PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ : ଆଜିଠାରୁ ରାଜଧାନୀରେ ଖୋଲିବ ମଲ୍, ବଜାର ଏବଂ ଦୋକାନ, ୫୦ ପ୍ରତିଶତ କ୍ଷମତାରେ ଚାଲିବ ମେଟ୍ରୋ
  • ||
  • ନୂଆଦିଲ୍ଲୀ : ଇସ୍ରାଇଲରେ ନେତ୍‌ନ୍ୟାହୁଙ୍କ ଯୁଗ ଶେଷ, ନଫତାଲୀ ବେନେଟ୍ ହେଲେ ନୂଆ ପ୍ରଧାନମନ୍ତ୍ରୀ
  • ||
  • ଭୁବନେଶ୍ୱର : ରଜ ପାଇଁ ଓଟିଡିସି ଆରମ୍ଭ କଲା ‘ପିଠା ଅନ୍‌ ହ୍ୱିଲ୍‌’, ଭୁବନେଶ୍ୱର ସହ ସମ୍ବଲପୁର ଓ କଟକରେ ମିଳିବ ପିଠା
  • ||
  • ବଅଁରପାଳ : ସୁନାର ସଂସାରକୁ ଛାରଖାର କରିଦେଲା କରୋନା, ଆଗପଛ ହୋଇ ଚାଲିଗଲେ ପୁଅ-ବୋହୂ ଓ ମା, ଅନାଥ ହୋଇଗଲା ୧୪ ମାସର ଶିଶୁପୁତ୍ର
  • ||
  • ପୁରୀ : ଆଜି ଶ୍ରୀମନ୍ଦିରରେ କନ୍ୟା ଚୋରି ନୀତି
  • ||
  • ଭୁବନେଶ୍ୱର : ଆଜି ପହିଲି ରଜ, ଗାଁଠାରୁ ସହର ସବୁଠି ଜମୁଛି ପିଠାପଣାର ଆସର
  • ||
  • ଭୁବନେଶ୍ୱର : ସାରା ରାଜ୍ୟକୁ ଛୁଇଁଲା ମୌସୁମୀ, ଆହୁରି ଦୁଇଦିନ ସ୍ୱଳ୍ପରୁ ମଧ୍ୟମ ବର୍ଷା ସମ୍ଭାବନା, ୧୫ ପର୍ଯ୍ୟନ୍ତ ଧୀବରଙ୍କୁ ସମୁଦ୍ର ମନା
  • ||

ପଞ୍ଚମ ପଢିଥିବା ବ୍ୟକ୍ତି ଭଡାଘରେ ଏଭଳି ଛାପୁଥିଲା ନକଲି ନୋଟ୍,ଧରାହେବା ପରେ ଜଣାପଡିଲା କଳାକାରନାମା

ଲକ୍ଷ୍ନୌ,୭।୯: ଉତ୍ତର ପ୍ରଦେଶର ଆଗ୍ରାର ଶହୀଦ ନଗର(ସଦର)ରେ ଏକ ଭଡା ଘର ଭିତରେ ୧୦୦ ଟଙ୍କିଆ ନକଲି ନୋଟ୍ ଛପା ଯାଉଥିବା ନେଇ ସୂଚନା ମିଳିଛି। ଏସିଟିଏଫ୍ ଆଗ୍ରା ୟୁନିଟ୍ ଗ୍ୟାଙ୍ଗର ମୁଖ୍ୟ ସହିତ ୫ ଜଣଙ୍କୁ ଗିରଫ କରିଛି। ଗିରଫ ପରେ ଜଣାପଡିଛି ଏହି ଗ୍ୟାଙ୍ଗର ମୁଖ୍ୟ ମାତ୍ର ୫ ଶ୍ରେଣୀ ପର୍ଯ୍ୟନ୍ତ ପଢିଛି, କିନ୍ତୁ ସେ ନିଜର ବୁଦ୍ଧି ଲଗାଇ ଏହି ନକଲି ନୋଟ୍ କାରବାର କରୁଥିଲା। ୧୦୦ ଟଙ୍କିଆ ନୋଟ୍ ବିଡାକୁ ଚଳାଇବା ପାଇଁ ସେ ଲୋକଙ୍କୁ ୫ହଜାର ଟଙ୍କା ଦେଉଥିଲା। ଜୁବ ଏବଂ ସଟ୍ଟାବଜାରରେ ଏହି ନକଲି ନୋଟର ଖୁବ୍ ଡିମାଣ୍ଡ ରହିଥିଲା ଅଭିଯୁକ୍ତଙ୍କ ପାଖରେ ୩୫ ହଜାର ଟଙ୍କାର ନକଲି ନୋଟ୍ ଜବତ କରାଯାଇଛି।

ଏସଟିଏଫ ଆଗ୍ରା ୟୁନିଟ୍କୁ ଖବର ମିଳିଥିଲା ଯେ, ସହରରେ ଏକ ଗ୍ୟାଙ୍ଗ ସକ୍ରିୟ ହୋଇଛି। ଶହେ ଟଙ୍କାର ନକଲି ନୋଟ୍ ଛାପୁଚି। ବଜାରରେ ଶହେ ଟଙ୍କାର ନୋଟ୍ କେହି ଚେକ୍ କରିକି ନିଅନ୍ତି ନାହିଁ। ତେଣୁ ଏହି ଗ୍ୟାଙ୍ଗ ପୁରୁଣା ଶହେ ଟଙ୍କିଆ ନୋଟ୍ ଛାପିବା ଆରମ୍ଭ କରିଦେଇଥିଲା। ଗୋଟେ ୧୦୦ ଟଙ୍କିଆ ନୋଟ୍ ଛାପିବାକୁ ତାଙ୍କୁ ୮ ଟଙ୍କା ଖର୍ଚ୍ଚ କରିବାକୁ ପଡୁଥିଲା। ୧୦୦ ଟଙ୍କିଆ ନୋଟର ବିଡା ୧୦ ହଜାର ଟଙ୍କାର ହୋଇଥିବା ବେଳେ ଏହାକୁ ବିକ୍ରି କରିବାକୁ ସେ ଲୋକଙ୍କୁ ୫ ହଜାର ଟଙ୍କା ଦେଉଥିଲା। ତା ଠାରୁ କିଣିବା ଲୋକ ମଧ୍ୟ ସିଧାସଳଖ ଭାବରେ ୫ ହଜାର ଟଙ୍କାର ଫାଇଦା ପାଉଥିଲେ। ଗୋଟେ ନୋଟ୍ ଛାପିବାକୁ ସେମାନଙ୍କୁ ୪ରୁ ୫ ମିନିଟ୍ ସମୟ ଲାଗୁଥିଲା।

ନକଲି ନୋଟ୍ ସହିତ ପ୍ରିଣ୍ଟର ଉଦ୍ଧାର କରାଯାଇଛି ବୋଲି ଏସଟିଏଫ୍ ପକ୍ଷରୁ କୁହାଯାଇଛି।  ଗିରଫ ଅଭିଯୁକ୍ତଙ୍କ ଭିତରେ ଶିବମ୍ ତୋମର, ଓମକାର ଝା, ଅବଧେଶ ସଭିତା, ସୁନିଲ ସିଂସୋଦିଆ ଓ ଲାଖନ ରହିଛି। ଏହି ଗ୍ୟାଙ୍ଗର ମୁଖ୍ୟ ଥିଲା ଶିବମ ତୋମର, ସେ ସମସ୍ତଙ୍କୁ ନୋଟ୍ ଛାପିବା କାମ୍ ଶିଖାଉଥିଲା।