ହାଇଦ୍ରାବାଦ ଗଣଦୁଷ୍କର୍ମ: ଏନକାଉଣ୍ଟରର ୨୦ ଦିନ ପରେ ବଡ଼ ଦୁର୍ଘଟଣା, ନିହତ ଅଭିଯୁକ୍ତର ବାପାଙ୍କୁ ଧକ୍କା ଦେଲା ଦ୍ରୁତ ଗତିରେ ଆସୁଥିବା କାର

ହାଇଦ୍ରାବାଦ, ୨୮।୧୨: ତେଲେଙ୍ଗାନାର ରାଜଧାନୀ ହାଇଦ୍ରାବାଦରେ ଭେଟନାରୀ ଡାକ୍ତରଙ୍କୁ ଗଣଦୁଷ୍କର୍ମ ଓ ହତ୍ୟା ମାମଲା ଏବେ ବି ସାରା ଦେଶରେ ଚର୍ଚ୍ଚାରେ ରହିଛି। ଏହି ମାମଲାର ୪ ଅଭିଯୁକ୍ତଙ୍କ ଭିତରୁ ଜରେ ଅଭିଯୁକ୍ତର ବାପାକୁ ଗୁରୁବାର ନାରାୟଣପେଟା ଜିଲ୍ଲାରେ ଦ୍ରୁତ ଗତିରେ ଆସୁଥିବା କାର ଧକ୍କା ଦେଇଥିଲା। କୋମାରିୟା(୪୮ ବର୍ଷ)ଚେନ୍ନାକେଶାବୁଲର ବାପା, ଯିଏକୀ ୬ ଡିସେମ୍ବରରେ ପୋଲିସ ଏନକାଉଣ୍ଟରରେ ନିହତ ହୋଇଥିଲା।

ପୋଲିସର କହିବା ଅନୁସାରେ, କୋମାରିୟା ନିଜର ବାଇକରୁ ରାତି ପ୍ରାୟ ୮ଟା ୧୦ ମିନିଟରେ ଘରକୁ ଫେରୁଥିବା ବେଳେ ଦ୍ରୁତ ଗତିରେ ଆସୁଥିବା ଏକ କାର ଧକ୍କା ଦେଇଥିଲା। ଦୁର୍ଘଟଣା ଏତେ ଯୋରରେ ହୋଇଥିଲା ଯେ, ବାଇକ୍ ବହୁ ଦୂରକୁ ଖସିକି ଚାଲିଯାଇଥିଲା। ଏହି ଦୁର୍ଘଟଣାରେ କୋମାରିୟାଙ୍କ ମୁଣ୍ଡ ଓ ଡାହଣ ପାଦରେ ଆଘାତ ଲାଗିଥିଲା। ଏହାପରେ କୋମାରିୟାଙ୍କୁ ନିକଟସ୍ଥା ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା।  ସ୍ବାସ୍ଥ୍ୟବସ୍ଥା ଅଧିକ ଗୁରୁତର ହେବା କାରଣରୁ ହାଇଦ୍ରାବାଦର ନିଜାମ ଇନଷ୍ଟିଚ୍ୟୁଟ୍ ଅଫ୍ ମେଡିକାଲା ସାଇନ୍ସ ହସ୍ପିଟାଲରେ ଭର୍ତ୍ତି କରାଯାଇଥିଲା।

ଏହି ଘଟଣାର ତଦନ୍ତ  ପୋଲିସ  ଆରମ୍ଗ କରିଛି। ମିଳିଥିବା ସୂଚନା ଅନୂସାରେ, ଯେଉଁ କାରଣ ଧକ୍କା ଦେଇଥିଲା ସେଥିରେ ୭ ଜଣ ମହିଳା ଥିଲେ। ଏହି ସମସ୍ତେ ମେହବୁବାନଗରରୁ କର୍ଣ୍ଣାଟକର ଦେବସୁଗୁରରେ ଏକ ମନ୍ଦିର ଦର୍ଶନ କରି ଫେରୁଥିଲେ। କାରକୁ ଅଚନ୍ନା ନାମକ ଜଣେ ବ୍ୟକ୍ତି ଚଲାଉଥିଲା, ଯିଏକି ମେହବୁବନଗରର ଟଙ୍କରା ଗାଁର ସରପଞ୍ଚ ଅଟନ୍ତି। ଅଭିଯୁକ୍ତ ଡ୍ରାଇଭର ବିରୋଧରେ ଧାରା ୩୩୭ (ଅନ୍ୟର ଜୀବନ ବିପଦରେ ପକାଇବା) ଅନୁସାରେ ମାମଲା ରୁଜୁ କରାଯାଇଥିଲା।