PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମ୍ବଲପୁର: ସମ୍ବଲପୁର କୋର୍ଟ ପରିସରରେ ହତ୍ୟା ଘଟଣା,ହତ୍ୟାକାରୀ ରମେଶ କୁମ୍ଭାରଙ୍କୁ ଆଜୀବନ କାରାଦଣ୍ଡା,
  • ||
  • ବୁର୍ଲା ଭିସୁଟ୍ ଆଣ୍ଟିଜେନ୍ କିଟ୍ ପ୍ରସଙ୍ଗ , ଓସ୍କାର ମେଡିକେୟାର କମ୍ପାନୀକୁ କାରଣ ଦର୍ଶାଅ ନୋଟିସ୍ ଜାରି କଲା ରାଜ୍ୟ ଔଷଧ ନଗମ , ୭୨ ଘଣ୍ଟା ମଧ୍ୟରେ ଜବାବ ଦେବାକୁ ନିର୍ଦ୍ଦେଶ
  • ||
  • ଅନ୍ତର୍ଜାତୀୟ ମୂର୍ତ୍ତି ଚୋର ଗିରଫ , ୫ଟି ଅଷ୍ଟଧାତୁ ମୂର୍ତ୍ତି ଜବତ କରାଯାଇଛି, ବାଣପୁର ଦକ୍ଷ ପ୍ରଜାପତି ମନ୍ଦିରରୁ ୨୭ଟି ମୂର୍ତ୍ତି ରୋରୀ ହୋଇଥିଲା
  • ||
  • ସମ୍ବଲପୁର : ସମ୍ବଲପୁର କୋର୍ଟ ପରିସରରେ ହତ୍ୟା ଘଟଣା, ହତ୍ୟାକାରୀ ରମେଶ କୁମ୍ଭାରଙ୍କୁ ଆଜୀବନ କାରାଦଣ୍ଡାଦେଶ
  • ||
  • ରାୟଗଡା : ୧୦ କି.ମି ବୁହା ହୋଇ ମେଡିକାଲ ଆସିଲେ ମୁନିଗୁଡା ବ୍ଲକ ଉଚେତପାରୁ ଗ୍ରାମର ଜଣେ ରୋଗୀ
  • ||
  • କଟକ : ଆଦର୍ଶ ବିଦ୍ୟାଳୟ ପ୍ରବେଶିକା ପରୀକ୍ଷା ପାଇଁ ବୋର୍ଡରୁ ବିଭିନ୍ନ ଜିଲ୍ଲା ଅଧିକାରୀଙ୍କ ନିକଟକୁ ଗଲା ପ୍ରଶ୍ନପତ୍ର
  • ||
  • ବହୁ ଚର୍ଚ୍ଚିତ ଅଞ୍ଜନା ମିଶ୍ର ଗଣଦୁଷ୍କର୍ମ ମାମଲା – ଗିରଫ ଅଭିଯୁକ୍ତ ବିବନ ବିଶ୍ୱାଳର TI ପରେଡ ପାଇଁ ଆବେଦନ , CBI ପକ୍ଷରୁ ସିବିଆଇର ସ୍ପେଶାଲ ସିଜେଏମ୍‌ କୋର୍ଟରେ ଆବେଦନ
  • ||
  • ଆଠଗଡ଼ : କୋଭିଡ୍ କଟକଣାରେ ହେବ ଧବଳେଶ୍ୱରଙ୍କର ଜାଗର ଯାତ୍ରା, ପରିସ୍ଥିତିକୁ ଦୃଷ୍ଟିରେ ରଖି ସାଧାରଣ ଦର୍ଶନ ନେଇ ନିଷ୍ପତ୍ତି ନିଆଯିବ , ଆଠଗଡ଼ ଉପ ଜିଲ୍ଲାପାଳ ଅଜାମ୍ୱର ମହାନ୍ତିଙ୍କ ସୂଚନା
  • ||
