PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୭୩୪ ପଜେଟିଭ୍
  • ||
  • ନୀଳଗିରି : ମାଡ଼ିଆସୁଛନ୍ତି ନୀଳଗିରି ଆଡକୁ ଝାଡ଼ଖଣ୍ଡ ହାତୀ, ଚାଷୀ ଆତଙ୍କିତ
  • ||
  • କଳାହାଣ୍ଡି : ପୋଖରୀରେ ବୁଡି ୨ ଶିଶୁ ମୃତ
  • ||
  • ଜଳେଶ୍ଵର : ବିପଦ ସଂକେତ ଉପରେ ପ୍ରବାହିତ ହେଉଛି ଜଳକା, ବନ୍ୟା ପାଣି ଘେରରେ ୧୦ରୁ ଉର୍ଦ୍ଧ୍ଵ ଗ୍ରାମ
  • ||
  • ଲମତାପୁଟ : ଅଟୋରୁ ୧୦ ଲକ୍ଷ ଟଙ୍କାର ଗଞ୍ଜେଇ ଜବତ, ଗାଡି ଛାଡି ୨ ମାଫିଆ ଫେରାର୍
  • ||

‘ବିଜୁବାବୁ’ର ଡିଜିଟାଲ ପୋଷ୍ଟର ରିଲିଜ୍‌

ଭୁବନେଶ୍ୱର, ୨୦ ।୨(ବ୍ୟୁରୋ): ବହୁ ପ୍ରତୀକ୍ଷିତ ଓଡ଼ିଆ ଚଳଚ୍ଚିତ୍ର ‘ବିଜୁବାବୁ’ର ଡିଜିଟାଲ ପୋଷ୍ଟର ବୁଧବାର ମୁକ୍ତିଲାଭ କରିଛି । ଚଳଚ୍ଚିତ୍ରରେ ଅଭିନେତା ଅନୁଭବ ମହାନ୍ତି ମୁଖ୍ୟ ଭୂମିକାରେ ଅଭିନୟ କରିବେ । ତାଙ୍କ ବିପକ୍ଷରେ ଅଭିନେତ୍ରୀ ସୁପ୍ରିୟା ନାୟକ ନଜରକୁ ଆସିବେ । ପଦ୍ମଶ୍ରୀ ନୀଳମାଧବ ପଣ୍ଡା, ଏଲିଆନୋରା ଇମେଜେସ୍‌, ଅକ୍ଷୟ ପରିଜା ପ୍ରଡକ୍ସନ୍‌ ଓ ପ୍ରକାଶ ଫିଲ୍ମସ୍‌ର ପ୍ରଯୋଜନାରେ ନିର୍ମିତ ଏହି ଫିଲ୍ମରେ ଦେବୀ ପ୍ରସାଦ ଲେଙ୍କା ଓ ଭିସାଲ ମୌର୍ଯ୍ୟ ନିର୍ଦ୍ଦେଶନା ଦେଇଛନ୍ତି । ଫିଲ୍ମଟିର ସହ ପ୍ରଯୋଜନା ଦେଇଛନ୍ତି ମାନବ ରଥ, ବର୍ଣ୍ଣାଳୀ ରଥ ଓ ଅନୁଜ ତ୍ୟାଗୀ । ଚଳଚ୍ଚିତ୍ରରେ ୫ଟି ଗୀତ ରହିଛି । ଯାହାର ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ପ୍ରେମାନନ୍ଦ । ଖଣ୍ଡଗିରି ସ୍ଥିତ ସାରସ୍ୱତ ଷ୍ଟୁଡିଓରେ ଏହାର ଲାଇଭ ସଙ୍ଗ ରେକର୍ଡିଂ କରାଯାଇଛି । ଆସନ୍ତା ଉତ୍କଳ ଦିବସ ଅବସରରେ ଏହି ଚଳଚ୍ଚିତ୍ରଟିକୁ ଓଡ଼ିଶାବାସୀଙ୍କୁ ଉପହାର ଆକାରରେ ପ୍ରଦାନ କରାଯିବାର ଲକ୍ଷ୍ୟ ରଖାଯାଇଛି ।
ଏହି ଅବସରରେ ଚଳଚ୍ଚିତ୍ରର ପ୍ରଯୋଜକ ନୀଳମାଧବ ପଣ୍ଡା କହିଛନ୍ତି ଯେ ଓଡ଼ିଶାରେ ଜନ୍ମ ନେଇ ମୁଁ ଗର୍ବିତ । ବିଜୁବାବୁ ସିନେମା ମାଧ୍ୟମରେ ଓଡ଼ିଶା ଲାଗି କିଛି କରିବାର ସୁଯୋଗ ମୋ ଲାଗି ଗୌରବର କଥା । ଆସନ୍ତା ଉତ୍କଳ ଦିବସ ଅବସରରେ ଓଡ଼ିଶାର ଜନ ସାଧାରଣଙ୍କୁ ନେଇ ଆମେ ଏହି ଚଳଚ୍ଚିତ୍ର କରୁଛୁ । ସିନେମାଟିରେ ଓଡ଼ିଶାର ଜାତୀୟ ଜୀବନ ଓ ଜାତୀୟତାବୋଧତାର ଚିତ୍ର ନିଶ୍ଚୟ ରହିବ । ଓଡ଼ିଶାର ପ୍ରବାଦ ପୁରୁଷ ବିଜୁବାବୁଙ୍କ ଜୀବନର ସବୁଠାରୁ ସୁନ୍ଦର ଆଦର୍ଶ ଏଥିରେ କଳାତ୍ମକ ଭାବେ ପରିଦର୍ଶିତ ହେବ । ଏହି ଅବସରରେ ସଙ୍ଗୀତ ନିର୍ଦ୍ଦେଶକ ପ୍ରେମାନନ୍ଦ କହିଛନ୍ତି ଏଥିରେ ସମୁଦାୟ ୫ଟି ଗୀତ ରହିଛି । ଯେଉଁଥିରେ ହ୍ୟୁମାନସାଗର, ଆଶୁତୋଷ, ଦିପ୍ତିରେଖାଙ୍କ ଭଳି କଣ୍ଠଶିଳ୍ପୀମାନେ କଣ୍ଠଦାନ କରିଛନ୍ତି । ଆମେ ଆଶା କରୁଛୁ ଯେ ଏଗୁଡିକ ଦର୍ଶକଙ୍କ ହୃଦୟକୁ ଛୁଇଁବ ।