ମୁଲତବୀ
  • ||
  • ଭୁବନେଶ୍ୱର: ୧୨ ଘଣ୍ଟାରେ ଅବପାତ, ୨୪ ଘଣ୍ଟା ମଧ୍ୟରେ ବାତ୍ୟା ରପୂ ନେବ ସମ୍ଭାବନା
  • ||
  • ଭୁବନେଶ୍ୱର: ରାଜ୍ୟରେ ଆଉ ୨ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୧୫କୁ ବୃଦ୍ଧି
  • ||
  • ଭୁବନେଶ୍ଵର: ୨୪ ଘଣ୍ଟାରେ ୨୫୨ କୋଭିଡ୍ ପଜିଟିଭ୍ ଚିହ୍ନଟ, ଆକ୍ରାନ୍ତଙ୍କ ସଂଖ୍ୟା ୧୦୪୯୫୯୭ ଜଣକୁ ବୃଦ୍ଧି
  • ||
  • ନୂଆଦିଲ୍ଲୀ:୨୩ ରାଷ୍ଟ୍ରକୁ ବ୍ୟାପିଲା ଓମ୍ରିକନ୍, ଆନ୍ତର୍ଜାତିକ ବିମାନ ଉଡାଣ ସ୍ଥଗିତ
  • ||
  • ସୋର: ମନ୍ଦିରରୁ ଲକ୍ଷାଧିକ ଟଙ୍କାର ସୁନା ଓ ରୂପା ଗହଣା ଚୋରି
  • ||
  • କୋକସରା: ବିଦ୍ୟୁତ ସଂଯୋଗ ପାଇଁ ରାସ୍ତା ଅବରୋଧ କଲେ ଗ୍ରାମବାସୀ
  • ||
  • କନ୍ଧମାଳ: ପେଟ୍ରୋଲ ପମ୍ପକୁ ତେଲ ପକାଇବା ଆସିଥିବା ଗାଡ଼ିରୁ ମୋବାଇଲ ଚୋରି
  • ||

ନବ ନିର୍ମାଣର ଚାଷୀ ସମାବେଶ ଭଣ୍ଡୁର, ଦେଢ଼ ହଜାର ଚାଷୀ ଅଟକ

source:http://www.asianage.com

ଭୁବନେଶ୍ୱର,୬ା୨(ବ୍ୟୁରୋ): ଚାଷୀଙ୍କ ପାଇଁ ରାଜଧାନୀ ମନା । ନବନିର୍ମାଣର ଚାଷୀ ସମାବେଶକୁ ପୁଣି ଥରେ ଭଣ୍ଡୁର କରିଛି ପୁଲିସ । ପୂର୍ବ ଅପେକ୍ଷା ଏଥର ଅଧିକ ସଂଗଠିତ ହୋଇ ପୁଲିସ୍‌ ଚାଷୀଙ୍କୁ ରୋକିବାରେ ସଫଳ ହୋଇଛି । ରେଳଷ୍ଟେସନ ଓ ଲୋୟର ପିଏମ୍‌ଜିରୁ ଏକ ହଜାରରୁ ଅଧିକ ଚାଷୀଙ୍କୁ ଉଠାଇ ନେଇଛି । ଏପରିକି ଏନ୍‌ଏଚ୍‌-୧୬ରେ ବସ୍‌, ଟ୍ରକକୁ ଜବରଦସ୍ତି ଅଟକାଇ ସହର ଭିତରକୁ ସେମାନଙ୍କୁ ବାଟ ଛାଡିନି । ଆନ୍ଦୋଳନକୁ ଆସିଥିବା ପାଖାପାଖି ଦେଢ଼ ହଜାରରୁ ଅଧିକ ଚାଷୀଙ୍କୁ ପୁଲିସ ଅଟକ ରଖିଛି । ବିନା ଅନୁମତିରେ ଚାଷୀଙ୍କ ଏଭଳି ଆଇନ୍‌ ଅମାନ୍ୟ ଆନ୍ଦୋଳନରେ ଏକରକମର ରୋକ୍‌ ଲଗାଇଛି ପୁଲିସ ।
ପ୍ରାଇସ୍‌, ପ୍ରେଷ୍ଟିସ୍‌ ଓ ପେନ୍‌ସନ୍‌କୁ ପ୍ରସଙ୍ଗ କରି ଆଜି ମହାସମାବେଶର ଡାକରା ଦେଇଥିଲା ନବ ନିର୍ମାଣ କୃଷକ ସଂଗଠନ । ସକାଳୁ ଶହ ଶହ ସଂଖ୍ୟାରେ ଚାଷୀ ରାଜଧାନୀକୁ ଆସିବା ଆରମ୍ଭ କରିଥିଲେ । ସେପଟେ ପୁଲିସ ସବୁ ଦିଗରୁ ଚାଷୀଙ୍କ ବାଟ ବନ୍ଦ ପାଇଁ ପ୍ରସ୍ତୁତି କରିଥିଲା । ତମାଣ୍ଡୋ, ହଂସପାଳ ଛକରେ ପୁଲିସ ଜଗି ରହି ଏନ୍‌ଏଚ୍‌ରେ ରାଜଧାନୀକୁ ଆସୁଥିବା ଗାଡି଼ଗୁଡିକୁ ଅଟକାଇଥିଲା । ଚାଷୀମାନଙ୍କୁ ଗାଡିରୁ ଖୋଜି ବାହାର କରି ଅଟକ ରଖିଥିଲା । ଆଠଗଡ, ଢ଼େଙ୍କାନାଳ, ଅନୁଗୁଳ ଓ କଟକ ଆଡୁ ଆସୁଥିବା ଶତାଧିକ ଚାଷୀଙ୍କୁ ତ୍ରିଶୁଳିଆ ବ୍ରିଜ୍‌ଠାରେ ଅଟକାଯାଇଥିଲା ।
ପୁଲିସକୁ ଚକ୍‌ମା ଦେଇ ଶତାଧିକ ଚାଷୀ ଧାରଣାସ୍ଥଳରେ ପହଞ୍ଚି ଧାରଣା ଦେଇଥିଲେ । ସେଠାରୁ ପୁଲିସ ସମସ୍ତ ଚାଷୀଙ୍କୁ ଉଠାଇ ନେଇଥିଲା । ହଜାରରୁ ଅଧିକ ଚାଷୀ ଟ୍ରେନ୍‌ ଯୋଗେ ଆସି ରେଳଷ୍ଟେସନରେ ଧାରଣା ଦେଇଥିଲେ । ଗିରଫ କରିବା ବେଳେ ସେମାନଙ୍କ ଆକ୍ରୋଶର ଶିକାର ହୋଇଥିଲା ପୁଲିସ । ଚାଷୀମାନେ କିଛି ପୁଲିସଙ୍କୁ ଘେରିଯାଇ ପିଟିଥିଲେ । ପରେ ଅଧିକ ଫୋର୍ସ ଆସି ଜଣ ଜଣ ସମସ୍ତ ଚାଷୀଙ୍କୁ ଷ୍ଟେସନରୁ ଗିରଫ କରିବା ପରେ ପରିସ୍ଥିତି ଥମିଥିଲା । ତଥାପି ଶତାଧିକ ଚାଷୀ ଏବେ ବି ଝାରପଡା ପଡିଆରେ ଅନଶନରେ ବସିଛନ୍ତି ।
ସଂଗଠନର ଆଭିମୁଖ୍ୟକୁ ନେଇ ମୁହଁ ଖୋଲିଛନ୍ତି କୃଷି ମନ୍ତ୍ରୀ ଶଶିଭୂଷଣ ବେହେରା । ସେ କହିଛନ୍ତି, ଚାଷୀଙ୍କ ସମସ୍ୟାକୁ ନେଇ ସରକାର ସମ୍ବେଦନଶୀଳ ଅଛନ୍ତି । ଚାଷୀମାନେ ଉପକୃତ ହେଲା ଭଳି ବିଭିନ୍ନ ହିତକର ଯୋଜନା ପ୍ରଣୟନ କରୁଛନ୍ତି । ସଂଗଠନର ଦାବିଗୁଡିକୁ ନେଇ ଆଲୋଚନା ଚାଲିଛି । ସଦସ୍ୟମାନେ ନିଜ ମାନସିକତାରେ ପରିବର୍ତ୍ତନ ଆଣନ୍ତୁ । ସବୁବେଳେ ଆନ୍ଦୋଳନର ପନ୍ଥା ଆପଣାନ୍ତୁ ନାହିଁ ।