  • ନୀଳଗିରି : ନୀଳଗିରି କଲେଜର ପର୍ଯ୍ୟଟନ ଓ ଆତିଥ୍ୟତା ବିଭାଗରେ ପରୀକ୍ଷା ଫଳ ପ୍ରକାଶରେ ଅହେତୁକ ବିଳମ୍ବ, ୭ ଦିନ ଭିତରେ କାର୍ଯ୍ୟାନୁଷ୍ଠାନ ନହେଲେ ଆତ୍ମାହୁତି ଦେବାକୁ ଛାତ୍ରଛାତ୍ରୀଙ୍କ ଚେତାବନୀ
  • ||
  • ଅନୁଗୁଳ : ନାଲକୋନଗର ଥାନା ଗୋପିନାଥପୁର ଗାଁ ପାଖ ଆମ୍ବତୋଟାରୁ ଅର୍ଦ୍ଧଦଗ୍ଧ ମୃତଦେହ ଉଦ୍ଧାର, ହତ୍ୟା ସନ୍ଦେହ, ୧୯ ତାରିଖରୁ ନିଖୋଜ ଥିଲେ ସୁଶାନ୍ତ ରାଉଳ
  • ||
  • ସମ୍ବଲପୁର: ଭାଲୁପାଲିରେ ଅଜଣା ଗାଡି ଧକ୍କାରେ ମହିଳା ମୃତ୍ୟୁ, ମିଳିନି ପରିଚୟ
  • ||
  • ଅନୁଗୁଳ: ନିଖୋଜ ବ୍ୟକ୍ତିଙ୍କ ଅର୍ଦ୍ଧ୍ବଦଗ୍ଧ ମୃତଦେହ ଉଦ୍ଧାର, ଆମ୍ବତୋଟାରୁ ମିଳିଲା ଗଳିତ ମୃତଦେହ, ଗତ ୧୯ତାରିଖରୁ ନିଖୋଜ ଥିଲେ
  • ||
  • ଭୁବନେଶ୍ଵର : ୧୦ ଜଣ ସଚିବଙ୍କୁ ମିଳିଲା ୧୦ ଜିଲ୍ଲା ଦାୟିତ୍ଵ, ସ୍ଵାସ୍ଥ୍ୟ, ଶିକ୍ଷା, ଜଳଯୋଗାଣ ଆଦି ମୌଳିକ ଭିତ୍ତିଭୂମିର କରିବେ ତଦାରଖ
  • ||
  • କୋରାପୁଟ: ୭ କୋଟି ୯୦ ଲକ୍ଷ ଟଙ୍କାର ଜାଲ ନୋଟ୍ ଜବତ କଲା ପଟ୍ଟାଙ୍ଗି ପୋଲିସ, ୩ ଅଟକ
  • ||
  • ତିହିଡି: ନନ୍ଦପୁରବଜାରଠାରୁ ୨୩ ଲଷ ଟଙ୍କାର ବ୍ରାଉନ ସୁଗାର ଜବତ କଲା ପୁଲିସ
  • ||
  • ମାଲକାନଗିରି: ଘର ମାଲିକଙ୍କୁ ମିଠାରେ ନିଶାଦେଇ ଲୁଟିଲେ ଭଡାଟିଆ ଯୁବକ, ୩୫ ଲକ୍ଷ ଟଙ୍କାର ସୁନାଗହଣା ନେଇ ମାରିଲେ ଛୁ…
  • ||
  • କୋରାପୁଟ : ୭କୋଟି ୯୦ ଲକ୍ଷ ଟଙ୍କାର ଜାଲ ନୋଟ୍‌ ଜବତ , ସୁଙ୍କି ଆଉଟ୍‌ ପୋଷ୍ଟ ନିକଟରୁ ଜବତ କଲା ପଟାଙ୍ଗି ପୁଲିସ୍‌
  • ||
  • ଦେଓଗାଁ ଥାନା ଅନ୍ତର୍ଗତ କଛାରପାଲି ନିକଟରେ ରାସ୍ତା କଡ଼କୁ ଓଲଟିଲା କଣ୍ଟେନର, ଅଳ୍ପକେ ବର୍ତ୍ତିଗଲେ ଡ୍ରାଇଭର
  • ||
  • ମୟୁରଭଞ୍ଜ : ଶିଶୁ ଶ୍ରମିକ ଚାଲାଣ ବେଳେ ପୋଲିସର ଚଢାଉ, ଉଦଳା ବସଷ୍ଟାଣ୍ଡ ନିକଟରୁ ୪ ଜଣ ଶିଶୁ ଶ୍ରମିକଙ୍କୁ ଉଦ୍ଧାର କଲା ଉଦଳା ପୋଲିସ, ୨ ମହିଳା ଦଲାଲ ଅଟକ
