PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୪ ରାଜ୍ୟସଭା ଆସନ ପାଇଁ ବିଜେଡିର ପ୍ରାର୍ଥୀ ଘୋଷଣା : ପୁଣି ରାଜ୍ୟସଭା ଯିବେ ସସ୍ମିତ ପାତ୍ର, ୩ ନୂଆ ମୁହଁଙ୍କୁ ସୁଯୋଗ
  • ||
  • ଭୁବନେଶ୍ଵର : କେରଳ ଛୁଇଁଲା ମୌସୁମୀ ବାୟୁ
  • ||
  • ନେପାଳରେ ଯାତ୍ରୀବାହୀ ବିମାନ ତାରା ଏୟାର ୯ NAET ର ମିଳୁନି ପତ୍ତା , ୪ ଭାରତୀୟଙ୍କ ସମେତ ୧୯ ଯାତ୍ରୀ ଥିବା ସୂଚନା
  • ||
  • ବ୍ରହ୍ମପୁର : ସନ୍ଧ୍ୟାବେଳେ ବେଳାଭୂମିରେ ବସିଥିବା ବେଳେ ମୁଣ୍ଡ ଉପରେ ପଡ଼ିଲା ଚଡ଼କ, ଛାତ୍ର ମୃତ ଛାତ୍ରୀ ଗୁରୁତର
  • ||
  • ବିଶ୍ୱର ସବୁଠୁ ବଡ଼ କ୍ରିକେଟ ଷ୍ଟାଡ଼ିୟମ୍‌ରେ ଖେଳା ଯିବ ଆଇପିଏଲ ୨୦୨୨ ଫାଇନାଲ
  • ||
  • ଆନନ୍ଦପୁର : ଝରକା ଗ୍ରୀଲ୍ ଭାଙ୍ଗି ଶିକ୍ଷକଙ୍କ ଘରେ କଳାକନା ବୁଲାଇଦେଲେ ଦୁର୍ବୃତ୍ତ, ୧୫ ଭରି ସୁନାଅଳଙ୍କାର ସହ ନଗଦ ୫୨ ହଜାର ଟଙ୍କା ଲୁଟ୍
  • ||
  • ସୋର : ଗୋରୁ ବୋଝେଇ କଣ୍ଟେନର ଜବତ, ୪୦ ରୁ ଉର୍ଦ୍ଧ୍ଵ ଗୋରୁ ଉଦ୍ଧାର, ୧୧ ଗିରଫ
  • ||
  • ସମାନ ନାଗରିକ ସଂହିତା ଲାଗୁ କରିବା ପ୍ରସ୍ତୁତିରେ ମୋଦି ସରକାର , ପ୍ରଥମେ ଉତ୍ତରାଖଣ୍ଡରେ ଏହି ଆଇନ୍‌ ଲାଗୁ କରାଯିବାର ଅଭ୍ୟାସ ଆରମ୍ଭ କରାଯାଇଛି
  • ||
  • ଗୁଜରାଟରେ ବଡ଼ ବିଜୟର ପ୍ରସ୍ତୁତିରେ ବିଜେପି , କଂଗ୍ରେସ ଦୁର୍ବଳତାର ବି ମିଳିବ ଫାଇଦା
  • ||

୩୦ରେ ଓଡ଼ିଆ ଫିଲ୍ମ ଫେୟାର ଆୱାର୍ଡ: ଉତ୍ତମ ମହାନ୍ତିଙ୍କୁ ଜୀବନବ୍ୟାପୀ ସାଧନା ପୁରସ୍କାର