ପୁଲିସର କଡ଼ା ପଦକ୍ଷେପରେ ଅର୍ଥନୈତିକ ଅବରୋଧ ଆନ୍ଦୋଳନ ଭଳି ସଂଗଠନର ଧମକ ପାଣି ଫୋଟକା ଭଳି ମିଳାଇଯାଇଛି । ଚାଷୀନେତା ତଥା ସଂଗଠନ ସଂଯୋଜକ ଅକ୍ଷୟ କୁମାରଙ୍କୁ ଯାଜପୁର, ଶେଷଦେବଙ୍କୁ ଖୋର୍ଦ୍ଧାରୁ ପୁଲିସ ଗିରଫ କରିଛି । ସଂଗ୍ରାମ କେଶରୀ ମଲ୍ଲିକଙ୍କୁ କେନ୍ଦୁଝରରୁ, ମହେଶ୍ୱର ଜେନାଙ୍କୁ ନୟାଗଡରୁ ଓ ଉମାକାନ୍ତ ଭରତଙ୍କୁ ତମାଣ୍ଡୋରୁ ଅଟକ ରଖାଯାଇଛି । କଟକ, ଖୋର୍ଦ୍ଧା, ଚଣ୍ଡିଖୋଲ, ଅନୁଗୁଳୁ, ଢ଼େଙ୍କାନାଳ, କେନ୍ଦୁଝରରେ ମଧ୍ୟ ସଂଗଠନର ଆନ୍ଦୋଳନ ଚାଲିଥଲା । ସେଠାରୁ ଧାରଣାରତ ଚାଷୀଙ୍କୁ ଗିରଫ କରାଯାଇଛି । ସଂଗଠନର ଆଗାମୀ କାର୍ଯ୍ୟାକଳାପ ଉପରେ ପୁଲିସ ତୀକ୍ଷ୍ମ ନଜର ରଖିଛି ।
ପୁଲିସ କମିଶନର ସତ୍ୟଜିତ ମହାନ୍ତି କହିଛନ୍ତି, ସଂଗଠନ ବିଗତ ଦିନରେ ଏକାଧିକ ଥର ରାସ୍ତାରୋକ ଭଳି ଆଇନ୍‌ ଅମାନ୍ୟ ଆନ୍ଦୋଳନ କରିଛି । ୩ ତାରିଖରେ ଆଲୋଚନାକୁ ଡକାଯିବା ସତ୍ତେ୍ୱ କେହି ଜଣେ ବି ଆସିନଥିଲେ । ପୂର୍ବ ରେକର୍ଡ ଯୋଗୁଁ ଧାରଣାସ୍ଥଳରେ ଆନ୍ଦୋଳନ ପାଇଁ ଅନୁମତି ଦିଆଯାଇନଥିଲା ।
ସୂଚନାଯୋଗ୍ୟ, ୨୦୧୬ ଡିସେମ୍ବର ୧୧ ତାରିଖରେ ସଂଗଠନ ଆଇନ୍‌ ଅମାନ୍ୟ ଆନ୍ଦୋଳନ ଡାକରା ଦେଇଥିଲା । ହଜାର ହଜାର ସଂଖ୍ୟାରେ ଚାଷୀ ଚାରିଆଡୁ ରାଜଧାନୀ ମୁହାଁ ହୋଇଥିଲେ । ପୁଲିସ ସେମାନଙ୍କୁ ସହରରେ ପୁରାଇ ଦେଇନଥିଲା । ରସୁଲଗଡ, ଖଣ୍ଡଗିରିଠାରେ ଚାଷୀମାନଙ୍କୁ ଗିରଫ କରାଯାଇଥିଲା । ଗତବର୍ଷ ନଭେମ୍ବର ୪ରେ ମଧ୍ୟ ଏକ ବିରାଟ ପଦଯାତ୍ରା ଆୟୋଜନ କରିଥିଲା ସଂଗଠନ । ୨୦ ହଜାରରୁ ଅଧିକ ଚାଷୀ କୁଆଖିଆ ଓ ବାଲୁଗାଁରୁ ଆସି ରାଜଧାନୀ ଉପକଣ୍ଠ (ତମାଣ୍ଡୋ, ହଂସପାଳ)ରେ ଠୁଳ ହୋଇଥିଲେ । ସେଠାରେ ହିଁ ପୁଲିସ ସେମାନଙ୍କ ବାଟ ଜଗିଥିଲା । ଜଣେ ବି ଚାଷୀଙ୍କୁ ସହର ଭିତରକୁ ପୂରାଇ ଦେଇନଥିଲା । ଜାନୁଆରୀ ୭ ତାରିଖରେ ମଧ୍ୟ ସଂଗଠନ ପକ୍ଷରୁ ରାଜଭବନ ସାମ୍ନାରେ ପ୍ରତୀକାତ୍ମକ ଧାରଣା ଦିଆଯାଇଥିଲା ।