  • ||
  • ସମ୍ୱଲପୁର ଭିସୁଟ୍‌ରେ ୨୫ କୋଭିଡ୍‌ ପଜିଟିଭ୍‌ ପ୍ରସଙ୍ଗ -ଆଣ୍ଟିଜେନ୍‌ କିଟ୍‌ ଖରାପରୁ ରିପୋର୍ଟ ପଜିଟିଭ ଆସିଥିଲା , ଏନେଇ ଏସିଏସ୍ ପ୍ରଦୀପ୍ତ ମହାପାତ୍ରଙ୍କ ସୂଚନା
  • ||

ଫେଡେରର, ସାରାପୋଭା, କର୍ବର ହାରିଲେ

ମେଲ୍‌ବୋର୍ଣ୍ଣ, ୨୦ା୧(ଏଜେନ୍ସି): ଚଳିତ ଅଷ୍ଟ୍ରେଲିଆନ୍‌ ଓପନ୍‌ ଗ୍ରାଣ୍ଡସ୍ଲାମର ସପ୍ତମ ଦିବସରେ ବଡ଼ ବିପର୍ଯ୍ୟୟ ଘଟିଛି । ଡିଫେଣ୍ଡିଂ ଚାମ୍ପିଅନ୍‌ ରୋଜର ଫେଡେରରଙ୍କ ସମେତ, ମାରିନ ସିଲିକ୍‌, ଗିଗୋର ଦିମିତ୍ରୋଭ, ମାରିଆ ସାରାପୋଭା ଓ ଆଞ୍ଜେଲିକ୍‌ କର୍ବର ପରାଜିତ ହୋଇ ଟୁର୍ଣ୍ଣାମେଣ୍ଟରୁ ବିଦାୟ ନେଇଛନ୍ତି । ୨୦ବର୍ଷିୟ ଗ୍ରୀସ ଖେଳାଳି ଷ୍ଟିଫାନୋସ ସିସିପାସ୍‌ ୨୦ଟି ଗ୍ରାଣ୍ଡସ୍ଲାମ୍‌ ଜିତି ସାରିଥିବା କିମ୍ବଦନ୍ତୀ ଖେଳାଳି ଫେଡେରରଙ୍କୁ ହରାଇ ରାତା ରାତି ଚର୍ଚ୍ଚାର କେନ୍ଦ୍ରବିନ୍ଦୁ ସାଜିଛନ୍ତି । ଅନ୍ୟମାନଙ୍କ ମଧ୍ୟରେ ଦ୍ୱିତୀୟ ସିଡ୍‌ ରାଫେଲ ନାଦାଲ, ରୋବେର୍ଟୋ ବୈତିସ୍ତା ଅଗୁଟ୍‌, ଫ୍ରାନ୍‌ସିସ୍‌ ଟିଆଫଏ, ପେଟ୍ରା ଭିଟୋଭା, ଆସଲି ବାର୍ଟି, ଡାନିଏଲା କଲିନ୍ସ ଚିତ୍ତାକର୍ଷକ ବିଜୟ ସହ କ୍ୱାର୍ଟର ଫାଇନାଲ୍‌ରେ ପ୍ରବେଶ କରିଛନ୍ତି ।ପୁରୁଷ ସିଙ୍ଗଲ୍ସ ଚତୁର୍ଥ ରାଉଣ୍ଡ୍‌ରେ ସିସିପାସ୍‌ ୬-୭(୧୧-୧୩), ୭-୬(୭-୩), ୭-୫, ୭-୬(୭-୫) ସେଟ୍‌ରେ ଫେଡେରରଙ୍କୁ ହରାଇ ବିପର୍ଯ୍ୟୟ ସୃଷ୍ଟି କରିଥିଲେ । ସପ୍ତମ ଦିବସରେ ଏହା ସବୁଠୁ ବଡ଼ ବିପର୍ଯ୍ୟୟ ରହିଥିଲା । ଗତ ବର୍ଷ ନୋଭାକ ଜୋକୋଭିକ୍‌, ଡୋମିନିକ ଥିମ, ଆଲେକଜାଣ୍ଡାର ଭେରେଭଙ୍କୁ ହରାଇ ସାରିଥିବା ସିସିପାସ୍‌ ଆଜିର ବିଜୟ ସହ ‘ଜାଏଣ୍ଟ କିଲର’ ମାନ୍ୟତା ପାଇଥିଲେ ।