ଭୁବନେଶ୍ୱର,୨୪ା୩(ବ୍ୟୁରୋ): ମାର୍ଚ୍ଚ ୩୦ରେ ପ୍ରଦର୍ଶନୀ ପଡ଼ିଆ ପରିସରରେ ଅନୁଷ୍ଠିତ ହେବାକୁ ଯାଉଛି ୯ମ ରୁଚି ଓଡ଼ିଆ ଫିଲ୍ମ ଫେୟାର ଆୱାର୍ଡ । ଯେଉଁଥିରେ ଚଳିତ ବର୍ଷ ୨୬ଟି ଭିନ୍ନ ଭିନ୍ନ ବର୍ଗରେ ପୁରସ୍କାର ପ୍ରଦାନ କରାଯିବ । ତେବେ ଚଳଚ୍ଚିତ୍ର ଜଗତ ପ୍ରତି ନିଜର ଉତ୍ସର୍ଗୀକୃତ ସେବା ପାଇଁ ବର୍ଷିୟାନ ଅଭିନେତା ଉତ୍ତମ ମହାନ୍ତିଙ୍କୁ ଜୀବନ ବ୍ୟାପୀ ସାଧନା ପୁରସ୍କାର ପ୍ରଦାନ କରାଯିବ । ପୁରସ୍କାର ସ୍ୱରୂପ ତାଙ୍କୁ ୨୫ ହଜାର ଟଙ୍କା ଅର୍ଥରାଶି ସହ ‘ଓଫା’ ଟ୍ରଫି ଓ ଉତ୍ତରୀୟ ପ୍ରଦାନ କରାଯିବ ବୋଲି ଓଫାର ଅଧ୍ୟକ୍ଷ ତଥା ଏହାର ପ୍ରତିଷ୍ଠାତା ଉଲ୍ଲାସ ଚନ୍ଦ୍ର ବେହୁରା ସୂଚନା ଦେଇଛନ୍ତି । ଏନେଇ ରବିବାର ହ୍ୱାଇଟ କାନ୍‌ଭାସ୍‌ ଆନୁକୁଲ୍ୟରେ ସ୍ଥାନୀୟ ହୋଟେଲରେ ଏକ ସାମ୍ବାଦିକ ସମ୍ମିଳନୀ ଆୟୋଜିତ ହୋଇଯାଇଛି । ଏ ବାବଦରେ ଅଧିକ ସୂଚନା ଦେଇ ‘ଓଫା’ର ସଭାପତି ବାପୁ ଲେଙ୍କା କହିଛନ୍ତି ଚଳିତ ବର୍ଷ ଓଫାର ମୁଖ୍ୟ ଆକର୍ଷଣ ସାଜିବେ ବଲିଉଡର କମେଡିକିଙ୍ଗ ଜନି ଲିଭର ଓ ମିସ୍‌ ଏସିଆ ବିଜୟିନୀ ନିବେଦିତା ବିଶ୍ୱାଳ ।

ଏହି ଅବସରରେ ହେବାକୁ ଥିବା ସାଂସ୍କୃତିକ କାର୍ଯ୍ୟକ୍ରମରେ ଆନ୍ତର୍ଜାତିକ ଖ୍ୟାତି ସମ୍ପନ୍ନ ନୃତ୍ୟାନୁଷ୍ଠାନ ଫେଟ୍‌ ଫାଇଟର୍ସ, ସିଜ୍‌ଲର୍ସ ଓ ଓଲିଉଡର ଅନେକ ପ୍ରତିଷ୍ଠିତ ଯୁବ ଅଭିନେତା ଓ ଅଭିନେତ୍ରୀମାନେ ଯୋଗଦେବେ । ଏଥିରେ ଦର୍ଶକଙ୍କ ପାଇଁ ନିଶୁଳ୍କ ପାସ୍‌ର ବ୍ୟବସ୍ଥା କରାଯାଇଛି । ଏହାଛଡା ଇ-ନ୍ୟୁଜ୍‌, ବ୍ରାଣ୍ଡ ଫ୍ୟାକ୍ଟ୍ରି ଓ ପ୍ରଦର୍ଶନୀ ପଡିଆରେ ମଧ୍ୟ ପାସ୍‌ ଉପଲବ୍ଧ ହେବ । ‘ଓଫା’ର ଆବାହକ ଡ ମନୋଜ କୁମାର ଦାଶ କହିଥିଲେ ୨୦୧୦ରେ ଓଡ଼ିଆ ଚଳଚ୍ଚିତ୍ର ଯେତେବେଳେ ୭୫ ବର୍ଷରେ ପଦାର୍ପଣ କରିଥିଲା ସେତେବେଳେ ପ୍ରଥମଥର ପାଇଁ ଓଲିଉଡର କଳାକାରମାନଙ୍କୁ ଉତ୍ସାହିତ କରିବା ପାଇଁ ଏଭଳି ଏକ ପୁରସ୍କାର ପ୍ରଦାନ ଉତ୍ସବର ଆୟୋଜନ
କରାଯାଇଥିଲା । ପ୍ରଥମ ବର୍ଷ ୩୦ ଜଣ ସାଧକଙ୍କୁ ସମ୍ମାନିତ କରାଯାଇଥିଲା । ପ୍ରତି ବର୍ଷ ୨୬ଟି ଭିନ୍ନ ଭିନ୍ନ ବିଭାଗରେ ପୁରସ୍କାର ପ୍ରଦାନ କରାଯାଉଥିବା ବେଳେ ସିନେମା ହଲ୍‌ର ମାଲିକମାନଙ୍କୁ ଉତ୍ସାହିତ କରିବା ପାଇଁ ପ୍ରଚ୍ଛଦପଟ୍ଟରେ ରହୁଥିବା ଡବିଂ ଆର୍ଟିଷ୍ଟ, ସ୍ପଟ୍‌ବୟ, ମେକ୍‌ଅପ୍‌ ମ୍ୟାନ ଆଦି କଳାକାରଙ୍କୁ ପୁରସ୍କୃତ କରାଯାଇଥାଏ ।

ତେବେ ଚଳିତ ବର୍ଷ ପ୍ରଥମ ଥର ପାଇଁ ଜଣେ ମହିଳା କମେଡିଆନ୍‌ଙ୍କୁ ପୁରସ୍କୃତ କରାଯିବ ବୋଲି ‘ଓଫା’ର ନିର୍ଦ୍ଦେଶକ ଅମୃତ ରଞ୍ଜନ ଦାଶ ପ୍ରକାଶ କରିଛନ୍ତି । କେବଳ ଯେ ପୁରସ୍କାର, ନାଚ, ଗୀତକୁ ଓଫା ପ୍ରଧାନ୍ୟ ଦେଇଛି ତା ନୁହେଁ ବରଂ ବିଭିନ୍ନ ସମୟରେ ସାମାଜିକ କାର୍ଯ୍ୟକ୍ରମକୁ ଅଗ୍ରାଧିକାର ଦେଇଛି । ପ୍ରତିବର୍ଷ କର୍କଟ ପୀଡିତ ଶିଶୁମାନଙ୍କୁ ଆର୍ଥିକ ସହାୟତା ପ୍ରଦାନ କରିବା ସହ ସେମାନଙ୍କ ପାଇଁ ଏକ ସ୍ୱତନ୍ତ୍ର କାର୍ଯ୍ୟକ୍ରମ ପରିବେଷଣ କରି ଆସୁଛି ‘ଓଫା’ ବୋଲି ନିର୍ଦ୍ଦେଶକ ଜ୍ଞାନରଞ୍ଜନ ରାୟ ପ୍ରକାଶ କରିଛନ୍ତି । ଆୟୋଜିତ ସାମ୍ବାଦିକ ସମ୍ମିଳନୀରେ ‘ରୁଚି’ର ପରିଚାଳନା ନିର୍ଦ୍ଦେଶକ ଡ ଶରତ କୁମାର ସାହୁ, ‘ଓଫା’ର ଉପଦେଷ୍ଟା ବିଭୂତି ନାୟକ, ମାନସ ରଞ୍ଜନ କର, ଶୁଭେନ୍ଦୁ ଦାସ, ଅଜୟ କୁମାର ସ୍ୱାଇଁଙ୍କ ସମେତ ‘ଓଫା’ର ସଦସ୍ୟମାନେ ଉପସ୍ଥିତ ଥିଲେ ।