ମ୍ୟାଚ୍‌ର ପ୍ରତି ସେଟ୍‌ ସଂଘର୍ଷପୂର୍ଣ୍ଣ ରହିଥିଲା । ପ୍ରଥମ ସେଟ୍‌ ୬-୬ରେ ବରାବର ହେବା ପରେ ଟାଇବ୍ରେକରରେ ଫେଡେରର ବିଜୟ ହାସଲ କରିଥିଲେ । ଦ୍ୱିତୀୟ ସେଟ୍‌ ମଧ୍ୟ ୬-୬ରେ ପହଞ୍ଚିଥିଲା । ଏଥର ସିସିପାସ୍‌ ତ୍ରୁଟି କରି ନଥିଲେ । ଟାଇବ୍ରେକର ଜିତି ସେ ଦ୍ୱିତୀୟ ସେଟ୍‌ ହାତେଇଥିଲେ । ତୃତୀୟ ସେଟ୍‌ରେ ସିସିପାସ୍‌ ଗୋଟିଏ ବ୍ରେକ୍‌ ପଏଣ୍ଟ ହାସଲ କରିଥିଲେ । ଯାହା ତାଙ୍କୁ ଅଗ୍ରଣୀରେ ସହାୟତା କରିଥିଲା । ଚତୁର୍ଥ ସେଟ୍‌ ଅନୁରୂପ ସଂଘର୍ଷପୂର୍ଣ୍ଣ ରହିଥିଲା । ଟାଇବ୍ରେକର ଜିତି ସିସିପାସ୍‌ ଇତିହାସ ରଚିଥିଲେ । ଏହି ମ୍ୟାଚ୍‌ ଜିତିବା ପାଇଁ ସିସିପାସ୍‌ଙ୍କୁ ୩ଘଣ୍ଟା ୪୫ ମିନିଟ୍‌ ଲାଗିଥିଲା । ୬ଥର ଅଷ୍ଟ୍ରେଲିଆନ୍‌ ଓପନ ଜିତି ସାରିଥିବା ଫେଡେରର ଏଥର ସପ୍ତମ ଟାଇଟଲ ଜିତି ରେକର୍ଡ ସ୍ଥାପନ କରିବାକୁ ଲକ୍ଷ୍ୟ ରଖିଥିଲେ । ହେଲେ ୨୦ବର୍ଷି ସିସିପାସ୍‌ଙ୍କ ଆକର୍ଷଣୀୟ ପ୍ରଦର୍ଶନ ଆଗରେ ଫେଲ ମାରିଥିଲେ । ୪ବର୍ଷ ପରେ ଫେଡେରର କୌଣସି ଗ୍ରାଣ୍ଡସ୍ଲାମ୍‌ର ଚତୁର୍ଥ ରାଉଣ୍ଡରୁ ବିଦାୟ ନେଇଛନ୍ତି ।
ପୁରୁଷ ବର୍ଗର ଅନ୍ୟ ଚତୁର୍ଥ ରାଉଣ୍ଡ ମୁକାବିଲାରେ ଦ୍ୱିତୀୟ ସିଡ୍‌ ନାଦାଲ ସିଧା ସଳଖ ୬-୦, ୬-୧, ୭-୬(୭-୪) ସେଟ୍‌ରେ ଟମାସ ବର୍ଦିଚ୍‌ଙ୍କୁ ହରାଇଥିଲେ । ୨ଘଣ୍ଟା ୫ ମିନିଟ୍‌ର ଏହି ମ୍ୟାଚ୍‌ରେ ନାଦାଲ ୫ଟି ବ୍ରେକ୍‌ ପଏଣ୍ଟ ହାସଲ କରିଥିଲେ । ସେହିପରି ୨୦ତମ ସିଡ୍‌ ଦିମିତ୍ରୋଭଙ୍କୁ ୭-୫, ୭-୬(୮-୬), ୬-୭୧-୭), ୭-୫ ସେଟ୍‌ରେ ହରାଇ ଆମେରିକାର ଅଣ ସିଡେଡ ଖେଳାଳି ଫ୍ରାନ୍‌ସିସ ଟିଆଫଏ ବିପର୍ଯ୍ୟୟ ସୃଷ୍ଟି କରିଥିଲେ । ଏହି ମ୍ୟାଚ୍‌ ଜିତିବା ପାଇଁ ଟିଆଫଏଙ୍କୁ ୩ଘଣ୍ଟା ୩୯ମିନିଟ୍‌ ଲାଗିଥିଲା । ୨୨ତମ ସିଡ୍‌ ଅଗୁଟ୍‌ ୩ଘଣ୍ଟା ୫୮ମିନିଟ୍‌ରତୀବ୍ର ସଂଘର୍ଷପୂର୍ଣ୍ଣ ମୁକାବିଲାରେ ଷଷ୍ଠ ସିଡ୍‌ ସିଲିକଙ୍କୁ ୬-୭(୬-୮), ୬-୩, ୬-୨, ୪-୬, ୬-୪ ସେଟ୍‌ରେ ହରାଇ କ୍ୱାର୍ଟର ଫାଇନାଲ୍‌ରେ ପ୍ରବେଶ କରିଥିଲେ । ଅଗୁଟ୍‌ ଏହି ମ୍ୟାଚ୍‌ରେ ୫ଟି ବ୍ରେକ ପଏଣ୍ଟ ହାସଲ କରିଥିଲେ ।
ପୁରୁଷ ସିଙ୍ଗଲ୍ସ ଭଳି ମହିଳା ବର୍ଗରେ ମଧ୍ୟ ବିପର୍ଯ୍ୟୟ ଦେଖିବାକୁ ମିଳିଥିଲା । ଦ୍ୱିତୀୟ ସିଡ୍‌ ଆଞ୍ଜେଲିକ୍‌ କର୍ବରଙ୍କୁ ସିଧା ସଳଖ ୦-୬, ୨-୬ ସେଟ୍‌ରେ ହରାଇ ଆମେରିକାର ଡାନିଏଲା କଲିନ୍ସ ଚର୍ଚ୍ଚାର କେନ୍ଦ୍ରବିନ୍ଦୁ ସାଜିଥିଲେ । ସେ ମାତ୍ର ୫୬ମିନିଟ୍‌ ମଧ୍ୟରେ ଏହି ମ୍ୟାଚ୍‌ ଜିତି କ୍ୱାର୍ଟର ଫାଇନାଲ୍‌ରେ ପ୍ରବେଶ କରିଥିଲେ ।
୩୦ତମ ସିଡ୍‌ ସାରାପୋଭାଙ୍କୁ ଅଷ୍ଟ୍ରେଲିଆର ଅଣସିଡେଡ୍‌ ଖେଳାଳି ଆସଲି ବାର୍ଟି ପରାସ୍ତ କରିଥିଲେ । ସେ ଏହି ମ୍ୟାଚ୍‌କୁ ୪-୬, ୬-୧, ୬-୪ ସେଟ୍‌ରେ ଜିତିଥିଲେ । ୨ଘଣ୍ଟା ୨୨ମିନିଟ୍‌ର ଲଢେଇରେ ବାର୍ଟି ୪ଟି ବ୍ରେକ୍‌ ପଏଣ୍ଟ ହାସଲ କରିଥିଲେ ।
ପଞ୍ଚମ ସିଡ୍‌ ଆମେରିକାର ସ୍ଲୋଆନେ ଷ୍ଟିଫେନ୍ସଙ୍କ ଅଭିଯାନ ଚତୁର୍ଥ ରାଉଣ୍ଡ୍‌ରୁ ଶେଷ ହୋଇଯାଇଥିଲା । ରୁଷିଆର ଆନାସ୍ତାସିଜା ପାଲ୍ୟୁଚେନ୍‌କୋଭାଙ୍କ ଠାରୁ ୬-୭(୩-୭), ୬-୩, ୬-୩ ସେଟ୍‌ରେ ହାରି ଷ୍ଟିଫେନ୍ସ ବିଦାୟ ନେଇଥିଲେ । ଏହି ମ୍ୟାଚ୍‌ ଜିତିବା ପାଇଁ ପାଲ୍ୟୁଚେନ୍‌କୋଭାଙ୍କୁ ୨ଘଣ୍ଟା ୩୨ମିନିଟ୍‌ ଲାଗିଥିଲା ।
ସିଡେଡ୍‌ ଖେଳାଳିମାନଙ୍କ ମଧ୍ୟରେ ପେଟ୍ରା ଭିଟୋଭା ସହଜ ବିଜୟ ହାସଲ କରିଥିଲେ । ଅଷ୍ଟମ ସିଡ୍‌ ଭିଟୋଭା ସିଧା ସଳଖ ୬-୨, ୬-୧ ସେଟ୍‌ରେ ଆମେରିକାର ଆମଣ୍ଡା ଆମିନିସୋଭାଙ୍କୁ ପରାସ୍ତ କରିଥିଲେ । ଏହି ମ୍ୟାଚ୍‌ ଜିତିବା ପାଇଁ ଭିଟୋଭାଙ୍କୁ ୫୯ମିନିଟ୍‌ ଲାଗିଥିଲା । ସେ ଏହି ମ୍ୟାଚ୍‌ରେ ୫ଟି ବ୍ରେକ୍‌ ପଏଣ୍ଟ ହାସଲ କରିଥିଲେ ।

ସମ୍ବନ୍ଧିତ ଖବର